رد: فوق هام السحب ( الشعر الشعبي) على متن القوافي
 

‏ياعظيمة وأنتِ الأشياء الجديدة والقديمة
‏وأنتِ اللي لو تصد الأرض ماصدَيت عنها

‏وأنتِ أشجع الإنتصارات وملذات الهزيمة
‏وأنتِ اللي وين ما لقِيت قلبي قال عَنها

‏وأنتِ أعجوبة زمان الشاعر اللي هَلّ ديمة
‏وأرتوت جدب القصايد لين صح الله بدنها

.....

رد: فوق هام السحب ( الشعر الشعبي) على متن القوافي
 

‏أنا مشتاق أسولف لك واعيد الماضي اللي راح
‏مادام الحاضر اللي فيه حنّا ما اهتنينا به

‏حبيبي كل هالدنيا تعب ما احدٍ بها مرتاح
‏سوى المشتاق مثلي راحته في شوفة أحبابه

‏يموت الليل في وجه الصباح ويضحك الذباح
‏وانا في صبح وجهك تضحك عيوني وتحيا به

.....

رد: فوق هام السحب ( الشعر الشعبي) على متن القوافي
 

يموت الليل في وجه الصباح ويضحك الذبّاح
‏وأنا في صبح وجهك تضحك عيوني وتحيا به

.....

رد: فوق هام السحب ( الشعر الشعبي) على متن القوافي
 

‏مشتاق لك يانور عيني من الناس
‏شوق كثر ماقلت ماينوصف لك
‏
‏انت الغلا وانت الهوى وانت الانفاس
‏بوح المشاعر كلها تنجرف لك

.....

رد: فوق هام السحب ( الشعر الشعبي) على متن القوافي
 

ياكثر ماتطري علينا الطواري
باحلامنا وقلوبنا بكل الاوقات

نجامل العالم غصب ونجاري
واعصابنا بكل ديرة لها اشتات

وكلام يوصلنا من الصدق عاري
لكن عسفنا نفوسنا للمسرات

.....

رد: فوق هام السحب ( الشعر الشعبي) على متن القوافي
 

الاصيله لا تفكر في زعلها
تحفظك لاغبت وتشيل الثقال

مهرتن ما تلتفت للي سالها
بنت شيخ تتعب عيون الرجال

.....

رد: فوق هام السحب ( الشعر الشعبي) على متن القوافي
 

بنت الشيوخ الي تشرف عربها
مهره اصيله راسها دوم مرفوع

هي الاصيله من عرفها حسبها
تخضع جزيلات القصايد لها طوع

.....

رد: فوق هام السحب ( الشعر الشعبي) على متن القوافي
 

ان جيتني بالطيب جيتك بالطيب
وان جيتني بالشين جيتك بالزين

طبعي نِقي ماجازي العيب بالعيب
وقلبي وفي ومانبض يوم بالشين

.....

رد: فوق هام السحب ( الشعر الشعبي) على متن القوافي
 

ياهداية قلب كنت أخشى ضياعه
‏جيتني مثل السعة من بعد ضيقه

‏ماقدرت أكبح شعوري واندفاعه
‏خاطري مُرهف وأحاسيسي رقيقه

‏عاشقك ماله على الصبر استطاعه
‏كل ماجا يلثم الورد ورحيقه

‏ان قدر يصبر لجل لقياك ساعه
‏ماقدر يصبر على بُعدك دقيقه

....

رد: فوق هام السحب ( الشعر الشعبي) على متن القوافي
 

‏يامساء الخير يا أحلى مساء
يامساء البرد وأنغام الشتاء

يامساء الورد وأنفاس المساء
يامساء الشهد من دون إكتفاء

يا مساء الحب نبدء هالمساء
مع رحيق الورد غنوا يامساء

.....

رد: فوق هام السحب ( الشعر الشعبي) على متن القوافي
 

صوتك مخارج حروفك ضحكك إسلوبك*
ما أشوفها تسليه أشوفها سلوه

سوالفك كنها في سمع محبوبك
ابيات حلوه وصارت أغنيه حلوه

.....

رد: فوق هام السحب ( الشعر الشعبي) على متن القوافي
 

يستريح الليل في عتمة جديلك ويتهنى
‏وإن تمرد ماخذا إلا من بياض العنق شامه

‏قلت أهز الجذع مره مادريت انه تثنى
‏لين طاحت من عناقيدك مواعيد وغمامه

‏جيت منا والجروح المستديمه جات منا
‏عارف ان الخوف مابعده تياسير وسلامه

.....

رد: فوق هام السحب ( الشعر الشعبي) على متن القوافي
 

وش عاد يرضيك ياللي ماكفاك الدلال
‏شرّعت لرضاك كل ابوابي المؤصده

‏ذابت بقايا فؤادي فوق جمرة تعال
‏ماتدري ان الحنين يفتت الأفئده

.....

رد: فوق هام السحب ( الشعر الشعبي) على متن القوافي
 

‏لاضاقـت بعينك قل الحمد لله
‏حمدٍ يليق بكبر فضله وجوده

‏الحمد للي ماتعدد عطاياه
‏والشكر للي من شكر له يزوده

.....

رد: فوق هام السحب ( الشعر الشعبي) على متن القوافي
 

‏إن طالت الدنيا وجيناك زوار
إحفظ عهود الود ياكامل الزين

وإن حالت الأيام دونك والأقدار
من عادة الدنيا فراق المحبين

.....

رد: فوق هام السحب ( الشعر الشعبي) على متن القوافي
 

ولا لي بالبشر غاية ولا لي بالثرى أوتاد
خفوقي حر وأتبع مايعز النفس وأرضيها

ولا مني عشقت أعشق شبيهي لو هواه جهاد
وأعاف اللي تذلل بالمحبة من بلاويها

.....

رد: فوق هام السحب ( الشعر الشعبي) على متن القوافي
 

‏ماحنّا على ضيقتك يالاجودي دارين
‏لاصارت بدون اسباب عساك ماترضى

‏ترانا يادوب نجامل العالم الصاحين
‏تبينا بعد انجامل العالم المرضى

.....

رد: فوق هام السحب ( الشعر الشعبي) على متن القوافي
 

خذني معك وانا على السد مامون
واعطيك من فلذات قلبي رتاعه

وارفق بقلبي ياحبيبي على الهون
وحيٍ يودك ياريش العين راعه

.....

رد: فوق هام السحب ( الشعر الشعبي) على متن القوافي
 

‏دايم على الخاطر تجي مثل الامطار
كنك تعرف اني من الشوق ظامي

انا فرشت القلب لك ورد وأزهار
وأنت بغلاتك أخذت كل أهتمامي

.....

رد: فوق هام السحب ( الشعر الشعبي) على متن القوافي
 

عسى الله يجملني مع طيبين الفال
وعسى سمعتي بالخير يارب مذكوره

.....

رد: فوق هام السحب ( الشعر الشعبي) على متن القوافي
 

‏والله أنّ أموت ما جاك من عندي بوار
‏خل في قلبك ثقة والثقة كنز الضمير

‏خذ كلام اللي يشوفك بعين الاعتبار
‏واحدٍ مـا لك بقلبه ولا عقله خشير

‏والمحبة مدرسة شي ثبوت وشي فرار
‏وأنت درسي مع هل الحب الأول والأخير

.....

رد: فوق هام السحب ( الشعر الشعبي) على متن القوافي
 

ماكل زولاََ يشبه الروح وأغليه
بعض البشر تبداه بكلمة كفايه

نسقي ورود الحب والشوق نعطيه
للغالي اللي مانبي له نهايه

يسكن حنايا الروح ولو غاب نبكيه
لانه عديل الروح وللنفس غايه

.....

رد: فوق هام السحب ( الشعر الشعبي) على متن القوافي
 

ياطير شيل الود وإحساسي الذوق
‏وصّل عديل الروح حرفي وقله

‏يسعد مساءه كثر مابي من الشوق
‏ياللي غلاك أكبر من الكون كله

.....

رد: فوق هام السحب ( الشعر الشعبي) على متن القوافي
 

توددت لك وأنت المدى واخر الأحباب
‏ياوجهٍ إلى من طلّ يستدرِك جروحي

‏أحبك من الماضي واحاوِلك بدون إسهاب
‏إذا صبك الماء شفت في ضحكتك دوحي

‏وتمرّ الليالي والمشاريه والأصحاب
‏وعسى طلَّتك ماتسرق النوّر من روحي

‏أنا اعرفك لو أفتح لجيتك مية باب
‏تبي تأخذ أحبابك وتتركني بروحي

.....

رد: فوق هام السحب ( الشعر الشعبي) على متن القوافي
 

‏بلاش من الزعل ومن الجفا ومن الشعور الشاك
‏مادام أن المشاعر واضحه فعيون راعيها

‏تقول أنك معي وأقول ياجعل الغياب فداك
‏أجل غيبتك عني هالليالي وش تسميها

.....

رد: فوق هام السحب ( الشعر الشعبي) على متن القوافي
 

‏جمع ربي سكينة خافقي في وجهك المزيون
‏ ياوجهٍ كل ما أشوفه يمدّ الله في عمري

.....

رد: فوق هام السحب ( الشعر الشعبي) على متن القوافي
 

عن البال ماراحت طواريك لجل تعود
‏مثل كل ليلة طيش مرَّت على تايب

‏طبيعي بأن الناس تستشعر الموجود
‏وأنا أستشعرك موجود وأستشعرك غايب

.....

رد: فوق هام السحب ( الشعر الشعبي) على متن القوافي
 

رجيتك وصال وشاب راسي وأنا راجيك
‏تراك السبب في حزن كبدي وغربالي
‏ㅤ
‏علام الظنون الطيبه يوم خابت فيك
‏تحد المدامع لأشهب اللال والصالي
‏ㅤ
‏ترا قلبي العابر قبل خيبته شاريك
‏طواه الحزن واقفى مع هجعة السالي

.....

رد: فوق هام السحب ( الشعر الشعبي) على متن القوافي
 

توقّد في ترايبك الذهب واشعل لهيب الشوق
‏يضاهيك الذهب لكن وصوفك من يضاهيها

‏حبيبي كانت أحبك كلام وتسليّة مخنوق
‏أحبك ذيك ماهي مثل هذي هذي أعنيها

‏تدلّل للدلال اللي مثل هذا علّي حقوق
‏من اللي تزعل عيونك عليه وما يراضيها

.....

رد: فوق هام السحب ( الشعر الشعبي) على متن القوافي
 

‏مراتعها السحاب وما يشابه رقّته واللون
‏لها في الأرض جرّه غير جرة آدم وحوّا

‏وكاد إن الحظيظ اللي تحبه ماهو بمغبون
‏أبعرف يوم حبّت آدمي وشلون وش سوّا

.....

رد: فوق هام السحب ( الشعر الشعبي) على متن القوافي
 

أنا ماعطيتك شي عادي عطيتك قلب
‏بعد مادعيت إن الله يجيبك وجابك

‏على إعجابك تقوم المحبّة وينبت حُب
‏ياسبحان من علّق شعوري ورا إعجابك

‏ماجات المحبّة لين شفتك علاج وطب
‏لي أيام وأنا أتابعك وأدخل حسابك

.....

رد: فوق هام السحب ( الشعر الشعبي) على متن القوافي
 

‏أجاهد غيابه والطواري وضيق البال
‏وأردد عسى مايكره خاطري خيره
‏
‏ولـكن غلاه بكل حالٍ من الاحوال
‏عذاب الخفوق الصعب وأجمل مقاديره
‏
‏عليه السلام وخالص الود والاجلال
‏وعلي الهيام أخفيه ويلوح تأثيره

.....

رد: فوق هام السحب ( الشعر الشعبي) على متن القوافي
 

ردّ لي كل السنين الأوّله او رد جوفي
‏طالبك لاتترك أيّامي تشردها القطيعه

‏إن تركت كتاب ضحكاتك على عاتق رفوفي
‏ماقدرت تردّ قلب ٍ جفّف التغرِيب رِيعه

‏أنت نورك يكفي إنه ينسج الضحكه لشوفي
‏والله إنّه أجمل بـواجد من أحداث الطبيعه

.....

رد: فوق هام السحب ( الشعر الشعبي) على متن القوافي
 

ضاقت علي الجهات وحلم عمري كليف
‏واستبسل الضيق لين أوقد بصدري لضى

‏أشعر بغربه من الواقع واحسه مخيف
‏من عقب ماكانت الدنيا بعيني فضى

‏متسربل الخوف بالظلما وعل الرفيف
‏يردني للسعاده مثل رد القضى

‏حصون حلمي تهاوت يالطموح المنيف
‏فالليله اللي نسايمها لهيب الغضى

.....

رد: فوق هام السحب ( الشعر الشعبي) على متن القوافي
 

‏خلوني اوسّع الخاطر بنظم البيوت
واجاوب اللي تنوح وتسجع ابصوتها

فالصدر ضيقة غياب وبعد الاحباب موت
وعيني من اغياب خلّي شايفه موتها

.....

رد: فوق هام السحب ( الشعر الشعبي) على متن القوافي
 

سقت عمري دون وجهك والحزن ولّت سنينه
‏ بين ضحكات الدروب وبين نشوات الهقاوي

‏من عرفتك وأنت محراب الشعور وقبلتينه
‏ يتجّه لك كل حس ويهتدي بك كل غاوي

.....

رد: فوق هام السحب ( الشعر الشعبي) على متن القوافي
 

‏يا أعظم من بقى يلمح بوجهي نوري الوقّاد
‏تعال أسرقني من سُخف الحياة وعالمٍ فاضي

‏على ماتشتهي خذني ولا تشاورني وتنقاد
‏قِدم رجليك لو مهما تودّيني أنا راضي

‏توسّدني وطن لو ماوسع صدرك فضاء وبلاد
‏أنا كل الدروب اللي تخلّت عنك فالماضي

.....

رد: فوق هام السحب ( الشعر الشعبي) على متن القوافي
 

‏ارسم الفرحه على وجهٍ من الآمال خالي
‏والفرح على بساط الحزن حزن بحد ذاته
‏
‏مستحيل ترجّع الدنيا مكانة شخص غالي
‏ساعة إنّه طاح من عيني مثل ساعة وفاته

.....

رد: فوق هام السحب ( الشعر الشعبي) على متن القوافي
 

هلابـك هلا يالنـادر المتـرف الجـذاب
‏ترحـيب قلبـي فيـك من قبـل ترحابـي

‏غلبت الهـوى فتره لكـن الهـوى غـلاب
‏تمـادى ووقـف في طريقـي وأنـا مابـي

‏دخلت فـ حياتي عرض من أوسع الأبواب
‏وأنـا للـحبـايـب مـانـي مـشـرع أبـوابـي

‏عيونك قصيد وبسمتـك تخطف الألباب
‏وكلامك جميل وحكمتك حكمة اعرابـي

.....

رد: فوق هام السحب ( الشعر الشعبي) على متن القوافي
 

‏أستحيت من المشاريه ومعاتب جفاك
‏وأقتنعت إن الغلا مايجي عرض وطلب

‏قلت أصدّ بكل حبي وتعظيمة غلاك
‏قبل أصدّ بقلب عايف وحالٍ منقلب

.....