رد: فوق هام السحب ( الشعر الشعبي) على متن القوافي
 

أحنه من الدنيا و أحبه نقا و أغليه
‏وهو بالغلا عندي يجي بعد شيباني

‏واداريه حتى من النسانيس لا توذيه
‏واخصه بدعواتي لاصليت وانساني

‏له عهود قلبي تالي الوقت وماضيه
‏ما ابدل مكانه لو يقفي ويجفاني

‏بعوّد على العزله واردد قصيدي فيه
‏وهو لو قسى وقته بيرجع ويلقاني

......

رد: فوق هام السحب ( الشعر الشعبي) على متن القوافي
 

‏يداعــب الشـــــوق قلبي كل ماتطري
او مــر طيفـــك على بالــي ووجداني

ويِحــرق الشـوق قلبي وانت ماتدري
وتلهــــب النار فـــي نبضي وشرياني

ياغايــــب ايام عـن عيني نفذ صبري
البُعد متعـــب وكثــر البعد اشقاني

ياليت يامغرمـي وتكــون في صدري
وتطفي الشوق اللي بالصدر اضناني

......

رد: فوق هام السحب ( الشعر الشعبي) على متن القوافي
 

‏اضحك ومن شاف الضحك قال مرتاح
وامرح ومن شاف المرح قال سالي

مايدري انـي ضحكتي ضحكت اجراح
ومايدري ان المزح من ضيق حالي

يااهل العيـون الحاسده وضعنا طاح
ماعاد بقــــي للراحـه ايت مجالي

الوضع حطــم داخلــــي كل الافراح
والياس حطــم داخلـــي مابقالي


......

رد: فوق هام السحب ( الشعر الشعبي) على متن القوافي
 

‏حبيبي و ان تمادت بك ظنونك تتبع المجهول
تكلم قبل لا تلعب خيوط الشك بـ أفكارك

أحبك و العمر مرّة و أحبك والسنين فصول
وإذا كان العمر يرجع باحبك و ارجع اختارك

تشوف الأرض لو جنّة ملوها الناس عرض وطول
تركت الناس والجنة وراي و عشت في نارك


......

رد: فوق هام السحب ( الشعر الشعبي) على متن القوافي
 

‏تعال قبل الوّرد يذبل والسهر عينه تنام
قبل تجف الـ مرحبا وتموت بلسانيَ هلا

ترىّ عزيز النفس لامن عاف ، عاف بلا كلام
والله لو أنه وطن .. ماعاد له حبَ وولا

ماينتهيّ كثر الغلا .. إلا بقل الأهتمام
وإن جيتني بعدين مالك لا حضوَر ولا غلا


......

رد: فوق هام السحب ( الشعر الشعبي) على متن القوافي
 

‏ليش؟ البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق


......

رد: فوق هام السحب ( الشعر الشعبي) على متن القوافي
 

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي


......

رد: فوق هام السحب ( الشعر الشعبي) على متن القوافي
 

‏لاتكابــر شـــوف لك نظــــره وعدي
ماعلى النظــره على اشعاري حساب

ادخــل اقـــراء ماكتــب قلبي بيدي
من قصايد شــوق واشعــار العتاب

كلها لك وانت مقصــودي وقصدي
وانت تدري بــس ما تعطـي جواب

طبعك القاسـي حـرق قلبي وكبدي
وذقت منه الويل واصناف العذاب

......

رد: فوق هام السحب ( الشعر الشعبي) على متن القوافي
 

ياللي على شان معكازي تبين لي
رجلي على حالها وأنا على حالي

والكسر ما هوب في رجلي علي كلّي
وانت السبب في الغرابيل اول وتالي

تكفي مراسيلنا العجلات ي خلي
عن مخذ الأخبار والا شوف الازوالي

قلبي وقلبك توصّلك وترسلك لي
والله انها اشد من موجات الارسالي

ردن سلامي عليك وجن وقالن لّي
انك ترحب وانا في خاطرك غالي

ليت الغرابيل جتني من عدو لّي
إن ما تقاضيت والا بيتقاضى لي

لكن من واحداً ذكره .. غناة لي
ما زلت أحبه وابا احبه ولا ابالي

لا مر طرق بخدراته سلام لّي
كنّه يسلم علي بصوته العالي

خلوني اسج عن موضوعه احسن لي
ولا الغلا والله ان يبطي وهو غالي


سعد بن جدلان

رد: فوق هام السحب ( الشعر الشعبي) على متن القوافي
 

‏صراحــــه انتـه شــــي نادر لقيته
كلك على بعضك على الناس تفرق

كنك بذوقـــــك والجمال اعتليته
واخذت مـن زين الدلع كل منطق

حقيقــه اللي شفــت منك وريته
خلانــي اتمناك واهواك واعشق

والله ورب البيـت فيــك اكتفيته
وحلمي بوصـلك يا حياتي تحقق

......