رد: فوق هام السحب ( الشعر الشعبي) على متن القوافي
 

‏عاتبيني لين أحس إني من الأعذار عاري
‏ولين أحس الصمت يغلبني وأنا أعذاري سمينه

‏وإجرحيني دام أنا راضي وجرحك بإختياري
‏الجروح أحيان ينبت في طرفها ياسمينه

‏ولا ضوت ذكراك قالوا وين رايح قلت ساري
‏ليله منتي بقمرها ما تغشاها السكينه

.....

رد: فوق هام السحب ( الشعر الشعبي) على متن القوافي
 

لقيته في متاهات السنين وطحت بين يديه
‏مطيح اللي بعين اطيب عياله شاف حقرانه
‏
محمد العذبه

رد: فوق هام السحب ( الشعر الشعبي) على متن القوافي
 

‏معك ياحلو الشعور ومعك ياحلو السوالف
‏لاضحكت بسبّة ولامن ضحكت بدون سبة

‏أنت يوم الأرض مليانة سواليف ومواقف
‏دلّك الله الكلام اللي أفكّر به وأحبّه

.....

رد: فوق هام السحب ( الشعر الشعبي) على متن القوافي
 

‏والله ما أمل مشاهد عيونك وانا طبعي ملول
‏لعيونك اخذ مـن طواريق القصيد عيونها

‏حنا بدينا القصه اللي ماتصدقها العقول
‏وانتي غديتي عامريتها وانا مجنونها

‏انا طريح النظره اللي في نهايتها خمول
‏تمكنت بين الضلوع ودكت اللي دونها

.....

رد: فوق هام السحب ( الشعر الشعبي) على متن القوافي
 

جيت صوبك لاشعورياً وأنا يوم أتعنى
ما أتعنى غير للي جعل تِفداه المسافه

امنياتي كلها وجهك وأنا كيف اتمنى
غير وجهك وأنت وجهك من يشوفه مايعافه

.....

رد: فوق هام السحب ( الشعر الشعبي) على متن القوافي
 

سكنتك بقلبي ولاحد حواليك
وحطيت لك بوسط قلبي مكانه

مغليك من بد المخاليق مغليك
واصون حبك مثل صون الامانه

.....

رد: فوق هام السحب ( الشعر الشعبي) على متن القوافي
 

انت الشعور الصادق وغيرك سراب
وانت المقرّ الثابت وغيرك ممر

غلاك بضلوعي تربّع لين ذاب
يفوح مثل العود من فوق الجمر

يا أغلى البشر وجهك علاج الإكتئاب
ومْواصلك مثل السحاب المنّهمر

حتى ولو قلبي شَعر بالإغتراب
انت الوطن واجمل ملذّات العمر

.....

رد: فوق هام السحب ( الشعر الشعبي) على متن القوافي
 

‏الغايب اللي غاب لابد نلقاه
‏مير البلا من غاب تحت النصايب

‏يالله ترحم كل غاليٍ فقدناه
‏وبرحمتك تنجيه حر اللهايب

رد: فوق هام السحب ( الشعر الشعبي) على متن القوافي
 

‏عليك من الضيا والنور ليلٍ يحتري ملفاك
‏وروحٍ عانقت حضن الرجا في بردها العاتي

‏ذرى عن كل مايوحش مكانٍ خاطره لقياك
‏سرى عن كل همٍ مايضيم الا مع سباتي

‏ورى ذيك النجوم الحايرة من مبسم محيّاك
‏عذوب المنطق اللي لاحكى يخطفني من ذاتي

.....

رد: فوق هام السحب ( الشعر الشعبي) على متن القوافي
 

أعيشك تناقض بين ضحكة وصدرٍ غلق
‏تبسّام وجهي من سواياك وش يعني

‏وش الي يخليني على قُرب مثلك شفق
‏وأنا الي جمعني فيك ماعاد يجمعني

....

رد: فوق هام السحب ( الشعر الشعبي) على متن القوافي
 

انتي بوجهي من الدنيا لايلحقك خوف
‏مصيرها تضحك الدنيا لنا لو تضيق
‏
‏مادامني حي حطيني بوجه الظروف
‏انا الابو والاخو وانا الولد والصديق

.....

رد: فوق هام السحب ( الشعر الشعبي) على متن القوافي
 

سامرت طيفك على ضوٍ تواقد سناه
وثنتين لا جات مع طاريك يازينها

النار ملح الشتا والبرد ملح الحياه
وأنتي حياة القلوب اللي تمرينها

.....

رد: فوق هام السحب ( الشعر الشعبي) على متن القوافي
 

خاطري ماهو بطيب ولامرتاح بال
والعرب معاد لي شفٍ في منطوقها

أتظاهر بالسعاده وأقول الحال عال
والا أنا ضايقٍ والأخلاق طايحٍ سوقها

.....

رد: فوق هام السحب ( الشعر الشعبي) على متن القوافي
 

لولا الحياء وعاداتنا والتقاليد
وسلومنا واطباع جدك وجدي

لاقول احبك واعترف للاجاويد
ولاهمني من عارض اليوم ردي

واجيك انا كلي بليا مواعيد
تمد لي يمناك وامد يدي

وتضحك لنا الدنيا ونرجع مواليد
ننسى زمان كان ضدك وضدي

.....

رد: فوق هام السحب ( الشعر الشعبي) على متن القوافي
 

عملت لك منشور ونشرت هشتاق
خايف یبيت الشوق خارج دیارة

ياساكن أعماق أنا حيل مشتاق
وعقلي من الأشواق خارج إطاره

إحساس قلبي يرتجي ضمة إعناق
ولا غير شوفك من يطفي نياره

.....

رد: فوق هام السحب ( الشعر الشعبي) على متن القوافي
 

‏تعال أحطك في خفوقي وأغطيك
‏وأكتب على الخفاق ممنوع الإزعاج
‏
‏وأسمّعك نبض المحبة يسليك
‏صوت الغرام الّلي له الروح تحتاج
‏
‏وإذاغشاك النوم في جوف غاليك
‏خليت لك قلب الغلا فرش ديباج

.....

رد: فوق هام السحب ( الشعر الشعبي) على متن القوافي
 

لك من عطور الشعر ماينعش الروح
‏ولك من مواجيب الغلا نبض واحساس

‏ولك في خفوقي بيت مازال مفتوح
‏مايسكنه غير انت يانقوة الناس


.....

رد: فوق هام السحب ( الشعر الشعبي) على متن القوافي
 

‏أرضى إذا وقتك سمح لي على طول
‏وان ماسمح في كل الأحوال راضي

‏أصير فاضي كل ماصرت مشغول
‏وتصير شغلي كل ماصرت فاضي

.....

رد: فوق هام السحب ( الشعر الشعبي) على متن القوافي
 

‏يالغلا في طلّتك تضوي سماك
ابتديتك حب والله ما انتهيك

وفي حياتي ماعرفت الا هواك
كل ماغبتِ عن العين احتريك

.....

رد: فوق هام السحب ( الشعر الشعبي) على متن القوافي
 

التغاضي والقناعه والرضى بانواعه
‏لانقص وحده بنفس الادمي كدرها

‏طـع مباديك وروض نفسـك الطماعه
‏وقلل الهقوات فالعالم ولا تحقرها

‏والزمن لازين ظروفك لمدة ساعه
‏عش مع الساعه ليالي كامله تذكرها

.....

رد: فوق هام السحب ( الشعر الشعبي) على متن القوافي
 

‌‏أبيك مثل الورد في الروح مزروع
والروح والاحساس والنفس بيتك

أبيك مثل النور في العين مطبوع
وأنظرك يوم أشتاق شوفك فديتك

أبيك مثل الطير له صوت مسموع
صوتك يداعب مسمعي لو بغيتك

.....

رد: فوق هام السحب ( الشعر الشعبي) على متن القوافي
 

‏تعيش داخل ضلوعي سيرة الراحلين
‏والكلمه الصامته والضحكه الزايفه

‏يا نايفه والعمر من دون وصلك حزين
‏لا تتركيني مع الايام يا نايفه

.....

رد: فوق هام السحب ( الشعر الشعبي) على متن القوافي
 

ولا زلت أحبك وأدري إنك اهم أشياي
‏وأشوفك أمان كل ما أحتجته أجي له

‏ليا أشتقت لك والأرض راحت قصيد وناي
‏ياصبر المحب ليا بكى من مواويله

‏لو أمشي على الماء لاذكرتك نبت ماطاي
‏خزامى وورد وكل وادي درج سيله

‏عسى باقيٍ لي معك ضحكه ترد رضاي
‏ولي عمر مهما فاتني معك باقي له

.....

رد: فوق هام السحب ( الشعر الشعبي) على متن القوافي
 

تحدني حدة الديّان من مده
واجيك واروح متغاضي ومتغابي

ماودي اجرب القدره على الصده
اخاف لا اقدر على الصده وانا مابي

.....

رد: فوق هام السحب ( الشعر الشعبي) على متن القوافي
 

مايهمّ العُمر لامنّه وقف لعيون غالي
‏كيف عاد أسوق لك عمري سحاب ولا تخيله

‏ردّني لأيامك الصلفات لازاد إنعزالي
‏آه ياذل السؤال إن صار ما في اليد حيله

‏ليش أميل لضحكتك وأكسِر لطارفك إعتدالي
‏وأتمنّى خنجرك وابدأ نهارك وأنتهي له

.....

رد: فوق هام السحب ( الشعر الشعبي) على متن القوافي
 

ليلةٍ فيها البراد مغلف أسوار المدينة
‏والحزن قلّط بقايا الشوق بالصدر وتحفّى

‏من رجف قلبه عليك وبيّنت رجفة يدينه
‏لو يحط من الحطب فوق اللهايب ماتدفّى

‏خايف إن أسعد ليالينا بقت ذكرى حزينة
‏والكلام اللي أنولد في ساعة فراقك توفّى

.....

رد: فوق هام السحب ( الشعر الشعبي) على متن القوافي
 

بخل فيك الزمان وجادت جداد الطواري فيك
‏تساهرني وأنا ماني على كثر السهر ضاري

‏ياليت أيامك اللي تاخذك تاخذ معك طاريك
‏إذا ما جابتك الأيام ليه يجيبك الطاري

.....

رد: فوق هام السحب ( الشعر الشعبي) على متن القوافي
 

العمر يبدأ منك ونهايته فيك
خذني جروح بروح من داك لدواك

اذكرك أدلك ماعرف*كيف الاقيك
أسمعك اشوفك بس ادورك مالقاك

مرات اشوفك في منامي واناجيك
وليا فتحت عيوني الليل خباك

.....

رد: فوق هام السحب ( الشعر الشعبي) على متن القوافي
 

دنياك هذي كل ابوها مصالح
من وين ماودك تمصلح تمصلح

أما يجي مصلح ولد عم صالح
ولا يجي صالح ولد عم مصلح

ياهادي ماحدن بدنياه فالح
اللي سلم من هم الايام مفلح

‏أنا شربت البحر والبحر مالح
والبحر نعرف ماه لو كان يمدح

ياهل المناصب والرتب والمشالح
أنا بلا منصب ورتبه ومشلح

لقيت مشلح جالسن جنب شالح
واشوف شالح ماوده شوف مشلح

.....

رد: فوق هام السحب ( الشعر الشعبي) على متن القوافي
 

تعالي نملي الدنيا خطاوي وآخذك وأعطيك
‏على كثر الليال المُظلمه ماغيّبت شمسي

‏نجوب الارض بين الناس ويديني تجوب يديك
‏عطيني احرميني عاتبيني إرفقي إقسي

‏خذيني عيّشيني في طقوسك واشغليني فيك
‏أنا ملّيت لي فوق السنه مشغول في نفسي

.....

رد: فوق هام السحب ( الشعر الشعبي) على متن القوافي
 

زينها ينتشّي ورد الخزام
هي تشِم العطر والا العطر يشمهَا

ميمي السبيعي

رد: فوق هام السحب ( الشعر الشعبي) على متن القوافي
 

‏شف مكانك في مكانن عن العالم دفين
‏في مكانن من وراء مثل عيدان الجريد

‏مكرمن حبك وله ف الحشا سمن وسمين
‏يقدع من الحال واصبله بن الوريد

‏افتضحت من الهواجيس بك فالمسلمين
‏كل من سولف علي قلت له وش قلت عيد

.....

رد: فوق هام السحب ( الشعر الشعبي) على متن القوافي
 

‏عادتك ما تترك لغيرك مجال
‏يختفون الكل اذا نجمك لمع

‏يضربون بنورك الطاغي مثال
‏منزلك عالي وشانك مرتفع

.....

رد: فوق هام السحب ( الشعر الشعبي) على متن القوافي
 

ياطاغي الأفكار يانبرة الشوق
صمتك مدينه للعيون وهدبها

تربعي فالقلب مامعك مخلوق
كانك وحيده نادره في عربها

.....

رد: فوق هام السحب ( الشعر الشعبي) على متن القوافي
 

الغايب اللي بحبي فاضت شجونه
‏الله يعجل مجيّه والله يعقله

‏تشرب ليال المفارق دمعة عيونه
‏والذكريات الجميلة ماكله عقله

‏الحب حمله على الكذاب يا هونه
‏ولا على اللي يحب بصدق يا ثقله

.....

رد: فوق هام السحب ( الشعر الشعبي) على متن القوافي
 

‏خاطري يستقبل جروح ويودّع جروح
‏والوداع أقسى على القلب من ضرب الرصاص

‏يوم تسبق دمعة العين تكفى لاتروح
‏كنّي إللي يطلب العفو من حكم القصاص

.....

رد: فوق هام السحب ( الشعر الشعبي) على متن القوافي
 

فرشت لك قلب مايملك بدونك قرار
‏يملك معاك أرض شاسعةٍ مساحاتها

‏خليني أسكن عيونك وامنحيني جوار
‏واهديك الأشعار وتصيرين مولاتها

‏للخالـق آيات بالدنيا ومنها النّهار
‏وانتي مابين البنات آيٰه من آياتها

.....

رد: فوق هام السحب ( الشعر الشعبي) على متن القوافي
 

‏أحبّك كثر ما قالوا هَنيك ياخلي البال
‏وأحبّك كثر ما أخفيتك عن رُبوعي وعذالي

‏حفظتك سِر مايظهر على العالم ولا ينقال
‏زرعتك بين تنهيد الضلوع وبين غربالي

‏لك الله مال غيرك فالحَنايا والضمير ظلال
‏أقرب من قريب الخلق وأقرب لي من ظلالي

.....

رد: فوق هام السحب ( الشعر الشعبي) على متن القوافي
 

‏تمنّا من أنصاف المشاكل تجيب أقصاي
‏وأنا أرجع من أكبر مشكله رجعة السّايح

‏لاتتعب تطاول واحدٍ مثلي وشراوي
‏مادام إني أطول من وقوفك وأنا طايح

‏تحسّف على الرايح وتحسب حساب الجاي
‏وأنا ماحسبت حساب للجاي والرايح

.....

رد: فوق هام السحب ( الشعر الشعبي) على متن القوافي
 

‏بعيونك اقرأ شوق ما يشبهه شي
‏وبانفاسك أحيا لو زماني جفاني

‏مشتاق اضمك وأزرع النور والضي
‏بأركان صدري وأعزفك لي أغاني

‏يكفي بوجودك أشعر إني معك حي
‏عطني وصالك عفت دونك زماني

.....