رد: فوق هام السحب ( الشعر الشعبي) على متن القوافي
 

ماهقيت الوقت يجبرني وانا صدري شمالي
‏بين خيبات الظنون وغيّهب الليل وهجاده

‏سامحيني لاتمادت غيبتي يا راس مالي
‏كل صدرٍ له رحاب وكل راسٍ له قناده

‏من تذرا فالليال البيض عن سود الليالي
‏عزتيله يوم وادع بيضه وصافح سواده

.....

رد: فوق هام السحب ( الشعر الشعبي) على متن القوافي
 

‏ذخرتك للشقى صدرٍ يكفيني عن الباقين
‏وذخرتك للمدى هقوه تشتت كل ضيقاتي

‏أنا ياضحكة سنين الزمان وكل علمٍ زين
‏تركت الناس متعمد وعليك أسوق هقواتي

.....

رد: فوق هام السحب ( الشعر الشعبي) على متن القوافي
 

درّةٍ بانت إلين استسمح البدر وجبينه
‏العذر منها وقفّى يوم فكّت له حلاها

‏جات تمشي كنها تسأل تقول الزين وينه
‏يوم صار الليل مجدولٍ تفلّه من وراها

‏لو يناظرها من استأمن بدعوة والدينه
‏تنحبس نفسه ليامن وقفت عنده وجاها

.....

رد: فوق هام السحب ( الشعر الشعبي) على متن القوافي
 

وش يرّد بهجة خاطري والعيون تشوف
‏سنين المُنى ولّت وحلم الحياة أقفى

‏مشاعر كثيرة دافية تحضن الملهوف
‏ولا فيه من جبر الخواطر شعور أدفى

‏ولا فيه رحلة ما غشاها شعور الخوف
‏ولا فيه من بعد السكينة شعور أصفى

‏ولا فيه عند الوافي أندى من المعروف
‏ولا فيه من رد الجمايل شعور أوفى

.....

رد: فوق هام السحب ( الشعر الشعبي) على متن القوافي
 

‏تروح مْن السنين أقسى السنين وينولد ترحاب
‏إذا شفتك و حسّيت الليالي معك محفوفة

‏أضيق و معك تتيسر ظروف وينفتح لي باب
‏ورحاب الارض تاتيني على البيبان مصفوفة

‏وهبك الله إلى قلبٍ ماخاف من الزمان شجاب
‏مدام إنْك الحبيب اللي لغيرك العين معيوفة

.....

رد: فوق هام السحب ( الشعر الشعبي) على متن القوافي
 

يامعشم خاطري معك بكبار الشفوف
‏راحت الدنيا مراح السنين الخاليه

‏كان لي عندك معزه ولي منك معروف
‏سلّني مع سلوة أهل القلوب الساليه

‏ولا تكلمني على عزة النفس العيوف
‏والله إن نفسي مثل ما أنت غالي غاليه

.....

رد: فوق هام السحب ( الشعر الشعبي) على متن القوافي
 

عليك الغلا والشوق ينساق لك بإهدار
‏أساس المشاعر انت ياسيّد اشواقي

‏فدا طلّتك قدامي الدار واهل الدار
‏ابيع العمر كلّه فدا حْضورك الراقي

‏أنا كلّما شفتك نبت فاضلوع ازهار
‏دخيل العيون الناعسه ترخي وثاقي

‏وش الحب لولا طلةٍ تخطف الانظار
‏من المبسم الآسر مغيبي ومشراقي

.....

رد: فوق هام السحب ( الشعر الشعبي) على متن القوافي
 

من دافع الشوق لا صار الكلام بحياء
‏وشلون اقول المدى طول وانا فاقدك

‏إعذرني أصارحك في علم ما به رياء
‏ياللي على اللي يكنّه قلبي معاهدك

‏اقوّي النفس بان الصبر للاقوياء
‏وفي وجيه خلق الله اليا مرّوا أشاهدك

.....

رد: فوق هام السحب ( الشعر الشعبي) على متن القوافي
 

‏ياكل حبي والمشاعر والإحساس
يارغبتي ياغايتي يا منايا

أنت الحلى والذوق ياعدم الأجناس
يامنبع الراحة ومعكم هنايا

أنته لنا مثل الهوى وسط الأنفاس
وقربك سوات الماء وبعدك ضمايا

هذا شعور اللي يحبك على ساس
صادق لسان أخلص لكم بالنوايا

.....

رد: فوق هام السحب ( الشعر الشعبي) على متن القوافي
 

‏ترى لا حاتيتك شعوري طبيعي
لايستفزك كبرياك الدفاعي

الله جعل قربك هواي وربيعي
وبيدك مجاديفي وبيدك شراعي

تاخذ بعض مني وتترك جميعي
كنك تعلقني وتلوي ذراعي

وداعتك قلبي وقلبك وديعي
وبتموت ما شافت عيونك وداعي

اذا غرامك هو بداية مضيعي
انا سعيد اني مكمل ضياعي

.....

رد: فوق هام السحب ( الشعر الشعبي) على متن القوافي
 

‏احبك خل احبك غير احبك شي مدري شلون
اقوله وإلا احبك كلمةٍ فالحب عاديّه

على عرش الجمال أنت المليك اللي مثل فرعون
وانا ماني رسولٍ له عصاةٍ تنقلب حيه

تسلهم بالعيون اللي لو الله ماخلقها عيون
هقيت إن البحر تحت الرموش يدور الفيه

.....

رد: فوق هام السحب ( الشعر الشعبي) على متن القوافي
 

لك في حنايا القلب معزوفة نغم
‏ولك في زوايا الروح همسات الحنين

‏ولك في تراتيل العمر حب وكرم
‏ولك في كفوف الود تقبيل الجبين

.....

رد: فوق هام السحب ( الشعر الشعبي) على متن القوافي
 

‏راج فكري بريضان الخيال الوسيعه
ولا دفعه في مراجه غير كثر الطواري

لين حطت لي بالشعر بصمه بديعه
يستلذون فيها بين كاتب وقاري

.....

رد: فوق هام السحب ( الشعر الشعبي) على متن القوافي
 

‏مابقى لك في مشاويري مسافه
اعتقد حنا وصلنا للأخير

الندم والعذر ودموع الحسافه
مالها قيمه بعد موت الضمير

البحر هادي وتغرينا ضفافه
بس لاهاج البحر موجه غزير

خايف مْن البُعد لالا لاتخافه
لاتخاف البُعد وأحبابك كثير

اشكر احساسك على قل الكلافه
ياكبيرٍ طحت من عيني صغير

.....

رد: فوق هام السحب ( الشعر الشعبي) على متن القوافي
 

‏سلام لك يـابعـد حـبي
القلب شرعـت بيبـانـه

من دلة الشوق لي صبي
ان كان دلتـك مليــانه

يا نسـمـة احبابنـا هبّي
مشتاق للورد واغصانه

من يوم جيتي على دربي
غنى لك الـقلب بالحانه

اليـوم حبك شلع قلـبي
قطـع عروقـه وشريانـه

يالله يالله ياربـي
تلطف بقلبي وحبانه

.....

رد: فوق هام السحب ( الشعر الشعبي) على متن القوافي
 

‏الرفيق الكفو نغليه ونجله
والجناب الدمث مانرخص مقامه

ومن تغطرس يقعد يسار ونزله
وانتغطرس معه من باب الصرامة

بعض الأحيان التواضع فيه ذلة
والغرور أحيان من حفظ الكرامة

.....

رد: فوق هام السحب ( الشعر الشعبي) على متن القوافي
 

‏يالله لطفك وسترٍ ماغنى عنه
وانك الى الخير ترشدنا وتهدينا

والرحمه والعتق من نارك الى جنه
وانك تحقق لـنا غايت امانينا

انت الذي لا عطى يعطي بلا منه
كريم ذو الجود لا امتدت ايادينا

يامن لعبده مجيب ولا خلف ظنه
احفظ بلادي وزلزل من يعادينا

بقلمي

رد: فوق هام السحب ( الشعر الشعبي) على متن القوافي
 

‏ياهيه قل للوله يخشى على دمه
ناديت وصلك الين انبح به صوتي

دام المشاعر بوصلك حيل مهتمه
وانت الذي في خفوقك قلتلي فوتي
خلك من الصدفيني اشواق ملتمه
ببحر بعينك قبل اصدمك ببهوتي

ارفق بحالي عرفتك عالي الهمه
ماهي بحاله اعاني الشوق مكبوتي

.....

رد: فوق هام السحب ( الشعر الشعبي) على متن القوافي
 

‏قـدرك الـلي رفـعته فـوق عـيني وراسي
مـاتزعزع ظـروف الـوقت والناس قدرك

غـيرك ايـمر عـابر وانـت ثـابت وأساسي
وان تـكدّرت لحظه جيت اشاركك كدرك

ابـتـعـد عـــن كــلام الـنـقل والإقـتـباسي
غيمة احساس صبت وبلها وسط صدرك

.....

رد: فوق هام السحب ( الشعر الشعبي) على متن القوافي
 

‏حيّا الله اللي رضاها يسعد اعماقي
تفهم وش اللي يسرّ القلب وافهمها

الفلسفه والترف والمستوى الراقي
والمعرفه والذكا سبحان ملهمها

يفزّ معها الفكر والحرف واوراقي
لين اقطف الشِعر من يدها ومن فمها

.....

رد: فوق هام السحب ( الشعر الشعبي) على متن القوافي
 

‏تستغرب اني أعدي لك ومتغاضي
أنا من الوقت قبل أعرفك متعلم

أشياء واجد تضايقني وأنا راضي
على رغم قوتي أسكت ولا أتكلم

أكثر إنسان مايحكي عن الماضي
هو أكثر إنسان من ماضيه يتألم

.....

رد: فوق هام السحب ( الشعر الشعبي) على متن القوافي
 

‏متى على الله تجيني ياغرامي واجيك
الشوق ماله عن القلب المعنا عزل

كانك تبى تغيب علمني وانا بحتريك
قلبي ليا حب دايم فالمحبه جزل

يحق لك يوم مالك وسط قلبي شريك
تسرح وتمرح ولاتحسب حساب وتزل

أحاول اكتب قصيد عتاب وازعل عليك
واذكر عيونك واخليها قصايد غزل

.....

رد: فوق هام السحب ( الشعر الشعبي) على متن القوافي
 

‏غلطان من دوّر رضا مرخصينه
طرد السراب ولا غدير المقفّين

.....

رد: فوق هام السحب ( الشعر الشعبي) على متن القوافي
 

‏صحيح الهوى مايثّر الا على راعيه
وجريح المحبّه تكشفه من حركاته

يبيّن عليه الحزن لو حاول يخفيه
ان ما بيّن بوجهه يبيّن على ابياته

يواسيه من مر بمعاناته الي فيه
ويضحك عليه اللي ماعانا معاناته

عسى من يلوم العاشق اللي فقد غاليه
تحده ظروف الوقت و يسوي سواته

.....

رد: فوق هام السحب ( الشعر الشعبي) على متن القوافي
 

‏صـحيح انـا هـادي وطـبعي كتومي
وعــن الـمـناقش راحـتـي مـشتريها

وان كان تبغى تعرف ابسط حلومي
ابـنـي بـيـوت الـشعر واعـيش فـيها

وبـعطيك نـبذه عـن تـفاصيل يومي
امـسي عـلى ذكـراك واصـبح عـليها

.....

رد: فوق هام السحب ( الشعر الشعبي) على متن القوافي
 

‏شفتك غـلا شفتك حلا شفتك إعجاب
شفتك عن العربان لي جـو هـادي

لامن جلست بوحدتي شـوق وعتاب
شفتك تفـاصيل البشر في فــؤادي

.....

رد: فوق هام السحب ( الشعر الشعبي) على متن القوافي
 

‏الزبده انك اغلى مخلوق واطيّب شريك
وجمعت طبّع الحبيب ومغريات الخوي

ياجعلني ما اخسر حبّك ولا اعتاض فيك
ولا اخلى من غلاك وشوقك الفوضّوي

.....

رد: فوق هام السحب ( الشعر الشعبي) على متن القوافي
 

لو كان غيرك في عيوني جواهر
انتي الدرر وانتي ضياها وماها

يامهجة اللي فيك هايم وشاعر
صبي وسط وجدان قلبي نداها

واستلهميني فكرة شعور زاهر
يسمومابين ضلوع صدرك دفاها

.....

رد: فوق هام السحب ( الشعر الشعبي) على متن القوافي
 

‏زحمة أفكاري ضروري تستثير إحساسي
‏وتقطع حْبال الهدوء وسجّة المتعايش

‏والله ان العالم اللي عايشٍ في راسي
‏ازحم من العالم اللي فيه راسي عايش

.....

رد: فوق هام السحب ( الشعر الشعبي) على متن القوافي
 

‏أبعرف كيف خلّيت الحنين يصافح الأهداب
‏يسهرّني إلين إني أنادي وما تحس فيني

‏أنادي لك أبي تسمع وليلي من حنيني شاب
‏أنادي لك أبي ترجع بلحظه كنت تحيّيني

‏ورحت أغفى وأنا فيني حنين وسالفه وعتاب
‏أنوّم جرحك بصدري ويجي طيفك يصحّيني

.....

رد: فوق هام السحب ( الشعر الشعبي) على متن القوافي
 

‏عزاي إني رغم شدَّة وضوحي ماعشقت إلَّاك
‏لَكنْ اللي سرقني عن عيونك شدَّة وضوحي

‏حبيبي وش مصير الشعر لولا طلَّة محيَّاك
‏دخيل الله لاتقتل هواي وتجرَح مزوحي

‏تخيّرتك وأنا ماني بجاهل وجهك ومبداك
‏أشوفك ديرةٍ ضمَّت مداي ونصف من روحي

.....

رد: فوق هام السحب ( الشعر الشعبي) على متن القوافي
 

‏حنيني عليك من الوله حنت المقهور
‏وانا مجري الهياب والقوم ممنها

‏ماشفت اكثر العشاق في غيبتك جمهور
‏قصيدي عليك من الوله صار يشحنها

.....

رد: فوق هام السحب ( الشعر الشعبي) على متن القوافي
 

‏يارفيق الذكريات ويا شريك فؤادي
‏كل ظنً فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت اخيط فتوقه

‏ايييه يالبيه ياموتي ويا ميلادي
‏جعل حزنً مرني ماتونسه وتذوقه

.....

رد: فوق هام السحب ( الشعر الشعبي) على متن القوافي
 

يوم راحوا مني ومني خذوا محبوبي
‏ولا تركوه الا بعد ما اعتاض قلبي عنه

‏قلت وش وداك معهم قال سود دروبي
‏قلت وش رجّعك منهم دنّق وقال إنه

‏كنت غالي عندهم لكنهم ضحّوا بي
‏مثل من ضحّى بغالي لجل الاغلى منّه

.....

رد: فوق هام السحب ( الشعر الشعبي) على متن القوافي
 

ماينكتب شعر بليا مشاعر
ولا ينكتب بيت بلا صدق واحساس

صحيح بين الناس مليون شاعر
لكن قليل اللي عجب شعره الناس

.....

رد: فوق هام السحب ( الشعر الشعبي) على متن القوافي
 

لاتشكي اللي تعاني منه وتذوقه
صرنا بعصر الفضا والهاتف اللوحي

الولد في عالمه والبنت مخنوقه
كلما تقله باروح يقول لها روحي

.....

رد: فوق هام السحب ( الشعر الشعبي) على متن القوافي
 

وّد الفقير انك تشيله جنازه
ولا يدور حاجةٍ ما ضمنها

.....

رد: فوق هام السحب ( الشعر الشعبي) على متن القوافي
 

لك علي انسى ليالي الوصل بالقطّاره
‏وابكي ابكي لين اصب القلب من جفنيني

.....

رد: فوق هام السحب ( الشعر الشعبي) على متن القوافي
 

قالوا تحب فقلت i'm sorry
الحُب ماهو ياعرب لعب ورعان

أنا الذي فالحُب ضيعت عمري
الحب أصبح ياعرب في خبر كان

.....

رد: فوق هام السحب ( الشعر الشعبي) على متن القوافي
 

تعال نتسامح وننسىٰ الذي صار
بيني وبينك لاعتب لاملامه

بيني وبينك من يبي يشعل النار
يحرق بها وتقوم عليه القيامه

.....