رد: اخترنا لكم
 

الزين ياسعود مشغولن تلفونه
والظاهر انه بعد ياسعود عطلاني

ادق عشرين مره مايشيلونه
ياسعود ماكن وسط البيت عرباني

.....

رد: اخترنا لكم
 

أحــب دهــن العــود وأنــواع الأطـياب
وأحــب نــاس ما تعــرف القطيــعة

وأحــب كــل إنســان راقــي وجــذاب
صــدوق فــي حــبه ونفســه رفيعــة

تـرى الـوفــا بقلوبنــا مـاله اسـبـاب
فطـره خلقهـا الله وصـارت طبيعة

.....

رد: اخترنا لكم
 

يابـو عيونٍ بخمر الحب سكـرانـه
ياجرح قلبي عليك ويافري جيبـي

دامت حياتي وموتي عندك أرهـانه
فأريح لي الموت من قهري وتعـذيبي

أقضي علي وأركزي فالقبر ريحـانه
وألا أنقضي ياجميلـه ماعملتي بي

وألا أوقفــي وقفة الوافـي لديانه
وأعاملك لين نمشط روسنا شيبـي

.....

رد: اخترنا لكم
 

لبيه يا صوت اليا من تباطيته
احزن واغيب عن العالم واهملها

ولبيه يا صوتٍ ليا مني اوحيته
سماعتي كل ما سكر اقبلها

وان دق رقمه على الشاشه وشليته
ما كنّي الا ملكت الناس باكملها

.....

رد: اخترنا لكم
 

دكتور من حبه لي أعوام ما طبت
مدري وش الي في غرامه بلاني

قلي وش اللي تسمعه يوم قربت
سماعتك ما بين عوج المحاني

.....

رد: اخترنا لكم
 

العرب تحتاج والطيّب يسد اللزوم
‏ومن قضا لناس حاجة قضا الله حاجته

.....

رد: اخترنا لكم
 

منه السوالف اذا سولف تجي ذربه
‏يحسبنّي اسمع وأنا في بحّته غادي

.....

رد: اخترنا لكم
 

المساء في عيني بدونك ولا شي
امسي العالم بـلا روح واحساس

وكلمة مساء الخير من مبسمِك لي
تخلي مسائي غير عن باقي الناس

.....

رد: اخترنا لكم
 

ماهقيت ان القمر مثله قمر
‏لين شفتك ياشبيه احلى ملاك

خالد الفيصَل

رد: اخترنا لكم
 

الشوق لك والغلا لك والنظر صوبك
‏وعين الغلا مابها غيرك يَماليها

.....