رد: فوق هام السحب ( الشعر الشعبي) على متن القوافي
 

نكابر ونتحمل ونصبر أمام الناس
ومن شافنا نضحك أمامه ونتبسم

يقول والله ان قلوبهم مابها إحساس
وما يدري ان جروحنا مالها بلسم

....

رد: فوق هام السحب ( الشعر الشعبي) على متن القوافي
 

بعيد من التصنع والتكلف والكلام الجاف
‏أقول اللي يجول بخاطري وأترجم شعوري

‏عرفت إن الشعور أعمق وأجل من الوزن والقاف
‏ولقيت إن صوت صدري مايشابه صوت حنجوري

‏تركت اللي يمرّه فالظلام الساري الحوّاف
‏وأخذت من النهار اللي كشف وجه الثرى نوري

‏تبـيّن جرتي بالوادي الموسوم والمشراف
‏معا سرب الطيور العابره ماطارت طيوري

‏ماني بمدوّر اللي يسمع بذكره ولاينشاف
‏ولاني واقفٍ في موقعٍ مايعرف حضوري

‏ورى وجه الكتاب اللي تشوفونه بدون غلاف
‏ربيع الجنة الخضرا عسل سدر وزهر جوري

‏لو بوّصف المشاعر جايز التبذير والأسراف
‏ولا من حقي أكنز جوهرة عمري وبلوري

‏كتبت أطراف صوتي في طريق العاشق الميلاف
‏وقدمت لمجاريح الليال البارده شوري

‏ورى الألقاب والنور الصناعي مارسمت أهداف
‏مع إني قد نحت صخور نجد براس باكوري

‏ولايخذلني اللي لاكتبني يكتب إسمي حاف
‏ولايزعلني اللي في طريقي طوّفوا دوري

‏ماني محتاج للتصفيق والتعليق والإنصاف
‏وأنا أحس الليالي والنجوم البيض جمهوري

.....

رد: فوق هام السحب ( الشعر الشعبي) على متن القوافي
 

من كثر ماعامل الناس بحسن نيہ
مااشك في خيرها ولااتقي شرها

ليت الصدور وضمايرها زجاجيہ
واعرف نوايا البشر من قبل اعاشرها

.....

رد: فوق هام السحب ( الشعر الشعبي) على متن القوافي
 

حبي وحبك نادر في زمانه
‏على الوفاء والصدق جاني هديه

‏عهد الوفا بيني وبينك أمانه
‏وتفداك روحي يوم روحك نديه

.....

رد: فوق هام السحب ( الشعر الشعبي) على متن القوافي
 

من نفسك إصنع لذاتك حشمه وقيمه
‏صنيعة الناس لا ودّت ولا جابت

بقلمي

رد: فوق هام السحب ( الشعر الشعبي) على متن القوافي
 

‏افا وشلون تجفاني وتتركني طريح الشوق
‏افا ماهزتك ذكرى ولا حنيت يالغالي

‏أحبك كثر ماهليت دمعٍ مامسكها الموق
‏أحبك حُب ما عمره لفى في بالك وبالي

.....

رد: فوق هام السحب ( الشعر الشعبي) على متن القوافي
 

على درب التعارف والوفاء والود والصحبه
قوانين الصداقه والصحب والمعرفه نوعين

الاول فسل تبقى صحبته طول الزمن نكبه
والاخر ساعة الشده بيدك سيف ابوحدين

.....

رد: فوق هام السحب ( الشعر الشعبي) على متن القوافي
 

يالله يامعطي العطايا مراديف
‏ياللي ماتلحق مد جودك بمنّه

‏ترزقني الخيره وزين التصاريف
‏ورضاك يوم رضاك مفتاح جنّه

بقلمي

رد: فوق هام السحب ( الشعر الشعبي) على متن القوافي
 

ذكّرتني يا حبيبي مانسيت
ومـا نسيـته ولا ذكّـرتـنـي

لامت فيني ولانابك حييت
ولا جمـعـتك ولا بعثـرتني

ولا تكلّـفت تلقـاني وجيت
ولا لقــيـتـك ولا دوّرتـني

رضيت بالهم وانا مارضيت
لا كنت عبدك ولا حررتني

يجوز ماخُنت لكن ماوفيت
وكم نصحتك ولا عَـبّرتني

ابقـاني الله وانـته لا بقـيت
غرّيت نفسك وما غرّيتني

لقيت مثلك ومثلي لا لقيت
قلّـه عشقـتك ومـا قـدرّتني

.....

رد: فوق هام السحب ( الشعر الشعبي) على متن القوافي
 

يبدو بأن الصباح اليوم بيكون غير
المعطيات تشير الأن إلى ذالك

بداية الخير تبدأ من صباح الخير
ياراعي الخير جعل الخير من فالك

.....

رد: فوق هام السحب ( الشعر الشعبي) على متن القوافي
 

‏حبك سكن مابين قلبي والأنفاس
ياحلوها لاجات منك ومني

مني احبك حب من دون مقياس
ومنك الوفا دايم على حسن ظني

.....

رد: فوق هام السحب ( الشعر الشعبي) على متن القوافي
 

‏انت ملح السوالف وانت سكرها
وانت روح القصيد ونبضي الهادي

وانت قصة غرام الليل يسهرها
وانت نهر الحنان لقلبي الظامي

.....

رد: فوق هام السحب ( الشعر الشعبي) على متن القوافي
 

‏عندي شعور أترك العالم وأغيب
وأبتعد عن مصدر إزعاج البشر

لا غريب ولا قريب ولا حبيب
لا حسـد لا هم لا ضيقة صدر

تعبت أنفاسي من الوقت الصعيب
وجار حظي من قسى حكم القدر

ليت وانا اعيش في عمري غريب
فوق كوكب او على سطح القمر

.....

رد: فوق هام السحب ( الشعر الشعبي) على متن القوافي
 

صرت أحب الإنعزال بصدر رحب وبال رايق
‏وودّي أهرب عنّي وعن قلبي المرهف وذاتي

‏وصرت أسلي نفسي بموّال تركي وابن شايق
‏والقصيد ودفتر أيامي وباقي ذكرياتي

‏أدري إنّ الدمع في عين المها ماهو بلايق
‏مايليق إلّا ابتسام وضحكتينٍ من شفاتي

.....

رد: فوق هام السحب ( الشعر الشعبي) على متن القوافي
 

‏على سكّة سفر كلٍ سعيد ورايق ومسرور
‏محد فيهم يْعرف إنّه على قلبي طريق أوجاع
‏
‏على الشباك في بالي كثير من الفضول يدور
‏ياكيف تضيق في عيني دروبي والفجوج وساع

‏وليه أضيق وهو عادي مصير اللّيل بعده نور
‏ولكن ليه وش تنفع مادام إن الصدر ملتاع

.....

رد: فوق هام السحب ( الشعر الشعبي) على متن القوافي
 

‏وجودي والزمان اللي قسّم قلبي ثلاث أقسام
‏مابين الحزن وظروف الحياة ونفس لوّامه

‏لو أضحك ماضحكت من الفرح الفرح مادام
‏ولو ابكي مابكى إلا صدريّ اللي نحلت عظامه

.....

رد: فوق هام السحب ( الشعر الشعبي) على متن القوافي
 

‏ماهداك الله ترد الصوت مابيني وبينك
‏ماسمحت من الغياب اللي مسافاته عصية

‏قلبك اطيب من جفاك ومن خطاي ومن حنينك
‏والليالي يارهيف القلب عوج وسرمديه

.....

رد: فوق هام السحب ( الشعر الشعبي) على متن القوافي
 

‏يكفي إني فيك أعرف أيّامي البِيض الجميلة
‏لو يطول خلف بيبانك من اللهفة وقوفي

‏ولا تعذّر عن عيونك فالظروف المستحيلة
‏وأنت تدري ما ورا ضحكة هدبك إلَّا حتوفي

.....

رد: فوق هام السحب ( الشعر الشعبي) على متن القوافي
 

من عطاني قدري أعطيه احترامي
ومن تجاهلني تجاهلته وطفته

ومن يدوّر قربي أعطيه اهتمامي
ومن يقفي عني أهملته وعفته

والمكان اللي ينزّل من مقامي
تنكسر رجلي ليا جيته وحفته

.....

رد: فوق هام السحب ( الشعر الشعبي) على متن القوافي
 

‏المعذره ياحب قلي عن اذنك
ايش الذي خلاك تهجر غواليك

عز الله اني انتظر حرف منك
وارتاح من قلبي اذا شفت طاريك

ياحب انا مازلت لك حسب ظنك
وافي معك دايم ولا انا بناسيك

دايم اناجي طاري الشوق عنك
وينك مغيب وين غابت لياليك

.....

رد: فوق هام السحب ( الشعر الشعبي) على متن القوافي
 

فاتحٍ له في السراجيف بوابة
‏ماتسكّرها هل المدح والذمي

‏سعد بن جدلان

رد: فوق هام السحب ( الشعر الشعبي) على متن القوافي
 

يارب انا عبدك تماديت واخطيت
لين الشباب اقفى وانا اليوم شايب

امهلتني يوم اني اخطيت وابطيت
حاشـاك تطردني وانا جيت تايب

.....

رد: فوق هام السحب ( الشعر الشعبي) على متن القوافي
 

الناس ماتسقيك لا صرت عطشان
ولا يشرب المظمي حذا من ذراعه

اضرب على الكايد لا صرت بحلان
وعند الولي وصل الرشا وانقطاعه

عيبن على اللي يتقي عقب ما بان
وعيبن طمان النفس عقب ارتفاعه

.....

رد: فوق هام السحب ( الشعر الشعبي) على متن القوافي
 

كلام السفيه ان مر ماضر مهما كان
ولا اثّر على سوق التجاره ولا العمله

لاشفته يحاول يسرج الخيل للميدان
وانا خابره مافيه قوه ولا صمله

تبسمت له ماهوب ذله ولا نقصان
تبسّم نبي الله سليمان للنمله

.....

رد: فوق هام السحب ( الشعر الشعبي) على متن القوافي
 

الخيل للمغزا اذا مست السرج
والحيل بالله يامناوي هجاجه

وشرب الفتى من غير مشرب يده همج
قاله مجرب فج صدره خلاجه

.....

رد: فوق هام السحب ( الشعر الشعبي) على متن القوافي
 

الرفيق اللي خذلني يوم جيته
أدري انه قادرن يقضي لزومي

أسمه من القايمه كله محيته
ويش ابيبه يوم بانن العلومي

اللزوم ابشرك رحت وقضيته
عند رجلن جعل تفداه الرخومي

الكريم اللي تدل الناس بيته
قال لي تبشر ورحب في قدومي

.....

رد: فوق هام السحب ( الشعر الشعبي) على متن القوافي
 

وجهي شبر وأحن وجهي ليا احتاج
من عسرة الطيّب ومن هرج منة

جعل الكفو مايلحقه عقدة حجاج
وليت الردي ذبحه من الدين سنّة

.....

رد: فوق هام السحب ( الشعر الشعبي) على متن القوافي
 

انا والله اني ماتضايق بدون اسباب
ولاني بعجلٍ لاستحسيت من غالي

ادور له الاعذار ماودي افتح باب
انا لافتحته جبت الاول مع التالي

.....

رد: فوق هام السحب ( الشعر الشعبي) على متن القوافي
 

‏حنا عزاز ولا نحب التخضاع
والله خلق فينا الكرامه جبله

نكره وجيه الكبر في كل الاصقاع
والكبر يرخص كل نفس تشله

من عاش عمره للمخاليق تباع
يشرب فناجيل الغبن والمذله

وراع المعزه لو من الوقت يلتاع
يعيش شامخ ما انحنى غير لله

.....

رد: فوق هام السحب ( الشعر الشعبي) على متن القوافي
 

بعض العلوم تروح مرواح القطاء
مانلتفت فيها ولا من قالها

مادام حنا مانزلنا فالوطاء
مصيرها صفق الهواء يشتالها

والناس ماتصبر على كل الخطاء
تجزاء مقاريد الخطاء بافعالها

يمكن يجي مردودها عقب البطاء
وإلا يجي مردودها في حالها

.....

رد: فوق هام السحب ( الشعر الشعبي) على متن القوافي
 

كم واحدن جارت عليه الليالي
وازرا يصارعها على مر الازمان

من دون وجهه يستدين الريالي
واصبح ضحيه بين داين وديان

لاراس مال ولاجمع له حلالي
لكن على فعل الجزيلات شفقان

.....

رد: فوق هام السحب ( الشعر الشعبي) على متن القوافي
 

مايصحي غفوة الشوق في جوف الضلوع
غير ذكرى لا اظلم الليل تفتح بابها

.....

رد: فوق هام السحب ( الشعر الشعبي) على متن القوافي
 

كل شي في الأرض له وزنه وميزانه
إلّا غلاك أنت أتعب لي موازيني

.....

رد: فوق هام السحب ( الشعر الشعبي) على متن القوافي
 

الخاطر ان طاب من حاجه عليها السلام
لو انها اغلى من عيوني علي عفتها

.....

رد: فوق هام السحب ( الشعر الشعبي) على متن القوافي
 

‏ليل الشتاء غربه وجرح وتناهيد
كنه يفتش بالقلوب الحزينه

يطيب ليله وقت قرب المواعيد
ويشين لا صارت مواريه شينه

.....

رد: فوق هام السحب ( الشعر الشعبي) على متن القوافي
 

شربت فنجال الغلا من دلالك
وأرويت قُلبي من فناجيل حبك

ياللي سكنت بوسط قلبي لحالك
شوفك منُاي شلون في يوم أكبك

.....

رد: فوق هام السحب ( الشعر الشعبي) على متن القوافي
 

الحب ماهي بكلمة اهواك واغليك
صـدق المشاعـر تبينـه لـك الافعـال

والا الكـلام العـذب كلٍ بيعطيك
تلقاه مـع شاعـر وعاشـق ومحتـال

.....

رد: فوق هام السحب ( الشعر الشعبي) على متن القوافي
 

‏كان تبغي طيبك اللي بذلته مايضيع
‏احسن النيه ترا كل قلب ومانوى

‏من يسوي بين قدر السنافي والوضيع
‏والله ان تعطيه الايام جرح بلا دوى

‏لاتضن العداله مساوات الجميع
‏حكمة الله فالاصابع ماخلاها سوى

‏عايض العاطفي

رد: فوق هام السحب ( الشعر الشعبي) على متن القوافي
 

‏كل المواجع طابت الا وجعة الحب الاخير
‏ تروح الارض حطام لو ابث حزني ووجعي
‏
‏ياقبلة الاحساس ياللي بالغلا مالك خشير
‏ يوم الليال ملاح انا مرجعك وانته مرجعي

‏سفر الدغيلبي

رد: فوق هام السحب ( الشعر الشعبي) على متن القوافي
 

أبوها تطغى فعوله على كل الفعول
‏وهي على كل الغنادير يطغى زينها

.....