رد: اخترنا لكم
 

‏الوقت لو غيــر مفاهيم وطبوع
‏أبقى الذي ما غيـر الوقت طبعه

‏يوم الليالي جفوة أحباب وربوع
‏ما بار بأحبابـه ولا خـان ربـعه

‏ياللي تشوف العمر تابع ومتبوع
‏أنا أشوف العمر موقف وسمعه

.....

رد: اخترنا لكم
 

‏ودي أكمّل معك حتى الحياة البرزخية
‏وين تلقى عاشقٍ يبغاك حتى في مماته

‏من يشوفك يدري إن الموت حاجة عايديه
‏كل ليلة في طوارف مبسمك يعلن وفاته

‏هات فنجال الهوى بإيدك وحطه في يديّه
‏لو تصبّ الموت في فنجال حبّك قلت هاته

.....

رد: اخترنا لكم
 

‏ان كنت تجهلني فأخذ مني التعريف
‏أنا درب ما تقدر بوجهين تسلكني

‏أنا أكبر من التلميع والبهرجه والزيف
‏لا غبْت أنفقد وإن جيت ربي مجملني

.....

رد: اخترنا لكم
 

‏تساوى قلوب الناس في الحب عبد وشيخ
‏ويبيع العنيد اخر هقاويه بالطاعه
‏ㅤ
‏ياعين اشقرً ماهو بوكري ولا تفريخ
‏يزيدون سعره غير راعيه ما باعه
‏ㅤ
‏بدونك تمر ايام عمري بلا تاريخ
‏ومعك حافظ التاريخ باليوم والساعه

.....

رد: اخترنا لكم
 

‏روحها من خِفّها لاهبّت النسمة تطير
‏وفكرها علّق على متن الشموخ خصالها

‏واضحة تسكب رذاذ العطر بأنفاس العبير
‏غامضة من ثقلها يحتار فيها ظلالها

‏يغرق أجزل بحر شعر فـبحر عفّتها الغزير
‏كل ماينبض خجلها يرتعش سلسالها

‏بنت شعر وأم طهر وأخت للبدر المنير
‏فاتنة تجلس على عرش الكمال لحالها

.....

رد: اخترنا لكم
 

‏غديرٍ عليه الناس صادر وورّادي
‏أعيفه لو إنّه من زلال المطر يسقى
‏ㅤ
‏أنا غايتي ومناي ودواي ومرادي
‏مذاقٍ على غيري صعيبٍ ولا يلقى

.....

رد: اخترنا لكم
 

‏فيك من لطف الفقير وفيك طبع الأمارة
‏يا الهنوف اللي يعزز زينها قوة نسبها

‏الجمال اللي جمع بين البداوة والحضارة
‏صبه الله والله اللي في مفاتنها وهبها

‏العيون تشن غارة والرموش تشن غارة
‏وان تفاديت العيون الموت من طعنت هدبها

.....

رد: اخترنا لكم
 

‏حبيبي ترا بيني وبينك عتاب أحباب
‏ولولا غلا حضرتك والله ما أعاتبها

‏من الشوق والغيرة عليك أفقد الأعصاب
‏تراني دخيلك حالتي لا تعذبها

‏ لو أقول بزعل جد وأفارقك كذاب
‏انا أول مرة أضحي بروحي وأكذبها

‏ما لأحباب عيني قبل أشوفك حصر وحساب
‏لكن بعد ما شافتك عافت حبايبها

.....

رد: اخترنا لكم
 

يالله رجيتك في نهار الجمعة
‏تغفـر خطايا عبـدك اللي يناديك

‏وعسى لنا في عالي الخلد جَمعة
‏هـذا رجــاي وأمـرها في أياديك

بقلمي

رد: اخترنا لكم
 

‏عفوي وأعامل عبــاد الله بعفوية
‏أطير فيهم واقلطهم صدر صدري

‏كم واحدٍ تحسبه ماشي على النية
‏وتلاحـــظ إنك على النية ولا تدري

.....

رد: اخترنا لكم
 

‏لااله الا انت يا مــن لا تعد افضالك
‏اهدني درب النجاه وحسن نهج المله

‏ما رجيت الا رضاك ولا سجدت الا لك
‏احلل العقــده من لساني وصنه ودله

بقلمي

رد: اخترنا لكم
 

‏الخاطر اللـــي على سود الليالي صبور
‏يسري به الفكر ويحسب الاوادم سرت

‏احـــيان نمشي مع العـــالم بليا شعور
‏والنـــاس عن ما تكن صــدورنا مادرت

‏كم حـــاجةٍ في معـــال الضماير تدور
‏اقـــوم و اخلي المجلس لا منها طرت

‏الــناس ماهيب تدري عن خفايا الامور
‏ما سمعت اسماعها وعـــيونها ماقرت

.....

رد: اخترنا لكم
 

على كثـر زيف الضماير والوجيه
‏ما عنـــدنا الا ما يعــدينا الملام

‏حنا يدينـــا ما تجيب اللــي نبيه
‏من كثر ردات الجمايل و السلام

‏ما نكتفي بالاحـــترام من النزيه
‏حتى الردي نفرض عليه الاحترام

‏الصمت في وجه الخطا رد ٍ عليه
‏ماهـــوب لازم بالكـــلام الانتقام

‏صدك عن الزله وسفهان السفيه
‏يســـوي اللـــي ما يسويه الكلام

.....

رد: اخترنا لكم
 

دروس الايام اخذنا قسمنا منها
وأسرار الايام مانعرف خوافيها

اللي حفر حفره لاخيه يدفنها
يمكن يدور الزمان ويندفن فيها

.....

رد: اخترنا لكم
 

‏لا جات محتشمه تفوق المزايين
ماهي على الموضه سريعه اخطاها

تمشي على العادات والشرع والدين
مستوره وزايد حلاها حياها

.....

رد: اخترنا لكم
 

اليوم جو الرياض أرضى غرور الرياض
‏من أصبح الصبح وأنا جالس أتابعه

‏أتبع هوا نفسـي اللي ما عليه أعتراض
‏وابليس جالس وراي يطقطق اصابعه

.....

رد: اخترنا لكم
 

‏عليه السلام ولهفتي وانكسار الروح
‏الا قمت افكر فيه واقول راح ورحت

‏لو ان المحاجر من دموع الفراق تفوح
‏سمح خاطري وايقنت باللي حصل وارتحت

‏احسب الوداع مزوح واثره ماهوب مزوح
‏يقص الفؤاد ويأكله مثل مكل السحت

‏يقولون مالك غير شي ٍ كتب فاللوح
‏وانا كل ماجيت اتعافى وقفت وطحت

.....

رد: اخترنا لكم
 

‏انا ما اقول لا ما اقول منت شايف خيره
‏وانا ماني بقايل صاحبك وافي ولا خوان

‏يقولون القمر لاغاب يضويله على ديره
‏ وانا اقول الحبيب ان غاب يضويله على خلان

.....

رد: اخترنا لكم
 

المرجـــلة لو طالـــها كـل هراج
‏رخصـت فعـــايلها وقلّت شيمها

‏لو الرجــال تقاس بالبشت والتاج
‏ما نفرق شيوخ العرب من خدمها

‏من جرب الحاجه عذر كل محتاج
‏ناس ٍعطاهـــا الله وناس ٍحرمــها

.....

رد: اخترنا لكم
 

اعتدت صمت المشاعر وانتبذت الكلام
ياوجهة شعوري اللي صعب تحديدها

.....

رد: اخترنا لكم
 

تقول لي مشتاق وتقفل الباب
الباب بابك والمفاتيح يمك

والله لو العلم يشكى على اللباب
ما كان تشكي للصواديف همك

ماعاد به عذر ولا ينفع عتاب
دام العذر موجود بأطراف فمك

ودك تروح وكل شي له اسباب
عذرك سمين وسبته وسط دمك

.....

رد: اخترنا لكم
 

فيه أمور ما يجوز العذر فيها والتغاضي
‏لا وصلنا عندها حطيت قلبي تحت رجلي

.....

رد: اخترنا لكم
 

‏ابشرك قلبي من الضيم قد طاب
وكل ضيقن في خفوقي نسيته

من بعدما كحلت عيني والاهداب
بشوفـت الوجه المنور فديته

ارتحـت بك وارتاح دمي بالاعصاب
وارتاح شوقن في ضلوعي خفيته

وارتاح قلبن ذاب من جور الغياب
من عقب مانا في فراقك لقيته

.....

رد: اخترنا لكم
 

احرص على اللي عاقل وزين الاخلاق
وصريح لو جارت عليه الظروفي

والصدق عند اهله شريعة وميثاق
والصادق الواضح عديم الوصوفي

نجود الفيصل

رد: اخترنا لكم
 

‏على دربك لو إن العمر يوقف تمشي الاقدام
‏إلين اموت ابيك وغيرك من الناس ما ابيها

‏يا روح الشعر وحروف الكلام وسطوة الالهام
‏احاسيسي معك ماني بعارف كيف اخبّيها

‏يا مرساي الاخير وذكرياتي في مدى الاعوام
‏يا ضحكة وجهي اللي تذبح اشواقي وتحييها

.....

رد: اخترنا لكم
 

البل شعاها نفيضه وسرحت يمّه
وهل الجهازات والشاصات خمّوها

تخبّطت في غديره واشرعت جمّه
وداجت وطابت خواطرها وردّوها

.....

رد: اخترنا لكم
 

تغاضي ياعيوني والسنين قصار
ما دام الوقت لا انصفني ولا انصفته

احب اللي مضى لي واكره التكرار
واشوف اللي يخوفني ولا خفته

غريب شعور والواقع غريب اطوار
كثر ماكنت راضي كثر ما عفته

ياكثر اللي تحاشيته يصير وصار
ياكثر اللي تمنيته ولا شفته

.....

رد: اخترنا لكم
 

تقول صوّر لي المطر لا تمشيت
وشلون اصوَّر للسحابة مطرها

.....

رد: اخترنا لكم
 

ياقبلة الروح مدري قبلة المترفات
مازال حبك مقيم وذكرياتك عطر

لو تكثر الامنيات وتكثر المغريات
مالي طمع غير في صوتك وصوت المطر

.....

رد: اخترنا لكم
 

يارفيق الذكريات وياشريك فؤادي
‏كل ظن فيك ظنيته تجي من فوقه

‏ يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايه يا لبيه يا موتي ويا ميلادي
‏جعل حزنٍ مرني ما تونسه وتذوقه

‏ياوقودي وأندفاعي بالحياة وزادي
‏ياحشاشة جوفي وقلبي ودم عروقه

.....

رد: اخترنا لكم
 

‏من زعلك يا نــــــوم تهجــــر عيوني
المعـــــذره يانـوم لا كنــــت زعلان

خليتنـــــي ساهــــــر اردد لحوني
والناس مرتاحــــه وانا الان سهران

لاشك في موضـــــوع زود جنوني
خــلاك تهجرنــــي ومانا بغلطان

الضيق اضنانــــي وسهر جفوني
يانوم كافـي خاطـري حيل تعبان

.....

رد: اخترنا لكم
 

إذا جاد السكوت ولا لقيت إلا القصيد أفواه
‏ابكتب لين ما أوراق الدموع تصير مبتلّه

‏ما عدت المستريح اللي طرب ناسه بحلو أحكاه
‏بديت أشعر بأن قلبي بقايا أرض محتله

‏أشوف إن الطموح اللي تمنيته ماعدت أهواه
‏كرهته وأجمل أشيائي عليها الدمع منهلّه

.....

رد: اخترنا لكم
 

‏ليه توقد من هجيرك جمرةٍ بين المحاني
‏كنّ هذا العمر ناقص خوف وجروحٍ جديده

‏ودّي اسرق من جيوب الوقت ضحكات وأماني
‏ودّي انسف أول الأوجاع في مطلع قصيده

.....

رد: اخترنا لكم
 

قلوبنا ما تحتمل بُعد الأقراب
‏فيها ما يكفيها من اللي يغيبون
‏
‏من كثر مانسمع عن جروح الأحباب
‏خفنا من الحبّ ومن اللي يحبّون

.....

رد: اخترنا لكم
 

‏أحبك ولو عادت جميع الوجيه أغراب
‏خذيتك أمان يشرد الخوف من طيبه

‏أشوف الحياه اللي مع الناس ملح وذاب
‏وأشوفك يقينٍ يقطع الشك والريبه

‏أبيع السنين الي بدونك برخص تراب
‏وأساوم على اللحظه معاك أنت باللي به

.....

رد: اخترنا لكم
 

يثـور فكـري وانفصل عنـك واروح
والقاك في غيـمـة نهاية هـجـوسي

مايختلف في ناظري همس اوبوح
كل الـجهـات الاربعة لـك طقـوسي

احبك امن الـعـام واليـوم بالـروح
واخـذ مـن عـيـونك دفاتر دروسي

.....

رد: اخترنا لكم
 

نكتم شعور قلوبنا من حيا الروح
دام الأماني بالمحاني كثيرة

أحياناً نطريها على البال وتروح
وأحياناً تطغى بالخفوق وتثيرة

.....

رد: اخترنا لكم
 

‏يقولون البدو عن العيون
"مغاريف الكلام"
يكذب عليك الإنسان بكلامه
وتفضحه عينه:

يا كثر ما تلزم الصمت وعيونك تنوب
لحظة فيها لسانك رهين الاعتقال
جابر النشيرا

لكن نبي نعطي عيونك زمام الكلام
خل النواعس تقوم وتدلي بدلوها
عبدالله السراهيد

رد: اخترنا لكم
 

‏لا جاتني الكلمة اللي تجرح شعوري
عرّضتها الرِيح ولا كنّي اسمعها

سعد علوش

رد: اخترنا لكم
 

خيطت جرحي بالتناسي والاوهام
يفـك خيـط الجـرح لا مـر طيـفه

ياضـيق حال الي بحوسـات الايام
كل من جـبر جـرحه يعاود نزيـفه


.....