رد: اخترنا لكم
 

عسى نقبل ونقفِي وحنّا عزاز نفوس
وعسى من يظن فينا لقانا على ظنّه

.....

رد: اخترنا لكم
 

‏جالس لحالك وكرسيّ الخشب يحتويك
وتمرّك الريح وتشاورك تلحينها

تمرّك العابرين وما تسلم عليك
إلا غريبٍ طوته الأرض بسنينها

قال أنت جالس لحالك تنتظر من يجيك
قلت أنتظر روحي اللي ما أعرف وينها

‏سعد علوش

رد: اخترنا لكم
 

اتقدم لك من الشوق واعوّد وراي
‏في وسط قلبي محبه وفي وجهي حيا

.....

رد: اخترنا لكم
 

عليك الغلا مردود بالغايب الموجود
سوالفك غابت مير طرياك ما غابت

غيابك حضوراً له بصدر البيوت شهود
وش اللي يغيب ضحكتك والغلا ثابت

احنك مثل ما حن وجهي عن المنقود
واعدك اليا عديت الايام وش جابت

.....

رد: اخترنا لكم
 

والله اني لاذكرتــك زان حـــالــي
يادواء المجروح في الدنياء وطبه

والله انك في المحبه راس مــــالي
وانك اغلا شخص في الدنياء احبه

.....

رد: اخترنا لكم
 

تدري وش اللي يجرح القلب بالذات
لا خابت الهقوه في شخص تعزه

.....

رد: اخترنا لكم
 

يارب واللي بقلبي مايصيغه لسان
‏الهمني ادعيك لين اشعر بزود الرضا

آمين

رد: اخترنا لكم
 

الحاجة اللي دونها منّة الناس
‏لو هي دوا عيني تنازلت عنها

.....

رد: اخترنا لكم
 

‏الزله الي ضيّـقت صدري وانا صدري وسيع
من واحــدٍ ماكنت متـوقـع علي يزلّهــا

لو انها ماهـي منه قلت شرهاتي تضيع
لكنها جت من قريـب والدروب تدلهــا

.....

رد: اخترنا لكم
 

‏كل ما شحّت وجيه الناس وجهك يرهي
سعد عين اللي قضى عمره مقابل وجهك

.....