رد: اخترنا لكم
 

لا تنتظر رد الجمايل والارباح
ولا تلتفت في طيبك اللي صنعته

الطيب بوجيـه الكريمين ما راح
ولا الردي ما ينفعك لو نفعته

.....

رد: اخترنا لكم
 

‏بعض البشر لها مواقف اصيله
أغنى من الألماس في كف ميزان

وبعض البشر ينساك مده طويله
يقضي بك الحاجه وينساك أزمان

.....

رد: اخترنا لكم
 

‏صف النوايا واذكر الله ترتاح
واللي تشوفه قابله بأبتسامه

وخلك وسيع الصدر طيب ومزاح
ترا الزمن مايستحق الملامة

.....

رد: اخترنا لكم
 

حنا على الدنيا ضيوف مسايير
‏وبكره نشد الراحله للثمينه

‏والرابح اللي لا خذته المقادير
‏ماغرته دنياه من دون دينه

.....

رد: اخترنا لكم
 

منهو اللي ما يهوجس وصدره مايضيق
أعتقد مافيه حيٍ على الدنيا أستراح

.....

رد: اخترنا لكم
 

لاصار لك شخص تحبه وتغليه
لاتدخله في كل طاري وسيره

سكر عيون الناس لاصرت شاريه
محدٍ بهذا الوقت يعطيك خيره

.....

رد: اخترنا لكم
 

يادار ما مريتك إلا وانا أغْليك
وْحِبٍ لناسٍ كِنت أدوّر رضاها

.....

رد: اخترنا لكم
 

هاذي الثقه بالنفس من دون تزييف
واضـــح وضــوح الشمس كلا يهابه

نسعى الى العليا ولو كان بتجديـف
حتى ولو حظ الـــردي صك بابـــــه

.....

رد: اخترنا لكم
 

ياقلب لاتظهـــر خوافيك للنــــاس
يكفيك من يعلم جميع الخــــوافي

عيش الأمل لو كنت غرقان بالياس
ياكم بلوى جت بعدها عـــــــوافي

.....

رد: اخترنا لكم
 

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

.....