رد: فوق هام السحب ( الشعر الشعبي) على متن القوافي
 

زينٍك يعادل قناطير الذهب واللجين
والنفط والأرصدة والمركز المصرفي

أبشر بشعر تحطه شامة فالجبين
بابدع من اجلك وازيد إنتاجي المعرفي

.....

رد: فوق هام السحب ( الشعر الشعبي) على متن القوافي
 

ابتدى ليل الشتاء في جيّته كالعادة
يغري اللي بالهم سالي ولايغريني

يعرض فبالي لكل الذكريات اعادة
عاد انا اللي فيني من همومي مكفيني

.....

رد: فوق هام السحب ( الشعر الشعبي) على متن القوافي
 

وانا يالطيف الروح روحي تراك دواه
مريض الهوى ماينفعه كود محبوبه

.....

رد: فوق هام السحب ( الشعر الشعبي) على متن القوافي
 

ابيـك العاشق اللي لو بغيتـه مـا خلـف ظـني
‏ابيـك أولـه من عيوني إذا ساقت لك النظرة

‏ابيك أطيب من ظنوني وابيك شوي وأكثرني
‏أبـي قلبـك على خبـري مثل ماني على خبـره

.....

رد: فوق هام السحب ( الشعر الشعبي) على متن القوافي
 

اشفق على شوفه وضحكة حجاجه
واشتاق له شوق المغاليق للبوح

واليا ارتخى ليله وولع سراجه
جريت له صوتٍ من الشوق مبحوح

.....

رد: فوق هام السحب ( الشعر الشعبي) على متن القوافي
 

ورى احبّك كلام ومن ورى كل الكلام إشتقت
‏عليك الشوق ماخذ عن جميع الناس تفكيري

‏لو أضمن ياخذك من يستحقّك بالبشر ماضقت
‏ولكن ما أشوف ان فيه أحد يستاهلك غيري

.....

رد: فوق هام السحب ( الشعر الشعبي) على متن القوافي
 

لاتلوم الشوق ان صار مزعج
ترى الغلا ما هو على كيف راعيه

.....

رد: فوق هام السحب ( الشعر الشعبي) على متن القوافي
 

وانا يالطيف الروح روحي تراك دواه
مريض الهوى ماينفعه كود محبوبهْ

.....

رد: فوق هام السحب ( الشعر الشعبي) على متن القوافي
 

‏عطيتك محبه صادقه مابها تشويه
‏وجعلتك بقلبي منفرد فيه وحداني

‏ وغيرك يبغاني بالمحبه وأنا مابيه
‏دام أنت عندي ويش أبي بواحد ثاني

‏ تراني ليا شفتك أسج الفكر وأشقيه
‏وأشوف القمر وأقول عندي قمر ثاني

‏غلاتك بقلبي شي يطغى على التّشبيه
‏كيف أوصفك والوصف يعجز به لساني

.....

رد: فوق هام السحب ( الشعر الشعبي) على متن القوافي
 

‏جيتك وانا من كثرة الشوق محتاج
‏احتاج اكون بكــل الاوقات قــربك

‏عطني خفوقك كان مــاعندك احراج
‏قلبي ملاه الشــوق واحتاج قلبك

.....

رد: فوق هام السحب ( الشعر الشعبي) على متن القوافي
 

عطني على قد الغلا في ضميرك
‏وعطنـي علـى قد العطايا بيمناك

يومك بديت الحـب كمل مسيرك
‏وأسعد قليـبٍ فــــي حياته تمناك

.....

رد: فوق هام السحب ( الشعر الشعبي) على متن القوافي
 

مابيك بالقوه ولابيك بالطيب
أبيك من كيفك تحس بحنيني

مابيك تقبل باخر العمر وتغيب
أبيك دايم بين رمشي وعيني

خذني وغربني عن الناس تغريب
مابي اشوف انسان غيرك بعيني

.....

رد: فوق هام السحب ( الشعر الشعبي) على متن القوافي
 

انكابد ضروف الدهر بالعزايم
ونواجه الدنيا على كيف ماجات

مادامت الفرحه ولا الحزن دايم
لكن تعلمنا من اللي مضى وفات

درب الدنى ماهي تداني الصتايم
متغطرسه بالعز في كل لوقات

وإن ضاقت الدنيا علينا الزايم
نجمل السمعه بطيب وبطولات

ونروح ونعدي من اهل الشتايم
اللي تعذرب فالنفوس البريات

تفرق هل السنه وسود العمايم
كلٍ على مله وشرع ودلالات

فرق الكفو والاش منه ملايم
الفرق بين الارض لين السموات

.....

رد: فوق هام السحب ( الشعر الشعبي) على متن القوافي
 

‏الليالي صابها الخوف و أخطاها الامان
‏والمشاعر بعد طول الصفو متكدّرة

‏رغم صدمات الأوادم وصدمات الزمان
‏صدمتي فيك أنت لا زالت المتصدّرة

.....

رد: فوق هام السحب ( الشعر الشعبي) على متن القوافي
 

‏سمي على قلبي اللي طاح واقري عليه
وان قاله الله عيونك سحرها ينجلي

كم مرني من وجيه وكم تعدى وجيه
ولا شفت وجهٍ يضاهي وجهك المخملي

.....

رد: فوق هام السحب ( الشعر الشعبي) على متن القوافي
 

الناس مـن حـولك يشوفــك مرتاح
‏ويحســدوا حظــك اذا كنــت رايق

‏مايـدروا ان النفـــس مليانه اجراح
‏والقلـب من كثــر المواجيـع زاهق

‏حال البشر نظراتهم عكس ياصاح
‏مايشعــروا باللـي خفتـه الحقايق

‏يقيموا وضعك على ضحك وامزوح
‏ولو كان قلبك داخل الصدر ضايق

.....

رد: فوق هام السحب ( الشعر الشعبي) على متن القوافي
 

‏ 🌙🕌

الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ .

مُبارٓكٌ علٓيْكم شّٓهرُ رٓمٓضٓان

وكل عام وأنتم بألف خير🌙✨

رد: فوق هام السحب ( الشعر الشعبي) على متن القوافي
 

جعل ماجانا من الوقت كفارة ذنوب
وجعل طربات الليالي تجي متساويه

.....

رد: فوق هام السحب ( الشعر الشعبي) على متن القوافي
 

‏حي المساء اللي نشوفك تجي فيه
‏ياللي عليك الروح كل يـوم تـولـه

‏يا لذ واجمل شي تطري طواريه
‏ياغاية المشتاق واللي يـقـولـه

.....

رد: فوق هام السحب ( الشعر الشعبي) على متن القوافي
 

أهلاً بشهر التقى والجود والكرم
شَهْـرِ الصِّيَامِ رَفِيْعِ الْقَدْرِ فِي الأُمَمِ

أَقْبَلْتَ فِيْ حُلَّـةٍ حَفَّ الْبَهَـاءُ بِهَا
وَمِـنْ ضِيَائِكَ غَابَتْ بَصْمَـةُ الظُّلَمِ

العامُ يمضي والمواسمُ عدّةٌ
لكنّما رمضانُ شهرٌ واحدُ

رمضانُ هلَّ وجاءَنا بِسعادةٍ
قدْ أقبَلتْ بقُدومهِ الحسناتُ


﴿أَيَّام مَّعْدُودَات﴾
اللّٰهُمَّ اجعل اجورنا بها
لا تُعد ودعواتٍ لا تُرد

رد: فوق هام السحب ( الشعر الشعبي) على متن القوافي
 

لاتحاول تقنع الناس بقناعه داخليه
كل صدرً فيه شور وكل رأس فيه حيله

.....

رد: فوق هام السحب ( الشعر الشعبي) على متن القوافي
 

خذلك عن الضيق في جو الخلا سجه
حاجتك لله ومالك فالبشر حاجه

.....

رد: فوق هام السحب ( الشعر الشعبي) على متن القوافي
 

احساسي لك وعروقي عروق
فيها بدال الدم الاحساس جاري

حتى بديت اشوفك بكل مخلوق
ويجتاحني طاريك مع كل طاري

بشر تراني ودي اغفى ولا افوق
وابيع لك عمري ليا صرت شاري

.....

رد: فوق هام السحب ( الشعر الشعبي) على متن القوافي
 

‏العمر مرة والقلوب البيض ماتبغى دليل
‏والناس لا طابت نواياها تطيب حظوظها

.....

رد: فوق هام السحب ( الشعر الشعبي) على متن القوافي
 

‏حتى الثوابت تغير من مواقعها
‏الثابت ان كل شيٍ في الزمن وارد

‏عن مغريات الحياه وعن مواجعها
‏محتاج قلب البليد وسجة الشارد

‏لا طابت النفس مابه شي يقنعها
‏لو تمسح العقل ولا تمسح المارد

‏بعض العلاقات تشبه لو نرجعها
‏القهوه البارده والشاهي البارد

.....

رد: فوق هام السحب ( الشعر الشعبي) على متن القوافي
 

وين اللي يفهم خاطري قبل احاكيه
ويضيق لو يلمح طرف دمع عيني

.....

رد: فوق هام السحب ( الشعر الشعبي) على متن القوافي
 

من جاك عاني كاسبٍ بك جماله
‏في وقت قل الوصل مابين الارحام

‏اجلس معه لاتستشك وش طراله
‏الله كفيل الخلق من عهد الايام

‏فنجال مع ضحكه بعدها بياله
و‏يذكرك لامن راح في سبعة انعام

هذا الزمن ماهو زمان العباله
يوم العرب جوعا وكبودها حيام

الله عكس الاحوال واكبر دلاله
كل بيت تلقى فيه سايق وخدام

.....

رد: فوق هام السحب ( الشعر الشعبي) على متن القوافي
 

عسى الله يجنبنا دروب الردى والهون
وعسى الله يجملنا ليا حل واجبنا

.....

رد: فوق هام السحب ( الشعر الشعبي) على متن القوافي
 

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمْر بإحساس السنين
‏عابر وإذا مرّيت ما ترجع لأحد

‏وإذا ذبحك الشوق وأوجعك الحنين
‏تذكّر إنك مانت وحدك من فقد

منصور الحبابي

رد: فوق هام السحب ( الشعر الشعبي) على متن القوافي
 

‏لاعاد تبكين قطعتي معاليقي
مادام قلبي معك وش داعي الدمعه

انا مع الناس حلم وصعب تحقيقي
وتحقق الحلم لك والناس مجتمعه

.....

رد: فوق هام السحب ( الشعر الشعبي) على متن القوافي
 

‏ياللي خذيـت القلب مني ومافـيـه
‏إرفـق بقلبي يا بعـد كل مــن لـــه
‏
‏جيتك وأنا شوقي يسابق خطاويه
‏شوق الخليل اللي فقد شوف خله

.....

رد: فوق هام السحب ( الشعر الشعبي) على متن القوافي
 

يسعد مسا منهو تربى على الطيب
ترسم حروفي تفاصيله ومضمونه

كنه معي مثل القلم داخل الجيب
قريب من قلبي ولو غابت اعيونه

.....

رد: فوق هام السحب ( الشعر الشعبي) على متن القوافي
 

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

.....

رد: فوق هام السحب ( الشعر الشعبي) على متن القوافي
 

ياخيبة الضن في عاشق من الحب تاب
وجا غزال البوادي حاوره واقنعه

بعد عليه الغشاوه كلها والضباب
وهو غبي فكـره صادق وقم يسمعه

احيا بروحه حيات الحب دون الـعـتاب
حتا السعاده بدت تحويه متربعه

وضن ما مثلها فرصه لها الوقت جاب
والروح في حضرت العشاق متوسعه

فجئه وذي شب نار الحب سابك وغاب
والقلب ذي مات يترما ويتنصعه

طلع غرامك بكله والمحبه سراب
ماغير قلبك من اوجاع الزمان اوجعه

ياخيبه الضن هل عندك لقلبي جواب
والصوت ذا يشتكي ياناس من يسمعه

شيبت بي يازمان الحـب وانا شباب
والقلب ذا حب خلانه لقا مصرعه

.....

رد: فوق هام السحب ( الشعر الشعبي) على متن القوافي
 

لت جاك هرجٍ من سفيه الفعايل
طنش وخل النار تاكل حطبها

.....

رد: فوق هام السحب ( الشعر الشعبي) على متن القوافي
 

روحي تحبك جعلها فدوة لك
ياللي ملكت القلب ومعاليقه

كل العروق تدق بالحب لاجلك
وغلاك بالخافق وربي حقيقه

.....

رد: فوق هام السحب ( الشعر الشعبي) على متن القوافي
 

هذا نصيبي مع الايام من صغري
‏احيان اقوى الحزن واحيان ما اقوى

‏لوتدري الناس ويش اشيل في صدري
‏ماعاتبتني على شغلات ماتسوى

.....

رد: فوق هام السحب ( الشعر الشعبي) على متن القوافي
 

ان ادبرت ولا اقبلت دنيا نهايتها حطام
سجدة على وجه التراب اخير منها كلّها

.....

رد: فوق هام السحب ( الشعر الشعبي) على متن القوافي
 

لعيون احبابي اتبسم ونا محزون
قلبي من اجل الغوالي يرخص الغالي

امزح واسلي على من خاطره مغبون
ولاتخليت عن حد يشهد الوالي

حبيت فرخ الظبي والناس ما يدرون
عن حبنا لا من الاول ولا التالي

مفتون قولوا لمن نشد عني مفتون
في خد ذاك الذي ماغاب عن بالي

بالزين قلبي متيم عاشق مجنون
غيب ولاخاطري في غيبته سالي

.....

رد: فوق هام السحب ( الشعر الشعبي) على متن القوافي
 

‏خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

.....