|
رد: ديوان قصائد لشعراء المملكة العربية السعودية (متجدد)☘️☘️
قصيدة حل الرحيل وفرقوا شمل الاحباب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,198 مشاهدة حل الرحيل وفرقوا شمل الاحباب ناس على فرقا الاحبه مغاليل غدى لهم مع طلعة الشمس ضبضاب وسالت دموع العين مثل الهمايل وقفت اراعي سيد تلعات الارقاب واغضي وهو يغضي بسود مظاليل بشفاه يظهر ماتخفى بالالباب وبشفاي افصل له عن الحال تفصيل اسرار ودٍ بين صايب ومنصاب نجوى لها باقصى الضماير مداهيل سرايرٍ تنساب من تحت الاجياب لصدورٍ اطهر من قراح الشهاليل روحي على حبه لها كم جذاب ويتل قلبي عذب الانياب بالحيل لوان حبه يطعن القلب باحراب ابرى ليا شميت بيضٍ معاسيل على نقا ماني بغادر وكساب وبالعرض والله ماندور محاصيل ماني بمن يجرح عشيره بالاسباب ويحط له مع كل ريعٍ محابيل بس الحديث وقرعة الناب بالناب واظهار مكنون الغلا والتعاليل عزي لمن مثلي من الحب منصاب تارد عليه هموم قلبه زعاجيل اليا رقا مرقاب ناداه مرقاب بمفارق الخلان شاف الغرابيل الله لايجزي عريبين الانساب لو هم على ماقيل سوٍ على الخيل الي سعوا بافراق وضاح الانياب وخلوني اجزع من عنا الغبن واشيل فرقا ومنها القلب وسط الحشا ذاب وعسى هل الفرقا لهم صافي الويل عسى يصادفهم من الغيث سكاب وبله غضب مابيه يمطر لهم سيل ابيه يجدع مثل قلات الاطواب منها البرد ينماز كبر المخاليل وصواعقٍ منها المواليد شياب والحي منهم ذاهل العقل بهليل بامر الكريم ومن ترجاه ماخاب يمطر عليهم مثل ماجا هل الفيل الا لطيف الروح يذريه بحجاب كنه براس الطور وهمْه ورى النيل ويرجع علينا جادلٍ يزها الاسلاب من خلقته مانيش عرضه ولا قيل به مايعيبه للبعيدين واقراب حاشا ولا تلقى عليه المداخيل نقي عرض ولا عشق كل نصاب الجوهر الغالي رفيع المناويل وانا يصارحني بلا سر وكتاب وعن حالته يشرح لي العدل والميل هرجه على قلبي كما الشهد ينذاب وقلبي على قلبه يرد المراسيل كنه بعيني لو غضب كل عتاب بدرٍ تعلى كوكب الجدي وسهيل طفلٍ سلب مكنون عقلي والالباب عليه اجاوب نايحات البلابيل ياشطون قلبي زجي السر بكتاب مني لابو غشام زبن المشاكيل قولي رفيقه من هوى الزين ماتاب ويرجيه رجو البدو وبل المخاييل وبالليل ياقف له عن النوم حراب وكنه يلوج بموق عينه سماليل |
رد: ديوان قصائد لشعراء المملكة العربية السعودية (متجدد)☘️☘️
قصيدة يازين قلبي راح مني يباريك
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,144 مشاهدة يازين قلبي راح مني يباريك واصبح مقره بين الاضلاع خالي بالحلم ياسيد العذارى يناجيك وبالعلم له وسط الضمير اجتوالي طابت لي اذكارك وطابت مواريك وطابت عمامك يوم طاب الخوالي ارضيتني وبعالم الحب ابرضيك انت الحبيب اللي بديت وبدالي لعل رب صورك لي يخليك تشفي فوادي مابقن الليالي انا على خافي ضميرك موليك في منزل مايسكنه كود غالي عينك تراعيني وعيني تراعيك اشفق من الصايم لشوف الهلالي نصبح مصابيحك ونمسي مماسيك وانا ورا ضنك بعيد المدالي انا لي ضاعت جهود الشبابيك ارسي على صيد الوحش باحتيالي ياشبة وضحه زينوا فوقها ديك تموج للطياح روس المقالي |
رد: ديوان قصائد لشعراء المملكة العربية السعودية (متجدد)☘️☘️
قصيدة ذكرتني يا زين
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,990 مشاهدة يا ناتل قلب الخطا من عراويه ارحم عزيز في هوا حبكم تاه يطلب رضاك وكل شيء يخليه ويتبع هواك ومبعد عن دناياه انت الذي بالود بيحت خافيه وفرحوا عليه اقرب دناياه واعداه ما غيرك احد بالموده يسليه لا والذي صور جبينك وسواه اقل عطف منك يا زين يرضيه فضل ينوشه منك يبعد مناياه ذكرتني يا زين ما كنت ناسيه والقلب جض وتاه وأظهر خفاياه العام من كأس المحبه تسقيه وارضاك غفران لماضي خطاياه ذكرت شيء قبل ما ودي اطريه يوم انت بالقبلات تبهج ضماياه واليوم ضيعته بوادي من التيه يصفق براحاته يمينه بيسراه يوم انت باسرارك وحبك تناجيه تقبل حسناته وتدمح خطاياه يا عمير حبه بالضماير مخفيه لا شك فاح وباح وشلون ابكماه عيني تخيله وقلبي يباريه ويا عمير حبي واصل رأس منهاه ان كان حبل الوصل جذه با ياديه عز الله اني واحد من ضحاياه اغضب نظير العين والقلب مدميه ودمعي على الخدين يا عمير مجراه |
رد: ديوان قصائد لشعراء المملكة العربية السعودية (متجدد)☘️☘️
قصيدة قالو تنوح
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,978 مشاهدة قالو تنوح وقلت قلبي نمر ناح قالوا علامك قلت بالقلب لاحي قالوا ترى نوحك يسبب للاجراح قلت اعذروني مغلق السر باحي بلاي من سيد المها ظبي الابراح عني بعيد ويمه القلب شاحي القلب من جور الهوا تقل ملواح امشي ولا ادري وين نية مراحي والدمع من عيني على الخد سفاح امش دمعي كل ما اقبل وساحي ان جيت اكف الدمع من ناظري فاح من مشة بين النواظر ملاحي على الذي له في حشا الروح مسراح حبه صبغ ما عاد يمحاه ماحي غيره بعيني حلم ليل به اشباح وزوله بعيني سلوتي وانشراحي يوم اشوفه فيه يوم به افراح وان غاب من فقده تضيق المشاحي دنياي عقبه ما بها خير وارباح تضيق بي يا عمير لو هي بياحي يا عمير حبه بالحشا صايبه جاح كسر ضلوع بالضماير صحاحي اللي ذبحني بالموده بلا سلاح يا عمي رهي في دين ربه تباحي اذكر جبينه كل ما بارق لاح . وارسل سلامي مع هبوب الرياحي وارجي بعد فرقاه لام للارواح ويصبح مريض القلب يا عمير صاحي |
رد: ديوان قصائد لشعراء المملكة العربية السعودية (متجدد)☘️☘️
قصيدة دار لنا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,959 مشاهدة دار لنا ما بين صاره والانفاد عسى عليها الوسم يمطر حقوقه عسى يسقيها من الغيث رعاد مزن من المنشا تلاعج بروقه تسوقه الشرقي على دار الاجواد وغربي هواه بجود ربي يسوقه ربرب طهاه وما طره بالمهل جاد وسكر هواه وصب صافي صدوقه له بالخريف وباول الوسم ميعاد ويتليه من دهم المخايل رفوقه عقبه تهنا بالروا كل وراد مثل البطاط ان شرعت فيه نوقه ويضفي على نجد الوفا دار الامجاد اللي بها المضيوم ياخذ حقوقه والعشب غطا باذره كل الاوهاد من دافق الرايح تسابق عنوقه يا حلو لجات الزهر وسط الاجراد ان ذعذع النسناس مالت عذوقه فقعه مصاليع على روس الاشهاد والوبل من غر الروايح غبوقه تسابقوا عشبه مصلحة الاذواد واهل الغنم كل يرتع فروقه يفرح بشوفة زاهره كل وراد ويلقي الزبيدي ظاهر من فتوقه يالله ياللي له هل الدين سجاد يا منجين ذا النون والجم فوقه يا ناصر طه بعد حرب وجهاد وفي بدر طير السو قصت سبوقه ومبري مرض ايوب من عقب ما كاد ومحيي النبات بكوثر من عروقه تقبل دعات اللي عن الحق ما صاد والسنة الغرا مسيره وسوقه |
رد: ديوان قصائد لشعراء المملكة العربية السعودية (متجدد)☘️☘️
قصيدة سيل حدر مع وادي غير واديه
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,935 مشاهدة شي بقلبي ياملا حاير فيه شي تحير به العقول الفهامي اخفيه بفوادي ولا ودي ابديه وادور الخيرات شرق وشامي احترت به ماشفت شي يحاليه واليوم ابنشد عنه مانيب كامي سيل حدر مع وادي غير واديه مدري حلال ماه والا حرامي كانه حلال وجايز شرب صافيه وش حلله يا مفسرين الحلامي هاتو تفاصيله وهاتو معانيه نبي الدليل اللي عليه الكلامي نبي دليل يفهم الدرب ماشيه يمشي به التايه بليل ظلامي يمشي به التايه ويقدي مواطيه ويشرب قراح الما اليا صار ضامي لاشك هجسي يوم خلا مماشيه انه حرام ومنه زود الاثامي احرم من الزقوم مره وحاليه وشربه على الظامي يزيد الهيامي الله من قلب همومه تقزيه تدك به مثل الجراد التهامي من مما جرا قامت تتله مشاحيه تل الرشا من فوق هدف المقامي! روابع قامت تصيبه وتخطيه شاف الهوايل واختلاف الاسامي ما يسمع الداعي اليا قام يدعيه يعوم في بحر من الهم طامي ما ينتبه للي بصوته يناديه يزيد همه يوم كل ينامي يشوف وقت ماعرفنا تواليه وقت يشيَب من بسن الفطامي! هذا زمان كاثرات بلاويه والغيم يقلب فيه عج وكتامي يابعد شرب الما على كبد راجيه ما سيَل الغبرا زعوج الجهامي انبيك يامن كلمة الحق ترضيه اعطيك ما ينفعك وافهم مرامي قصر يذلك لا تقابل مبانيه خله عسى شامخ طويله هدامي! خله عسى ما صاب اغادير يفنيه يودع منازله الطويله رجامي! لو زان مدخاله وطالت حواميه شيَد على الخيبه قليل الرحامي وحي يوريك المذله وتغليه انا اشهد انك ميت القلب عامي من لايودك لا توده وترجيه ارفع مقامك ياعزيز المقامي ارفع مقامك عن عدوك وتوذيه ويلحقك من تركت رفيقك ملامي حق الرفيق وواجبه لا تخليه يلزمك مثل الوالدين الحشامياختر عزيز الجار والحق يعطيه مادك به عرق المذله وطاريه ومن قارب الاجرب بالامراض يعديه عداوة تسطي باللحم والعظامي درب السلامه بينات مماشيه ودرب العطب يرث عليك اللكامي ابعد وقلبك نازح البعد يشفيه وتلقا عن الدار البغيضه مقامي دار بدار وداعي الذل عاصيه ولا تقبل الذله نفوس الكراميالذل موت حايمات ضواميه عن مقعد بالذل عينك تراعيه الموت عند الذل امان وسلامي يرضى المذله من تردت هقاويه والذل يجفل منه قلب العصامي والعبد له رب عن الناس يغنيه ولولاه ما صاب الهدف كل رامي |
رد: ديوان قصائد لشعراء المملكة العربية السعودية (متجدد)☘️☘️
قصيدة صفقت بالأصبع
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,930 مشاهدة يا عمير خبر زبن قله سطابي جرح الغرام وفقد لاماي الاحباب الحب والفرقا تجدد عذابي وتفتح علي من الموده مية باب يا زبن ضلع طويق لو شال مابي ان كان من جور الهوا جندله ذاب على الذي بالحيل مكن صوابي هاف الضمير وسيد تلعات الارقاب ابعد ومن دونه يحول السرابي والبعد فرق بين صايب ومنصاب صفقت بالاصبع وشرعت بابي براس البهام وطق ناب على ناب ونيت لين الميت فاق ودرابي وحب دهاني مادها نمر وعقاب يا زبن ابشكيلك من اللي لجا بي وسط الفواد مشرع فيه مخلاب انخاك لا منه جذا كل هابي انخاك يابن عمير يا عرب الانساب هجر النيا عن من نوده نحابي وعن نون عيني نور لطف الحشا غاب كنه ينابني بنومي منابي ان هب لي من داعي الحب هباب يا زبن ضاقت بي جميع الرحابي وقلبي من الفرقا ولوه ومرعاب إلى شربت المي مر شرابي والنون ياقف له عن النوم حراب ما انساه لو انه يشيب الغرابي وحياة رزاق الملا رب الارباب |
رد: ديوان قصائد لشعراء المملكة العربية السعودية (متجدد)☘️☘️
قصيدة يافيصل اودعك توديع من غاب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,880 مشاهدة اشوف ديّاني وقف لي على الباب يبغى الوفا مني ويبغى حسابه ماينسى دين تقفاه طلاب والدين مايوفيه كثر الطلابه يافيصل اودعك توديع من غاب لاترتجيه انه يجي من غيابه غيبة دهر ماهوب شهر عد وحساب في مظلم ينهد فوقي ترابه اوصيك يافيصل تخير بالأنساب كل تعوض فيه كون النسابه |
رد: ديوان قصائد لشعراء المملكة العربية السعودية (متجدد)☘️☘️
قصيدة الله من هم بروحي سهجها
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,730 مشاهدة الله من هم بروحي سهجها بخا في ضميري في كنين الحشا لاج احر من نار تواقد وهجها منها خطر روحي على سلك ديباج عين عسى المولى يعجل فرجها يفوح ناظرها كما عين هداج استرسلت للدمع مما رهجها غيظ يكظ عبارها مثل الامواج كم واحد له غاية ماهرجها ويكنها لو هو للادنين محتاج يخاف من عوجا طوال عوجها هرجت قفا يركض بها كل هراج يقضب عليك المخطية من حججها حلو نباه وقلبه ابيض من الصاج الله خلق دنيا وساع فججها وعن ما يريب القلب لك كم منهاج والرجل وان شطت لياليك سجها عسى تواليها تبشر بالافراج |
رد: ديوان قصائد لشعراء المملكة العربية السعودية (متجدد)☘️☘️
قصيدة ملحمه عكاظ
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 1 1,574 مشاهدة غنت الورقا على خضر الغصون وأسهرتني والزواهر ساريات ولعت قلبي وأنا قلبي حزين هاج فكري والحمام مغردات من سببهن عفت لذّات المنام ساهرٍ وعيون غيري نايمات جددن اجروح قلب المستهام أتعذب والقميري ساجعات سارحاتٍ لاعباتٍ بالفنون هازجاتٍ في طربهن دالهات بالترنم بينهن ورق الحمام حركن مني اشجونٍ خافيات حركن قلبٍ سبح وسط الغرام هام ببحور الغرام الهايجات هايمٍ مشتاق شوقه من قديم مستكنٍ بالضلوع المغلقات أتذكر من له فؤادي خفق فر من بين الضلوع المهدفات في كلام الحب جاوبت الحمام وأستلجن وأستمرن شاديات ذكرني شاردٍ فاق الظباء أهيف الخصرين سيد الراتعات قالو انه ساكنٍ وادي ثقيف أدعج العينين بسفوح السرات هزني الشوق على شوف الحبيب مني الآفكار يمه شاردات حلقن بأفاق ميدان الهوى يم من يهواه قلبي سابحات جيت أدور من سبا عقلي هواه بالشفايا والعيون الناعسات يوسفي الحسن ممشوق القوام جادلٍ في وصفها مثل المهات جادلٍ جدد اجروح بالفؤاد صايباتٍ جارحاتٍ داميات خافياتٍ مزمناتٍ موجعات مستقراتٍ بقلبي ساكنات يوم أشوف الزول والعنق الطويل الله اكبر والقرون مجدلات مثل شرطان الذهب شقر الجعود خلقة الله فوق جسمه ضافيات فاتن وأغواه ريعان الشباب والرموش بحاجبيه مركزات خصرها ضامر ومهضومٍ حشاه بين أشافيها نظيم أمجوهرات أن تبسم في شفاياه وضحك صفقن ليحان صدري هاتفات من فيافي نجد جيت أرض الحجاز من ديارٍ نبتها زين النبات عانين من نجد ميدان المهار غابت أليوث الحرب الكاسرات من اديار نبتها شيح وعرار والشقارا والزهور اليانعات والبختري والنفل هو والجعد والخزاما والزهور المنورات زاهر الحنوه وزهر القيحوان مثل نظم أعقود خودن حافلات به أطيور الروض غنن بالفنون بالترنم غارقاتٍ آمنات البراعم كل ماهب النسيم مايلاتٍ بالتهزع راقصات اليهق والربل يطرب كل عين والشقارا والسليح بناظرات ريحهن وان هب ذعذاع النسيم ينعش أرواحٍ لريحه عاشقات كن نظم ازهورها وسط الرياض الجواهر في رقاب الغانيلت عللتهن في ربا نجد المزون ناشياتٍ مرعداتٍ ممطرات غادياتٍ رايحاتٍ مرضيات مسبلاتٍ في مطرهن مغدقات حافلاتٍ مثقلاتٍ هاملات منوراتٍ بالبروق الضاحكات لاقحاتٍ مغنياتٍ حاردات شامخاتٍ شاحناتٍ حافلات شارباتٍ من بحور ومن شطوط والصبا هبت لهن بالملقحات ساقهن ربٍ على عرشه عظيم من بحر جوده برفقٍ دافقات كن ودق المزن من فوق الحزوم المكاين بالصحايف كاتبات كن طفاح الطها بيض الخيام بالمشاعر يوم تسع مشاهدات أرعفن بالكوثر العذب الطهور من مزونٍ في سماهن مسبلات ناشياتٍ من دخل فصل الخريف تسعة أشهر فوق نجد مخيلات أتسلا بالسراب وبالفجوج ريحة العشب فيها منعشات عانين من نجد ملجا المستريب من زبنها ما تجيه النايبات عانين من شامخٍ مجده قديم من طويق العز شرقٍ من مرات مشمخراتٍ اخشومه للسحاب مثل سلات السيوف المصلتات عانين من نجد ساحات الندى جيت من ميدان خيلٍ مكرمات عانين من نجد مدهال الاسود في ذرا وادي حنيفه مرعبات مرعبينٍ العدو يوم الحروب وللصديق وجارهم عز وغنات شيدو للمجد بين العالمين يوم بعض الناس في نومٍ سبات ديرةٍ في ربعها عنتر سكن وبن كلثوم مروِ المرهفات مع كليب وحاتم بحر الكرم من سكن للجود فوق النايفات ديرةٍ أحيا بها عبد العزيز ذكرياتٍ للفخار أمدونات جدد افعول الاسود اللي مضت ثمن احياها وهي كانت رفات عبقري ماعلى البيدى مشى مثله الا من نطق بالمرسلات هزبر الغابات ليث من ليوث صارمٍ حطم أحدود الصارمات تغلبين من نسل شسيبان جال والكتايب بالسلاح امدججات يافعن هام المعالى من نشا خاض غبات البحور الطاميات بدر كل الشرق من شرقه طلع ضاح وانور بالليالي الحالكات وانجلت عنه الكواكب كلها والبدور من المهابه آفلات لم شمل الجزيرة منتشر وحد الحضر المقيمه والبدات النساء ما خلفن مثله عديم بالسنين الحاضره والفايتات من بحر جده الى شط الخليج البنود بمجد عزه لايحات والنظا والخيل من ربع الجنوب في ربا هضبة عنازه مشرفات جال بأجوى الكون صقرٍ من صقور وأخلدت كل الطيور الجارحات فرخ شامٍ صاقرٍ كل الطيور . الصقور الاوله والتاليات بالفعايل لو يقوسون الحرار طولهن عن طول شبره قاصرات ضف ريشه من مقره بالكويت وأصطفق وأرعب جميع الطايرات خاف من سطوات فعله كل طير نزلن بالقاع عنه موقعات مطلبه للعز والمجد التليد يوم غيره لاهين بالمخردات وأدرك العليا بعد ضرب السيوف كم روس في لحاهن طايحات عقب خوضه للمعارك بالحروب شرب صافي الماء بعد شرب الصرات في نهارٍ فيه ضهره مثل ليل به عجاج الخيل غطا الشاهقات كن رجد الخيل مع غط الصهيل الزلازل والرعود الصاعقات فوقهن كل أبلجٍ عين عديم ملجماتٍ جاهزاتٍ واثبات حاجبن الشمس نقع العاديات والمدافع هازجاتٍ مرزمات زادها ضرب الهواتر والرماح والبنادق شاحناتٍ مفرغات وين قطاع الفيافي والفجوج النضا والخيل عقبه مهملات جيت للمبعوث وأقفت المسير شرقي العرفا ذكرت الماضيات ماشيٍ بأطلال أجيالٍ خلت دارساتٍ موحشاتٍ خاويات أسأل الأطلال وين أهل البيان وين من سنوا طريق المكرمات ياعكاظ العرب ميدان الادب يامزار أهل المهار الصافنات يامزار أهل الرجوله والحسب ياعرين الليوث الضاريات يامواطن نخبة المجد الرفيع يامقر أهل البنود الخافيات يامنابر مصدر الشعر البديع مفردات الشعر منهم خالدات يامناخ الهجن عجلات الفديد يامداجٍ للمهار المرهمات فوقهن صيد يضدون الحريب بالرماح وبالسيوف القاطعات فوق قبٍ يعربياتٍ اعجال عادياتٍ بالمعارك ضابحات في ظهور العيس جوها من بعيد يقطعون افجوج نجد الموحشات ما يهابون الفيافي والخروم والمخاطر والديار الناحيات من ديار الشام وديار اليمن وأهل هجر ومن سكن شط الفرات وين بكر هو وتغلب مع تميم وين ذبيان وعبس أهل القنات وين حاتم مع بن سلمى زهير وين رايات الفخار الشامخات وين أمرئ القيس مع فارس زبيد انشدو عنهم أقبورٍ مظلمات وين غطفان وهوزان مع قريش وين قيس أهل السيوف الماضيات وين قيس وين من صاغ البيان من نطق بالبينات الباقيات وين عنتر وين طرفه مع لبيد وين بن كلثوم عز الناخيات وين الاعشى وين نابغة العرب وأخت صخر اللي تقول المعجزات وين حفل الازد أهل سمر الرماح أصلهم في شامخ العربا ثبات وين الاقرع مع بن عبد المدان حكموهم بالامور المعضلات من فحول الشعر سادات الادب علقو بالبيت عشر معلقات بالتفاق بين سادات عظام سنو الاشهر عليهم حارمات أشهرٍ حرم أكيدٍ سجلت بالعهود المحكمات البينات أشهرٍ بأيامهن حقن الدماء لاحروب ولا مهارٍ مسرجات ثبتوا فيها طراف وشيدوا قبة حمرا محط الظامرات كل ما مريت رسم أديارهم عاودتني عبرةٍ عقب الثبات عاودتني عبرةٍ بأقصى الحشا والدموع من المدامع سايحات هيضت لواعجٍ وسط الفواد المنازل والرسوم الدارسات ياحماة العرب يانسل الكرام ياشبابٍ قد تحلوا بالصفات يارجانا في ملمات الكروب أنتم أفلاذ الكبود الغاليات أنتم الآمال يانور العرين ياحمات أوطانكم والمحصنات ياشباب العرب وان حمي الوطيس ياسيوفاً للشدايد مغمدات قولةٍ بلكى عسى هذا يصير ما يخلص للديون المرسمات ما يخلص دينكم كود الفعال في نهارٍ فيه ضرب القاذفات أبعثوا ذكرى هل الفعل الجميل راكبين العيس هي والعاديات أبعثوا بالله ذكرى جدودكم أبعثو بالله بيناتٍ واضحات أبعثوا ذكرى صناديد مضت أسمعوهم والمسامع مصغيات أسمعوهم صيحةٍ وسط الهضاب اللهضاب بالأقصى مطرقات مطرقاتٍ شاهدن ذل وهوان شاهدن قهرٍ تذوب اله الصفات صخرةٍ بالقدس تنخى الفاتحين هلت العبرات منها جاريات صخرة المعراج تنخى الطيبين وين جيش الزحف قاسين القناة اليتاما دمعهم فوق الصدور فاقدين ابوانهم والأمهات يصرخون بصرخة الحر الحزين صرخةٍ منها الجبال مجلجلات صرخةٍ ادما صداها للقلوب عن نماهن أذهلت للمرضعات صرخةٍ من هولها جظ الحطيم والمشاعر كلهن امزمجرات يندبن العرب لاولى القبلتين لطخةٍ بالعار بيدين الجنات فاقدين كل شىء بالوجود والثكالا وسط يافا عاريات العدو يسومهن سوم العذاب من سبب ماصار والله باكيات مالهن في وسط موطنهن قرار بالنياحة والتهضم سامرات عذبوهن بالسياط وبالحديد بالسجون مكبلاتٍ غاضبات عند صلفين اليهود الضالين خافضاتٍ روسهن وحاسرات هاضمين حقهن بين الآنام حسروهن عقب ماهن مترفات لاحلال ولابيوت ولاذرى لاصديق ولاعوين تايهات لاحليم ولاقريب ولاشفيق هالكاتٍ بالفيافي معدمات شردوهن عقب ماهن في نعيم ياحمات اديارهن مستضعفات ساكناتٍ بالجبال وبالكهوف مبعداتٍ بايساتٍ نايحات يطلبن الثأر يانسل الكرام من نطق بالضاد يمه صارخات من تجبر ضدهن بأوطانهن نازحاتٍ نادباتٍ ناحلات ياولي العرش يالرب الكريم يا إله شاهدن المنكرات أبعدوهن عن مواطن حيهن نازحاتٍ عن وطنهن مرغمات مستغيثاتٍ بزفرات العبار كاشفاتٍ للوجيه الشاحبات حرقن أدموعهن ورد الخدود من شراب الذل والله شاربات هدموا لبيوتهن عقب العذاب يمسحن ادموعهن الذارفات ذللوهن عذبوهن بالسياط بالتوجد والتهظم زافرات شاهدن لبيوتهن عقب العمار صارت انقاض هدامٍ جاثيات يصفقن بكفوفهن سمر الخدود من أدمي أخوانهن مخضبات عرضن لصدورهن زرق الحراب هن وطلقات الرصاص القاتلات القهر والغبن يبكي كل عين والهضايم شيبت بالجاهلات في رحاب القدس أيضاً والخليل في رباهن شيدوا مستعمرات كم شبابٍ بالسجون مصفدين دونهم أبواب ظلم مقفلات اطلبو للثار ياشبال الأسود كان ما أخذتوه فضلو الممات الكرامه ما يعادلها عديل كان خدشت حرموا باقي الحيات بالقبور أبوانكم تنخا الشباب أنتم أحفاد الصناديد الكمات خيلهم بالعز بأيام الحروب في ميادين المعارك جايلات أن نشدت وقلت وأبديت الصحيح فلتة الدنيا جنوب مغرزات ياشباب العرب بأيام الكروب ياذرانا بلامور المعضلات شمروا للمجد بأيام الخطوب أبعثوا سوقٍ مضى له ذكريات جددوا ذكرى عكاظ بما مضى واعلنوها للوفود السامعات سجلوا فيها الفخار وطهروا ا لشرف يوم الاسنه شارعات معركة ذي قار خاضوا حربها بالعوالي والسيوف المشهرات وأبعدو عارٍ على النعمان صار أبعدوه وبعدوا للعيبات به تساموا للفخر يوم النزال حلقوا للمجد فوق الحايمات بالجزيرة مايهابون المنون ثابتين كالجبال الراسيات خيل قحطان وعدنان جميع معركة ذى قار فيها سابحات سبلوا للمعركه صف اعجال ممتطين للمهار السابقات لين رب الخلق علام الغيوب خالق الارواح رب الكائنات أنزل آياته على سيد البشر أنبأه بأقراء على رغم العدات ثم شع النور في شرق العرب وأشرقت شمس الفضيله بالصلات هبوا الانصار للخطب العظيم مع رسول الحق للعالم هدات أحدقوا بالمصطفى سيد الآنام كالاسود الكاسرات الفاتكات وانتشر دين العداله للورا شاع واهتزت عروشٍ للطغات وأنذهل كسرى وجيش الروم خار من كتايب من سعوا للصالحات عصبة محمد هل الفعل الجميل يطلبون المد فوق الجامحات خيلهم بالشرق والغرب البعيد للجحافل بالمعارك خايضات خيلهم بالشرق والغرب البعيد مرهماتٍ هاجماتٍ جايلات في سبيل الحق ما تخشى الملام كم هدو من عروشٍ هايلات الصحابه بالعوالي والسيوف أخمدوا نيران قومٍ مشعلات أبن ابي وقاص هو وبن الوليد كم تحدو للصناديد العصات قادوا جيوش الصحابه بالحروب طاعةٍ لله رب الصافنات طاعةٍ للي بعث طه رسول مكنوا بالضد روس الباترات رسخوا بسيوفهم دين الحنيف في كلامي يشهدن القارات من رقاب الروم بالحرب العوان ينثرن الدم بحدود الظبات وأحمد الله لابتي يوم النزال ما يهابون المنايا الواردات للفخر والجود في وادي العقيق نازلين والجفان مشرعات ضيفهم والجار يلقى ما يريد في رحاب المجد ماجاهم شنات هم بني زايد وهود جدهم بينٍ تاريخهم بالمعجمات من جدار الجار أدو جارهم والفضايل بالفعايل شاهدات كل فعلٍ صار يظهر له دليل ما جرى بالكون تبديه الروات قلتها في ديرةٍ قفر فياح شرق من صاره شمال مجفلات أتجلد كل ما غنا الحمام وأتذكر للأمور الفايتات أتذكر كل شىء قد مضى وأتوجد والتوجد به شمات وأزعج الآهات من فرط الأسى ساهرٍ يوم الزواهر ساريات |
رد: ديوان قصائد لشعراء المملكة العربية السعودية (متجدد)☘️☘️
قصيدة قلبي نهبته
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,557 مشاهدة يا قاتلي من غير ذنب جنيته الله يبيحك لو توطيت بدماي والله لمشي لك على ما بغيته يللي من أجل ارضاك ترخص مناياي لو انت تطلبني فؤادي عطيته بلا ثمن يا مورد الخد برضاي شرفك عن عيب ينوشه حميته وذنبك بقتلي والرضا منك مداي القلب من بين الضماير خذيته واصبح مقره خالياً من حناياي قلبي نهبته عنوة ما شريته وصفقت باليمنى على كف يسراي ان جيت ارده بالحشا ما قويته يبي حماك وفر من داخل حماي واللي عذلني عن غرامك عصيته على طريقك تسرع الرجل بخطاي إلى عذل صديت عنه ونهيته لو هو قري بوغالياً من دناياي ومعرفوك اللي نالني ما نسيته وانت الوحيد وغاية القلب ومناي وانت الذي خافي ضميري كويته وانت الذي تعلم بسري ومنهاي وانت الذي زرع بقلبي سقيته ونور بشكات الزهر عقب الذواي وكتب على قلبي كتبته قريته اسمك وترجمته على القلب بسماي ووعدك لو انه بليل نصيته نورك بحندس مظلم الليل قمراي الى ذكرته شاح قلبي وجيته لو هو يسيل الدم من سبت ماطاي ارضاك في غالي حياتي فديته وارخصت غال الروح برضاي وهداي اتبع رضاك وكل حي جفيته وامشي بشفك لو عتب كل حكاي إلى طرا لي عنقك اللي لويته اغيب باحلام السعاده بدنياي على رحيق اشفاك قلبي غذيته وقطفت ورد من شفاياك بشفاي ورد على خدك برمشك حميته بهداب عكش ضللن عقب الغضاي لولاك مرقاب العنا ما رقيته وجاوبت مفجوع الحمايم بنجواي رجم على راس الطويله بنيته اجيه واعلى طية منه مركاي اهيض اللي في ضميري كميته وطلال لو ناديت ما يسمع انداي لو انه ابو بندر قريب نخيته ان كان يفزع لي على كود بلواي هو الذي من بد ربعه رجيته وعز الله انه عارف غيب شكواي |
رد: ديوان قصائد لشعراء المملكة العربية السعودية (متجدد)☘️☘️
قصيدة لولا الهرم والفقر والثالث الموت
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,234 مشاهدة لولا الهرم والفقر والثالث الموت يالا دمي بالكون ياعظم شانك سخرت ذرات الهوى تنقل الصوت وخليتها اطوع من تحرك بنانك جماد تكلمها وهي وسط تابوت تاخذ وتعطي ماصدر من بيانك وعزمت من فوق القمر تبني بيوت من يقهرك لو هو طويل زمانك لولا الثلاث وشان من قدر القوت نفذت كل اللي يقوله لسانك |
رد: ديوان قصائد لشعراء المملكة العربية السعودية (متجدد)☘️☘️
قصيدة سلمى تقول ان الموده غرابيل
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 1,035 مشاهدة سلمى تقول ان الموده غرابيل وانا على سلمى عليل الضماير سلمى تقول الحب ويلٍ بثر ويل وانا حشاي بجاير الحب فاير وسلمى لها بقصى الضماير مداهيل وعندي لسلمى بالموده سراير اسأل عليها كل ما يقبل الليل والصبح اوصي يمها كل طاير الحب في قلبي صبغ صبغة النيل بين المحاني صايب الحب جاير وياما توجَّد والضماير مغاليل وياما على سلمى عطيت البشاير طفلٍ سلب عقلي بسودٍ مضاليل منها قلوب اهل الموده عثاير ورموش سودٍ ما تكحل من الميل سواه خلاق البحر والجزاير دارٍ لسلمى ما تجيها المراسيل دارٍ لقلبي في حماها ذخاير ارسل لها من ناحلات المراميل ما يصلنه ناقلات المجاير اطلب لها من رايح المزن بالسيل منه الزبيدي نابتٍ بالمحاير |
رد: ديوان قصائد لشعراء المملكة العربية السعودية (متجدد)☘️☘️
قصيدة سود الليالي
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 952 مشاهدة الله على وقت مضى فات يا حسين وعزى لمن بيض العذارى كونه يا حسين وين اللي بشوفه يسلين اللي جعلته للضماير مضنه عليه من بعد النيا تذرف العين والقلب ونات الحشا يوجعنه سود الليالي تلحق البين بالبين وما بيضنه بالموده محنه العام عام الود عام المحبين لو فيه نيران على القلب جنه واليوم اهل مضنون عيني بعيدين وسود الليالي عن دياري حدنه الله لحد ما فيه حي يعزين وعلى زمان فات جريت ونه والحقتها تسعين ونه وتسعين من عقب ما هي بالحشا مستكنه ونات من هو طاح بين المثارين خيل تعدنه وخيل وطنه فرسان ربع عن مطيحه مقفين وفرسان ضده شاهرين الاسنه من فوق قب كنهن الشياهين في حومة الميدان تشاوحنه بغا المنير وجوهل الخيل عجلين والخيل اعاقن نيته واعجلنه وطبو عليه وسدو الدين بالدين والخيل فوقه كظمن بالاعنه |
رد: ديوان قصائد لشعراء المملكة العربية السعودية (متجدد)☘️☘️
قصيدة انا من نجد يكفيني هواها
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 893 مشاهدة أنا من نجد يكفيني هواها ويبري لوعتي شربي لماها وشوفي من نبيه ومن نوده غزال تابع قلبي هواها غزال ضيعت عقلي وروحي رمت قلبي وقلبي مارماها لها بالروح وفؤادي مودة ولاشىء من احوالي خفاها تعرف أني لها مملوك طايع أبيع الروح في دورة رضاها أهيم بحبها واخفي جروحي وقلبي ماعشق زول سواها توقد حبها باقصى فؤادي ونار الحب يحرقني لظاها ملكني بالهوا عذب السجايا ولااذكر ساعة قلبي نساها نحيل الخصر وضاح الثنايا نظيم الدر منظوم بفاها فجعني بالهوا ورقا حمامة وعيني منه جاها ماكفاها ورا دنياي عقبه لوعتني من الفرقا تكر لي صفاها |
رد: ديوان قصائد لشعراء المملكة العربية السعودية (متجدد)☘️☘️
قصيدة يا فزعة المظيوم
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 874 مشاهدة يا مرحبا حييت يا عز الاقراب واهلا بشوفك يا بعد كل غايب اهلا عدد ما بان نجم وما غاب وعداد ما تذرى نسيم الهبايب يالليث يا بن الليث يا زاكي الانساب حلال عسرات الامور الصعايب يا فزعة لمظيوم ان كلح الناب يالظاري الصاطي عطيب الضرايب يا بن العديم اللي غلب كل غلاب يا خو الشجاع اللي يحل النشايب يالنادر اللي من قنص فيك ما خاب خطك طويل الياهبا كل هايب يالوايلي يالتغلبي عز الاصحاب ما ذكر فيكم ها في الاصل عايب يالفيصلي يا ستر غضات الاشناب ان نابهن في بعض الأيام نايب ياللي لهن في ساعة الضيق جلباب ستر لهن عن حاميات اللهايب ياللي معاديكم على دار الاجناب تشهد لكم قب الرمك والنجايب ياللي لكم في منبر المجد محراب نلتوه من عقب الكدر والمصايب نلتو رفيع المجد بسيوف وحراب وعدو انكم شافوا كثيرا الغلايب بحزم ولطم فيه تقطيع الارقاب وعزم جلاميد الصخر منه ذايب وحرب مرير فيه تفتيل الاشناب يقلب شعر راس الولد منه شايب بعج ودخان تقاذفه الاطواب مثل الرعد من مرزمات السحايب والخيل تشكي صابها ذعر وهياب وقلوب اهلها ما تمل الحرايب يحدونها للموت لكد بالاعقاب والخيل من ضرب المشوك حطايب تقلى ضاديد المطاليق هراب من لابة بالفعل سوو عجايب بارماح بظهور المناعير نشاب شلف مضاربها تفج الترايب يشهد لهم بالطيب من وسط الاصلاب والحي واللي حدر عوج النصايب صفوة هل العوجا مهدين الاصعاب تارد حياض الموت ورد الجلايب يقودها فيصل وللخصم ضراب بكف مضريها لجدع الضرايب مفراص ماص للصعيبات عضاب خلا خصيمه ضانع الفكر خايب خلاه يشكي لدغة الناب بالداب سم زعاف ماضي الفعل صايب ناب صوابه ما تداويه الاطباب من ناش ما قالو من السم طايب اركي على كبده من الغبن مشهاب وخلاه يجرع علقم الشرى رايب فيصل لدين الله غدا ستر وحجاب ولولاه راحو بالجزيرة نهايب ناس تطيع ابليس في كل ما جاب وعلى الشريعه من كبار العقايب دجالة بالمكر والكذب نصاب على الردي تمشي لعوج الطلايب للملحدين كلاب واصحاب واذناب عدوان من جاوب على ايوب تايب تمت وصلى الله على سيد الاحباب واهلا بشوفك يا بعد كل غايب |
رد: ديوان قصائد لشعراء المملكة العربية السعودية (متجدد)☘️☘️
قصيدة اللي سباني بالهوى فارع الطول
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 872 مشاهدة البارحه لكن بالعين سملول والا الحماط مداخله شوك حاذي اسهور وقلبي بالهواجيس مدهول ويدق به من جاير الحب هاذي يدك به حب تعظم لمجمول اللي قسم مكنون عقلي فلاذي ان قلت وان ما قلت وان كان أبقول مالي سوى مضنون عيني ملاذي افديه بالروح العزيزه وما نول وعيوني الثنتين هاذي وهاذي اشفق عليه وخاطري فيه مشغول شوفه مرام النفس للروح عاذي الللي سباني بالهوى فارع الطول حي لنون العين دايم محاذي ان غاب عني يصبح القلب مذهول وعنده سبب موتي وعنده نقاذي ان مت باسبابه فانا عز مقتول ان رشي من فيض دمعه رذاذي راع الهوى قلبه من الحب مشلول يحس من جور الموده مواذي لو حال من دونه صناديد وفحول ما نيب عن مجمول الاوصاف جاذي اجيه ما أسمع قول عاذل لمعذول ما صن سمعي للعذول المهاذي |
رد: ديوان قصائد لشعراء المملكة العربية السعودية (متجدد)☘️☘️
قصيدة اخترت بعد الدار عن قرب الانجاس
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 844 مشاهدة قالوا وحيد وقلت ماعندي اوناس وقالوا غريب وقلت بأرض بعيدة ابعدت مابي شوف ناس من الناس بعدت عن بعض الملا وتعديده مطاوع قلبي على كل الأجناس والبعد عن شوف المكاره يفيده اخترت بعد الدار عن قرب الانجاس عن دارهم نلقى ديار جديدة في وسط نجد اتبع هوا كل نسناس واطرب لشوف طيورها وتغريده اعشق ليالي نجد لو انها ادماس وايامها عندي جنان سعيدة شمى لعشب رياضها يقعد الراس ومافات من ساعات عمري بعيدة شوف الزهر يبعد عنا كل هوجاس ويريح عن قلب الشقا مايكيده وحس الرعد في رايح المزن رجاس دقات عود عند سمعي فريدة وان قال لي بعض المخاليق لاباس قلت الهضايم بالضماير مجيدة الله من هم بالاضلاع غطاس اقام وسط القلب وابطى شديدة فكرت بالدنيا بتقدير واحساس ولا جات لي الدنيا على مانريده اللي نبى تقطعت عنه الارماس وعنه اختفت كل العلوم الوكيدة القلب يبغض كل غادر وبلاس اللي يلطخ دم الاجواد بيده واحب من يتعب على كل نوماس ومن فيض جوده مايمد الزهيده اللي ليا كادت والارياق يباس يصبر على كود الامور الشديدة وللنفس عن طرق المثاليم حباس يتعب على كل العلوم الحميدة واحب نجد وكل حبي على ساس حب بقلبي له قصور مشيدة عندي وعرها مع سهلها والاطعاس غابات ورد في زهور نضيدة برياضها محلا هدد كل قرناس ان شاف حفان الحبارى يصيده عدل المناكب لابرق الريش دواس ماناش في مخلاب كفه يجيده ياحلو هداته على الجول غلاس ينحر كثيره ويتعدى الفريدة اجرد عديم لهايش الخرب فراس والطايرة لو ترتفع ما تكيده ايام عجات الهدد كلها اوناس ياحلو بالخد البياح تهديده |
رد: ديوان قصائد لشعراء المملكة العربية السعودية (متجدد)☘️☘️
قصيدة مصايب الدنيا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 825 مشاهدة ليا صار جرحي بالفواد مصيب ولا ادري متى جرح الفواد يطيب على أي حال وين ابالقا طبيبه وهو وسط خفاق الفواد عطيب هني من لا شاف هم يظيمه وعن الهموم القاسيات غريب بعيد عن اللوعات ما ذاق كودها مصايب وسط الفواد تصيب مصايب الدنيا كفى الله شرها الرأس منها يالفهيم يشيب اليا عتت حمر الهموم وقادها هاجوس فكري والضمير يجيب تلقيتها بالعزم والعزم غايتي وفتى بلا عزم تراه يخيب فتى بلا عزم حياته مذله والعزم لقلوب الرجال طبيب ومن لا صبر ابلعسر ما ذاق يسرها وباب الفرج للصابرين قريب تذكرت خلان على الشاطئ الذي على البحر الأحمر والخضم غضيب يزيد بموجات تناثر له الحجر اليا شافها قلب الشجاع يريب تلاطم على الشاطي هواها يقودها هذي مقابيل وذيك تغيب تجيبها زفرات قلبي إلى أوجهت كما اطواب حراب لقاه حريب تذكرت يوم افكرت حي نوده حبيب على قلب المريض حبيب شجاع تعرض للعظايم بعزمه مفراص ماص للحريب طليب كبار العظايم بالعزايم يفلها نجيب تسلسل من عروق نجيب عديم تسلسل من مواريث نادر عريب يورث من نماه عريب سلطان حلال المشاكل بباسه مصباح ظلما لمن دعاه يجيب العزم يقصد من عزومه اليا هبت رجال بحزات اللزوم تخيب والطيب يوخذ من فعوله اليا جذت عن الطيب شبان الرجال وشيب الطيب يوخذ من مقره ومعدنه ومرقى سنام الطايلات صعيب ما يدرك الطولات من لا يرومها بعزم وشوفات الجبان قريب من عاش بالحقران ما نال مكرمه وقصر بلا ساس تراه يعيب ومن نام عن طلب المكارم وفعلها ماله بكسب الطايلات نصيب ومن قصرت يمناه عن كسب طايل عديم الثنا للخاملات ربيب ومن لا سقى ضده قراطيع مرها زير النسا للغانيات لعيب تشره على الطولات كسابة الثنا ويقصر عن الطولات كل هليب لقيت يا عوق العديم بن وايل الطيب بين العالمين غريب ولقيت يا عوق العديم بن مقرن الحسد بين الاقربين جنيب ولقيت يا عوق العديم ابن فيصل رفيقك الأدنى عليك رقيب ينقل خطياتك ويخفى فضايلك وعلى فضح عوراتك يصير حسيب عفا الله عن عين حريب لها الكرى غدا دمعها الصافي يصيب صبيب لاكن دموع العين من حجر موقها سيل تحدر من فروع شعيب على غالي عنا حجب دونه الثرى وفرقاه ترث بالفواد لهيب تجرعت من فرقاه ما يجرح الحشا ولا أدري متى جرح الفواد يطيب |
رد: ديوان قصائد لشعراء المملكة العربية السعودية (متجدد)☘️☘️
قصيدة انادم اللي رفقته ترفع الراس
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 805 مشاهدة ان جا ينادمني وضيع من الناس صديت عنه وقلت منتب نديمي ماهوب كبر وكل ناس لها اجناس وعندي عزيز النفس دايم حشيمي للكبر والله ما توشحت بلباس بكتب التواضع ناجح بتعليمي انادم اللي رفقته ترفع الرأس وياقف معي دايم بوجه الخصيمي ان كبرت القاله والارياق يباس يظيم عدوانه ولا يستظيمي وعندي ليا شفت المناعير جلاس انا لهم بايات فكري كليمي ولا قارب الخايب ولا كل بلاس اللي على نقل النمايم فهيمي نشدتني تقول بالقلب هوجاس قلت أي نعم ما فيه حي سليمي يابو محمد كن ما عندي اوناس اليا خفق فكري بشيء عظيمي اغيب كني وسط ظلمات الادماس واناجي الرب العظيم الكريمي اناجي الخلاق قطاف الانفاس الواحد اللي فوق عرشه مقيمي عز الله اني بالهواجيس غطاس وعزي لمن هو في بحرهن يهيمي يا بندر الجبرين يا معرب الساس اخلصت لك حيثك نديم حليمي العالم الله ما هرجنا بالادناس والله بما يخفي فهيم حكيمي ولادن في جلساتنا حافة الكاس ولا نخوض بكل هرج ذميمي واللي نوده قطعت عنه الارماس ذكراه مثل احلام ليل بهيمي وقت النضا قفا وقفن الافراس وحتى زهور الورد صارت هشيمي والنمر مخلد عقب ما هوب فراس والبوم عقب الذل صبح عديمي وديك الدجاج معلق فيه الاجراس والصقر في صكات وقته سقيمي وابو حقب حصل بالايام موماس الحر غاب وصار عقبه زعيمي وين الرجال مروية كل عباس اهل المهار اللي تعط الرهيمي اقفوا كما غيم تقفاه نسناس ولا حدن بها الدنيا مقيم مديمي كم اوحد في لجة العيب غطاس يفوت عمره في ظلاله بهيمي من الذهب لو هو خزن طرم الاكياس جن من كريم وحرم منها اليتيمي |
رد: ديوان قصائد لشعراء المملكة العربية السعودية (متجدد)☘️☘️
قصيدة ان دك به هاجوس
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 798 مشاهدة يا زين والله ما نبي كود حسناك ارحم لروح في مخاطر دركها بجاه من صور جبينك وسواك اللي رفع سبع ثقال وسمكها ان ترحم اللي ما يبي كود لاماك روحي تبيك وجور حبك ملكها همه من الدنيا تزعلك ورضاك وكم حاجة تلزم عليه وتركها ان دك به هاجوس ذكرك تمناك وراحة شماله في يمينه فركها وقلبه يدور وينتحي يم مرباك كما يداور للكواكب فلكها يا غالي دايم على البال ذكراك حبك سبى قلبي وروحي شبكها ليتك تشوف اللي الى حل طرياك هاك النظير اللي دموعه سفكها انا إلى مني تذكرت فرقاك كنه يلوج بموق عيني حسكها وانا الحزين وعذبتني سواياك وخليت نفسي في مخاطر دركها انا دخيل ولاجيا داخل حماك وابواب عفوك عرش رجلي سلكها ارحم عسى يا زين يرحمك مولاك وعقدة حبال الهجر عجل فككها الروح لو أني بعيد تمناك والهجر والحرمان فيهن هلكها مدري متى الايام تسمح بلاماك ومتى محابيلي تصيدك شركها رميتني يا زين بحياض الادراك وطبيت بغباب ظلام حلكها يابو هلا في ساعة الضيق ابنخاك ياللي تبيع الروح في معتركها انخاك ياللي تسفك الدم يمناك الى تنازت بالنشا ما رمكها افزع لمفجوع على البعد ناداك والياس روحه بالضماير حشكها ان ما فزعت لغالي الروح تفداك اكبر خطر هجم علي ومسكها الطيب والله من مقرك ومجناك وخالك مصادير الجزيره حبكها المملكه عذرا تنور بالافلاك حمى طهارتها ولا حد فتكها |
رد: ديوان قصائد لشعراء المملكة العربية السعودية (متجدد)☘️☘️
قصيدة اللي هتف باسماه قلبي وناداه
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 781 مشاهدة اللي هتف باسماه قلبي وناداه حهتى الضلوع بوجدها صفقت له اللي غرامه تل قلبي من أقصاه وبالدمع عيني خيّلت وامطرت له اللي عسفت النفس لاجله ولرضاه والرجل في سمر الغداري عنت له بيا سبب عهد الهوا ليه ينساه وينسى تخطي رجلي اللي خطت له الرجل لو هو نازح الدار تنصاه على حثاث القاع يا ما مشت له أموت من فرقاه واحيا بذكراه والروح خلت جسمه وانتحت له قولو له أنه عذب القلب وأدماه وحي يود لقاه ماله بقتله ياكود والله غيبة عقب لاماه وعيني بكت فرقاه ثم اخجلت له ماصاب قيس بحب ليلى توطاه ولوعات قيس وماجرى له جرت له مالاق له غيره من الناس مشهاه ويعاف كل الخود لو عرضت له ان شاف زوله مغرم القلب يبراه وان غير صد مايلتفت له أغليه لامانساه واذكر سجاياه لوهو بعيد الدار نفسي هفت له معذبي بالحب وان حل طرياه اسرار ودي بالضمير اهتفت له لو هو ظهر للناس وابدى محياه كل الخلايق بالجمال اشهدت له عزاه ياقلب على الصبر ماقواه لو مابغى الفرقا عصت واخطمت له عزي لمن دمعه على الخد مجراه ودنياه غيب نورها مااسفرت له قولو لبن سلوم ابو زيد ينخاه يوم ان غارات الهوا صادفت له يتابع الونات من كود ماجاه لوكثر الونات مافرجت له يهيم مثل موده وسط مضماه يذكر سنين بالوداد ضحكت له ماجت له الدنيا على ماتمناه وذياب ياسه من حبيبه عودت له يكفيه من جور الهوا ربع ماجاه وتغيرت دنياه يوم اوجهت له قلبه من الحرمان فاخت حناياه من يوم باقي ايامها ماصفت له هنيت من حصل مرامه بدنياه والورق بلحون السعد غردت له هنيت من حصل مرامه بدنياه والورق بلحون السعد غردت له المولع الي في طريق الهوا تاه لومابغاه اشراك دربه سعت له |
رد: ديوان قصائد لشعراء المملكة العربية السعودية (متجدد)☘️☘️
قصيدة بالهرج يعطونك
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 767 مشاهدة هات القلم واكتب على الطرس يا عمير براس اليراع اكتب بصفح السجله اكتب لمن يتبع غرام الغنادير طلال بن عثمان يا عمير قله الله لا يجزا هل الحقد بالخير اللي سعو بفرقا خل لخله ان كان أهل خلك عفون مقاصير حبل يعقدك يا ريش العين حله ان شفت منهم يالظفيري تناكير ابعد وخل أهل القلوب المغله بعدك عن اللي ما يودك مسافير وقربك لمن يبغضك هظم ومذله بالهرج يعطونك رخيص المعاذير عذر يفوت وثاني تابع له اللي يبيعون النساء بالدنانير درب يبونه يا فتى الجود خله ورح للظفير الطيبين المناعير دخيلهم كنه بعيطا مطله اهل البيوت اللي تجيه المسايير كم واحد ون خاف يرقد بظله اللي سلفهم تقتفيه المظاهير كم خايع بار ماحهم تستحله امدلهين الشعل هي والمغاتير والكل منهم بيده السيف سله عنهم تروح الخيل مثل الشناتير ان زيح عن قحص المهار الاجله وتلقا مع الغلبا وعناز ومطير خراعب قلب المولع دوأً له مثل المها تقطف نبات النواوير متوشحات حلة الزين كله واللي عليه دموع عينك شخاتير شي جرالك منه انا فاطنله انا معك لو يكثرن المخاسير ورفيقنا بالكود نمشي رضاله في لازمه ناقف على طية البير وعطشان قلبه بالزلالي نبله إلى طلبت ابشر نجيلك محايير ولجلك نقرب حلة عند حله ان كان هو بالمال ولا بعد غير مال رخيص وصارم مردف له |
رد: ديوان قصائد لشعراء المملكة العربية السعودية (متجدد)☘️☘️
قصيدة قل لي هلا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 751 مشاهدة قل لي هلا وآقول صبحك بالخير وقل مرحبا واقول يا روح روحي يابو ثمانٍ بالمبيسم مغاتير أغليك وانت اللي تسبب جروحي جاوبت من فرقاك خلجٍ على ضير وناديت باسمك والمخاليق توحي حيثك هواي من البني الغنادير وليا عذلني واحدٍ قلت ما اوحي أغليك ما طاوعت عذال ومشير وحيات من مشى السفينة بنوحي قلبي على لاماك يكفخ كما الطير ما عادلت روعات قلبي فروحي ورجلي تزيد المشي يمك بتصخير ولا تعدت يم غيرك شبوحي وهموم قلبي منك ورد ومصادير كّن عبراتي ودمعي يفوحي وش جابني لولا ان هذي مقادير الا انها كتبت بلوحك ولوحي |
رد: ديوان قصائد لشعراء المملكة العربية السعودية (متجدد)☘️☘️
قصيدة بالهرج يعطونك
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 768 مشاهدة هات القلم واكتب على الطرس يا عمير براس اليراع اكتب بصفح السجله اكتب لمن يتبع غرام الغنادير طلال بن عثمان يا عمير قله الله لا يجزا هل الحقد بالخير اللي سعو بفرقا خل لخله ان كان أهل خلك عفون مقاصير حبل يعقدك يا ريش العين حله ان شفت منهم يالظفيري تناكير ابعد وخل أهل القلوب المغله بعدك عن اللي ما يودك مسافير وقربك لمن يبغضك هظم ومذله بالهرج يعطونك رخيص المعاذير عذر يفوت وثاني تابع له اللي يبيعون النساء بالدنانير درب يبونه يا فتى الجود خله ورح للظفير الطيبين المناعير دخيلهم كنه بعيطا مطله اهل البيوت اللي تجيه المسايير كم واحد ون خاف يرقد بظله اللي سلفهم تقتفيه المظاهير كم خايع بار ماحهم تستحله امدلهين الشعل هي والمغاتير والكل منهم بيده السيف سله عنهم تروح الخيل مثل الشناتير ان زيح عن قحص المهار الاجله وتلقا مع الغلبا وعناز ومطير خراعب قلب المولع دوأً له مثل المها تقطف نبات النواوير متوشحات حلة الزين كله واللي عليه دموع عينك شخاتير شي جرالك منه انا فاطنله انا معك لو يكثرن المخاسير ورفيقنا بالكود نمشي رضاله في لازمه ناقف على طية البير وعطشان قلبه بالزلالي نبله إلى طلبت ابشر نجيلك محايير ولجلك نقرب حلة عند حله ان كان هو بالمال ولا بعد غير مال رخيص وصارم مردف له |
رد: ديوان قصائد لشعراء المملكة العربية السعودية (متجدد)☘️☘️
قصيدة قل لي هلا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 752 مشاهدة قل لي هلا وآقول صبحك بالخير وقل مرحبا واقول يا روح روحي يابو ثمانٍ بالمبيسم مغاتير أغليك وانت اللي تسبب جروحي جاوبت من فرقاك خلجٍ على ضير وناديت باسمك والمخاليق توحي حيثك هواي من البني الغنادير وليا عذلني واحدٍ قلت ما اوحي أغليك ما طاوعت عذال ومشير وحيات من مشى السفينة بنوحي قلبي على لاماك يكفخ كما الطير ما عادلت روعات قلبي فروحي ورجلي تزيد المشي يمك بتصخير ولا تعدت يم غيرك شبوحي وهموم قلبي منك ورد ومصادير كّن عبراتي ودمعي يفوحي وش جابني لولا ان هذي مقادير الا انها كتبت بلوحك ولوحي |
رد: ديوان قصائد لشعراء المملكة العربية السعودية (متجدد)☘️☘️
قصيدة الله من قلب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 746 مشاهدة يا عمير شب النار والسمر صفه يوم النعايم بارزات تكاشف واحمس من البن اليماني وصفه هذا هواي وكل نفس لها شف والبن زد به حيل والهيل وفه وخلك حذر بالعين يا عمير والكف عن السريب وبعض الاحراق عفه وحذراك لا تعجل عليها وتحتف اليا قلب الهيل يالقرم كفه وليا ركد خله على الصين يذرف ويلزمك في يمناك يمي تزفه عطنيه يوم اني عليه اتلاهف يبري هموم بالحشا يوم اشفه منها معاليق الضماير تواجف الله من قلب همومه تلفه باقصى فوادي موجعات تخلف روابع بالقلب ديا متخفه منها زمام القلب يا عمير يخطف كم قلت له يالقلب ما فيك خفه ومن جورهن للناس قامت تكشف وكم قلت له لازم يجي فيك عفه ومن صد عنك بنايباته عنه كف خله وراد مقيط يتبع مهفه ولياك يا قلب شقا به تحسف بالبغض عن صاف الغلا منك قفه داره عسى فيها الصواعق تراجف اعنز على مغني عبيده بكفه اللي جزا داوود بالعفو وانصف ولا خاب من يرجي الغنايم بضفه رب على كل الخفيات مشرف الحر ميقاعه على راس طفه عن الطمان بنايف الحيد يشرف وفرخ العقاب اليا تضايق برفه ينوض لو ريش الجناحين ماصف واحذر يجيك بساعة الضيق خفه وباللي مضى للناس يالادمي شف والراي حطه بين كفه وكفه وفكر وقدر للخفيات واعرف سدك بسر الغيب خفه ولفه ومن لا يودك عنه لازم توقف واليا انتحا خاطرك هف بمهفه بلكي يكون بما قف العز تاقف |
رد: ديوان قصائد لشعراء المملكة العربية السعودية (متجدد)☘️☘️
قصيدة ليته معي
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 736 مشاهدة يا زبن عديت الطويله وناديت وعزى لمن مثلي عليها تعلوي ناديت لي حي على وصله اشفيت فرقاه تذهبني ولاماه سلوى لطف الحشا يا زبن لو يلمس الميت شاف الحياة وطاب من كل بلوى عز الله اني بالموده تماديت وزود غرام القلب لين انه الوى ليته معي دايم واراعيه ياليت واعيش انا وياه لو أتجلوى لاشك انا قفيت غصب وصديت وساقتني الدنيا على غير ملوى والله ما مثله مع اللي بنا البيت من ديرة الشنبل إلى دار علوى ياما تذكرته وياما تمنيت يا زبن وين القاه يا طير شلوى عن غير ملهوف الضماير تبريت وترى الحياة بلاه يا زبن تلوى |
رد: ديوان قصائد لشعراء المملكة العربية السعودية (متجدد)☘️☘️
قصيدة عزي لمن مثلي
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 728 مشاهدة الله لحد يا بعد حي نوده لعل يسقي ديرته كل رايح لعل يسقيها مزون مسده وفي كل صبح الما على القاع سايح ونيت من جور العنا والموده وزادن على قلبي جروح جوايح على الذي منساه لارحم جده عليه قب الستر شفت الفضايح اللي كما البراق يا عمير خذه لو انتحها عني له القلب شايح عزي لمن مثلي فضا الحب سده واظهر كنينه واصبح السر بايح يا مير انا صبري وصل راس حده وقلب العنا عيا يطيع النصايح اللي حرمني جود فضله ومده له مضرب يا عمير بالقلب لايح لطف الحشا يا عمير ما عنه صده عليه نون العين بالدمع فايح زاد الغرام وكل يوم نعده وطال الفراق ودمع عيني سفايح يا عمير من دونه ثلاثين شده اخبر زين راعي الثنا والمدايح |
رد: ديوان قصائد لشعراء المملكة العربية السعودية (متجدد)☘️☘️
قصيدة قالو تتوب وقلت بالطرف مصيوب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 682 مشاهدة قالو تتوب وقلت بالطرف مصيوب والله ماتوب وصافي الخد ماتاب قالوا تحملت المواثيم وذنوب قلت الذنوب لها موازين وحساب قالوا ترى مايفعل العبد مكتوب قلت افهم الي تذكرونه يالاصحاب قالوا جهلت وعقلك اليوم منهوب وكشفت سرك بين ربعك والاجناب قلت الهوى لقلوب الاحباب مرغوب ايات حبٍ صورت وسط الالباب قالوا بعقلك ضايع الفكر منكوب قلت الموده ماتداويها الاطباب عقلي معي ماني من العقل مسلوب انا الغريق وكل شيٍ له اسباب كان انكم تدرون بالي شفى ايوب وجدٍ سطى بالقلب والحب غلاب انا غريقٍ مع هل الحب منسوب في زمرة العشاق بالحب منصاب ماطف لي زادٍ ولا اريد مشروب الي صفا لي صاحبي عسل الانياب يغضى بعينه وافهم العلم مقلوب واسري عليه بليلةٍ نورها غاب ويرخص لي الغالي الى حل ماجوب وعن القرايب حط لي ستر وحجاب وابعدعن الشكه ولا انوش له ثوب الا الحديث وقرعة الناب بالناب اخاف يصبح زين الاوصاف معيوب وهو عليه من الشرف كل جلباب وعرضه نضيف ابيض ولا فيه عذروب بولا حكوا فيه البعيدين واقراب عليه وجدي فايقٍ وجد يعقوب وقلبي من اسبابه بوسط الحشا ذاب يلومني من لاشكى حب نبنوب طفلٍ قرونه ماتغطيه الاسلاب طفلٍ نهب عقلي بضحكات وعجوب فتان لقلوب العشاشيق نهاب اصبح هو الغالب وانا منه مغلوب غدا بعقلي بين شاري وجلاب ان كان شفته صفق القلب مرعوب بالصدر كنه بين لاوي وجذاب والدمع من موق النظيرين مسكوب يخضر ديارٍ ممحله عقب الاجداب |
رد: ديوان قصائد لشعراء المملكة العربية السعودية (متجدد)☘️☘️
قصيدة غنيت ما قصدي طرب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 1 666 مشاهدة غنيت ما قصدي طرب في حياتي لاشك في دورات الأيام غنيت وجاوب ورق الراعبي عن سكاتي غنا وانا غنيت مثله وونيت نشدتني عن حالتي يا شفاتي وأنا مريض القلب لو أني اخفيت اضحك وونات الحشا موجعاتي واشرب قراح وكن شربي من الزيت وبالعين يا خالد نشوف الجناتي يا عز راسي شفت الاجرام واغضيت واغيب كني محرمن بالصلاتي لو هو ندهني رافع الصوت ما اوحيت محدن يعرف جروحي الخافياتي واليا نشدني واحدن عنه صديت اصد وابغض ناقلين الوشاتي واناجي اللي ما لغيره ترجيت ما اظن به حي يسوي سواتي وحيد بالدنيا وأصارع عفاريت واذكر دروب ايامنا الماضياتي والحقت مع عبرات صدري تناهيت ياكثر ما شفنا من العايباتي واليا زعلت من الخطا قالوا اخطيت وطاحت عن الكتفين مجة عباتي وحلقت بالأفكار ثم استجليت وفكرت في شىء جرا لي وفاتي حيفٍ يفتت بسرة القلب تفتيت من جور هوله زلزل الراسياتي يميت حي وباللحد يزعل الميت ويشيب طفل ويذهل المرضعاتي ينسن رضيع الديد صرعا مباهيت وانا برجوى مجري الكايناتي وكبرت باسماه العزيزه ولبيت اللي عصم يوسف عن الخايناتي ورده على يعقوب عقب التفاخيت كلن يقول انه بفعله زناتي والفعل راحوبه هل المجد والصيت ما ريد دار الذل دار العصاتي دار الخنا والغدر منها استخليت متى عليها نسمع النايحاتي ودار الثنا والجود فيها زغاريت يالله يللي تعلم الخافياتي انك تمسيها على ما تمنيت |
رد: ديوان قصائد لشعراء المملكة العربية السعودية (متجدد)☘️☘️
قصيدة دار خلت
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 636 مشاهدة هذي منازل من تمنيت قربه ياما مشي فيها وياما سكنها دار خلت ما عا يلقى الاثر به ما درى محت والاهبوب دفنها وقفت في منازل مي افتكر به وانشد رسوم عقب اهل مي عنها رسم لخلي عرش رجلي عثر به لو هو كسر رجلي رخيص ثمنها واقول حي فاختك وين دربه بالله قل لي وين قفا ظعنها وين القبال اللي يحير النظر به عمار يا دار حبيبي قطها وين الجبين اللي يشع القمر به شعة قمر خمسة عشر من وجنها يا منزل الغالين رد الخبر به وعطني سراير خافي العلم منها انا الذي حبل الموده قصر به وعيني من الفرقا تزايد حزنها وانا الوحيد اللي تحملت غربه وعني بعيد شوف مي ووطنها وانا الذي روحي هواها استعر به ثم جذب روحي لمي وقرنها وانا الذي مر على الكبد شربه لي حاجة ما اذكر ضمين ضمنها وانا الذي غصن الفراق انهصر به ولو ما بغا الفرقا يقوده رسنها وقت علي مجرد سو حر به عقب الحبيب اللي حياتي رهنها ان قال لي قولة هلا ما افتخر به ولا يظهر الهرجه وهو ما وزنها |
رد: ديوان قصائد لشعراء المملكة العربية السعودية (متجدد)☘️☘️
قصيدة نبيك يامن سلت عن بعض الاحوال
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 631 مشاهدة انبيك يا من سلت عن بعض الأحوال أنشد وأنا لك حاضرالفكر ومجيب إن كان تبي الرشد يا طيب الفال ازبن على رزاق عكف المخاليب ازبن على اللي في يده علم الآجال علام ما بالكون مذر المعاطيب الواحد اللي للصعيبات حلال منقذ مداريك ومبري مصاويب اخلص لعلام السرائر بالأفعال وناجه اليا صكت عليك اللواليب ادعه يفرج لك ليا صكت الجال حلال عسرات الأموار المصاعيب اللي دعاه أيوب من ضيم الأهوال وأنجاه من حال تزايد بها الشيب الناس في دنياك كل له أعمال أتبع طريق العدل وأبعد عن الغيب درب النقاء بين ولك فيه مدخال ومن باق ماله عند ربه مقاضيب وليا رضا حلال عسرات الأقفال لا تلتفت للخلق لوهم مغاضيب لا تلتفت للخلق راحل ونزال مالك على ذرية آدم مطاليب ورفيقك المأمون حطه على البال وأذره اليا جن الليالي شلاهيب أجعل بقلبك له محل ومدهال تلقاه ذخر بمعضلات المواجيب عديل روحك لا تدوربه إبدال عونك ليا صكوا عليك المغاليب ما هوب من شيل العظايم بملال يصبر كما تصبر على شيلها النيب مفراص ماص للصعيبات حلال صميل قيض وماضياً له تجاريب وأحذر ترى بالناس مبغض وختال ماله مراجل كود شذب العراقيب عن مذهبه خلك على راس ما طال وخله على فاله يشم المغاريب البوم يسكن بالخرايب والأطلال والحر مسكانه بروس المراقيب طير السعد من كفه الدم شلال بالمخلب الساطي عطيب المضاريب ولا يغرك بالرخم كبر الازوال وكبرالنسورالمهدفات المحاديب |
رد: ديوان قصائد لشعراء المملكة العربية السعودية (متجدد)☘️☘️
قصيدة ما من خطا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 627 مشاهدة ما من خطا وان قلت لي عن نواياك بالله قل لي وش حكا به ضميرك قل لي بحظك عن مرامك ومنهاك والى متى يا زين ياقف مسيرك انا إلى مني تذكرت فرقاك كني على باقي الحياة استشيرك وان كان جادن الليالي بلاماك احييت يا هافي الضماير عشيرك أنا هواي اسباب جرحه هواياك مالاق لي من جملة الناس غيرك واللي يحبك نور عينه محياك دليل قلبك يا عشيري نظيرك يا زين انا ما انساك ما انساك ما انساك ماسج واذكر شربة من غديرك سبحان رب صورك ثم سواك المسك كنه فايح من عبيرك انا مليك بالهوا سرت بارضاك دخيل عفو وطالبه من ضميرك ما اعصاك لا والله ما اعصاك ما اعصاك بحماك عن شرك تزبنت خيرك ارحم عليل داه تبريه بدواك بالعمر خله في حياتك خشيرك اتلفتني بالحب وانا ترجاك مدري متى يقبل علينا بشيرك وان ما عطفت لغالي الروح تفداك شحيت بالحسنا على مستجيرك يا عمير جرحي بالمعاليق يخفاك ومما جرى يا عمير ربي يجيرك من واحد بحماه طبيت الادراك كانه سفك دمي فانا باستثيرك تفزع لمفجوع على البعد ناداك كنه دخيل البيت والا قصيرك |
رد: ديوان قصائد لشعراء المملكة العربية السعودية (متجدد)☘️☘️
قصيدة لزيت نفسي مير عيت تلزا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 625 مشاهدة لزيت نفسي مير عيت تلزا وقهرتها غصبٍ على غير ماجاز مير إنها شامت تبي درب عزا وتبي من الأحراز تظهر للابراز ان صار من بعض المشارب تكزا النفس ما تغصب على غير ماجاز وش حيلتي لاصار فكري مجزا وقته رماه وفرقه مثل عناز كن المناشر له تعط وتحزا وكنه قالع الضرس بالكاز عيني إلى نامت عيون الأعزا ياقف لها عن لذة النوم حجاز وعن الهموم إلى بغيت اتعزا تجهز علي جموعها فرد واجواز راياتها وسط الضماير ترزا ليته يذاودها عن النوم حواز اكنها ولها بصدري موزا اخاف يقضب غيبتي كل لماز حلو كلامه مير قلبه مخزا وده يحطك وسط نارٍ من الغاز واسهر وعندي شنف تقل وزا وأن لهن مع ضيقة الصدر معتاز فنجالهن بين الشفايا يمزا اشقر ومشروبه عن الخمر يمتاز وأفرح بعلم صاق مبرهزا ونبي على سكانة القدس ملكاز |
رد: ديوان قصائد لشعراء المملكة العربية السعودية (متجدد)☘️☘️
قصيدة وناديت من حولي
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 623 مشاهدة يقول من هو ناوي يتبع القاف طار عليه يصرف الشعر تصريف ما عن في قلبه هوى سمر الاغداف نجل العيون مخضبات الاطاريف قلته وانا من بين وديان الاشراف بالمرتفع بين الجبال المقانيف جسمي بها كنه على جال ميهاف وهاجوس قلبي ناحر يمة السيف البارحه جفني لحلو الكرى عاف يوم النعايم فوق راسي مشاريف تسابقن قلبي هواجيس ارداف الليل طال وحن قلبي على الكيف وناديت من حولي يعجل بالاسعاف يشب نار ادلال بيض مزاهيف يا حسين شب النار واسرف بها اسراف حتى يصير الجمر فيها مشانيف ومن حب خولان الخضر هاته اجزاف واحمس ونسفها على الجمر تنسيف ودقه بنجر تالي الليل رجاف ويا حسين لقمها ببيض مهاديف ومن هيل دار الهند زود لها سناف وزله وخل الكيف يذرف مع الليف كنه بوسط الصين مرجان وارعاف او دم جوف اللي تقود المخاشيف وعطنيه يا تابع هوا كل غرياف لو أن حره فوق قلبي مراضيف اغدي هموم القلب تنوي بالانكاف ويقفن عن قلبي خفاف محاريف جاني بيوت ما بها عيب وانضاف فيهن من الطيب بلاغه وتعريف يذكر علوم جابها كل خفخاف بالكذب زاد وهرجهم بالغطاريف مجمعين الكذب بالهرج زهاف مثل الرقيعيات دايم خواطيف اثر العلوم ضعاف وعلومها ضعاف وافواههم للشين دايم غواريف احد على درب الردا يهرف اهراف واحد على العليا يعد المشاريف واحد عليه السو يا رشد لحاف وجهك عليه البيض توضي مكاشيف انا بفضل منزل ايات الاحقاف لاج بضله عن هبوب العواصيف ايضا وانا من قول من كان ما خاف ارقد بامان الله ولو ما معي سيف الناس يا مرشد بالايام بخلاف وانا ومثلك للفضيله مواليف |
رد: ديوان قصائد لشعراء المملكة العربية السعودية (متجدد)☘️☘️
قصيدة قم يا محيسن
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 618 مشاهدة قم يا محيسن شب نار المعاميل وصفصف عليها السمر من زين الاخشاب ان ولعت واستضرمت باللهب حيل يجذب سناها بالدجى كل شراب وان صرمت والجمر فيها دحاميل أزرق سناها ذايب يلهب الهاب احمس عليها البن من غير تقليل واحذر عواقب من هرج عايب عاب ودقه ولقمها وزود لها الهيل حتى يصير الكيف طب للألباب ماها قراح صافي من شهاليل من وبل رايح داجي الغيث نحاب يا حلو صبتها ببعض الفناجيل ان ذاقها الممروض من علته طاب يالخالدي يطري على التعاليل يوم الرقيب معلق تقل مشهاب يوم الكواكب مثل لون المشاعيل وعنا ردي الخال يالحيدري غاب جانا من العارض كلام بتفصيل من واحد يشكي من الناس عجاب يشكي هوا راع العيون المظاليل وقبله عقاب الخيل يشكي على حجاب ماجور يا شاكي هو انافل الجيل الله يفكك من عنا عكش الاهداب الطير يشبك بالشرك مثل ما قيل والصيد يشرف طارده كل مرقاب اتعب وعد بنا يفات الاقاويل ويبين لك بصخيف الوسط مضراب حرك قدم رجلك إلى هود الليل ومن بعد الملقاف في بندقه صاب بلكي ياخو ناصر تحصل محاصيل تصادف الغرات تفتح بها ابوابمعهن لمن عناك تلقى محاويل ويبهج فوادك طقة الناب بالناب تشم بين اشفاه بيض معاسيل يكسر عليها عابد وسط محراب بيض يشادن قحويان الغراميل فيهن دواك وداك يا زاك الانساب ياما من الخفرات ذقنا الغرابيل وياما عديت الين عرش القدم عاب وياما زعجت الويل والحقته الويل وياما دخلت بحور لجات وغباب وياما سطابي بالهوا ضاهد الشيل وياما عسفت من العماهيج الاصعاب وياما تلوينا بشقر عشاكيل ايضاً ولا اخشى الناب من غاسق الداب اركض لهن لو هن صعاب المناويل وعلى من سمر الحناديس جلباب اتبع هواجماً تقود المغازيل مع صحصح نشرب هواكل خنياب عيني تعرف الزين بين الازوايل وقلبي من الرثم الخراعيب مرعاب |
رد: ديوان قصائد لشعراء المملكة العربية السعودية (متجدد)☘️☘️
قصيدة يالله انا من جود حسناك طالبك
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 614 مشاهدة ياالله انا من جود حسناك طالبك عفوك ومدك حيث منت بخيلى يالادمي دنياك هذي تعذبك لوطفت فيها مالقيت الدليلى كل على مذهب امامه يخاطبك يبيك من زايد ذنوبه تشيلى واليا عصيت اهل المذاهب تعاتبك كل يقول ابيك يمي تجيلي ولو انتحيت بعيد بالسؤ تطلبك وكل بصاعه من ذنوبه يكيلي احد يصحح لك حديثه ويرهبك واحد يقول الحق عندي نزيلي واحد يخيفيك في كلامه ويدبك وابليس يضحك له وهو مستشيلي الناس عوجان المناطق تكذبك وعن الصحيح الكذب معهم بديلي ان مارضيت بقولهم نتف شاربك وتكبر ذنوبك لوغناك تهليلي ناس على درب الفضيله تحاربك وعلى دروب الشر تهذل هذيلى ودروبهم عسرات عوج وتتعبك ما تستوي لك لا ولا تستويلي ينبيك عن دنياك ماضي تجاربك وعزي لحالك كان عرفك قليلى اتبع نبيك واترك اللي مجنبك واقضب مماشى سنته لا تعيلى اللي بغار الثور للرشد يندبك وابوبكر عنده نديم وخليلى نصايحه للرشد حذرا تغايبك هرجه صحيح وكل فعله جميلي سنة نبيك للفضيله تقربك المصطفى ماله شبيه وعديلي واحذرك عن نقالة السو تقربك ومن يتبع العايل لزوم يعيلى لوانت ما تغضب ترى الناس تغضبك وعقب المعزه يجعلوانك ذليلى وترى ردي العرق للعيب يجذبك وتصير بدروب الردا له عميلي وبنت الردي حذراك حذراك تعجبك واحذر تصير لمثل هذي حليلى وعن ما يعيب النسل عرب مناسبك وعليك في بنت الحصان الاصيلي يجي ولدها فارق عن قرايبك ويقف في وجه الخصيم القبيلي ان كبرت القالات بالفعل يعجبك ويبرد همومك كان قلبك غليلي مثل القطامي في هداده يشببك والدم من مخلاب كفه يسيلي ليا صارما صلبين الارياء مكاسبك تراك بين الناس تبقى هزيلي وترى دروب الخبث يالعبد تذهبك ويفوت عمرك ما تحصل حصيلي احذر يابن حوا تطمن لحاجبك الا لرب للخلايق يزيلي الي بعفوه عن عذابه يرغبك وعينه لكل الخلق دايم تخيلى في لوحه المحفوظ يا لعبد مذهبك نزل بحق وكل ما به فضيلى ومعاشر الخايب مع الناس يذربك وتصبح قليل الميز عقلك هبيلى ومعاشر الطيب على الطيب يجلبك ويرقيك للعليا بظل ظليلي لا تقرب الأجرب بالامراض يعطبك يصير جسمك مثل جسمه عليلي ممشا الخفامن صافي العقل يسلبك ويصير لك يم الرذيله سبيلي وعن مارد الانذال نزه مشاربك واشرب نظيف لوورادك طويلي ولياك تنسى يابن الأ جواد واجبك والي يروم المجد حمله ثقيلي يا لادمي وان كان كبرت مصايبك ازبن على محي ا لبلاد المحيلى ازبن على رب بعرشه يراقبك وناجه وبعد العسر يره جليلي ناجه ولاجل ارضاه وجه ركايبك وخلك لعلام السرايردخيلي هو الذي ينجيك من كود صايبك ويذريك من كربات هول مهيلي يا لعبد مكن عند ربك مقضبك وفكر وقدر وانتبه لاتميلي ولحد من الخلاق يالعبد حاجبك هو الذي مده وعفوه جزيلى وهو الذي في ما فعلته يحاسبك وهو الذي بارزاق عبده كفيلي |
رد: ديوان قصائد لشعراء المملكة العربية السعودية (متجدد)☘️☘️
قصيدة لا وا عشيري
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 614 مشاهدة ونيت يوم الناس تضحك وتطرب وسهرت يوم الناس نوما هجوعي على الذي حبه لقلبي تشرب في ضامري صكت عليه الضلوعي عني بعيد ودونه الشوف سرب وانا على فرقاه قلبي جزوعي لا وا عشيري كل ما قلت قرب قفت نجوعه عن حراوي نجوعي هواجسي يمه خفاف وهرب وذكراه للقلب المعذب متوعي في وليته يا زبن ما راقب الرب وانا اتجرع من فراقه دموعي يا زبن عني مغزل العين غرب ومن الفافي بيننا ما يروعي يا زبن يابوعمير يابن المعرب اثر الهوا يا زبن جرحه يروعي ان جيت عن بحر الغرام اتهرب يطري على بالي حسين الطبوعي انخاك ياللي بالمراجل مجرب يا فزعتي وان كان قلت فزوعي |
رد: ديوان قصائد لشعراء المملكة العربية السعودية (متجدد)☘️☘️
قصيدة والله مالوم القلب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 605 مشاهدة اصوم واودع خيالك وذكراك وافطر وكنك يا عشيري قبالي عيا فوادي يا ريش العين ينساك والبال ما هو عن مودتك سالي والله مالوم القلب لو انه اغلاك دايم خيالك ماثل في خيالي لا ما هجرتك لا ولا يوم انساك ولا احد من المخلوق غيرك زهالي اضمرك ما طريك لعداي واعداك واخفي ودادك يا بعد كل غالي ما اجفاك لا والله ما جفاك ما جفاك ماسج ما انسى غرتك يا حلالي احب انا لاماك واكره لفرقاك ويضحك زماني كان ودك صفا لي إلى سمعت الناس تلهج بطرياك يفز قلبي يا خلف من غدا لي فرقاك تجعلني على حبل الادراك ولاماك تحيي بي عروق هزالي اموت من فرقاك واحيا بلاماك وتغيب وان شفتك هواجيس بالي يا غض يا مياس يا غض ما احلاك ابتفيا وسط فيك ظلالي ابي نعيمك عن هذولا وذولاك وابيك تلطف يا حبيبي بحالي بشفاك عل شفاي واضحك لدنياك وضحكتك تجلا مظلمات الليالي العام يوم الهجر بعد مطاياك يوم الوداع اقفيت ياشن جرالي ناديت باعلى الصوت ناديت باسماك وبحب عليا وش جرى للهلالي |
| الساعة الآن 02:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية