رد: فوق هام السحب ( الشعر الشعبي) على متن القوافي
 

وش ذنبنا لا صار منطقنا فـصيح
وقـلوبنا ما كل من جـاها قـلط

حنا نحب الصدق ونقول الصحيح
والمشكله فالناس تـفهمنا غلط

.....

رد: فوق هام السحب ( الشعر الشعبي) على متن القوافي
 

ياللي على غيبتك هلّت مدامعنا
لا واخسارة وفاي وسابق ايامي

اشبعتني بالكلام اللي بلا معنى
لكن بالافعال شفني جايع وضامي

.....

رد: فوق هام السحب ( الشعر الشعبي) على متن القوافي
 

‏ذاب قلبي من حنانك في عتابك
وان بغيت اعاتبك ماطاع شوري

يابري حالي على حتى ثيابك
يوم خالط عطرها ريحة عطوري

جعلني فدوة غلاك وكل مابك
انت يوزر قلبي وكلمة مروري

.....

رد: فوق هام السحب ( الشعر الشعبي) على متن القوافي
 

ﺍﺷﺘﻘﺖ ﻟﻚ ﻳﺎ ﺭﺍﺣــــﺔ ﺍﻟﻘﻠﺐ ﻭﺍﻟﺮﻭﺡ
ﻭﺍﺷﺘﻘﺖ ﺍﺳﻮﻟﻒ ﻟﻚ ﻋﻦ ﺍﻟﺤﺐ ﻭﻳﻨﻚ

ﺍﻟﺸﻮﻕ ﻻﺟﻠﻚ ﺩﺍﺧــﻞ ﺍﻟﻌﻴﻦ ﻣﻔﻀﻮﺡ
ﻟﻴﺘﻚ ﺗﺸﻮﻑ ﺷﻮﻕ ﻋﻴﻨـــﻲ ﺑﻌﻴﻨـــﻚ

.....

رد: فوق هام السحب ( الشعر الشعبي) على متن القوافي
 

‏بعض القلوب النادره تشبه الورد
‏ لا زارها أحساس المحبه رواها

.....

رد: فوق هام السحب ( الشعر الشعبي) على متن القوافي
 

طال ليل الهجاد ولا بقى فيه مسرى
غير همّي وحزني والجروح الجفايا

اكتب الحزن في صدري والاحباب تقرا
واتعب الوقت حالي فالسنين العرايا

.....

رد: فوق هام السحب ( الشعر الشعبي) على متن القوافي
 

غدير عليه الناس صادر وورادي
اعيفه لو إنه من زلال المطر يسقى

انا غايتي ومُناي ودواي ومرادي
مذاق على غيري صعيب ولا يلقى

.....

رد: فوق هام السحب ( الشعر الشعبي) على متن القوافي
 

حد السهر ويّاك طال وتعدّا
‏لاجاب لي موعد ولاجاب لي علم
‏
‏إن كان واقعنا فـي شوفك تردّا
‏عسى يجود النوم ويجيبك الحلم

.....

رد: فوق هام السحب ( الشعر الشعبي) على متن القوافي
 

ياليت للعشاق تامين شامل
يحمل تكاليف اصطدام المحبين

أما يشيل الحادث بشكل كامل
أو يقسم الأضرار 50 / 50

رد: فوق هام السحب ( الشعر الشعبي) على متن القوافي
 

مَشيت بلا سَبب مافَكرّت شيصير
ولا گلت اليّحبَك مُمكن تجرحَة

عَفتني بيَا ذَنب سوَيتة ويَّاك
وشنو نوع السمَعتة وتعجَز تشرحَة

الحَجوا عَني گدَامك صدگتهم ليش
وما كلفت نَفسك توصَل توَضحة

چَنت محتَاچ منَك بَس حَرف وتروح
حَتى اقتنع بَعد مَا حاجَة للفرحَة

هَسة تگلِي سامح وأنسى الصار
هيچ بكل سهولة ونَگلب الصفحَة

تَره العَفتة جَرح مِيطيب بالنسيان
بكلمَة أَسامَح تگدر ترَجعة

أنَة كلي صَلح ومَسامحك على الصَار
بَس گلبي لنكسَر وَيَّاك شيصلحَة

شعر عراقي

رد: فوق هام السحب ( الشعر الشعبي) على متن القوافي
 

وادع لوجه الله ولا تجرح إنسان
وإترك بعد فرقاك ذكرى جميله

وضعي قبل ماهو مثل وضعي الآن
عرفت فرق الغايه من الوسيله

.....

رد: فوق هام السحب ( الشعر الشعبي) على متن القوافي
 

يا شوق سمعي يستمع لك ويوحيك
ويا شوق عيني لو تشوفك ضنيني

ليتـك تنـاديني وأنـا أقـول لبيك
لبيـك يا قلبـي وروحي وعيني

لبيـك يـلـي يخطف العقـل طاريك
لبيـك يـا شوقي وفرحة سنينـي

.....

رد: فوق هام السحب ( الشعر الشعبي) على متن القوافي
 

تبقى مفاهيم البشر مالها ساس
وانا شباب وعايش بقلب شايب

لاصار قمة مكسبك ترضي الناس
كنك تلوح بالخطا وانت صايب

.....

رد: فوق هام السحب ( الشعر الشعبي) على متن القوافي
 

‏ما فات من دنياك لا تحسبه مات
يبقى العمل موجود حتى مماتك

اسـتغفـر الله لا تذگرت ما فات
واصلح مع الرحمن باقي حياتك

.....

رد: فوق هام السحب ( الشعر الشعبي) على متن القوافي
 

‏تـفـائلوا بالخيـر في كل الاحـوال
‏الله كريم وراعــي الصبـر ماجــور

‏لولا الشقى ماحدٍ عرف راحة البال
‏ولولا الدجى ما بـينت قيمة النــور

.....

رد: فوق هام السحب ( الشعر الشعبي) على متن القوافي
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

......

رد: فوق هام السحب ( الشعر الشعبي) على متن القوافي
 

‏ان مر يوم بالعمر منت وياي
‏أشتاق لك شوق المسافر لبيته

‏مثل الهوا تحتاجه الناس والماي
‏يحتاج لك قلب هواك وهويته


ثامر شبيب

رد: فوق هام السحب ( الشعر الشعبي) على متن القوافي
 

تبي الصراحة توقعتك تكلمني
‏ماني بمتخيل أن الشوق ما جابك

‏كنت أحسب أنك ولهت وحيل فاقدني
‏ما كنت متصور إني أرخص أحبابك

.....

رد: فوق هام السحب ( الشعر الشعبي) على متن القوافي
 

اما المحبّه وضعها وضع حسّاس
‏اغار حتى فالهوى من ظلالي

‏ماني بحـب اللي يحبونه الناس
‏انا احب اللي احبّه لحالي

.....

رد: فوق هام السحب ( الشعر الشعبي) على متن القوافي
 

مثل الحطب كنت احترق لجل ادفيك
ويومك دفيت الحين تنفخ رمادي

.....

رد: فوق هام السحب ( الشعر الشعبي) على متن القوافي
 

‏همس المساء مرسال مابين شخصين
كنه عناق ارواح ماهوب عادي

لحظه تمر القلب يزهر بساتين
بورود حب وشوق جوري وكادي

.....

رد: فوق هام السحب ( الشعر الشعبي) على متن القوافي
 

إن جيت خل الكل يفرح بلقياك
‏محبوب عند الناس ويقدرونه

.....

رد: فوق هام السحب ( الشعر الشعبي) على متن القوافي
 

سبحان من سوا لها شان سلطان
والعين عين الريم منها عذابي

اوصافها ما توجد بأي انسان
وحبها من طيش سن الشبابي

.....

رد: فوق هام السحب ( الشعر الشعبي) على متن القوافي
 

‏العين تذبح لا ارتفع حاجبك فـوق
والـخد مـا تت عـنده طيور شلـوى

والضحكه اللي مالها وصف موثوق
الا عـلى قـول الـمـخالـيـق حـلــوى

.....

رد: فوق هام السحب ( الشعر الشعبي) على متن القوافي
 

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

.....

رد: فوق هام السحب ( الشعر الشعبي) على متن القوافي
 

‏إنت الغلا يا اروع الخلق والناس
‌‎وإنت السوالف بين نفسي وبيني

‌‎دايم على بالي ولك شوق وإحساس
‌‎ولا زلت اشوفك وين ما احط عيني
.....

رد: فوق هام السحب ( الشعر الشعبي) على متن القوافي
 

الصمت يروي بعض حالات الانسان
يشرح له احزانه ويشرح سروره

حتى ترى الشاعر وهو شاعر احيان
يحتاج له شاعر يترجم شعوره

.....

رد: فوق هام السحب ( الشعر الشعبي) على متن القوافي
 

إسكن بقلبي وإحسب البيت بيتك
وفيه إعتبرني ضيف قاصد محياك

إن احتواك الشوق وإلا احتويتك
خذ ناظر عيوني على كيف ماجاك

وإن ما كفاك القلب روحي عطيتك
يفداك قلبٍ قلبه الروح تفداك

.....

رد: فوق هام السحب ( الشعر الشعبي) على متن القوافي
 

ليت الهواء انفاسك واتنفسه دوم
ياللي غلاك فالقلب جالس وساكن

ليتك نســيم الليل يا ورد مشموم
يفووح عطرك في جمييع الأماكن

.....

رد: فوق هام السحب ( الشعر الشعبي) على متن القوافي
 

‏أحبك كثر دقات القلوب بعالم العشاق
أحبك كثر دمعات العيون بخدهم جاري

أحبك كثر ونات الهموم بخافق المشتاق
أحبك كثر أنفاسي وأشواقي وأشعاري

أحبك كثر أحزاني كثر ماخاطري قد ضاق
أحبك كثر دمعاتي كثر ما جابك الطاري

.....

رد: فوق هام السحب ( الشعر الشعبي) على متن القوافي
 

تجمل يمال العافية دام راسك حي
‏ترى زينة وجيه النشاما فعايلها

.....

رد: فوق هام السحب ( الشعر الشعبي) على متن القوافي
 

اهملت عاشق تعلق فيك حد الجنون
لاصار محـتاج وصلك وانت ماتمنحه

كثير عشاق لو شافـوا جـفاء يرحلون
من زود الاهمال يطلـع للفراق اجنحه

.....

رد: فوق هام السحب ( الشعر الشعبي) على متن القوافي
 

يا أَصدَقَ الناسِ مَوعوداً إِذا وَعَدا
وَأَحسَنَ الناسِ في عَيني وَأَجمَلَهُم

عُمر بن أبي ربيعة

رد: فوق هام السحب ( الشعر الشعبي) على متن القوافي
 

‏حصيلي من الحب التوجاد والتنهيد
‏وذكرى الجروح وعالم الفقد ودروبه

‏أنا التايب إللي سامح من غرام الغيد
‏لاكن معك مدري ليه مافادت التوبه

.....

رد: فوق هام السحب ( الشعر الشعبي) على متن القوافي
 

كل ماغنوا وهزتك الطواري
‏لوّحي للحب بالكف المحنا

‏وانثني على اللحن والليل ساري
‏من يلوم الخيزران ليا تثنى؟

‏وان بدا للشوق في وجهك مواري
‏وافطنوبك من دروا فينا وعنا

‏كان قالوا للهوى بايع وشاري
‏قولي اصلاً وش على العذال منا

‏وكان قالوا ما بقى للعشق طاري
‏قولي ادري آخر العشاق حنا

.....

رد: فوق هام السحب ( الشعر الشعبي) على متن القوافي
 

‏فديتك تغانم باقي الليل معك ووص
‏عيونك تراها تاخذ اللي تحبه طرق

‏تبجح مابين ضلوع صدريفداك وقص
‏عروقه وسند في خفوقي وحول وارق

‏تنشد عن علومي وسولف وعم وخص
‏ترى كل كلمة منك تصنع بعمري فرق

‏ترايع جديلك تحت خصرك بشبر ونص
‏ترايع مجاهيم البدو في بطانة عرق

.....

رد: فوق هام السحب ( الشعر الشعبي) على متن القوافي
 

‏ابيك بكل ماربي عطاك من الحلا والزود
‏وابي كلك وابي قلبك وابي خيره وشره

‏قضى عمري وانا واقف على باب الرجا الموصود واخاف إني ماعاد اقدر اصبّر نفسي الحرّه

‏غيابك لعنبو هذا الغياب اللي مامنه فود
‏كسر حجر الضلوع وضيّق الخاطر ولا سره

.....

رد: فوق هام السحب ( الشعر الشعبي) على متن القوافي
 

‏على موعد تلاقينا ويا حلو اللقى والجوّ
‏سرقت من القمر ضيّه وغارت منك نجماته

‏وأنا أشوف الثواني كل ما مرت معك تحلّو
‏يطيب العمر بمقابل سنَا وجهك وضحكاته

‏وأنا اللي ودي أنطق قبل لا تمشي حبيبي توّ
‏أحس الوقت تسبقني معاك أحيان ساعاته

.....

رد: فوق هام السحب ( الشعر الشعبي) على متن القوافي
 

ما شدَّت عيون المساء كفّ الأعذار
‏هذي مقاديْري وهذي جروحي

‏كيف أتصدَّد عنك يا كلّ الأسرار
‏إليَا لقاك المنتبه في مزوحي

‏لولا غصون أشجارك وبِيْض الأسوار
‏ضاعت حقوق اِسمي وطاحت صروحي

‏أنا يا أبو وجهٍ مشاوِيْره كثار
‏ما زلت أدوَّر في مرابيك روحي

.....

رد: فوق هام السحب ( الشعر الشعبي) على متن القوافي
 

ما شدَّت عيون المساء كفّ الأعذار
‏هذي مقاديْري وهذي جروحي

‏كيف أتصدَّد عنك يا كلّ الأسرار
‏إليَا لقاك المنتبه في مزوحي

‏لولا غصون أشجارك وبِيْض الأسوار
‏ضاعت حقوق اِسمي وطاحت صروحي

‏أنا يا أبو وجهٍ مشاوِيْره كثار
‏ما زلت أدوَّر في مرابيك روحي

.....