رد: فوق هام السحب ( الشعر الشعبي) على متن القوافي
 

السعودي يفتخر في الدير عرض و طول
بأوسـط العالـم يمثـّل بطولـة رامبـا

ما سمعت الراجحي للمساهم وش يقـول
احتزم بي للثنادي و أنـا أخّـو سامبـا


سعد بن جدلان

رد: فوق هام السحب ( الشعر الشعبي) على متن القوافي
 

مكتب الأحوال معطينـي بطاقـه
والبسيطة مايضيق اللـي عليهـا

حط لك في كل وادي ورد باقـه
وإن تضايق خاطرك فانحر حداها

واخذ ذربات المعارف والرفاقـه
واترك اللي في صدور الناس فيها

عزّرت فينا صواليـن الحلاقـه
فرشة الحـلاق موسـه مقتفيهـا

نتبع الحلاق مـن شـان اللياقـه
ولا درينا إلا لحانـا فـي يديهـا


سعد بن جدلان

رد: فوق هام السحب ( الشعر الشعبي) على متن القوافي
 

الظن يوجع راعي الظن لا خاب
‏والنفس لا طابت من الشي طابت

‏عز الله ان الجرح يبطي ولا طاب
‏والمشكله لا عافت النفس عافت

......

رد: فوق هام السحب ( الشعر الشعبي) على متن القوافي
 

‏ماشفت شيٍ يخطف الانفاس
‏كثر ابتسامة وجهك البدري

‏العين خَدرى كن فيك نعاس
‏حتى لو انّك قايمه بدري

‏والراحتين احلى عقود ألماس
‏والشفتين احلى عسل سدري

‏سبحان من سوّاك بالمقياس
‏فـ الجانب العلوي وفـ الحدري

‏اقري على الزين الفلق والناس
‏يمكن تصيبك عين ما ندري

‏وخلي البيوت العامره بالناس
‏ولا تسكنين إلا قفص صدري

......

رد: فوق هام السحب ( الشعر الشعبي) على متن القوافي
 

يالله بصبحٍ فيه خير وتباشير
ويومٍ يجدد للـفرح والـسعاده

اقسم لنا يارب من قسمة الخير
عادتك تعطي كل مـسلم مـراده

نسرح وراء الأحلام وقت المباكير
وعـزومنا فـيـهـا الـسعـه والإراده

نـبي لـنا سـمـعه وجـاهٍ وتـقـدير
وعـلمٍ يـقـدينا الــعـلـو والـرياده

بقلمي

رد: فوق هام السحب ( الشعر الشعبي) على متن القوافي
 

طف المكيّف و افتح الشبّاك
محتاج نسمه من هوى ربّي

البرد قرّب و السحاب هْناك
على مسيرة شهر .. متخبّي

فصل السعاده زمهريرك ذاك
يشعل صباي و شوقي و حبّي

متلـهّف اغـنّـي على ليـلاك
يا غيم صب و يا حطب شبّي

......

رد: فوق هام السحب ( الشعر الشعبي) على متن القوافي
 

عزيز النفس مايرضى المهونه
ولو نفسه على الحاجـه تـلـزّه

تشوف العـز يقدح من عيونـه
ومـيـلات اللــيــالــي مـاتهزّه

......

رد: فوق هام السحب ( الشعر الشعبي) على متن القوافي
 

‏خل النوايا الطيبة نصب عينك
‏واعبر طريقك لا مشيت وترفق

‏حتى لو إن أهل الردى محتسينك
من أخلص النية لربه توفق

......

رد: فوق هام السحب ( الشعر الشعبي) على متن القوافي
 

‏ﺗﺪﺭﻱ ﻭﺵ احلئ ﺷﻲ لا ﺻﺮﺕ ﺗﺸتاق
‏انك تشوف ﺍﻟﻠﻲ ﻳﺤﺒﻚ ﻳﻨﺎﺩﻳﻚ

‏وان ﺟﻴﺖ ﺟﻨﺒﻪ ﺗﺒﺘﺪﻱ ﺣﺮﺏ ﺍﻻﺷﻮﺍﻕ
‏ﻣﻦ ﺍﻟﻮﻟﻪ ﻭﺍﻟﺸﻮﻕ لنه قبالك

‏ﻭﺗﺸﻮﻑ ﻓ ﻋﻴﻨﻪ ﻣﻦ ﺍﻟﺤﺐ براق
‏ﻓﻴﻬﺎ ﺗﺤﺲ ﺍﻧﻪ ﻣﻦ ﺍﻟﻨﺎﺱ ﺷﺎﺭﻳﻚ

......

رد: فوق هام السحب ( الشعر الشعبي) على متن القوافي
 

رافقت لي ناسٍ على الـطـيب يمشون
هـم الاصل والـطــيب هــــم الفخامه

طيب اللقـى بصدور رحــبه يــــهـلون
ومن رافـق الـطيبين يـكـبر مــقــامه

عن الكلام الشين حـشـمـه يصــدون
بعـــيونهم توصيف طبع الشهامه

......