رد: فوق هام السحب ( الشعر الشعبي) على متن القوافي
 

تدري اني شخص ماني سريع اعجاب
‏ولا كل حاجه عابره تكسب اعجابي

‏غلبت الهوى فتره لكن الهوى غلاب
‏تمادى ووقف في طريقي وانا مابي

‏دخلت ف حياتي عرض من اوسع الابواب
‏وانا للحبايب ماني مشرع ابوابي

‏وعطاك الله من الود والحب والاعجاب
‏مايجعلك دايم نبض قلبي واحبابي

.....

رد: فوق هام السحب ( الشعر الشعبي) على متن القوافي
 

انتي شموخك عظيم ويجذب الاهتمام
وانا ماقلّط عليك الفكره البايته

جيتك مجيَّ الكرام اللي تحب الكرام
واخترت دربٍ توقف عندك نهايته

أن كان جيتي مجيَّك فوق صدري وسام
وان كان رحتي فمان الله ورعايته

.....

رد: فوق هام السحب ( الشعر الشعبي) على متن القوافي
 

حنا الوفيّ من صافـي الود نسقيه
ومـن زادنـا باالطيب حنـا نـزيده

واللي طـرانا ساعة الضيق نطـريه
ونكون عـونـه بالظروف الشديده

نغليـه واللـه راعي الجـود نغليـه
ونصـون قــدره لـو ديـاره بعيــده

.....

رد: فوق هام السحب ( الشعر الشعبي) على متن القوافي
 

أغرد ويبقى الشعر في حقك شوي
أبني حروف الوصف وتطـيح دونـك

يا جعـلني فـدوة عيـونـك وأنا حي
وإن غبت جعل الكون يفدا عيـونك

.....

رد: فوق هام السحب ( الشعر الشعبي) على متن القوافي
 

كلنـــا فالزمن على مفــارق طرق
‏وكل واحد عليه من الشقاء ماعليه

‏وكل واحـــد يخــايل بــارقه لا برق
‏في حيــاته لزوم او حــاجة ٍتحتريه

‏بالشغف يسرق الايـــام لو ما سرق
‏والزمن يسرق اللي ماسكه في يديه

.....

رد: فوق هام السحب ( الشعر الشعبي) على متن القوافي
 

أحرص على درب النقا والطهارة
‏فـا الآخــرة لا مـال ينفع ولا جاه

‏ودايـم تذكـر في حيـاتك عبـارة
‏الآدمـي مكتـوب له كـل ماجـاه

.....

رد: فوق هام السحب ( الشعر الشعبي) على متن القوافي
 

الـحر حـر ولـه مـواقـــف وينـــهـاب
‏والـلاش لاش ولا حســبـنا حســـابـه

‏ماكل صاحب ندرجه ضمن الاصحاب
‏ما نـدرج الحـصنـــي بصـف الذيابـه

.....

رد: فوق هام السحب ( الشعر الشعبي) على متن القوافي
 

شد عزمك كل مااشتد وقتك شد شد
الشدايد مالها الا اولي الباس الشديد

في دروب العز ناضل وكافح واجتهد
مــــــا ينال العز غير المكافح والعنيد

.....

رد: فوق هام السحب ( الشعر الشعبي) على متن القوافي
 

‏ليت الذي جالي من الشوق جالك
وتحــس مافيني وتقـــــرا شعوري

كانك معـــي مايـوم تبقى لحالك
ولا تخلينـي وتجهـــــل حضوري

حرام تحـــــرم من ترجــا وصالك
وحرام تبعـــد من حياتي سروري

صعبه عليا مــوت اجهل خيالك
يعنى وجودك في حياتي ضروري

.....

رد: فوق هام السحب ( الشعر الشعبي) على متن القوافي
 

اثر الجمايل في بطون المجانين
اخير منها في بطون الصحاحي

على الاقل الى انكروا فعلك الزين
لك حق ما تشره على غير صاحي

.....

رد: فوق هام السحب ( الشعر الشعبي) على متن القوافي
 

راح ميدان الشعر عج وسوافي
وزاد منسوب الهزل فوق السماني

والركض مابين خيالٍ وحافي
شاعر ومستشعري تالي الزماني

الشعر يحتاج له وزن وقوافي
حبكه وسبكه من الجزل الثماني

يسبكه سبك الذهب وافي وصافي
من رصيده فوق حد الأتماني

.....

رد: فوق هام السحب ( الشعر الشعبي) على متن القوافي
 

يا نفس خلّي مغرياتك على جنـب
تـرى وراك حســاب يــوم القيامـة

تقتلني الحسره على فعلي الذنب
وارجـع وكـنّي ما عرفـت الندامــة

.....

رد: فوق هام السحب ( الشعر الشعبي) على متن القوافي
 

‏ابعد عن الناس من فتره اليا فتره
وأقرب من الله بتسبيحك وتهليلك

واسجد لـ ربك تعالى واطلبه ستره
تراك والله ماتدري كم باقي لك

والقبر مافيه لا مشلح ولا غتره
ان كان مالك عمل ينجيك ياويلك

.....

رد: فوق هام السحب ( الشعر الشعبي) على متن القوافي
 

ياهييه ياللي تجيدون الغمز واللمز
وتدوّرون الخطَاء لو إن مافيه خطَاء

إسلـوبكم مايبـي تحليل وإلا رمز
الخبث مكشوف مهما كان حوله غطاء

.....

رد: فوق هام السحب ( الشعر الشعبي) على متن القوافي
 

يمين الكريم لياخذت شي ردت شي
ويمين البخيل لياخذت شي ماردت

تجمـل مـدام الله مغنيك وانتـه حي
ليا مت لاجابت فلوسـك ولا ودت

.....

رد: فوق هام السحب ( الشعر الشعبي) على متن القوافي
 

رميت ياحظي جناحين الاسباب
باخر رصاصة من حزام الذخيرة

عز الله اني كنت ماحسب لها حساب
لكن عسى ماتكره النفس خيرة

حاولت اجنب مير مافيه مجناب
ورميت حبي فالرحى المستديرة

.....

رد: فوق هام السحب ( الشعر الشعبي) على متن القوافي
 

مايذبح الصبر غير مدور الحاجه
اللي يدور ستر وجهه عن الناس

تضهر علامات الحيا في حجاجة
وفي ناظره تقراء عناوين الافلاس

يصبر على حلو الزمان وهماجه
مايبدي الحاجه على كل عساس

من خوف تظهر حاجته وإنحراجه
ويدريبها اللي يقرن الراس بالراس

.....

رد: فوق هام السحب ( الشعر الشعبي) على متن القوافي
 

مني عهـد مايختـلف يارياجـيل
يلحقني المشروه لن ماحميـته

للي دعالي مخلصن تالي الليل
والله لموت وماقفـه مانسيـته

وللي يبيـني في طويل الغراميل
يفـرح ليامـنه سمعـني رقـيـته

والله لغث كبود لأجله مغاليل
وأكتب تحياتي على باب بيـته

.....

رد: فوق هام السحب ( الشعر الشعبي) على متن القوافي
 

انا ما يلوّع كبدي الا صديع الراس
هبيلٍ على جرة عجوزٍ مربيته

كريمً على قل السنع عند بعض الناس
بخيلٍ على جيران بيته واهل بيته

.....

رد: فوق هام السحب ( الشعر الشعبي) على متن القوافي
 

ليت الـردي معـروف بين المخاليق
ويصير لـه بيـن الاوادم علامه

حتى نعرف اللي بروس الشواهيق
ولايلحق اهل الطيب لوم وملامه

الرجل بيـن الناس طيـبه تـوافيق
ويمناه تندى بالوفـى والكرامه

والا الضعوف اللي سواة المعاليق
مكسبك منهم بعدهم والسـلامه

.....

رد: فوق هام السحب ( الشعر الشعبي) على متن القوافي
 

نسدد فواتير الوفاء من غلا واحساس
راع الطيب مانجحد جميله ومعروفه

ابن عم والا من بعيد العرب والناس
رجالٍ ماتلحق طيبها من وحسوفه

يقولون بالامثال عرق النسب دساس
وانا شوف عيني مثل ماغيري يشوفه

وعروق النداء تنداء لو اوراقها يباس
على مختلف دورات الايام وظروفه

.....

رد: فوق هام السحب ( الشعر الشعبي) على متن القوافي
 

والله اني الوقت ذا ملتزم في حاجتين
حاجتـــةٍ من وراهـــا لقيـــت المنفعه

السكوت اللي يوافق مع العقل الرزين
وابتعـــادي عن مناقش سفيه و امْعه

والتّجاهـل خبرةً تكتسب عبر السنين
والتســـامح عملـةً ما تحـــب الاقنعه

.....

رد: فوق هام السحب ( الشعر الشعبي) على متن القوافي
 

في ذا الزمن كلن يحب البداوه
حب البداوه صار في الناس عدوا

اللي معه مال ولو كان جاوه
شرا له ابل من الحراج و تبدوا

.....

رد: فوق هام السحب ( الشعر الشعبي) على متن القوافي
 

كانك خوي الغني اللي محد حوله
حنا مانطمع بخـوة من كثـر ماله

نخاوي الطيّب اللي طابت افعـوله
حتى لوانه فقيرن حالته حاله

.....

رد: فوق هام السحب ( الشعر الشعبي) على متن القوافي
 

ليا بدا النقص في حالي وفي مالي
على كثيـر العـرب مانـي بمتجـري

اترك ملايين وانصـى واحـدٍ غالـي
اما قضى لازمـي ولا خفـظ سـري

سفر الدغيلبي

رد: فوق هام السحب ( الشعر الشعبي) على متن القوافي
 

اليا أبليت بكملتن مالها علاج
عوجا وجاتك من عوج صد منها

دور لها يامحكم الشور مخراج
ولا تنشد اللي جابها عن ثمنها

مانته مكلف بين ناقل وهراج
أرفع مقامك يابيض الوجه عنها

.....

رد: فوق هام السحب ( الشعر الشعبي) على متن القوافي
 

الصمت مكسب ليامن طاح سعر الكلام
قفل خزاين كلامك والمقام إحفظه

ماهو ضروري تزاحم عاشقين الزحام
للبيعة البايرة لا تفتح المحفظة

على المناكف وترديد الهروج السلام
لابد سقف الطموح المرتفع تخفضه

ماهي جميع السوالف تلفت الاهتمام
عليك تسجيل يرصد كل ما تلفظه

.....

رد: فوق هام السحب ( الشعر الشعبي) على متن القوافي
 

بغينا العرب ترضا لكن العرب مرضا
تخلي الصغآر كبار وتدور الزله

وانا مالي ومال العرب تزعل وترضا
انا يالله بعمري وش ابغي بخلق الله

.....

رد: فوق هام السحب ( الشعر الشعبي) على متن القوافي
 

صح الكرم يستر كبار العذاريب
والاّ الشجاعه تكفي الوضع كلّه

ومن لارقا في عاليات المراقيب
لا ينتقد خلقه على كل زلّه

الزين مافاد البنات الرعابيب
لاصار معتوهه وفي العقل خلّه

وقت ٍتعّوذ منه حتى اشهب الذيب
تغيّرت حتى النجوم المطلّه

.....

رد: فوق هام السحب ( الشعر الشعبي) على متن القوافي
 

الرجل مايملى يده قول ياليت
ومايدرك الغايات لو ماطردها

غايتك لو هي في قلوب العفاريت
انزع بيدك قلوبها من جسدها

.....

رد: فوق هام السحب ( الشعر الشعبي) على متن القوافي
 

سِج يا قلبي من الضيق واللي فيك فيك
وإن تنطحتك صدوف الزمن عطها قفاك

عيش يومك وإنبسط وإن تمادت ما عليك
العمر له يوم واليوم لا من جاك جاك

دامك مصلي صلاتك ومرضي والديك
الأمور الباقية جعلها والله فداك

.....

رد: فوق هام السحب ( الشعر الشعبي) على متن القوافي
 

إن طاب حظك باعلك وإشترالك
واذا تردى فاطيب أرياك يعميك

وان طاب حظك في المجالس حكالك
وليا تردى الحظ قام وحكى فيك

وان خاب حظك آه وعزتالك
راحت عذاريب العرب كلها فيك

وإذا تردى الحظ عزي لحالك
أدنات مابه ناقص العقل يذّيك

.....

رد: فوق هام السحب ( الشعر الشعبي) على متن القوافي
 

يقول ذا شل بالدنياء وحط
واتعلم الصح من أول خطأ

رد الغلط بالغلط أكبر غلط
وأكبر خطأ تكررت نفس الخطأ

وكل واحد معه سكه وخط
وقال الأول من استعجل بطا

ومن توكل على ربه فقط
مايرجع ألا بخيره وآلعطاء

والحق واضح يكفينا سخط
ماكل مكشوف يبغا له غُطا

ما ميّزين الحروف ألا النقط
وما اظهرين الطريق ألا الخُطى

والكبر من يعتلي خيله سقط
ومن تمطاه ليته ما امتطا

ذا ما حسب للطرف مثل الوسط
مايدري إلا وهو حيث الوطا

رد: فوق هام السحب ( الشعر الشعبي) على متن القوافي
 

قـال لـو تدري حبـيـبي كم احبك
قلت قلّي نفسي ادري قال مدري

قلت كيف اْدري بمدري خاف ربك
قـال بيتـدري وتـدري بـس بدري

قلت من عمرك ومن عمري بقربك
قال عمري مِه فديتك انت عمري

قلت لاتطغى على صدقي بكذبك
قال سرّي في غرامك مثل جهري

قـلـت متـمرد وحـبك مـثل حربك
لاتـراوغ لا يـغـرّك طــول صـبـري

قـال مـتمـرد ومـتعـطّش لـضربك
ونفصالي عن هوى غيرك وشطري

قلت يا مملوك من سهلك لصعبك
لاشمـالك لاجنـوبك مـلك حصري

لاسما ارضـك ولِا شـرقك وغـربك
لـم ولـن تُحـكَم بدكـتاتـور غـيري

قال قلبي قـلت قُـل ياقـلب قلبك
قـال عـانقـني وطـفّي نـار صدري

.....

رد: فوق هام السحب ( الشعر الشعبي) على متن القوافي
 

قالو لي إكتب قصايد حب يابو هديل
قلت المحبه وعيش السعد لهل الريال

واحنا المساكين راحة مثلنا مستحيل
مافيه لنا فالهوى مكسب ولا راس مال

سنين من يوم فارقنا الشعور الجميل
والسعد ياالله نشوفه بس مثل الخيال

ماآظن تعشق وحملك فوق ظهرك ثقيل
وقسوة الوضع ماخلت لعاشق مجال

غبني لمن كان مثلي شهم وافي أصيل
وصابه الدين والأزمه وقهر الرجال


د/أحمد العميسي

رد: فوق هام السحب ( الشعر الشعبي) على متن القوافي
 

مسامحين اللي تناسوا عطانا
بقلوبنا نخوه وفينا مروّه

و إذا خطينا نعتذر عن خطانا
ماهو بضعف إلا شجاعه وقوّه

وما نلتفت للي كلامه ورانا
لو ألتفتنا له عطيناه جوّه

واللي يقدّرنا ويوقف معانا
نعامله باللي يليق بسموّه

نهتم في اللي كل همه رضانا
ونقدّر الطيب ونحب الأخوّه

.....

رد: فوق هام السحب ( الشعر الشعبي) على متن القوافي
 

ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا يا ربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

رد: فوق هام السحب ( الشعر الشعبي) على متن القوافي
 

‏تدري وش اللي يجعل النفس ترتاح
‏ولا تشتكي من بعده الهم والضيق

‏كلام رب الكون مكسب والارباح
‏فيه السعادة مع جميع التوافيق

.....

رد: فوق هام السحب ( الشعر الشعبي) على متن القوافي
 

من قلة الراحة وضغط الدوام
تفكيري مشتت وعقلي مضطرب
‏
طيشي يقو إلى الأمام إلى الأمام
ورشدي يقول لا تقترب لا تقترب
‏
ماني بخايف من كلام أهل الكلام
لكن خايف عقب ذا العمر اخرب
‏
ماني بحاجة للغلا والإهتمام
أنا بحاجة للوناسة والطرب

.....

رد: فوق هام السحب ( الشعر الشعبي) على متن القوافي
 

ويقولون متكبر واقول اتكبر ليه
‏وانا في ذرى ربي وعبده وابن عبده
‏
‏طويل الذراع ان عّرض اسمي تعلق فيه
‏وضعيف الروابع كني امشي على كبده

.....