رد: فوق هام السحب ( الشعر الشعبي) على متن القوافي
 

معقول ما تسمـــــع خَفوقي ينِاديك
والنبضِ في صَـــدري بِيعشق جنونك

والليلِ يســري بي عَلى جالِ شاطيك
هايمْ وِكلي مِنوَخذ في عيونك

ان الهَوى في كل ِ ليلــــــــه ينِاجيك
يتنشَّقك زهرٍ تِراقص بِكونك

......

رد: فوق هام السحب ( الشعر الشعبي) على متن القوافي
 

‏شفتك ومن بعد ذاك اليوم ماعاد أشوف
‏ من يوم جت عيني بـ عينك و قلبي غريق

‏علمني شلون تشرح حبك أربع حروف
‏حملّت كلمة أحبك فوق مالا تطيق

‏تقول ياليت مال الناس عندك شفوف
‏واقول أحبك وغيرك جعلهم في حريق

‏شعوري اللي بدونك بين وحشه و خوف
‏شعور شايب توحش في عزا آخر صديق

......

رد: فوق هام السحب ( الشعر الشعبي) على متن القوافي
 

‏تكرم خطانا عن دروب المقفيّن
‏ويكرم قصيد الشوق وأعذب حروفه

‏واللي خلق صف الرجال المصليّن
‏إني على قد المحبه عيووفه

‏طرى علي بيتٍ من شهور وسنين
‏ومعاني البيت الجزيل معروفه

‏إن كانه السلطان حنّا سلاطين
‏ومن زلّ عنّا بالنظر ما نشووفه

......

رد: فوق هام السحب ( الشعر الشعبي) على متن القوافي
 

‏طيوفك اللي على دربي تدهورنــــــــي
‏من وين ماعرضت سجيت ويــاهــــــا

‏عقبك تعنيت والذكرى تسهرنـــــــــي
‏والنفس شفقت عليك وجابت اقصاها

‏ماجابك الشوق صوبي يامدمرنـــــــي
‏ولا جابتك هالقصايد يوم تقراهــــــــا

‏ناطرك لو عزتي بالصد تجبرنــــــــي
‏ولا العرب لو تقفي قلت فرقاها

......

رد: فوق هام السحب ( الشعر الشعبي) على متن القوافي
 

تغاضى وابتسم وافرح وخليها على ربك
وفي دنيا الغلايب عيش لاغالب ولا مغلوب

إذا شفت المواجع والأسى والهم يعصف بك
فحاول تخفي أوجاعك وتتصبر على المكتوب

هو الواقع تغير لا تظن المشكله ذنبك
وسؤ الوضع باقي والأماني جات بالمقلوب

لهذا عيش واتغاضى ودوس الشوك في دربك
وذوق المر كنه شهد صافي من جباح النوب

ولاتحزن وتيأس والأمل بالله في قلبك
ولا تركن على غيره يحقق حلمك المطلوب

فكم يااحباب في وقت العوافي يوقفو جنبك
ولا اشتدت وضاقت ماتحصل منهم محبوب

......

رد: فوق هام السحب ( الشعر الشعبي) على متن القوافي
 

ماكل كلمة احبك جمّلت حالها
و لا جديد المشاعر يشبه البالية

كم قالها طيف عابر كِن ما قالها
و كم بداية تواري سوءة التالية

وقالها غيم ماطر واْلقت اْحمالها
وبستنتهـا صحاري قاحلة خالية

اترك قيود المشاعر تدمي اغلالها
وامنح شعور الكرامةمرتبة عالية

لا فاض بالعين فوق الخد شلالها
وعكّرت صفوك الخيبات متوالية

أما عن الروح دعها تسكن اْمثالها
لا تجعل الروح موليّة وهي وآلية

خذ منّـها ما عليها و اعطها مالها
تفلتر افكارك الشوعة من الحالية

و قلب قلبك إمارة ما حدا طالها
لوالدك تاج راسك و امك الغالية

ما دونهـا هُـم مشائخـها وعُـقّالها
لمن سواهم مـن الزوار و الجالية

يهنا لقلبك و يهنا له و يهناا لها
وللهـناء لا قدو سالي وهي سالية

......

رد: فوق هام السحب ( الشعر الشعبي) على متن القوافي
 

‏هدّ حيلي بالهموم و لا تضيق
‏اللي ادري فيه و اللي أجهله

‏عدّني عكّاز قلبك بالطريق
‏أرك حملك فوق قلبي و ازهله

......

رد: فوق هام السحب ( الشعر الشعبي) على متن القوافي
 

جديع يوم انه بغاني بغيته
‏ما طمّحوني عنه كثر العشاشيق

‏واليوم يوم إنه رماني رميته
‏رمية وضيحيٍّ رموه التفاقيق

‏جديع أنا حرّمت مسكان بيته
‏إلا مغيب الشمس يرجع لتشريق

‏والا ان صوت الحي يوحيه مَيْته
‏أو ينبلع سم الحيايا على الريق

‏عسى يجيني شيخ يُسمَع بصيته
‏منعور يعطي من طوال السماحيق

......

رد: فوق هام السحب ( الشعر الشعبي) على متن القوافي
 

البارحة ونيت ونة عظيمة
تنسف قصور الصمت وتهد الاسوار

القلب منهك والمشاعر يتيمة
وهاجسي محتار والعقل محتار

يد الجفا بين الحبايب كريمة
والوصل مثل الجار لا قاطع الجار

طليت جدارن الهوى بالحشيمة
وعمرت لك بالطيبة ادوار وادوار

وإن نسنس الغربي وذعذع نسيمه
تميل لك الأزهار وغصون الأشجار

مديت لك حبل الوفاء والجريمة
بعت الوفاء ذي ما تسعر بالأسعار

شف الخيانة عاقبتها وخيـمة
يا صاحبي ماشي قفاها خبر سار

وانا رجل فالوقت ماشي يضيمه
لا دون طعنة غدر من يد غدار

وتحت تعذيب الجروح القديمة
كبدي على شفرة وقلبي على نار

امسح بثوب الطيب قاع الشتيمة
وافتح بكف العفو بيبان الاعذار

كافحت رغم البهرجة والنميمة
وابحرت في بحر العزيمة والإصرار

سفينتي نحو الهدف مستقيمة
وكل ما اقفى إعصار جا بعده إعصار

مافيه نصر الا وقبله هزيمة
لان الزمن دوار والوقت دوار

وانا صنعت من الهزيمة عزيمة
ورايتي منصوبة برأس سنجار

ما انا مدور خلف طيبي غنيمة
ولا وراء المقفي تحريت دينار

ان المبادي والنوايا السليمة
أكبر غنيمة للرجايل الأحرار

ماذي بلا مبدأ ومن دون قيمة
يعيش واسمه عار ومخوته عار


حارث بن ضباب

رد: فوق هام السحب ( الشعر الشعبي) على متن القوافي
 

يامتابعيني كلكـم دون تحديد
الله يسـعدكم ويرضـا عليــكم
'
والله يعطيكـم من الخـير ويـزيد
ويدخلكـم الجـنه ويستر عليكـم

الحمدان....