رد: فوق هام السحب ( الشعر الشعبي) على متن القوافي
 

‏عن كل شيٍ كان نفسي فيه سجّيت وسليت
‏وصرفت عيني عن جميع أحلامي وغضيتها

‏ماعاد في صدري مساحه للرضا لكن رضيت
‏نفسي عن اشياء واجده زعّلتها وأرضيتها

‏والله ما عاد يهمني إن رحت والا إن بقيت
‏بقول مره لا تروح وإن رحت ما ثنّيتها

.....

رد: فوق هام السحب ( الشعر الشعبي) على متن القوافي
 

شديتني واخذت قلبي مع الروح
‏تعال قلي أنت مني وفيني

‏خذني معك ورافقك وين ماتروح
‏أنا بدونك تايهات سنيني

.....

رد: فوق هام السحب ( الشعر الشعبي) على متن القوافي
 

يا للصباحِ الذي فاضت مشارقُه
‏بالحسنِ والبرّ تسبيحا وتوحيدا

‏سبحان من فلقَ الإصباحَ فاندفقت
‏قوافلُ النور إحياءً وتجديدا

.....

رد: فوق هام السحب ( الشعر الشعبي) على متن القوافي
 

تعلمت من سود الليالي حكَم ودروس
‏ولازلت أردد بيت شعرٍ على لساني

‏صديق المصالح لو شرى خوّتك بفلوس
‏طبيعي يبيعك لا قسى الوقت مجاني

.....

رد: فوق هام السحب ( الشعر الشعبي) على متن القوافي
 

حي الرفيق اللي له الطيب منهاج
اللي ليا جيته يضوي سراجه

لو ماقضى حاجتك لاصرت محتاج
على الأقل تكفيك ضحكة حجاجه

.....

رد: فوق هام السحب ( الشعر الشعبي) على متن القوافي
 

راحتي فيها انتكاسه وصبري فاحتيال
‏واتجاهاتي عليها ضغوط وفرمته

‏ودي ارسم خط رجعه لو انه من خيال
‏ودي انسى حزن قلبي وادور فرحته

.....

رد: فوق هام السحب ( الشعر الشعبي) على متن القوافي
 

‏القاك في درب القصايد والاشعار
والقـاك في كل المشاعـر أحـادي

مالك شريك بقلب حطك له اسوار
واشوف غيرك في عيوني جمادي

جتـني طواريـّك مـع الليل زوار
احسـّها كـل ما تصـيح وتنـادي

اعبـر بها يمـك على مـوج الافكار
خـيـال لكـنـّة بقـلـبـي وكــادي

.....

رد: فوق هام السحب ( الشعر الشعبي) على متن القوافي
 

من لحظة ادراك الحقيقه تنتهي كل الثقه
خارج روابطها الوثيقه ويل من ظل الطريق

يا بادره بآخر دقيقه من نوايا مسبقه
في من تغير واختلف عنا بصوره ما تليق

لا سامح الله من صديقه ظن به او صدّقه
وبعدما حصل طريقه خان عهده والرفيق


.....

رد: فوق هام السحب ( الشعر الشعبي) على متن القوافي
 

اشوف منك الصد بانت مواريه
‏وشوف باسلوبك علومٍٍ جدايد

‏ترى الهوا تاليه تفضح مساريه
‏والوصل يقفاه الهجـر والنقايد

‏دام المفارق ياريش العين شاريه
‏ياجعل مايلحقك ضيم وشدايد

.....

رد: فوق هام السحب ( الشعر الشعبي) على متن القوافي
 

أكتب قصيدي من جروحك وأغنيك
‏واذا عجبك البوح قل صح بوحك

‏لا تحسب إني قلتها لاجل أعنيك
‏لكن ذكرت إني قبل كنت روحك

‏على جروح الوقت حبيت أهنيك
‏ياللي تقول إني هواك وطموحك

‏لا تنصدم لا قلت أنا الحين ماأبيك
‏كل الجروح اللي تجيني جروحك

.....

رد: فوق هام السحب ( الشعر الشعبي) على متن القوافي
 

عين بدويه والخشم سلـة السيـف
‏والعنق عـنـق الريـم ياوجـد حـالي

‏ياوجـد حالي كامله بالـتـواصـيـف
‏تأخـذ من وصوف المها والغـزالـي

‏أنشهد أنك كيف ومشاهدك كـيف
‏والكـيف شـوفك يابعـد كل غـالـي

......

رد: فوق هام السحب ( الشعر الشعبي) على متن القوافي
 

نطيح من عثرات الأيام ونقوم
وتزيدنا الطيحه شموخ وكرامه

نواجه الدنيا بصملات وعزوم
ولا هزنا هرج الردي والهلامه

.....

رد: فوق هام السحب ( الشعر الشعبي) على متن القوافي
 

راسي مصدع وين مسكن صداعي
اللي اليا شفته نسيت كل الأوجاع

اليا ابتسم عقلي مع الزين ضاعي
تحسنت حالي وتزين الاوضاع

واليا همس باذني يطيب استماعي
من بحة بصوته لها القلب يرتاع

وان قال شي قلت امرك مطاعي
لا يا شفاء همي وللنفس مرباع

.....

رد: فوق هام السحب ( الشعر الشعبي) على متن القوافي
 

طـيفِكٍ يجيتـي دوم مع لاهب الشوق
وارجـــع انـاظــر صورتك واحتضنها

وانا اشهد انـك كـاملة الوصف يـالذوق
مــكـانـتـك يــقــصّــرن مـــا يـجــنـها

قـلـبي بهـــواكــٍ بالـغلا طـوّقه طوق
كـــل الـــمـحــبـة عــنـد رمشِك رهنها

دون الـبشـر غــالـية ولـكٍ مـنزلٍ فـوق
ومـعـزتِـك بـالـقلــب مـا ياصَـلنها

.....

رد: فوق هام السحب ( الشعر الشعبي) على متن القوافي
 

اشوفك بعيد وانت الحين قدامي
ياصعب درب الشتات اللي تساهلته

مشيت فيه ابني مع الخطوة أحلامي
ورغم ان الآمال خابت فيك كملته

مدري غموضك يزيد الجرح وآلامي
ولا آخر الحب ما يشبه لأولته

تقول لي لا تجي يمي بالاقدامي
وعيونك تقول لي عكس الذي قلته

.....

رد: فوق هام السحب ( الشعر الشعبي) على متن القوافي
 

‏يا ليل يا ليل الــــسهر والـــــمعاناة
وش حيلة اللي فارق النوم عــــينه

القلب يبحث في الزمن عن خفاياه
الله على ذكـــرى اللـــــيالي يــعين

.....

رد: فوق هام السحب ( الشعر الشعبي) على متن القوافي
 

لا تساومني على جاهي وقدري
‏ويش ابي بالعمر من دون الكرامه

‏ان لفيت اهلاً وسهلاً وسط صدري
‏وان بغيت تروح مرواح السلامه

.....

رد: فوق هام السحب ( الشعر الشعبي) على متن القوافي
 

اكثر ما يضيق خاطري نشدة الملقوف
ليا شاف فيني من ظروف الزمن خله

عساني ليا زليت ما زل عند ضعوف
عسى زلتي قدام من يدمح الزله

.....

رد: فوق هام السحب ( الشعر الشعبي) على متن القوافي
 

يالله اللي في يدك فك العسر وإفراجه
أغنني عن كل من هو في غناةٍ عني

وأكفني يالله من شر الفقر والحاجه
وأعطني يارب من فضلك ولاتحرمني

يالرحيم وكل نفس لرحمتك محتاجه
أسالك تشملني بغفرانك وترحمني


النجم العالي

رد: فوق هام السحب ( الشعر الشعبي) على متن القوافي
 

يا العظيم اللي عظيمٍ شانك وسلطانك
أستمع دعواتي ونجواي وأقبل منّي

لا إله الا أنت يارب السماء سبحانك
أسألك يا رب تغفر لي وتعفو عنّي

امين

رد: فوق هام السحب ( الشعر الشعبي) على متن القوافي
 

‏لا تبخل على الي محرجته الضروف احراج
تجمل وساعد واعط مما عطاك الله

من يدور المحتاج وايساعد المحتاج
فدته الوجيه الي آتدور على الزله

متعب بن مرزوق

رد: فوق هام السحب ( الشعر الشعبي) على متن القوافي
 

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

رد: فوق هام السحب ( الشعر الشعبي) على متن القوافي
 

ماعاد ينفع فالشدايد ولد عم
مار الله الله فالدعاء والصلاوات

ماتو هل ابشر وازهل وتامر وتم
ولا الردي لامنه نفعه ولا مات

ماجد العتيبي

رد: فوق هام السحب ( الشعر الشعبي) على متن القوافي
 

‏انا لو لا غرامك ما قبلت لصدتك تبرير
‏ويا ليت لغيابك عذر مايطري على بالي

‏اكابر واتظاهر بالصبر واشره على التقصير
‏وانا في كل يوم يمر اشوف النقص في حالي

.....

رد: فوق هام السحب ( الشعر الشعبي) على متن القوافي
 

‏لاعاد تبكين قطعتي معاليقي
مادام قلبي معش وش داعي الدمعه

انا مع الناس حلم وصعب تحقيقي
وتحقق الحلم لك والناس مجتمعه

منصور الحبابي

رد: فوق هام السحب ( الشعر الشعبي) على متن القوافي
 

أشياء واجد تضايقني وانا راضي
‏على رغم قوتي اسكت ولا أتكلم

‏ترى اكثر إنسان مايحكي عن الماضي
‏هو اكثر إنسان من ماضيّه يتألم

.....

رد: فوق هام السحب ( الشعر الشعبي) على متن القوافي
 

يسعد مسا منهو تربى على الطيب
ترسم حروفي تفاصيله ومضمونه

كنه معي مثل القلم داخل الجيب
قريب من قلبي ولو غابت اعيونه

.....

رد: فوق هام السحب ( الشعر الشعبي) على متن القوافي
 

عز الله ان الشدايد عندي اكبــر فضيله
عرفت فيها جميع الناس هــين وغـالي

عرفت فيها النشاما والنفــوس الـذليله
كسبت منها رجال الجــود وهل المعالي

ياعاشق المال كسب المال ماهو وسيله
انا الشرف والمروه والكرم راس مـــالي

.....

رد: فوق هام السحب ( الشعر الشعبي) على متن القوافي
 

‏سرى اللّيل والذِّكرى ثلاثيّة الأبعاد
‏بعد ما تغيب الشمس تبدأ طواريها

‏على الساعة الثنتين في وقتها المعتاد
‏عسى الله يعين اللّي سواتي يعانيها

‏حنينٍ على الماضي وشوق وعنا وجهاد
‏وجمرة غضى لا هبّت الرّيح تحييها

‏يا كمّ ذكرياتٍ نزفها فالحنايا حاد
‏لو أتصنّع النسيان مانيب ناسيها

.....

رد: فوق هام السحب ( الشعر الشعبي) على متن القوافي
 

‏ياطير تكفى لفّني بـالجناحيـن
‏ودّي معاك أطير يا طير خذني
‏
‏مادام مالك لا حدود وقوانيـن
‏خذني قبل هالحال يا طير يفني

.....

رد: فوق هام السحب ( الشعر الشعبي) على متن القوافي
 

حنا بدو نطرب على شبه النار
وريح الحطب بثيابنا لاملاها

.....

رد: فوق هام السحب ( الشعر الشعبي) على متن القوافي
 

يانجد والله مالنا عنك مجناب
اسمك لحاله راس مال وهويه

ومثل ماقال الشاعر الهاوي الحاب
تبقين يانجد العذيه عذيه

.....

رد: فوق هام السحب ( الشعر الشعبي) على متن القوافي
 

الجـو غـيـم وفـيـه رذاذ هتان
‏يمطر شـوي ويمطر احيان قـوَّه

‏صوت المطر يشبه تعاليل خلان
‏في حبهم صدق وعفاف ومـروَّه

.....

رد: فوق هام السحب ( الشعر الشعبي) على متن القوافي
 

تحديت الليّال المظلمَه والسور والأقفال
‏ووصلت لكل ما يطري علي بفجّة إشراقي

.....

رد: فوق هام السحب ( الشعر الشعبي) على متن القوافي
 

‏البروق تلوح منا والرعود تحنّ منّا
‏المطر ما وقّف من البارحة والسيل جاري

‏والحكومة تنذر العالم عن اخطاره وحنّا
‏من سعادتنا نباري السيل لو ماله مباري

.....

رد: فوق هام السحب ( الشعر الشعبي) على متن القوافي
 

الهبايب وجّهت ذعذاعها والشوق ذعذع
‏ليت يا قلبي معك قدره لذعذاع الهبايب

‏لا يهمك يا قفص صدري لو ان الهم يجذع
‏كل ضلعٍ من جذوره مع عدم ذكر السبايب

‏المحبه شي فطري ومعطيات الحب تلذع
‏والمحب بمنتصف عمره تشوفه كنه شايب

.....

رد: فوق هام السحب ( الشعر الشعبي) على متن القوافي
 

‏لاتشيل همك لين بكــره وبعـدين
عـين الله بكــل الخــــلايق بصــيره

واعـرف مصـير الوقت لاشــان بيزين
ومصيـر ضيقـات الخـواطـر قصيـره

ماتــدري الله كاتـب الخيــر لك ويـن
احيـان تكـره شـي ويصـير خيـره

.....

رد: فوق هام السحب ( الشعر الشعبي) على متن القوافي
 

بعض البشر بأخلاقها تشبه الغيم
من وين ماتقبل تسوق البشاير

.....

رد: فوق هام السحب ( الشعر الشعبي) على متن القوافي
 

لا يزعجك كثر حرصي لانك انت الوحيد
‏اللي المشاعر عليه تبيّن عتابها

‏اهم حاجه اشوفك طول عمرك سعيد
‏خل الجروح بخفوقي ينقفل بابها

‏انا احبك محبه والاكيد الاكيد
‏النفس مهما حصل ما تكره احبابها

.....

رد: فوق هام السحب ( الشعر الشعبي) على متن القوافي
 

ما ابغاك تتعلق زياده بي وتبقى جانبي
ولا عليك الزام في قربي بصوره دايمه

مارس حياتك فوق حبي صح وافعل ماتبي
مادام قلبي بالثقه حبك ونفسي فاهمه

.....