|
رد: فوق هام السحب ( الشعر الشعبي) على متن القوافي
ما فيه ثانــي ولا ثـــالث ولا رابع
أنت احبَب أحبابنا واقرب قرايبنا عزالله إن الهوى والحب له طابع وا لشوق لو نسفهه جايبنا جايبنا قام يحــدانا لقربك شوقنا النابع الين ناخــت على بابــــك ركايبنا ترى فراغاتـنا اللـــي بين الأصابع ما خلقت إلا عشان أيدي حبايبنا ...... |
رد: فوق هام السحب ( الشعر الشعبي) على متن القوافي
أسر يالليل القصير اللي تفاصيلك طويلة
العوض في ليلةٍ ما تظلم الدنيا بختها في رحاب الأرض ساعاتً دقايقها ثقيلة يتساوى عندي اللي فوقها باللي تحتها التظاهر بالفرح غير التظاهر بالفضيلة أتركوني مثل مااعرف نفسي اعرف مصلحتها ودي أبعد عن جدال و ودي أقرب من جديلة لين أجدد في زوايا البال ذكرى راعيتها و العيون اللي ما شدّ أنظارها ، برق المخيلة ما تحب من الدروب الا الدروب اللي مشتها من يبي يخلي سبيل الشوق من يخلي سبيله والمشاعر من يجاوبها على كثر اسألتها ! كل ما هامت بوجه مستحيل القى بديله قالت اجمل مرحله فالعمر كانت مرحلتها وصلها اللي ماقدرت انسى لياليه القليله ليت ربي قاسم له طول من طول رقبتها بين رغبات الحياه الممكنه والمستحيله العبر من يعرف اولها سلم من تاليتها مامعي لك حيل يا قلبي ولا لك معي حيله صبرك اهون من مشاوير ماتحمد عاقبتها لا انت ميت من هوان ولا انت ميت من فشيله ما لك الا موتة وحده متى ماجتك متها ...... |
رد: فوق هام السحب ( الشعر الشعبي) على متن القوافي
ياسيّدة بيض العذارى والسمر
سبحان من كملك يالغض الفتون من يوم شفتك ابتداء فيني عُمر وأمنت بأن الحب من نظره يكون انا دخيل العيون والنظرات والعقد والفستان واطياب الدخون والجادل اللي تحت ردفك انهمر همار شلالً على سفح المتون الوجه ذا مخلوق من طين القمر ولا خلقه الله من اطراف المزون والريق هذا من لبن ولا خمر ولا عسل مسكوب من بين السنون هاتي شفاتك واغمري شفاتي غمر بسكر وانا ماني من اللي يسكرون ضمّي ضلوعي واقطفي ضلعي ثمر ضمّت ضلوعك ازهرت جرد الغصون واخذي عهد مني وانا عهدي امر ماهان فيني لو على غيري يهون اني ما خونك لو هنى حبّك جمر وان كان خنتك ياعسى حظي يخون ...... |
رد: فوق هام السحب ( الشعر الشعبي) على متن القوافي
ياوجودي كان مايفرق وجودي
في عيونك ياصفى البال المعكر واقف بمرجلتي وطيبي وزودي وقفة الراجي ورا الباب المسكر ياملامح رحلتي واصدق وعودي ماني بنـاسي)؛ على شان أتذكر ...... |
رد: فوق هام السحب ( الشعر الشعبي) على متن القوافي
ماني بناشد عن الي مانشد عنّي
والي نشد عني انشد عنه و امره من طبعي اواصل الصاحب : ولكنّي لاشفت ماهو جدير ألغيه بـ المره له مني الطـيب لا شفته وله منّي اذا نصاني بـ حاجه فعلٍ يسره اما اتعنى وهو ماهوب متعنّي هـذي تنقص على الرجال وتضره ...... |
رد: فوق هام السحب ( الشعر الشعبي) على متن القوافي
يا كم تمرّ ظروف وتعدّي ظروف
ما نزعل من أقدارنا لا ابتلينا تعدّي الأحلام وعيوننا تشوف وبما كتب ربّي علينا رضينا نطيب مانرجي من الطيب معروف ونتجاهل أخطاء الخلايق علينا واذا تجاهلنا ترى ماهو بـ خوف اللي منعنا تربية والدينا ...... |
رد: فوق هام السحب ( الشعر الشعبي) على متن القوافي
يا رعاك الله ترى للوعي ..قصه
والتجارب في الحياة اكبر رسالة احلم وحافظ على قولك .. ونصه الوعي لا تهرج الا من خلاله كل يوم هذب انفاسك بحصه الصبر محمود في جوهر مجاله العجل ضيع على شرواك فرصه والفرص مره ورجعتها محاله التجاهل خل في فكرك مقصه قص به مايزعجك في كل حاله من يبي يحجز مكانه في المنصه يصحب اهل الطيب ورموز الشكاله يارعاك الله إترى فى البال غصه والجواب يكون من مطلع سؤاله ...... |
رد: فوق هام السحب ( الشعر الشعبي) على متن القوافي
الكريم اليا عطا شي مايذكر عطاه
راهيٍ جوده وعنده على الطيب رهوه والبخيل ان كان قهواك مره فالحياه. كل يوم يقول سويت لفلان قهوة ...... |
رد: فوق هام السحب ( الشعر الشعبي) على متن القوافي
احاول اكمّل عمري الجاي بـ النسيان
من اوّل ما شفتك لين ليلة م ودّعتك فقدتك وأنا أكثر شخص خايف من الفقدان كثر ما أتمسّك فيك بالوقت ضيّعتك الأيام زحمتها مُخيفه على الإنسان لو أقدر أرجّع شيء في العمر رجّعتك ...... |
رد: فوق هام السحب ( الشعر الشعبي) على متن القوافي
تبختري بين التواضع والغرور
وأخذي من أبيات الغزل ماتشتهين ومري على قصايدي مثل البخور لين اتنفس شعر مهوب اكسجين الحب إذا ماكان لك ماهو شعور والشعر إذا ماكان لك ماهوب زين وكل الكلام اللي على بالي يدور يضيع في ضحكه وفي غمازتين ...... |
| الساعة الآن 12:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية