رد: فوق هام السحب ( الشعر الشعبي) على متن القوافي
 

رفرفي يارايه العز يامجد السنام
رفرفي بالعز في ظل قادات الامم

دارنا ومنا له غلا والمحبه والسلام
نرفع الرايه لحكامنا بيوم العلم
🇸🇦

رد: فوق هام السحب ( الشعر الشعبي) على متن القوافي
 

ما تغيرنا هم اللي غيرونا
‏ماعرفنا الصد لكن علمونا

‏خيرونا بين زين الطبع وشينه
‏وقبل لا نختار بالشين أجبرونا

.....

رد: فوق هام السحب ( الشعر الشعبي) على متن القوافي
 

وش حيلة المشتاق لا ناموا الناس
لا مرّت الذكرى بساعة مبـاتـه

ووش حيلة اللي كل ماصابه نعاس
صفّت طيوفك فوق رمشه وجـاته

الفقد جمره مثل ماقربك احساس
لـو عاشها مابـين ذاتـه وذاتـه

اعظم شعور يزوّد الهم والباس
من يـرثـي بعينه جميع امنياته

....

رد: فوق هام السحب ( الشعر الشعبي) على متن القوافي
 

كل سوقٍ له زبون وكل شيٍ له سبايب
ونعمة الله ما تدوم إلا على عبدٍ حمدها

الحمد لله

رد: فوق هام السحب ( الشعر الشعبي) على متن القوافي
 

‏عن الثقه بالبشر مبطي وأنا تايب
‏الماء لو أقدر غسلته قبل ما ذوقه

.....

رد: فوق هام السحب ( الشعر الشعبي) على متن القوافي
 

لا تقول ان المسافة ماتجيب الغايب
‏البنادم لا اشتهى قلبه مشت رجلينه

.....

رد: فوق هام السحب ( الشعر الشعبي) على متن القوافي
 

يا مرحبا ترحيبة تجلي الضيق
معطرة بالمسك في وسط باقة

باقة خزامى مع ورود الزماليق
وفيها من الشهد المصفى ذواقة

.....

رد: فوق هام السحب ( الشعر الشعبي) على متن القوافي
 

‏اشتاق لكِ شوق الهوى للمسافات
واشتاق لكِ شوق القمر لليالي

واندم على وقت قبل شوفتك فات
واحرص على وقت بحبك بقى لي

.....

رد: فوق هام السحب ( الشعر الشعبي) على متن القوافي
 

من صد عني قسم بالله ما ارده
لو هو طبيبي وانا في حاجة علاجه

احب طبع الوفا والوافي اوده
واللي يخون العهد ماني بمحتاجه

.....

رد: فوق هام السحب ( الشعر الشعبي) على متن القوافي
 

صبرك على الدنيا ولا منه الناس
خلك سماء ومن القدر لا تضايق

من طاح فالدنيا هو رافع الراس
ما طاح قدره من عيون الخلايق

.....

رد: فوق هام السحب ( الشعر الشعبي) على متن القوافي
 

واقسم بمن سواك ماجيت اراضيك
إلا لحـزنـك قـلت أكسر غروري

ودي تروح والقسم ما اقاضـيك
وخلك قوي لا تنكسر في مروري

ان جيت لجل الطيب اترك تغاضيك
ون رحت بعدك من دواعي سروري

.....

رد: فوق هام السحب ( الشعر الشعبي) على متن القوافي
 

ياغايب عن عيوني خاطري يطريك
في كل لحظة عيونك كيف بانساها

لو غبت ماغاب طيفك عني وطاريك
كنك معي في خفايا الروح واقصاها

.....

رد: فوق هام السحب ( الشعر الشعبي) على متن القوافي
 

‏ياروح روحــــــي لا تخليني اشتــاق
ما من ورا الاشـــواق غيـر المتاعب

يكفي فديتــك قهـــر قلبي وماذاق
من كثـر هجـرك يا اعـــز الحبايب

ياروح روحي الجفاء صعـب ينطاق
بُعد الغوالي يجعــل القلب ذايب

وانا ورب البيـت ذايــب بالاشواق
وشوقي مسوي وسط قلبي لهايب

.....

رد: فوق هام السحب ( الشعر الشعبي) على متن القوافي
 

يامنوه الروح يوم ان الحشا ظمك
تلي حشى القلب تل ورزي القامه

وَيَا فتنة الغيد يوم ان الغلا زمك
سمي على القلب من خلفه وقدامه

.....

رد: فوق هام السحب ( الشعر الشعبي) على متن القوافي
 

‏أقبلي يمي ولا لك سوى حسن القبال
‏غير ترديد التراحيب ما أنتي لاقيه

‏مرحبا والساعة اللي تجيبك راس مال
‏في دقايقها نعيم القلوب الشاقيه

‏ليلة جادت بوصلك بعد شح الليال
‏ليلةٍ ماهيب مثل الليال الباقيه

.....

رد: فوق هام السحب ( الشعر الشعبي) على متن القوافي
 

جفّت الأرض منك وكل وادي سألك
‏ومابقى لك ربيع فصدري ولا وسم

‏يوم أداري شعورك من رضاك لزعلك
‏كان في خاطري غصة وكنت أبتسم

‏ليه أخليك لحساسي وهو ما وصلك
‏ما لتايه ظنوني فيك غير الحسم

‏كنت أحبك وأحب أرضك وناسك وأهلك
‏وصرت حتى أكره أشباهك ملامح وأسمه

.....

رد: فوق هام السحب ( الشعر الشعبي) على متن القوافي
 

‏تعالي لا طغى حزنك وعن شمسه بغيتي في
‏تذري في ذرا من هو يحب ويعشق ترابك

‏ولا تشكين من جور الليالي دام راسي حي
‏ما عاش اللي يكدر خاطرك وينرفز أعصابك

‏وأنا لا انهارت الدنيا في عينك شلتها بيّدي
‏وناديني وتلقيني معاك أقرب من ثيابك

‏تجين بليلةٍ وجهك على حالك سماها ضي
‏وتزهين المكان اللي تجينه قبل يزهى بك

‏ولا ينشاف هالعالم ولا ناسه في عيني شي
‏وأنا لي موطن ومنفى تضمّه ناعس أهدابك

.....

رد: فوق هام السحب ( الشعر الشعبي) على متن القوافي
 

‏عندي يقين إن الليالي المقبله ماهيب سود
‏انقى من قنوف السـحاب الي تلوح بروقـها

.....

رد: فوق هام السحب ( الشعر الشعبي) على متن القوافي
 

‏مدري عشان اني احبك واغليك
‏ولا عشان الغلاء من سماتي

‏ما قول غير الله من الخلق يحميك
‏يا أغلى غلاء مر بكياني وذاتي

.....

رد: فوق هام السحب ( الشعر الشعبي) على متن القوافي
 

‏حتى لو ان الغلا فيني وصل حده
‏لي عقل يدرك حدود الشوق ويكابر

‏قياس عمق الجروح يحدد المده
‏مدة تحولك من غالي إلى عابر

‏لاشفت مركب غلاي رياحك تضده
‏بيصير مالك مكان وقيمة ودابر

‏كسرت لك خاطر ومديت لك صده
‏والخاطر إليا انكسر ماعاد له جابر

.....

رد: فوق هام السحب ( الشعر الشعبي) على متن القوافي
 

‏خالي و كني في زحام قلبي تلهب وانشوى
‏ما عاد اميز بالحشى والا على الضو الجمر

‏وين انت يا داعي سلام وين انت يا بايع دوا
‏ردولي النومه ترى بالعين جلاد السهر

.....

رد: فوق هام السحب ( الشعر الشعبي) على متن القوافي
 

‏أحبّك جعل حبٍ يجي من بعدك يعاف
‏وأنا حالفٍ حبك مع الوقت ما أخونه

‏ليا شفت وجهك والله إن ما علّي خلاف
‏فلا تنشد اللي شاف غايته وش لونه

.....

رد: فوق هام السحب ( الشعر الشعبي) على متن القوافي
 

يموت العذر ويموت العتب دام الغلط مرجوع
‏ويبقى الحب مرسول السلام اللي يواسيني

‏تطمّن يا حبيبي لا تقول وصالنا ممنوع
‏وانا في كل يوم القاك بين دعاي وآميني

‏تمادى فالطعون الخضر مادام العتب مرفوع
‏ترى قلبي ملاذك لا نويت تطيح من عيني

.....

رد: فوق هام السحب ( الشعر الشعبي) على متن القوافي
 

‏والله مـدري وش تـصاريـف الايــام
‏يالله عـسى في تالي الـوقت خـيـره

‏يارب تـفـرج هـم من جاك منـظام
‏انت الوحـيـد اللي تـعرف السريـره

.....

رد: فوق هام السحب ( الشعر الشعبي) على متن القوافي
 

‏غاية العاشقين الي خذاك الغرور
‏انا الي كبرت قدرك لين صابك كبر

‏على العموم التعاسة يقتفيها سرور
‏اهم حاجه بخصتك وانت كلك نظر

‏ ماني بزعلان والدنيا تلف ودور
‏يجيبك الوقت متضايق وتطلب عذر

‏كلامي الي سمعته لا يمرك مرور
‏بذكرك فيه كان الله عطاني عمر

.....

رد: فوق هام السحب ( الشعر الشعبي) على متن القوافي
 

‏اقرأ من القرآن وأدعي وأصلّي
‏وأدناة ذنبٍ مرني رحت وإياه

‏يا رب لا تغضب على عبدك اللي
‏يضحك قبل ذنبه ويبكي لا سوّاه

.....

رد: فوق هام السحب ( الشعر الشعبي) على متن القوافي
 

‏سبحان من حط وصلك في عـيوني حـلال
‏وان شفت غيرك من الخشيه أغض البصر
‏
‏لو فرّقتنا الظـروف الظـالـمه والـليـال
‏انت الغـلا طـال عـمر الحـب ولّا قـصـر

.....

رد: فوق هام السحب ( الشعر الشعبي) على متن القوافي
 

‏يابو قلب أطهر من ثيابك ليا صليت
‏يابو ضحكه من تبتسم يبتسم كوني

‏يابو وجه يغار القمر منك لا طليت
‏وش العمر من دونك ودنياك دوني

.....

رد: فوق هام السحب ( الشعر الشعبي) على متن القوافي
 

‏الطواري تالي الليل تلعب في الضمير
‏والله إن بعض الطواري تجي مستلعنه

.....

رد: فوق هام السحب ( الشعر الشعبي) على متن القوافي
 

‏يانفس تـوبي عسى الله يـغفرذنوبك
‏كوني على اللي مضى يانفس ندمانه

‏تـخطـين دايـم وربي يـسـتـرعيوبك
‏الى مـتى فـي دروب الـلـهـو طربانـه

.....

رد: فوق هام السحب ( الشعر الشعبي) على متن القوافي
 

‏ظروف الايام مثل السمعه الشينه
‏ماودك تشوفها في واحد غالي

.....

رد: فوق هام السحب ( الشعر الشعبي) على متن القوافي
 

‏سلامي عليك إعجاب وأكبار واستعظام
‏وسلامي لغيرك حق مسلم على مسلم

.....

رد: فوق هام السحب ( الشعر الشعبي) على متن القوافي
 

‏طبع الردي مايحسن الظن بالناس
‏دايم يظن الناس مثله رديه

.....

رد: فوق هام السحب ( الشعر الشعبي) على متن القوافي
 

‏تعيش الاحلام فالصدر الوسيع الرحوب
وتموت في جوف نفس ٍضاقت أخلاقها

.....

رد: فوق هام السحب ( الشعر الشعبي) على متن القوافي
 

ليت المشاعر كلها شعر وحروف
تنقل لكم بعض الغلا والحقـايق

غالين وأغلا من غلا السمع والشوف
ياقمة الاخلاق بين الخلايق

.....

رد: فوق هام السحب ( الشعر الشعبي) على متن القوافي
 

‏دنيا تسوق العبد والضيق ماطيق
‏وحنا على حكم الليالي وديعه
‏
‏صكات بقعى في صدور المطاليق
‏راحت على المخلوق مثل الطبيعه

.....

رد: فوق هام السحب ( الشعر الشعبي) على متن القوافي
 

لاتقول الخبل يمكن من خباله صحى
مايفيق الخبل لو عاش له تسعين حول

لايغرك لايح الشيب في عرض اللحى
اللحى تكرم باهلها حسب وزن العقول

كم صبين توه صغير . وجهه مالتحى
بس لاجت للصمايل يعد من الزحول

‎سعد عبيد

رد: فوق هام السحب ( الشعر الشعبي) على متن القوافي
 

ياكافل الارزاق ياعالي الشان
ياقاضي ما دون حسناك قاضي

فزعتك تغنيني عن فلان وفلان
لاصار بالدعوى سواد وبياضي

عبدالكريم البدراني

رد: فوق هام السحب ( الشعر الشعبي) على متن القوافي
 

ياغـافـل عن الديـن غــرتك دنياك
تغـانـم الـلـي بـاقـيلـك مــن ايــام

احفض حقوق الله من الشرياقاك
تــرا العمــر مـادام والخيــر مادام

ماتـدري ان الديـن سيـفن بيمناك
ويعـز شانك مع عزيـزيــن وكـرام

ماينفعـك لامـت جـاهـك ومخبـاك
لاطويت الصفحه وجفـن الاقـلام

‎بندر فيحان

رد: فوق هام السحب ( الشعر الشعبي) على متن القوافي
 

ﺳﻜﺐ ﺍﻟﺼﺒﺎﺡ ﻋﻠﻰ ﺍﻟﻮﺟﻮﺩِ ﻋﺒﻴﺮﺍ
ﻭﻛﺴـاه ﻣﻦ ﺣﻠﻞِ ﺍﻟﻀﻴﺎﺀِ ﺣريرا

ﻓﺎﺑﺪﺃ بأﺫﻛـار ﺍﻟﺼﺒﺎﺡ ﺗﻜﻦ ﺑﻬـا
ﻓﻲ ﻛـل ﺻﺒﺢٍ ﻣحصنًا ﻣﺴﺮﻭﺭا

.....