رد: اخترنا لكم
 

ودك تحطه فالعيون من العيون
وتبسط على رمضى الثرى يمناك له

محمد بن فطيس

رد: اخترنا لكم
 

ياغايبه عن عيوني ماكفاك الغياب
وأنتِ اكثر انسان تملك في خفوقي سعه

ماغير اردد لاشفت الجو كله سحاب
الله يجيب المطر والله يجيبك معه

.....

رد: اخترنا لكم
 

ما نسيتك لو تحس اني نسيت
‏سيرتك للحين تملاني حضور

‏اذكر اني يوم ودعتك بكيت
‏من بعد هاليوم ما املك شعور

.....

رد: اخترنا لكم
 

على الود والاشواق ياهاجسي ادعيه
عسى عيني تشوفه الا وابري حالي

تجدد طعونه كل ما جددوا طاريه
عقب ما سرق قلبي وخلاني لحالي

نجود الفيصل

رد: اخترنا لكم
 

عيني سهيره وقلبي للغلا مشتاق
والفكر شارد ونار الشوق حراقه

والضيق طوق بقلبي والحزن طواق
والصبر يصرخ كفى ماعاد لي طاقه

وانت السبب انت يامن لك تخر اعناق
وتهز شُمخ بغمزة عين براقه

ياللي غرامك وحبك وسط قلبي بآق
دايم مضمن وماغيرك في ارواقه

عليك حنيت حنه من وسط لعماق
حنة كسيرن ومافزعوا له ارفاقه

من بعدما غاب شخصك عازمن لفراق
كأن ماله جمل فالامر او ناقـــه

.....

رد: اخترنا لكم
 

‏من زعلك يا نوم تهجر عيوني
المعذره يانوم لا كنت زعلان

خليتني ساهر اردد لحوني
والناس مرتاحه وانا الان سهران

لاشك في موضوع زود جنوني
خلاك تهجرني ومانا بغلطان

الضيق اضناني وسهر جفوني
يانوم كافي خاطري حيل تعبان

.....

رد: اخترنا لكم
 

‏صباحُ الحُبِّ أشْرَقَ من سَناكِ
على قلبٍ أحبَّكِ واصطفاكِ

كأنَّكِ والصَّبَا فرَسَا رهانٍ
إذا هبَّتْ يـُسابِقُهَـا شذاكِ

.....

رد: اخترنا لكم
 

نبتسم في وجه الايام لو مابه حصيل
خاطر الطيّب ما كل الظروف تكدره

.....

رد: اخترنا لكم
 

اللّي خذلنا ما نعيد الرجاء فيه
لو هو بجنب أكتافنا ما نشوفه

.....

رد: اخترنا لكم
 

خلك لحالك وكف خيرك وشرك
محدن وراء المقفين بتوقف حياته

.....

رد: اخترنا لكم
 

ياهاتفي وصل من الشعر ما طاب
وأسمى شعور الود مع نفخة الطيب

باسم الوفاء خاطب عزيزين واحباب
واحمل مضامين الغلاء والمواجيب

.....

رد: اخترنا لكم
 

ادري ان الحلم لامنّي عطيته إهتمامي
صارحلمٍ للجميع وصارله معنى وقيمه

الخساير في حياتي ماتنزّل من مقامي
انخلقت بقلب طير و روح ما ترضى الهزيمه

.....

رد: اخترنا لكم
 

جعل ماجانا من الوقت كفارة ذنوب
وجعل طربات الليالي تجي متساويه

.....

رد: اخترنا لكم
 

ماني من اللي يتبع المقفين يا نايف
طبعٍ ورثته من اللي مات ما خرّف

من صد صديت لو هو بالغلا كايف
وإن راح جعله مراح الطير لا صرّف

.....

رد: اخترنا لكم
 

من جاك عاني كاسبٍ بك جماله
‏في وقت قل الوصل مابين الارحام

‏اجلس معه لاتستشك وش طراله
‏الله كفيل الخلق من عهد الايام

‏فنجال مع ضحكه بعدها بياله
و‏يذكرك لامن راح في سبعة انعام

هذا الزمن ماهو زمان العباله
يوم العرب جوعا وكبودها حيام

الله عكس الاحوال واكبر دلاله
كل بيت تلقى فيه سايق وخدام

.....

رد: اخترنا لكم
 

‏آساير ظروفي ٍ ليتها جت على ودي
‏عسى الله يعدل ميلها لين تصفالي

‏أبصبر ولو حلم العمر واقف ٍ ضدي
‏لعل الحظوظ اتزين في عمري التالي

.....

رد: اخترنا لكم
 

إن زانت ظروف الليالي ضحكنا
وإن كانها شانت ضحكنا عليها

.....

رد: اخترنا لكم
 

عسى الله يجنبنا دروب الردى والهون
وعسى الله يجملنا ليا حل واجبنا

.....

رد: اخترنا لكم
 

لا تلتفت للناس مهما يقولون
خل القفا لأهل القفا لا تحاكت

.....

رد: اخترنا لكم
 

‏النذل خلّو مجلسه عند الانذال
ما للردي في سكٌة الطيب جرّه

امّا يجي رجّال ويروح رجّال
والاّ يصد ويكفي الناس شره

.....

رد: اخترنا لكم
 

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

رد: اخترنا لكم
 

‏لولا الدلال وشبة النار و الكيف
‏والعود الازرق والكرم والطناخه

‏وكلمة هلا واقلط على العز ياضيف
‏ما كان بيت الطيب يعرف مناخه

.....

رد: اخترنا لكم
 

‏أتغيشم لك وأنا ماني غشيم
والخطا مردود والزلّه بلاش

النقاش أحيان موضوعه عقيم
لا تلوم اللي قفل باب النقاش

.....

رد: اخترنا لكم
 

‏لي صاحبٍ في تالي الوقت خيّب
وقام يتعمّد بالردى ويتحدى

وصار البعيد اللي من أول قريّب
من بعد ما كان الرفيق المبدى

كنت أفقده لو راح عني وغيّب
وكان الرفيق اللي له القدر جدا

ماني بقايل صاحبي كان طيّب
لو كان طيّب صاحبي ما تردى

.....

رد: اخترنا لكم
 

انا الغايب الي كان بين العرب موجود
‏رفيق السهر لين السهر مل من عينه

‏تعبت من الدنيا ولا لي وراها زود
‏وانا من نشدني قلت له كلها زينه

.....

رد: اخترنا لكم
 

على الوفا عشنا ولاملنا مع الايام
عسى الله مع الاجواد دايم يجملنا

نساير ضروف الوقت ونسوقها قدام
على العز مبدانا وحنا ما تمايلنا

.....

رد: اخترنا لكم
 

‏النفس طيـر وطاعة الـرب روضه
‏ونفسٍ تفـوز بطـاعة الله حظيظه

‏والادمـي لاطاع واكمـل فـروضه
‏تطيب نفسه كان نفــسه مريضه

.....

رد: اخترنا لكم
 

جمايلك لا تدري بها الناس مهما كان
‏حلات الجمايل بين الاضلاع منكنه

‏ترى موتها هرجك على فلان ولا فلان
‏يموت الجميل اللي يجي عقبه المنه

.....

رد: اخترنا لكم
 

يا كم ذكرى نعيش ومانسيناها
‏انا بالذات من اللي جاي تسرقني

‏حنيني للديار اللي تركناها
‏رغم هذي المسافه ما يفارقني

.....

رد: اخترنا لكم
 

‏سامرت طيفك على ضوٍ تواقد سناه
‏وثنتين لا جات مع طاريك يازينها

‏النار ملح الشتا والبرد ملح الحياه
‏وأنتي حياة القلوب اللي تمرينها

.....

رد: اخترنا لكم
 

‏من مفرق الوادي بعد هب الهوى
‏رفّت طوارف روحي وعيني سهت

‏وين استريح وغصني الاخضر ذوى
‏تجرّد من اوراقه وظلّه بهت

‏مالك دخل ياقلبي ومالك لوى
‏دعاني الشوق وطواريه اشرهت

‏اتركني ما بين الصبابه والجوى
‏لهّيت نفسي فالحياة ولا لهت

‏الذكريات اللي خلقناها سوى
‏حرام اسميها علاقه وانتهت

.....

رد: اخترنا لكم
 

‏كنت أظنّ العشق موطن يضمّ العاشقين
‏واكتشفت انه مسافات وحشه وأغتراب

‏لا افتحوا باب التواصل وهم متأملين
‏تفتح الدنيا على فراقهم سبعين باب

.....

رد: اخترنا لكم
 

من يحترم نفسه ويحفظ مباديه
‏ماحدٍ يقلل قيمته واحترامه

‏احدٍ كلامه للمهالك يوديه
‏واحدٍ يفك من المهالك كلامه

.....

رد: اخترنا لكم
 

فكرت بالدنيا واثر ما بها شي
‏مدري علام الناس تركض وراها

‏تتعاقب الاجيال فيھا وهى هي
‏جيلٍ ﯾودعها وجيلٍ لفاها

‏احدٍ اخذ حقه واخذ فوقه شوي
‏واحدٍ يموت وسكته ما بدأها

.....

رد: اخترنا لكم
 

لاطالت الخوة تبين العذاريب
‏وتعرف قراح البير وإلا هماجه

‏أبعد عن اللي لازعل ينكر الطيب
‏اللي تقلّب عشرته مع مزاجه

.....

رد: اخترنا لكم
 

‏حفظت لي بيت عجيبني معانيه
‏بيت عجيب وفيه فكرة عجيبه

‏كبر الخطأ ما كل عذر يغطيه
‏مثل التعازي ما ترد المصيبه

.....

رد: اخترنا لكم
 

مبطي من السجه ومن فل الحجاج
‏غديت مثل الي يدوّر له غرض

‏ادوّر وجيهٍ مقابلها علاج
‏ما ادوّر وجيهٍ مقابلها مرض

.....

رد: اخترنا لكم
 

‏ياعشير الروح والله مابدّل بك عشير
‏لو فقد وجهك جماله وعودك سكبته
‏
‏المحبه تدخل القلب مثل المستجير
‏سوّد الله وجه قلبٍ ما يثني ركبته
‏
‏لهفة الخاطر على شوفتك لهفة غرير
‏مستحيل يقاوم الشوق مهما يكبته
‏
‏من عشق مثلك ما فكّر يتوب ويستخير
‏لين يلقى من جراير حبيبه نكبته

.....

رد: اخترنا لكم
 

ياقلب العنا في كل حاجه تبي مسموح
‏لكن لاتطيع اللي يقولون لك طعنا

‏انت اللي يعاني لوعه الفقد والمجروح
‏وانا وانت عاشرنا وعشنا وودعنا

‏خلقنا بشر فينا مشاعر وصمت وبوح
‏لو ان الحيا في بعض الاحيان يمنعنا

‏من الكبت صارت عاريات الصدور تفوح
‏ومن خوفنا من نظرة المجتمع ضعنا

.....

رد: اخترنا لكم
 

‏حشمت نفسي عن سواليف الانذال
‏حتى مانزّل قيمتي في رداهم

‏اهل النميمه والحسد وأهل الاقوال
‏ماني مدور من زعلهم رضاهم

.....