رد: فوق هام السحب ( الشعر الشعبي) على متن القوافي
 

احترم مشاعر الناس لو انك تمون
وثمن علومك وكلمتك حطلها وزن

لا يغرونك لو يسولفون ويضحكون
اغلب العربان شبعانه هم وحزن

.....

رد: فوق هام السحب ( الشعر الشعبي) على متن القوافي
 

ما عاد فالدنيا مسارات وأوناس
عـله تقــفي عنــك وتجــيك عــله

لي فالملأ نظـره ومبـدأ ومقـياس
ولا اقول اخذت العرف والعلم كله

.....

رد: فوق هام السحب ( الشعر الشعبي) على متن القوافي
 

‏العقل نعمه والسوالف لها ساس
‏والشخص يوزن كلمته لا نطقها

واللي بيسمع مايقولونه الناس
‏نفسه على طرد السوالف حرقها

.....

رد: فوق هام السحب ( الشعر الشعبي) على متن القوافي
 

عز نفسك لاتخاوي ضعيفين النفوس
واترك الي في الشدايد ماتلاقي له وجود

واقطع الي لآبغى حاجتن جالك يحوس
لآتسولف مع كذوب ولا تعاشر حسود

.....

رد: فوق هام السحب ( الشعر الشعبي) على متن القوافي
 

نعزّ النفوس وما أشتكينا من الأقدار
لو أن العـرب سلّت علينا خناجرها

سحانا وقار وصمتنا عزّة ومقدار
ووجيةٍ ما تعرف قدرنا ما نقدرها

.....

رد: فوق هام السحب ( الشعر الشعبي) على متن القوافي
 

والله يابنـت ما قـبـلك ولا بَعـدك
إنـسان قـد حل واتربع على قلـبـي

تظنـي السـوء فينـي لعـنـبـو جدك
ما تـدري الظـن هــٰذا حَــرمـه ربـي

يابنت لا زلـت احبك وانتظر ردك
وكـل حـلـمـي تكونـي دائـمـاً قُربـي

إن كان يازين ردك والجواب صدك
فآنا إلى الـيوم لجلك فاتحـي دربي

وعندما القاك اضع قُبله على خـدك
حتى لو اذنبت انا ذنبي على جـنبي

.....

رد: فوق هام السحب ( الشعر الشعبي) على متن القوافي
 

الزمن يكشف حقايق بالادله
والتجارب اكدت بالفعل ذلك

كل واحد له قناعه مستقله
في قراره بالتأني والتمالك

والتواضع والعطا من يستغله
يصنع المعروف في عدة مسالك

بالثقه في من اليه الامر كله
والتوكل من رضا كامل كذلك

كن مع الله واعبده دايم وقله
بسمك اللهم جنبنا المهالك

.....

رد: فوق هام السحب ( الشعر الشعبي) على متن القوافي
 

يَمچ أني شوگت مَا تحتاجيني
وحَتى لو أبتعد بگلبچ تلاكيني

شعر عراقي

رد: فوق هام السحب ( الشعر الشعبي) على متن القوافي
 

وشما حصل بينچ وبيني
حبي الچ ظل هوَ نفسه

شعر عراقي

رد: فوق هام السحب ( الشعر الشعبي) على متن القوافي
 

موعد وشاطي جفنها
غارت الحورية منها

بيها اشكال الدلال
يا قمر يا ابو الليالي

شعر عراقي

رد: فوق هام السحب ( الشعر الشعبي) على متن القوافي
 

‏يامساء الخير مع ريح البـخـور
ويامساء الشوق والطلّه البهية

المسـاء مـع طـلتك زايـد سـرور
لك حضور يغطي غياب البقيـة

.....

رد: فوق هام السحب ( الشعر الشعبي) على متن القوافي
 

‏عساك في خير ياللي غبت لك مدّه
ماعاد شفنـاك علمـنا وش اخبارك

حتى لو أبعدت لد الـشوف لي لدّه
بتشوف كيف الشعور الفارق اختارك

.....

رد: فوق هام السحب ( الشعر الشعبي) على متن القوافي
 

جيتك مـن الشـوق أغـرد أخـر أبياتي
لعيـونك أكتب جـديد الشعـر لعيـونك

لو كان هالوقت ماهـو ضمن حــزاتي
جيتك أغـرد قصيد الشـوق بلحـونك

.....

رد: فوق هام السحب ( الشعر الشعبي) على متن القوافي
 

‏تـدري وش اللي مضايقني ومحزني
انـي عـطيتك عـيوني وانـت تعميها

وتدري وش اللي قهر روحي وغابني
نـبضاتي الـلي بصدري من يداريها

تدري وش اللي على بعدك مصبرني
اسمك حروفه بكل ابياتي اطريها

.....

رد: فوق هام السحب ( الشعر الشعبي) على متن القوافي
 

الله لا يكشف خوافيك يالصدر الكتوم
إلا في برّ القريبين وإفشاء السلام

ودّي إني في المجره وأسولف للنجوم
لا أتكلم مع هل الأرض ولا أسمع كلام

لكن انماط التقاليد واعراف السلوم
خلت الدنيا نظام يطور له نظام

مدغم بو شيبه

رد: فوق هام السحب ( الشعر الشعبي) على متن القوافي
 

يا طير جيت أشكيلك الحال يا طير
جيتك وانـــــا يا طير نفسي عليله

في هالزمن ياطير ما ينفع الطيب
ولا تنفعك حتى الفعول الجميـله

.....

رد: فوق هام السحب ( الشعر الشعبي) على متن القوافي
 

خلك عزيز النفس لو همومك جبال
لا تشتكي للناس من حرر مافيك

هذا الزمن ياصاحبي كله أهوال
يهدي لك البسمه ويرجع يبكيك

.....

رد: فوق هام السحب ( الشعر الشعبي) على متن القوافي
 

‏جيتك من دروب الحزن ودي أرتاح
تعبت أدور شخص يفهم كلامي

الناس في وجهي سكاكين ورماح
وأنا عزيز وجرح الأيام دامي

.....

رد: فوق هام السحب ( الشعر الشعبي) على متن القوافي
 

‏أحبك كثر دقات القلوب بعالم العشاق
أحبك كثر دمعات العيون بخدهم جاري

أحبك كثر ونــّـات الهموم بخافق المشتاق
أحبك كثر أنفاسي وأشواقي وأشعاري

أحبك كثر أحزاني كثر ما خاطري قد ضاق
أحبك كثر دمعاتي كثر ما جابك الطاري

.....

رد: فوق هام السحب ( الشعر الشعبي) على متن القوافي
 

ما كنت افكر بالمحبه والاحباب
ودايم اقـول الحـب رايـح زمانـه

حتى لقيته صدفه وصار اعجاب
وضحيت باللي يعشقوني عشانه

.....

رد: فوق هام السحب ( الشعر الشعبي) على متن القوافي
 

أحفظ لسانك عن البهتــــــان والغيبــه
وأغنم حيـاة السعــــد والعز من بدري ِ

من ينشغل في عيوب الناس عن عيبه
زادت عيوبـــه وهو مشغـــول ما يدري

.....

رد: فوق هام السحب ( الشعر الشعبي) على متن القوافي
 

يا مرحبا والغيم غطى سما الكــون*
وخيطّ مساحتها سحابه سحابـــه

انخوا على الشيبان بالغيث يدعون
دعوات بيضان اللحا مستجابه

.....

رد: فوق هام السحب ( الشعر الشعبي) على متن القوافي
 

على كل ما فات جعل العوض بعدين
‏يسوق الله الغيث اللي يعدل أوضاعي

‏ هذي عادة الأيام وأنا أعرفها زين
‏ما تحلا لي إلا عقب ما تغسل شراعي

.....

رد: فوق هام السحب ( الشعر الشعبي) على متن القوافي
 

‏عاضني ربي وانا اللي شجّع العبره وعيّت
‏وجادت الفرحه على روحي بعودتها الحميده

‏والله ان قد لي ثلاث سنين وانا شبه ميّت
‏لين شفت الطلة اللي كنها بيت القصيده

.....

رد: فوق هام السحب ( الشعر الشعبي) على متن القوافي
 

يامن سرق ضحكتي مني بسمح القبال
‏اقلط على خافقي ليل الغرام معتم

‏وراك تفتح بصدك للعواذل مجال
‏حتى تشمت بي اللي يستحق الشتم

‏سود الليالي طوتني وين بيض الليال
‏راحت حياتي وانا عايش على ذا الرتم

‏انشهد ان الهوى يدمي قلوب الرجال
‏محتومً امر الهواوي والمحبه حتم

‏والبعد سقم الجوارح والمواصل خيال
‏كم لي وانا منك متعذب واحس بيتم

‏فارقت واثر المفارق حالته بري حال
‏ليا تذكر وداع اللي يحبه كتم

‏ياللي تغلّى طلبتك لا تغلّى تععال
‏واحي الضلوع الهشيمه والحنايا الهتم

‏ضرب العيون الوسيعه والرموش الطوال
‏تقول ضرب السلاح اللي رصاصه صتم

‏تاهت قدم خطوتي بين الرجاء والمحال
‏على املً فرحةً عيّت معك لا تتم

‏العين عين الوحش والعنق عنق الغزال
‏وفمك فم الغرشه اللي ختمها اطلق ختم

.....

رد: فوق هام السحب ( الشعر الشعبي) على متن القوافي
 

‏نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت للكلام اللي يجي فينا
‏نفوسنا عن كلام الناس مرتفعه

.....

رد: فوق هام السحب ( الشعر الشعبي) على متن القوافي
 

‏كل الخساير عوضها عند رب الانام
‏واكبر خسارات خلق الله كراماتها

‏واهانة النفس عيب انكان ماهي حرام
‏وطرد المقفي علامه من علاماتها

.....

رد: فوق هام السحب ( الشعر الشعبي) على متن القوافي
 

مدري وش اللي بالمقادير لافي
لكن طلبتك شي مابي بديله

ان طالت الغيبه وانا صرت جافي
خلني بدنياك ذكرى جميله

.....

رد: فوق هام السحب ( الشعر الشعبي) على متن القوافي
 

‏لكن ترا طلقات عينك قويّه
مدري فشق رشاش ولا فشق فرد

حتى كلامك تصنعه في خليّه 🍯
كيلو عسل سدره وكيلو عسل وَرد

.....

رد: فوق هام السحب ( الشعر الشعبي) على متن القوافي
 

‏جيتك سوالف حب باسلوب مشتاق
‏جيتك بعد مافاض قلبي من الشوق

‏جيتك شعر مجنـون بالـذات لافـاق
‏جيتــك ولأجلي رد لبيـــه يالـــذوق

.....

رد: فوق هام السحب ( الشعر الشعبي) على متن القوافي
 

‏على الزعل والضيق حنا كبرنا
‏ما عاد في اشياء تستاهل الضيق

‏واذا اعتزلنا الكلّ محدٍ جبرنا
‏ العزله أصدق من وجيه المخاليق

‏حتّى على صدّ الحبايب صبرنا
‏الحلم لولا الصبر مافيه تحقيق

‏من كثر خيبات الحياه اعتبرنا
‏العمر لحظة واليالي توافيق

.....

رد: فوق هام السحب ( الشعر الشعبي) على متن القوافي
 

‏انا من بديت افقد من احساسك الانصاف
‏لقيت العمر باهت والاحلام منذبله

‏من اول كلامك كلّه من الالف للكاف
‏شهاليل نوٍ نافر النبت من وبله

‏من اللي معلّمك القسى والكلام الجاف
‏بعد كنت ارقّ من النسانيس من قبله

.....

رد: فوق هام السحب ( الشعر الشعبي) على متن القوافي
 

‏النـــاس يعميهـــا عن الصح الغرور
‏يا شيـــن نفس ٍ بالخطــأ متعايشه

‏تركت كل اللـــي ورد بين الســـطور
‏وحفظت وش قال الرسول لعايشه

‏مؤمـن بما عنـــد الله الحــيّ الغفور
‏أحسن من اللـــي في يدينــي حايشه

‏طامــع بغفرانه وقصر من القصور
‏تفتـــح علــى نهـــر النبــي درايشــه

.....

رد: فوق هام السحب ( الشعر الشعبي) على متن القوافي
 

ماني وكيـــل آدم على الجمع الغفير
‏لكـــن ضميـــري يسمع ونفسي ترى

‏افرح لا شفت الضيف في بيت الفقير
‏واحزن لاشفت القصر من دون قصرا

.....

رد: فوق هام السحب ( الشعر الشعبي) على متن القوافي
 

‏قربـك يطوقـني فـرح ياهـوى الـبال
‏والقلب بإيـدك راحـته وانقطـاعه

‏ليت البشر تصبح على هيئة اظلال
‏واصبح مثل ظلك معـك كل ساعـه

.....

رد: فوق هام السحب ( الشعر الشعبي) على متن القوافي
 

تقول لي وش فيك ماعـاد غرّدت
ما عــاد شفنا لك قصــايد جديدة

قلت ان دخلت وما لقيتك تكدّرت
عفت البرامج والعرب والقصيدة

.....

رد: فوق هام السحب ( الشعر الشعبي) على متن القوافي
 

لولا القيم ماصار للناس قيمه
ولولا المواقف ماظهر راعي الطيب

وتبقى المعزه للرجال الحشيمه
اللي لهم وقفات وقت المواجيب

وتلقى السعاده للقلوب السليمه
اللي لهم هيبه وبعدن عن العيب

ومن طاوع الشيطان شاف الهزيمه
ولاخير باللي ماشكر عالم الغيب

.....

رد: فوق هام السحب ( الشعر الشعبي) على متن القوافي
 

‏تفـاءلو بالخير ياتيـكم الخير
ما للحياة بدون الآمال قيمه

الصبر مفتاح الفرج والتباشير
واليأس مفتاح الحزن والهزيمه

.....

رد: فوق هام السحب ( الشعر الشعبي) على متن القوافي
 

على إخدود حبك شبت النار والحريـق
وشبـت براكيـنـي وضـجـت بداخــلك

وانا اللفــظ انفاسـي على بحـرك الغريـق
ونفسي قد استـشرت على طول ساحـلك

ونخسـي قـطع لاجلك زفـيره مع الشهـيق
ويامـا قرب طيفـك وطـولت مراحـلك

وياما اللتـواء حبلـي على حبلك الوثيق
وياما اقتـطـع منـّك لكثــرة عمايـلك

وروحي علـيله فيك ياحلـمي العتـيق
ولازلت مستـسلم وكافــل بكاهـــلك

ولاهـمـي المصـروف والبر والدقيـق
ولاهـُم غــيرك رغم كثـرت فـعايلك

ولو كنت ترفق بي ولو كنت بي شفيق
لأسرعـت نحــو طز بعـلك وجاهــلك

ابوهمام

رد: فوق هام السحب ( الشعر الشعبي) على متن القوافي
 

‏قمت أتصفح في سجلات الأرقام
مرت أسامي واجد ٍ فـي سجـلي

منهم يواصلني على طـول الأيام
أن جيت له والا تـعـنّى محلي

والبعض منهم كان علمي به العام
ودي أجـيـه وشـوفتـه منـوةٍ لي

والبعض هملته وله حق الاسلام
مانـيـب جايــز له ولا جايـزٍ لي

عبدالرحمن السنيد