رد: فوق هام السحب ( الشعر الشعبي) على متن القوافي
 

ارحل يا أغلى من عرفته من سنين
‏من وين ما ساق الهوى هبايبه

‏خلّك تقفّي وانت مجروح وحزين
‏ولا تقفّي وانت نفسك طايبه

.....

رد: فوق هام السحب ( الشعر الشعبي) على متن القوافي
 

حسايف الحزن يغشى وجهك الطاهر
والورد في وجنتك حرام تغريقه

يفداك قلبٍ على ما تشتهي حاضر
يفداك باللي بقى لي من معاليقه

.....

رد: فوق هام السحب ( الشعر الشعبي) على متن القوافي
 

مظنون عيني أشوفه صافيٍ جوّه
‏قوافي الشعر يحبكها وغنّاها

‏توّه يزين المساء بناظري توّه
‏قلبي يهلّي قبل لا العين تقراها

.....

رد: فوق هام السحب ( الشعر الشعبي) على متن القوافي
 

من صد عني جعل ربي يقويه
الله معاه و لا شكينا غيابه

لا يحسب اني لا صفى الجو اباتيه
انا ابدوي لا شد قفت ركابه

ياما انتظرت الين زلت محاريه
ارجي وصاله يوم جدد صوابه

حظي كما طيراً تعلى وانا ادعيه
عيا يرد وضاع حضرة جنابه

حابس العطوي

رد: فوق هام السحب ( الشعر الشعبي) على متن القوافي
 

ما قد خبرنا بدارنا ننوخذ حك
مادام ابن سلمان مايقبل الجور

شمس الحقيقه باكر تبين لا شك
ينزاح ليل الظلم مع فجة النور

اجمل تظامن تدعمه قوة الدك
لحظة تعاون جبّرت قلب مفطور

لازم نحشر الظلم في خانة ال يك
حتى يبين الحق ونفك مقهور

حابس العطوي

رد: فوق هام السحب ( الشعر الشعبي) على متن القوافي
 

ان عشت بالدنيا سواة التماثيل
الله و كيلك راح عمرك خساره

قم واحتزم وافعل فعول الرجاجيل
وافهم ترا كسب النشاماء تجاره

حابس العطوي

رد: فوق هام السحب ( الشعر الشعبي) على متن القوافي
 

يعجبني الساطي و يذهلني القرم
واخاف نذلاً ما يواجه خصومه

شفني صريح ولا دخل طبعي البرم
افخر بخوة من تنومس علومه

حابس العطوي

رد: فوق هام السحب ( الشعر الشعبي) على متن القوافي
 

يا سكون الكون يا خيوط الفجر
ياهدوء النفس يا بداية حياه

عاشقك ياليل ما يطيق الضجر
لو سهرتك بوح والنغمات ااه

حابس العطوي

رد: فوق هام السحب ( الشعر الشعبي) على متن القوافي
 

قضيت الليل وعيوني سهارى
وحار ة رجل من نفسه شقيه

سبب ريمٍ عن عيوني توارى
وانا القناص بفياضاً عذيه

تصادفنا جهاراً بالنهارى
ووردني على حياض المنيه

نهبت القلب يا سيد العذارى
واخذته دون تصريح و عطيه

حابس العطوي

رد: فوق هام السحب ( الشعر الشعبي) على متن القوافي
 

‏احيان اهيجن واغسل صدور
‏وابني من القاف ما اطيقه

‏العب طرب وانطنخ واثور
‏وابكي الضد واشيقه

‏العمر مره علينا يدور
‏والشعر كثروا عشاشيقه

‏قاف البريره يجي محكور
‏يشد شعّار ذويقه

‏غني وانا اجاوبك بسرور
‏من نبع قافي و توثيقه

‏‌حابس العطوي

رد: فوق هام السحب ( الشعر الشعبي) على متن القوافي
 

حبك مزاجي لا طرالك تشفقت
وانا على ما قيل ضد المزاجي

ما ارجي وصالك مير ليتك توفقت
واخترت درباً ما بها ايا انعواجي

حابس العطوي

رد: فوق هام السحب ( الشعر الشعبي) على متن القوافي
 

ماني وانا حابس بعوقاً ولد عوق
انا حفيد متعّبين النجيبه

ارفع مقامي عن هل الغي والبوق
واطلق احصاني في رياضاً رحيبه

وصح الله لساني على الذرب والذوق
و عن الردى والفحش ما يلتويبه

نطقه عن اعراض البشر مرتفع فوق
ما هو براعي عذربه في صحيبه

حابس العطوي

رد: فوق هام السحب ( الشعر الشعبي) على متن القوافي
 

عمر الهوى عشته بحكمه
طبقتها فعل مختصي

حافظ على القلب من دكمه
قامت تعاقب و ترتصي

وهرجاً يجي بصاحبك اكمه
لا بد من يوم يقتصي


و لو الزعل طاول بعكمه
ساعة غضب كون ممتصي

حابس العطوي

رد: فوق هام السحب ( الشعر الشعبي) على متن القوافي
 

ياللي خذيت القلب مني هديه
امانتك قلبي معك لا تخليه

اهيم واسرح و النوايا مطيه
واشرب قراح المي من نبع صافيه

واعشق دروب العز هي والحميه
وابعد عن رخوم الرجال المسافيه

ابوسعود

رد: فوق هام السحب ( الشعر الشعبي) على متن القوافي
 

يا اخر الليل عطني العلم من بدري
‏وش انت ناوي ترجع لي من الذكرى

‏ان كانها حزن ف أنا ممتلي صدري
‏وأن كانها خير يمكن ضيقتي تبرى

.....

رد: فوق هام السحب ( الشعر الشعبي) على متن القوافي
 

‏مال الطناخه غير روس المطانيخ
الي سلوم اجدادهم مانسوها

ولا كل راعي بشت شيخ ولد شيخ
تالي الزمن حتى الرخوم لبسوها

متعب بن كروز

رد: فوق هام السحب ( الشعر الشعبي) على متن القوافي
 

‏مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه

.....

رد: فوق هام السحب ( الشعر الشعبي) على متن القوافي
 

أحذر تخاوي من هو بالوجه رجال
خاو اللي لا طحت تفداك عينه

السيف وهو سيف أنواع وأشكال
سيفٍ شطير وسيف بالبيت زينه

.....

رد: فوق هام السحب ( الشعر الشعبي) على متن القوافي
 

هذا جزانا نطيب ومالنا منه
يناظر الرجل أبوه وينسخ فعوله

أتعبني أبوي جعل أبوي في الجنه
ماجيت نصفه ولا ربعه ولا حوله

.....

رد: فوق هام السحب ( الشعر الشعبي) على متن القوافي
 

وقت الرخا كلٍ يسولف عن الطيب
وان صكت الايام مامن صمايل

عليك باللي في وقوفه مكاسيب
يغنيك عن كثر الحكي بالفعايل

.....

رد: فوق هام السحب ( الشعر الشعبي) على متن القوافي
 

تعيش ياراسي وتفداك الأنذال
ومن لاحسب لك لاتحسب حسابه

كم واحدًنحسبه محزم ورجال
يوم أحتمى الميقاف ماينغزا به

الله يجيب الصدق ياوسعة البال
ندمح خطا الأصحاب ولا القرابه

حنا نحشم رجال من حشمة رجال
والصبر ينفذ والزلابه زلابه

يعني على ماقيل من ضمن الأمثال
ان لم تكن ذئبا كلتك الذيابه

.....

رد: فوق هام السحب ( الشعر الشعبي) على متن القوافي
 

والله ان وجيهنا فيها حيا
نستحي واثر الحيا صاير قليل

مير حنا مانعيش الا اغنيا
ولا نموت الا على العلم الجميل

واثقين ولادخل فينا ريا
وان زرعنا طيب ماندور حصيل

انقيا ونعيش ونموت انقيا
ولا لنا غير الله الوالي وكيل

.....

رد: فوق هام السحب ( الشعر الشعبي) على متن القوافي
 

الأرض لولا رحمة الله والله انها ما تزين
الحمد له والشكر له على عطاه السرمدي

والناس فوق الارض يا ناسين يا متذكًرين
اللي بخير اللي يعرف التايه من المقتدي

ترى الردي يستر عليه الله في دنياه لين
يحارب الطيّب ويدرون الرجال انه ردي

.....

رد: فوق هام السحب ( الشعر الشعبي) على متن القوافي
 

ان كان تبغى الله بلطفه يقديك
خلك مع المولى ويا خير هادي

يالعبد لك رباً عن ألناس يغنيك
اطلب عظيم الشان رب العبادي

اسجد لرزاق الخلايق ويكفيك
يكفيك في يوم اللقا والتنادي

.....

رد: فوق هام السحب ( الشعر الشعبي) على متن القوافي
 

انا مع العز لي سيره و حبل وثيق
وثيابي اللي علي طولي وانا طولها

ماقلت تكفى لحد حتى وانا مستضيق
من خوف لايحسب اني دايم اقولها

.....

رد: فوق هام السحب ( الشعر الشعبي) على متن القوافي
 

لا ينحني راسـك و تـرخـص مقـا مك
ما دام ها الدنـيا من تـراب لـتراب

خل العلوم الطيـبه دوم امامـك
و خـلك وفين بالقرايب والاصحاب

و لا تــنـظـر لهرج المهابيل دامـك
مع النعم و الزود يحسب لك احساب

والـوقت كـانـه دار والـهـرج ضـامك
ما يـجرح الاجـواد يـا كـود الانـذال

.....

رد: فوق هام السحب ( الشعر الشعبي) على متن القوافي
 

ياصاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

رد: فوق هام السحب ( الشعر الشعبي) على متن القوافي
 

يا صاحبي والناس فيها وفيها
ومن يبذل المعروف لابد يلقاه

لا تعطي الحاجه و تسأل عليها
كف الكريم ليا عطت شي تنساه

.....

رد: فوق هام السحب ( الشعر الشعبي) على متن القوافي
 

يا الله يلي تعز العبد وتذله
اغفر اذنوبي ليا ضاقت بي أعمالي

احيان نخطي زعل وأحيان من زله
ونرجع ونستغفرك ونتوب طوالي

آمين

رد: فوق هام السحب ( الشعر الشعبي) على متن القوافي
 

ليا صار لـك قـدره على نـفـعـة المحتاج
لا تـذخـر عساها لـك مـن الـذنـب كفاره

لـولا حـاجـتـه مـا وقـف بماقـف الاحراج
ولا قــام يـكـشـف لــك خفايـاه واسـراره

.....

رد: فوق هام السحب ( الشعر الشعبي) على متن القوافي
 

ترا رفقت الطيب مثل رفقة الذيب
ان ما عطاك الصيد يحمي جنابك

رفيقك رفيقك ستر وجهك عن العيب
زهابك بيومٍ مايكفي زهابك

.....

رد: فوق هام السحب ( الشعر الشعبي) على متن القوافي
 

الطيب يجبرني على ردة الطيب
واللي تردى ماترديت مثله

يحدني للطيب سلم ومواجيب
وكلن يعود ساعة الضيق لأصله

.....

رد: فوق هام السحب ( الشعر الشعبي) على متن القوافي
 

رفيقك الطيب على الوقت لك عون
سيفً معك في كل لازم تسله

ورفيقك العله مثل شبك أبو سنون
يوذيك في طويه ويوذيك فله

.....

رد: فوق هام السحب ( الشعر الشعبي) على متن القوافي
 

الحرار تموت ماتاكل لحوم الحرار
والثعل عند الرعيه يدور مطمعه

عيش ياراسي على العز والدنيا مدار
ماتضيق صدورنا والدروب موسعه

.....

رد: فوق هام السحب ( الشعر الشعبي) على متن القوافي
 

تموت الرجال وتندفن ما يموت الصيت
عسى الله على درب الهدايه يقدّيني

يقولون تسلى في حياتك ليا غنّيت
واقول السعاده في صفوف المصليني

وانا في رجا الله واطلبه كل ما صليت
عن الناس واللي من ورا الناس يغنيني

.....

رد: فوق هام السحب ( الشعر الشعبي) على متن القوافي
 

جعلنا لاحدنا الوقت واحتجنا
ما نهين النفس من سبة الحاجه

وما تغير غبر الايام منهجنا
وما نرد اللي من القل محتاجه

.....

رد: فوق هام السحب ( الشعر الشعبي) على متن القوافي
 

واتجنّب مجلس اللي ما اعدّه راس قوم
واتنصى مجلس الليّ يسرّك لاغزا

مجلسٍ مدهول في كل ليل وكل يوم
ومجلسٍ مايدهل الا فرح والا عزا

الله يعز المطاليق ويذل الرخوم
ولا يحمّل طيّب الراس وزر ولا وزا

.....

رد: فوق هام السحب ( الشعر الشعبي) على متن القوافي
 

اليوم ما عاد به صكات و مواجه
في ساير الناس لا أشكك ولا أريّب

لا شفت من غيّرت الأيام منهاجه
جزعت منه جزوع مْجري الهيّب

مالي ورا الناس لا مطلب ولا حاجه
ما دام رايي وجيه و منهجي طيّب

يا الله بـ لاما رفيقٍ يضحك حجاجه
و يا الله بفرقـا رفيقٍ شبحه قريّب

.....

رد: فوق هام السحب ( الشعر الشعبي) على متن القوافي
 

ليت العمر ينباع والله لشريه
وأروح للطيب وأزود سنينه

والا الردي لعل تقصر لياليه
مامن وجوده فايده خابرينه

.....

رد: فوق هام السحب ( الشعر الشعبي) على متن القوافي
 

عيا الزمن يصفا وحنا مستحين
يطحن امانينا مثل طحن الرحى

يقسى ونقسى لايلين ولا نلين
ويصحي اللي له ضميرٍ ماصحى

ان زان ولا شان حنا صابرين
وبنموت عاد وجيهنا فيها سحى

.....