رد: فوق هام السحب ( الشعر الشعبي) على متن القوافي
 

يالله تبعدني عن النقص والعيب
وتبعد لساني عن مناقيد خلقك

اسألك يا ربي حياةٍ على طيب
وأسألك غفرانك وسترك ورزقك

آمين

رد: فوق هام السحب ( الشعر الشعبي) على متن القوافي
 

الرجل لامنه تكبر على الناس
تراه من ورك المطية تدلى

لوهو من شيوخٍ بعيدين الأرماس
من يستهين بحق الأجواد وللى

.....

رد: فوق هام السحب ( الشعر الشعبي) على متن القوافي
 

فجيوبنا خل عنك المحفظة والرزم
والله يا دينار ما تلقاه فجيوبنا

والحمدلله بخير وننعزم وانعزم
واليا بغونا النشاما روّحوا صوبنا

.....

رد: فوق هام السحب ( الشعر الشعبي) على متن القوافي
 

النفوس العظيمة تعرف اللي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

البس اللي يعجبك واكل ماتشتهيه
دامك في طاعة الرحمن عيش الحياه

لا تروح لمكان الا وراحتك فيه
ولا تجي من مكان الا بسيره وجاه

.....

رد: فوق هام السحب ( الشعر الشعبي) على متن القوافي
 

ثنتين للرجال تشجيع للخير
ممشى الحياء ومجالسة كل مقدام

وثنتين للرجال همّ ومخاسير
ممشى الدهر ومجالسة كل نمام

.....

رد: فوق هام السحب ( الشعر الشعبي) على متن القوافي
 

ألذّ من بارد الماء في نهار رمضان
‏سوالفٍ منك لين أموت ما أملّها

.....

رد: فوق هام السحب ( الشعر الشعبي) على متن القوافي
 

مافاز فيها إلا انت يا حزام الأمان
ضميت ناس ماقدرت أضمها

.....

رد: فوق هام السحب ( الشعر الشعبي) على متن القوافي
 

على مشارف ثغرها ينبت التوت
ويا حظ من ياكل من التوت حبّه

.....

رد: فوق هام السحب ( الشعر الشعبي) على متن القوافي
 

يامل قلبآ من هوا الزين مجروح
من كثر مونس حبها في فوادي

ودي اخب الحب لناس مابوح
من شأن مايدري كثير القرادي

مغير أجاوب حايم الورق وانوح
وعيا يوصلني لغاية مرادي

اثر ألهو يصبح له القلب مجروح
خصآ لياجا دون المحبين حادي

حداني اللي راحله قبل ماروح
وخلاني أبقى فالمتأهات غادي

ياليتني ادري عن الوضع مسموح
أقدكم لهم من دون عيب ونقادي

.....

رد: فوق هام السحب ( الشعر الشعبي) على متن القوافي
 

‏حيا الحنين اللي بصدري يوم مات
‏مع السحاب اللي تساوى وانهمر

‏كن المطر يطق باب الذكريات
‏اللي ما تفتح بابها الا للمطر

.....

رد: فوق هام السحب ( الشعر الشعبي) على متن القوافي
 

تمر أيام عمرك دون رغبة عاث فيك اليأس
‏على ضفة مشاوير السنين تقول ميتٍ حيّ

.....

رد: فوق هام السحب ( الشعر الشعبي) على متن القوافي
 

الطيب طيب الذكر والعز عز النفوس
والجود جود الرجال وفعل ماجوبها

.....

رد: فوق هام السحب ( الشعر الشعبي) على متن القوافي
 

ليه المطر بالذات ريحـه وصبّـه
‏كنّه رسولٍ بيـن الاحباب بالـذات

‏اشتـاق فيـه لشوفتـك واتنـبّـه
‏للي نسيته مـن مواقـف ونظـرات
‏
‏لا استانس الخافق ذكر مـن يحبّـه
‏ورجع يراجع فالوناسات مـا فـات

.....

رد: فوق هام السحب ( الشعر الشعبي) على متن القوافي
 

وش يفيد الشوق لو ما يكسي قلوب العرايا
وش يفيد النور لو ينقاد لاعين الضريره

انتي اسمى من هوى النزوه واعزّ من الحمايا
في عيون الفارس اللي سلّ سيفه من جفيرة

وان ظفرت بقبلةٍ من ثغر معسول الشفايا
ليه لا وانا الكبير اللي طموحاته كبيره

.....

رد: فوق هام السحب ( الشعر الشعبي) على متن القوافي
 

النبأ الزين يكفي عن قعود و خروف
مانصـوك العرب مِن جُوع ولا ضمأ

.....

رد: فوق هام السحب ( الشعر الشعبي) على متن القوافي
 

أســـــــــوق عـذري وأحسن الظن دومآ
طبع الظروف أحـــيان تقسى عليــنا

تلعب بنا الدنيا وشين المقاديـــــــــر
لكن غلاكـــــــــم في الحشا ماحيينا

.....

رد: فوق هام السحب ( الشعر الشعبي) على متن القوافي
 

يا صاحبي مادام للحــب موضــوع
احفظ وبكره حصة الدرس تسميع

انا غلاي اصلي من الحـب مصنوع
ما هو من اسواق المحبيـن تجميع

.....

رد: فوق هام السحب ( الشعر الشعبي) على متن القوافي
 

لا أقبلت خيل الاماني مسرعة والحظ قام
‏دعوةٍ لك مستجابه عنّها الغيم انجلا

‏والشعور اللي تبسم للقا من بعد عام
‏والمواني والشواطي تنتظر قولة هلا

.....

رد: فوق هام السحب ( الشعر الشعبي) على متن القوافي
 

إلا انت خلك معي ولا تجافيني
غيرك يروح وجعله مايجي ثاني

لاصرت مني قريب وما تخليني
ما همني من هجر قلبي وخلاني

.....

رد: فوق هام السحب ( الشعر الشعبي) على متن القوافي
 

‏مِن البيدْ سِقت رِكابي لداري المَهجور
‏ولقيت الدروب تِردّني في مِيادينكْ

.....

رد: فوق هام السحب ( الشعر الشعبي) على متن القوافي
 

‏ ‏بين الردا والطيب تصنيف للناس
‏يأخذ بها الآنسان تقرير سمعــه
‏
‏إما يجي مثل الذهب طيب الساس
‏والا كمـا القصدير ماغير لمـعــه

.....

رد: فوق هام السحب ( الشعر الشعبي) على متن القوافي
 

ادري عيونك تراقب كـل ما اسـوي
واللي بقوله تطمن وآحسن النيه

مـافـي غيرك مـولع بالحشى ضوي
وانته عذاب الخفوق اللي لعب فيه

من بعد ما ربي على القلب ولاه
واجتاح قلبي واحتما فيه عنوه

انساه كيف انساه والقلب مأواه
وهو رفيق الدرب في كل خطوه

قلبي يقول اهواه واهواه واهواه
من بين كل الناس نقاه نقوه

ادمنت حبه وادمن القلب حلواه
لاهو معي مايعرف الطرف غفوه

هو دنيتي وانا حياته ودنياه
اقضي معه وقتي بفرحه ونشوه

خليت له قلبي بلاده ومنفاه
ولا احتمل من ساكن القلب جفوه

يبات يكتبنا هوانا ونقراه
ونردده في ظلمة الليل غنوه

عزفت له لحن السعاده وغناه
وكلما غنيت لحنه تأوه

سمع وترجم نبض قلبي ولباه
وانا أفهمه لوما بكلمه تفوه

اجمع خفايا قلبه أدناه واقصاه
يمكن من اعضاء جسمه اصبحت عضوه

عشقه لي ارواني وعشقي له ارواه
واحتل قلب آدم هوانا وحوه

مااطيبه عيشي بقربه وما اشهاه
وكل ماحولي بدونه مشوه


ابو المختار

رد: فوق هام السحب ( الشعر الشعبي) على متن القوافي
 

انا نويت أرحل وعيّا عليّ الرحيل
‏يقول ما به وطن لأوجاعك إلاّ هنا

.....

رد: فوق هام السحب ( الشعر الشعبي) على متن القوافي
 

من هو عرفكم صعب والله ينسى
وانا عرفت رجال تسوى قبايل

لكن ضرؤف الوقت بالحيل تقسى
مافرقت بين الكدش والاصايل

حابس العطوي

رد: فوق هام السحب ( الشعر الشعبي) على متن القوافي
 

زود الغلاء في بعض الاحيان نقصان
اللي توده لا قسى الوقت ينساك

لكل شيٍ في هذا الوقت ميزان
لا تندفع ويضيع دينك ودنياك

.....

رد: فوق هام السحب ( الشعر الشعبي) على متن القوافي
 

يالله بدعوّة من حدا والديني
‏ألقى اثرها في حياتي وانا حي

آمين

رد: فوق هام السحب ( الشعر الشعبي) على متن القوافي
 

مـرنـي وهـيّــج أشـواقــي و حـنـيت
‏ماكنت أظن بعد هالعمر له طاري

كني بعده أحلم ومن شفته صحيت
‏نـفـض عـن ذكـراه مـابـه من غباري

.....

رد: فوق هام السحب ( الشعر الشعبي) على متن القوافي
 

‏ليتك تعرف ان الهوى سهم ذباح
وقلوب عشاق المحبه رقيقه

وليتك تعرف اني ليا شفتك ارتاح
والقلب يسعد يوم يلقى رفيقه

.....

رد: فوق هام السحب ( الشعر الشعبي) على متن القوافي
 

‏يقول خذنـي لك وأنا أقـول حياك
قلبـي وطن وضلوع صدري معابر

أنت تعـال وإعتق الشــوق بخطاك
كلي دفا وإحساس وأحلى مشاعر

.....

رد: فوق هام السحب ( الشعر الشعبي) على متن القوافي
 

‏تهادت الشمس للمغرب ومال الظلال
‏وكل العصافير ضمتها غصون الشجر

‏وانا عيوني على ظلي وعندي سؤال
‏من يطوي الليل لين امسك صلاة الفجر

.....

رد: فوق هام السحب ( الشعر الشعبي) على متن القوافي
 

‏اكتسحت القلب كلّه
‏صرت شريان ووريد

‏ما زعلت انك ملكته
‏وودي اعطيك المزيد

‏اعترف لك انك اجمل
‏شخص ياعذب القصيد

‏واعتبر نفسي بحببك
‏صاحب الحظ السعيد

.....

رد: فوق هام السحب ( الشعر الشعبي) على متن القوافي
 

‏من أوّل احطّه على الجرح ويطيب
‏واليوم لا احطّه على الجرح زاده

.....

رد: فوق هام السحب ( الشعر الشعبي) على متن القوافي
 

‏ما ينكسر عـــزم ٍمقــرّه على ساس
‏لو يلحقه من لوعـــة الوقــت خله

‏اللي ورى العالم لا يمكن يجي راس
‏لو يلتفـــت ما يتبعـــه غـــير ظلّه

‏لا تنتظر الانصــاف من ساير الناس
‏الناس عــوق الناس والمنصف الله

.....

رد: فوق هام السحب ( الشعر الشعبي) على متن القوافي
 

‏بلغيه ان عاد صدري رغم كونه هادي
‏تفرحه لشيا البسيطه وايتباها فيها

‏لو نوا يرجع وسج من الهديه عادي
‏يا هدية غايبً جات ونست راعيها

.....

رد: فوق هام السحب ( الشعر الشعبي) على متن القوافي
 

‏ابتسم له واتلذذ في كثر تعذيبه
‏ادري انّه في جروحي ماهو بمتمادي

‏اونس بغيبته ضيق اللي تمنى صيبه
‏لاح شيبه من حرارة ما وطاه وزادي

‏واترقب مثل عودٍ جر له ترحيبه
‏شايفٍ خيرة عياله من بطى وبعادي

.....

رد: فوق هام السحب ( الشعر الشعبي) على متن القوافي
 

‏انا فيني مشاعر تستهيض البلبل الصدّاح
‏انا فيني قصايد طيّرت من عيني ارقادي

‏أنا أكره ناس للحاجة تجيني بدمعة التِّمساح
‏وأنا أللّي أكرم الصّادق ولو هو ياخـذ أعيادي

.....

رد: فوق هام السحب ( الشعر الشعبي) على متن القوافي
 

‏من عرفت إن التخاذل من كبَار العيوب
‏ماعطيت النفس فرصه تدوّر معذره

‏طالب العليا لو تضيق به كل الدروب
‏كن في صدره عن الياس عودٍ ينهره

‏اصرفي نظرات الإشفاق يالريم اللعُوب
‏أنا ما ينظر لي إلّا بعين المفخره

.....

رد: فوق هام السحب ( الشعر الشعبي) على متن القوافي
 

عيش الحياه وفضها اليوم سيره
‏العمـرمره والتــوافـــيق قــدام

‏يموت حلم وينخلق حلـم غـيره
‏ما توقف الدنيا على موت الاحلام

.....

رد: فوق هام السحب ( الشعر الشعبي) على متن القوافي
 

‏ليه ساكت و الحنين يهبْ برده
‏وأنت صوتك يا رهين البال دافي

‏طاح من غصن الغلا والحب وردة
‏لا يطيح الغصن طاح الورد كافي

.....

رد: فوق هام السحب ( الشعر الشعبي) على متن القوافي
 

لا تسأليني في البشر من تشبهين
أنتي مثل للحين ما جا لك مثال

بلا حور عين وبلا غمّازتين
جمالك أجمل من علامات الجمال

.....