رد: ديوان قصائد لشعراء المملكة العربية السعودية (متجدد)☘️☘️
 

خايف من اللي جاي
اللي يبيك يدلّك
واللي يبي فرقاك
دلّه على فرقاك ..
هذا الطريق اللي يودّي للعدم ..
هذا الندم ..
هذا أوّل الدرب الطويل ..
هذا هو الفقد الجميل ..
والباب
والغيّاب
والأحباب
واللي راح واللي جاي
أمشي وأنا ويّاي
وأقول له:
ضيّعت من عمرك عمر
ويقول لي من قال لك تنحت ضلوعك ناي
وأمشي وأنا وياي
وأرمي الحجر لبعيد وأعدّ خطواتي معي وألقاني أتعدّى البعيد ..
مدري الزمن يركض ..
ولاّ أنا أركض ..
وحده من الثنتين ..
ي الله ياهذا الطريق اللي بديت من أوّله ..
وللحيني أمشي بأوله ..
ماكنّ له آخر ..
وأمشي وأنا وياي ..
مرّه أحس بضيقته مرّه يحسّ بضيقتي ..
وأزرع له ضلوعي قصب وأهيّضه بغناي ..
ليت السنين الطين ..
وأشكّل سنيني على مشهاي ..
وارجع معي لأوّل ..
الله يا أوّل ..
كانت ليالي غير ..
تذكر معاي شلون ..
أرواحنا بيضا ..
طعم القرى مغسول بكفوف المزن ..
وأنا تركت هناك ..
كلّ الأماني معلّقه بالمقبل من الوقت
وهذا أنا وياي ..
نمشي الطريق اللي يرجعنّا هناك ..
وهذا أوّله ..
وهذا آخري ..
خايف من اللي جاي عايف من اللي راح ..
لو آخري بسّ يتجمل بي قليل ..
وأذوق طعم أوّل قليل ..
خايف وأنا وياي ..
هذا الطريق اللي يودّي للعدم ..
هذا الندم ..
هذا انا وياي ..
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

القلوب أحيان محتاجة لراحة
مو غريبة
لا خذانا البعد لأبعد
القلوب أحيان محتاجة ل راحة
والصراحة
صرت محتاج أبعد أكثر
ما لقيت أنقى من الوحدة ولا أجمل
إنك المبعد بجرحك
وإنك أقرب من بعيدوأنك أبعد من قريب
وأنّك الصانع من ال لاشي شي وإنك الزاهد ب غيّ
وإنّك الأكثر علو
منت محتاج لغلو
لأنك الساكن بقلب المعدمين الأبسط الأقرب لنبضك
تدري إنت أن الشعور الصادق أبلغ
وأن طعمك في عيون الناس سكّر
وأن أجملك إبتعادك
وأنك أجمل في غنائك
وإن حكي الصامت أبلغ
عاد تدري في غياب الوعي وش عذر المحابر؟
أنها قدرت تكابر
وآنا محتاج أبعد أكثر
عن حديث المنهكين البالغين من التعب حد السقوط
عن بقايا أرواح يسكنها القنوط
عن مساحة ما بقى فيها ل أحلامي مساحة
القلوب أحيان محتاجة ل راحة
يا أحبّة
كان عذري ما وصل حدّ العفو عذراً عليه
ياااااا أحبّة
يااااا أحبّة
أكره أقرب قلب منكم
أكره أصدق قلب فيكم
لأنّي إن حبّيت شؤم لمن أحبّه
لأنّي أفقد أي شي إن قلت أبيه
كان عذري ما وصل حدّ العفو عذراً عليه
مو غريبة
لا بكى المرغم على المنفى دياره
حس جاره
ذكرياته
أمنياته
كل شيٍ كان يسوى في حياته
مو غريبة
مو غريبة
الغريب إنّي كثر ما أبعد أحبّك ..
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

اليانع من الشاعر
لا تحبّه ..!!
أقطف اليانع من الشاعر وكبّه ..!!
لا ارتكبتك عذري إنّك جيتني ذنبٍ أحبه ..!!
وإن جفيتك دون سبّة ..!!
أعرف أنّي خفت من نفسي عليك ورحت عنّك ..!!
مو لآنّك ..
أو لأنّك ..
لا ل أنيّ ..
ما أحبّ أكون مثل الناس عادي ..
ولا أحبّ أكون حلمٍ ما تحقق ..
ولا أحبّ أسرقك منّك ..
أقطف اليانع من الشاعر وكبّه ..!!
لا تحبّه ..!!
أنت مثل الكل ودّك ..
تعرف أكثر
ما يهمّك شي كل اللي يهمّك ..
ترمي بدلوك وتخرج ما تيسّر من حديث وتشربه وتروح مبعد ..
ياخي أبعد ..
مابقى ف البير ما يروي عطشك ولا بقى بي ..
شي يستاهل أصبّه ..
أقطف اليانع من الشاعر وكبّه ..
لا تحبّّه ..
ما أحب أكون للعابر محطّة ..
أسف إن خانت بك ظنونك ورحت بدون أسف ..
والعواطف ..
وإندفاعك بإتجاه ال لا مشاعر ..
من هو بس اللي خدعك وقال لك رح حب شاعر ..
لا تحبه ..
أقطف اليانع من إحساسه وكبّه ..
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

أبيات ( 1 )
مجرد أنسان خاف من الصخب وأنعزل
أختار يحضر على قدّ الشعر والشعور
أصعب من أنّه يكون بهالزمان السّهل
وأسهل من أنّه يكون الممتلي بالغرور
مورق كثر ما يحسّ أن الأماكن محل
ممحل كثر وحشة المنفى وضيق القبور
عميق حدّ أنّه أحياناً يحسّ بجهل
بسيط حدّ أنه يشوف المدى للعبور
أحسّ به طفل لا مرّ الفرح وأحتفل
وأحس به كهل لا كبرت عليه الأمور
أحيان أحسّه يحبّ من الحديث الغزل
وأحيان ماهو على درب المحبة جسور
بكرة تجين المكان وتذكرينه رحل
ما يستقرّ أدمي دام الليالي تدور
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

قفلت الباب
هربت من الصخب للعزلة الأجمل ..
هنا وحدي ..
عرفت إن قيمة الحاضر قليلة في عيون الناس ..
عرفت إنّ البعيد أغلى ..
عرفت إنّ القريب رخيص ..
لذا قررت أكون المستحيل النائي الأبعد ..
لهم منّي حديث الشعر ..
لا أكثر ..
مسافات ومسا فات ومساي الجاي ..
يكون الخالي المهجور ..
ويبقى الشعر ..
وجمهور الشعور الخاليين شعور ..
مع مغناي ..
أهيم بكلّ وادي قفر ..
ولا تابع ولا متبوع ..
مجرّد ضايقٍ غنّى ..
نفخ روحه بعظم البالي الميّت ..
وكان الحيّ ..
وكان العازف اللي ما طرب منّه شعور الحيّ ..
كذا الأقرب يكون رخيص ..
قفلت الباب ..
وسجّلت الحضور بدفتر الغيّاب ..
وخليت المسافة عمر ..
عشان الشعر ..
يكون الحاضر الأوحد ..
وأكون الأقرب الأبعد ..
هنا وحدي ..
أغنّي ماتيّسر من حداء لعابرين الوادي المهجور ..
ويمرّ الوقت وتعدّي قوافلهم إلى النسيان ..
يمرّ الوقت ..
وأظلّ الواقف اللي طاح ..
مثل موت الشجر تصفر بي الريح وأظلّ واقف ..
ويمرّ الوقت ..
وأموت وينقش العصفور ..
على غصني تغاريده ..
وأظلّ الواقف اللي طاح ..
وأظلّ أجمل .
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

وش بسألك عنه ؟
وش بسألك عنّه؟
إنتى غفى صوتك وأحتضنه النسيان ..
صرتي حديث ال كان ..
ما عاد لك حاضر ..
وش بسألك عنّه ..
جيتي بعد ماراح كل أغلبك منّي ..
جيتي من النسيان ..
متعشّمة تبقين ..
والله لو أنّي أيش ..
شوفي السما رحبة ..
شوفي الطيور تطير ..
والأرض نفس الأرض ..
والناس هي النّاس ..
وآنا أنا مازلت أستمطر الأحساس ..
كنت الغصن وأنتي
طير ونبت له ريش ..
وش بسألك عنّه؟
ما أنتظر غايب ولا أنتظرت الجاي ..
أمشي على مشهاي ..
ماهو بكيف الناس ..
وش بنتظر ..
مافيه أحد يستاهل أنّك تنطره ..
وش بسألّك عنّه ..
وأخبارك إدبارك يوم الهوى يطري ..
يوم السوالف غير ..
يوم السهر ..
يلقى له بعيني سهر ..
ماعاد به بدري ..
تأخرّ غيابك أكثر من اللازم ..
وجيتي تبين أسأل ..
وش بسألك عنّه؟
هذا هو النسيان ..
لا تحسبين الحب يبقى مع الهجران ..
روحي فمان الله ..
وخوذي معاك الباب ..
يا آخر الغيّاب ..
ماعاد أبي أنحب ..
ولا بقى بي قلب يستاهل أعشق به ..
بقى معاي شويّ يكفيني لقبري ..
روحي وقلبي بير ..
سرّك معاي بخير ..
يالله فمان الله .
نواف التركي

رد: ديوان قصائد لشعراء المملكة العربية السعودية (متجدد)☘️☘️
 

عيسى المحبي
https://poetsgate.com/Images/Users/s...b665196292.jpg
عيسى المحبي

عيسى بن عامر بن محمد بن عيسى المحبي الشهري.
تاريخ الميلاد:1974-8-25
ومكان الميلاد: الشوحط .. المملكة العربية السعودية/ خميس مشيط.
درست حتى الثانوية ثم عملت في السلك العسكري
مارست الشعر من سن الطفوله وكانت اغلبها محاولات بسيطة .
ثم شاركت في حفلات العرضه والقلطه والمناسبات والاعياد وبعضها منشور على يوتيوب .

رد: ديوان قصائد لشعراء المملكة العربية السعودية (متجدد)☘️☘️
 

كل المشاكل لقيت لها علاج وحلول

https://poetsgate.com/img/divider_1.png
كل المشاكل لقيت لها علاج وحلول


إلا تجاهل جمايلنا وغدر(الصحاب)
صحيح نخطي ولكن مافقدنا العقول


حليل من وده يمشي علينا الكذاب
أسمع وطنش ولاتستعجل بما تقول

ولا تكثر على المخطي ملام وعتاب


وإن صار ماصار غادر قبل قرع الطبول
خذها نصيحة مجرب واعلن الإنسحاب


دور لباب الخروج وخل باب الدخول
والا تقع في متاهات وظلام وصعاب

رد: ديوان قصائد لشعراء المملكة العربية السعودية (متجدد)☘️☘️
 

لو معك في رصيدك كثر حبي فلوس

https://poetsgate.com/img/divider_1.png
لومعك في رصيدك كثرحبي فلوس


كان صرتي من أغنى العالم الأثرياء
ولو معي كثركذباتك نياق وتيوس


كان مرعى حلالي من صمخ لا قياء
ولو تعلمت منك وخذت بعض الدروس


كنت عالم فلك ويجوز رائد فضاء
ولو علمت وعلمتي ماتخبي النفوس


كان شفنا من الناس انقياء وأشقياء
ولوتحاربت اناواياك حرب البسوس


اخر المعركه نرجع لبعض اوفياء

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يافرحة العيد مالي فيك حظ ونصيب

https://poetsgate.com/img/divider_1.png
يافرحة العيد مالي فيك حظ ونصيب


رغم ان حولي بشرقالوا من العائدين
العيد في ذمتي شوفة عيون الحبيب


وان كنت ماشفتها ماني من الفائزين
ظروفه القاسيه خدته غصبا يغيب


والعيد خلص وبعد العيد عيت تزين
باستن عيد الضحى وان جاء ولاهو قريب


أظن ماعاد راسي يحتمل ضربتين

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

إن كان ماعن قرارك يالحبيبه رجوع

https://poetsgate.com/img/divider_1.png
ان كان ماعن قرارك يالحبيبه رجوع


باعلمك واش قراري بس لاتزعلين
وان كان في بالك إعلان الولاء والخضوع


باقول لك قبل تنصدمين لا تحلمين
وان كان تبغين مقضى مثل ذا فالربوع


بارضيك واعطيك مطلوبك وتستاهلين
من شان عينيك مابغاها تهل الدموع


مهماحصل خاطرك غالي وقدرك ثمين

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

لاحدن يشره عليه

https://poetsgate.com/img/divider_1.png
اعذروني ياقبايل لاحدن يشره عليه


تعلمون ان المواقف بعضها يعمي البصيره
المواقف بعض منها من بدايتها قويه


وبعضها حلوه وجذابه ولوكانت خطيره
اتركونا م المواقف واسمعوا مني رويه


ودي احبكها إلين اجيبهاقصه مثيره
باختصار السالفه مريت حي الشرفيه


باتجاه الغرب نازل حول مدرسة المغيره
التفت على اليمين وشفت هذيك الصبيه


ياجماعة زينها طاغي وقامتها قصيره
قلت ساساسا سلام ومنتظر رد التحيه


طالعتني واشرت واصل وكملت المسيره
المطبات التي في الحي يمكن خمس ميه


كلها مريتها داعس على نفس الوتيره
كلمتني قالت ارجع ودي اشوفك شويه


مت ضحك وسببت لي مشيتك ربكه وحيره
راعي التفاحه الي عرف سر الجاذبيه


لوبعينه شاف ماشفته فطس غبنه وحيره
كان قال الجاذبيه كلها في ذي البنيه


وكان قال الارض لاسمحه ولاهي مستديره
ولو نظرها الشايب اللي في دياربني عطيه


نسي ضحكة نانسي عجرم ومن غمزة سميره
الحقيقه مابقي لي شف بالدنيا الدنيه


من يداوي قلبي المجروح والنفس الكسيره؟

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

بس ياقلبي من الهم والضيقة

https://poetsgate.com/img/divider_1.png
بس ياقلبي من الهم والضيقه


ماحد يشعربهمي ولا سعدي
لاتحسب جمع مال وتفريقه


ولايهمك قرب الاصحاب والبعدي
كلماجينا بمزحه وتعليقه


ماتقول الا نقلنا مرض معدي
من يطالبني بشيء صعب تطبيقه


ما اسمعه لو صوته اقوى من الرعدي
الجفا والكذب والغدر مااطيقه


وقد عرفت ايات من يخلف الوعدي
مابقي مستقبل اسعى لتحقيقه


ولا بقي ما اخشى حدوثه لمن بعدي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

كل شيء يبدو جميل في البداية

https://poetsgate.com/img/divider_1.png
كل شيء يبدو جميل في البدايه


ثم يظهر ماخفي تحت اللثام
كم بشر مايستره غيرالعبايه


وانكشف سره مع مسك الختام
كنت غافل عن عيوبه من عمايه


صرت ما اميز غراب من الحمام
انصدمت وقام ينشد واش بلايه؟


قلت ننهي سالفتنا باحترام
بالتزم واطلب من الله الهدايه


ادري ان النورخيرمن الظلام
من يكرر غلطته قل له كفايه


لن تكرار الخطاء ماهو تمام
خيرمن كل العلاجات الوقايه


ولاتدور حرب دور للسلام
من يطيع اهل الحرش واهل الوشايه


حين يندم ماعلى غيره ملام
اقتربنا اليوم من خط النهايه


حانت الرحله ولله الدوام
ضاعت أحلامي ولاحققت غايه


كلها اعمالي كلام في كلام

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

جده غير

https://poetsgate.com/img/divider_1.png
الناس يقلون جده غير


بالله واش فيك ياجده؟
حرام لاشفت فيك الخير


وأنا في الثغر لي مده
لاحد يقل خانك التعبير


أم الرخاء وأم للشده
ولاحد يطالبني التفسير


كلن يفصل على قده
والسرإلى طاح وسط البئر


فالكل يارد على عده
من فعلته مالها تبرير


يلطم بكفه على خده

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

القطار اصبح ورا حوطة سدير

https://poetsgate.com/img/divider_1.png
امنعيني من هياطك والجنان


ماعلينا خلاف والدنيا بخير
ماطلبنا منك حب ولا حنان


ولاطلبنا لاقليل ولاكثير
قلت لك كلمه صريحه من زمان


واعتبرتي يومها قولي خطير
قلت لك ماشي بيبقى في مكان


اغنمي وقتك قبل طيرك يطير
حن عيال اليوم واللي كان كان


من بغى يوصل يعجل بالمسير
ليش جيتي بعدما فات الاوان؟


القطار اصبح ورا حوطة سدير

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مافي عيال ابليس واحد محترم

https://poetsgate.com/img/divider_1.png
مافي عيال ابليس واحد محترم


محال تلقى محترم منهم محال
عساك ماتحتاجهم وقت العدم


يانعلبو من جاب ذولاك العيال
أثر الخدم ما يعشقون الا الخدم


والعدل ماهو عندهم والاعتدال
والله لا اهب قدرهم تحت القدم


وادوس فوق وجيههم دوس النعال
لاتعزم اللي مايحق ان ينعزم


شرهه عليك تقلطه بين الرجال
مايستحق تحط في بطنه لحم


مايستحق يكون جلده بالعقال
ومن النذاله حط رجله وانهزم


خايف يفوت عليه تتويج الهلال
لو دورالمحتال حيله ماعدم


وهو من اصحاب الحيل والا حتيال
لكن شكله بعدما وافق ندم


أوجاه عرض وقال له واحد تعال

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

سلام يابو علي وأثني عليك السلام

https://poetsgate.com/img/divider_1.png
سلام يابو علي واثني عليك السلام


يالمطلق اللي فعوله جملت شاربه
لك يامفرح تحيه وافيه واحترام


قصائد المدح فيكم يابطل واجبه
انا اشهد انك كريم ومن رجال كرام


والكفوشرواك يفخر به وينشادبه
من بني جونه مطاليق ورجالن عظام


ونعم بهم واشهد انهم قوة الضاربة
تاريخكم مثل نور الشمس يجلى الظلام


ومجدكم ما بيقدر ينصفه كاتبه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

قصة مثيرة موجعة محزنة

https://poetsgate.com/img/divider_1.png
ترى الشدايد تبين لك وجيه الرجال


وتظهر الخافي المستورمن معدنه
وتثبت ان الرجال إهل المواقف قلال


والغالبيه من اهل الكذب والدندنه
أدخل على الله من فزعة قلال الفعال


قصارالايمان لكنهم طوال السنه
كنت ادخر ناس لاوقات النشب والثقال


وأقول حظي بذولا الناس يا ماحسنه
وقت السميهات كلن قال عطني مجال


ابغى اخدمك واتشرف لو خدمتك سنه
وساعة الجد لما قلت هيا تعال


قام يتملص ويصرف كذب من مخزنه
ياهوه واين الرسايل ذيك والاتصال؟


أقل شيء صاحبك مفروض تنشد عنه
اخذت لي درس قاسي واختصرت المقال


وانهيت قصه مثيره موجعه محزنه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

حاولت أصفي نيتي

https://poetsgate.com/img/divider_1.png
تنشدني انت بخير واقل بالف خيروعافيه


وان كنت تبغى الصدق لاوالله اناماني بخير
وان قلت لي واش فيك وتدوراجابه شافيه


بقول لك تلقى الجواب إلى انت حكمت الضمير
والحريفهم بالاشاره والاشاره كافيه

بعض السوالف مالهاداعي ولا القول الكثير


الله كشف بعض النوايا والعلوم الخافيه
اثارمن كنت احسبه حمل وديع اصبح خطير


أهل القلوب الطيبه طلعوا عصابة مافيه
والناسك اللي يرشد العالم طلع مجرم كبير

حاولت اصفي نيتي لكن ماهي صافيه


وانابعيني شفت شيء كنت احسب انه مايصير

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

وان رحت والله ماباقول عود هلم

https://poetsgate.com/img/divider_1.png
ماعادبيني وبينك ياحبيبي كلام


تمرجنبي وكني في طريقك صنم
والحمدلله ماقدجاك مني ملام


من يوم كنا نسرح بهمناوالغنم
بعض الاوادم اذاعاملتهم باحترام


يحسب انه على ماقيل راس الهرم
اول اذاقلت لي هيارفعت البهام


علامةانا على فكرتك قلنانعم
واليوم راحت علاقتناوصارت حطام


وكلماتطلبه موضوع تحت القدم
ان كنت تبغى النظام اعاملك بالنظام


وان رحت والله مابقول عود هلم

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مدري اللي بصدرك قلب والا جماد

https://poetsgate.com/img/divider_1.png
الهموم الكثيره داوها بالرقاد


واسترح من كلام الناس وأحقادها
ابتعد لين تتعود على الابتعاد


من تعود على عاده بيعتادها
خل راسك عنيدوعلم اهل العناد


ان عندك عناد اقوى من عنادها
عز نفسك وجاهد عن مقامك جهاد


لونطيع الخدم سادت على اسيادها
واسمعيني واعيني ياللي اسمك....


الجفاءينقص القيمه ولا زادها
مدري اللي بصدرك قلب والا جماد؟


كم جرحتي قلوب الناس وأكبادها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

الحاجة اللي على بعض البشرحدتك

https://poetsgate.com/img/divider_1.png
الحاجة اللي على بعض البشرحدتك


ان ما تغانيت عنها سوتك سالفه
والخطوة اللي إلى درب العنا ودتك


هذيك خطوه غلط ولنهجك مخالفه
قادتك للموقع الخاطي ولاردتك


عطلت عقلك وقمت تتابع العاطفه
الاوله درس والثاني ولا سدتك


والثالثه ثابته والرابعه قاصفه
بعض الحوادث إذا ماتقتلك هدتك


لاتحسب انك قوي وتقاوم العاصفه
استخدم العقل لاتركن على شدتك


النخلة الشامخة ماتت وهي واقفه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

الله من هم يجتاح الفؤاد اجتياح

https://poetsgate.com/img/divider_1.png
الله من هم يجتاح الفؤاد اجتياح


والنار ذاماوطاهاماعرف حرها
سهران ماذوق طعم النوم لين الصباح


فيني هواجيس يارب اكفني شرها
ساكت ولكن في صدري ضجيج وصياح


واحاول اداري العبرات واسرها
أحاول أنسى واقل للقلب ماراح راح


وفجأه أتالي الونات وأجرها
والحظ مقفي ولامن قلت له قوم طاح


ياويل حالي وطر جيوبنا طرها
صحيح مافيه احد في ذا الزمان استراح


دنياحلاهاقليل وياكثر مرها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ياشقاعمري وياكبرهمي والعذاب

https://poetsgate.com/img/divider_1.png
ياشقا عمري وياكبرهمي والعذاب


وياسهرعيني وياكم دموع تهلها
ياحبيب القلب طال ابتعادك والغياب


وادري انه غصب منت الذي ساعن لها
قصدي اشكي لك عذابي ولاقصدي عتاب


وان تكدر خاطرك من عباره خلها
المسافه باعدتنا وقد كناقراب


والظروف القاسيه مالقينا حلها
ياحسافه صارت احلامناكبت وسراب


واصبحت كابوس من كثرها لا قلها
حسبنا الله فيك يامن تسبب فالخراب


انت اساس المشكله والمصايب كلها
ماتخلي عنك طبع المحارش والكذاب


ماتريح لين توذي البشر وتعلها
ياغراب البين تبت يمينك ياغراب


مثماقال المثل: كان هيا شلها
شلها قبل نتحاسب ويوجعك الحساب


وقبل عدوانك تشمت وتبردغلها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

بعض البشرطلته تاجيك بالعافيه

https://poetsgate.com/img/divider_1.png
بعض البشرطلته تاجيك بالعافيه


لوهي دقيقه بعدماغاب عدة شهور
لوماكتب غير كلمه واحده كافيه


كلمه وحيده وتفعل فعلهافالشعور
وان قالها بالخجل والهمسة الدافئه


حطيت رجلي لوانه بعد سبعة بحور
تستاهلين الوفاء والحب يالوافيه


رايتك بيضاء ولاجا منك نقص أو قصور

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

انتهى كل شيء

https://poetsgate.com/img/divider_1.png
انتهى كل شي ماعاد للصلح باب


احفظي باقي الذكرى وماي الوجيه
انتهى كل شي حتى الزعل والعتاب


وانتهى الصبروالحلم الذي نرتجيه
استوى كل شي حتى الخطاء والصواب


كل واحد بكيفه يعمل اللي يبيه
ضاع وقتي معك مابين هم وعذاب


وانا ماكنت اقل لك غيرعمري خذيه
القرار اتخذته واعلن الانسحاب


يشهد الله يامن باعني ماشتريه
وان تعبتي من الفرقا وطول الغياب


فالمثل قال: ماتزرع يديك احصديه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة الفاسد كلمات عامر اداء عيسى المحبي

https://poetsgate.com/img/divider_1.png
الفاسد ان جاته الدنيا على ما يبي


ما وفر الوضع واهب حبالها من مسد
يسرق ويظهر يصلي بعدها ع النبي


ويعوذ بالله من شر البشر والحسد
انشده من فين جاته قال ذَا مكسبي


من جد ياجد ومن يذرى ويزرع حصد
ويقول هذا شقى عمري وهذا اتعبي


والكدح بين على وجهه وشكل الجسد
يقول ما جبتها من موقعي ومنصبي


مخلص لقايد مسيرتنا واحب البلد
ما شفت صورة طويل العمر في مكتبي


وراية الحق موجوده خلافي بعد
ذيبان من يوم انا صغير ويومي صبي


ما ارتحت عمري قضيته في كفاح وكبد
فقلت الايام. تكشف سرك المختبي


ما دام سلمان ولى العهد وجه السعد
راع التذاكي يجيله يوم يصبح غبي


ينسيه كل التذاكي والذكا للابد
محمد يقول يا شمس الفساد اغربي


من ينتهز فرصة السبت الحساب الاحد

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة زواج الدكتور/عيسى بن علي أل كدوان الشهري

https://poetsgate.com/img/divider_1.png
مرحباترحيب من طيب قلب وشرح بال


مرحباحياكم الله على صفرالدلال
مرحبابسم ال كدوان وعموم القبيله


واسم عيسى بن علي واسم ابوه وبسمنا
الفرح بقدومكم تم ياعزالضيوف


قدركم بقلوبناوانتم اغلى من نشوف
ليلنابوجودكم مايساويه الف ليله


طبت ياليل السعدوالفرح ياليلنا
الله يادكتور عيسى يتمم لك بخير


شاركوك افراحك اللي كبيرن والصغير
من غلاك الكل يرقص على عرضه وشيله


كل ذا تعبير لك عن غلاك وفرحنا
كلنا ندعي لك الله رب العالمين


ان يتمم فرحكم بالرفاه وبالبنين
مايخيب ربنا من دعاه ويرتجي له


يالله تمم بالفرح والسعاده والهنا
وأل كدوان المطاليق لجلك حاضرين


بوك وأخوانك والأعمام في عسرولين
هم رجال العرف والجود وأصحاب الفضيله


نمدح الونعم ولوماوفاكم مدحنا
وأل عيسى خولتك مابنمدح نفسنا


غيرحنا عزوتك وادعناوابشربنا
في لزومك يشهد الله مانذخروسيله


نفتخر بك ياولدنا ونرفع روسنا
والقبيله كلهم درع جنب ولبس راس


اتفاخر بسم ربعي على معنى واساس
المحبي عزناواسم مانرضى بديله


مانسيرالا على الحق والله ربنا
وانت ناسبت المطاليق روس بني عمر


ونعم خيران بن ظافرفي العسرويسر
وسعد بن عبوش في حكمته ماحد مثيله


وال أبوطالب رجالن نسبهم يمتنا
وان سمحت اشيد بابطال صحتناالعظام


جهدكم يذكر فيشكرويستاهل وسام
تضحيتكم يارموز الوطن ماهي قليله


تستحقون انتفاخربكم يابطالنا
وجيشنا اللي يحرس الحدمن كل اتجاه


من يحاول يقترب حدنا فالموت جاه
ماعلى الجيش السعودي مهمه مستحيله


خاتمة قولي تحيه لكم ياجيشنا

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة المولود علي بن حسن علي أل كدوان الشهري

https://poetsgate.com/img/divider_1.png
يالله لك الحمد وبفضلك تتم النعم


قلوبنا استبشرت بالخير والسعدتم
حل السعد والفرح بقدوم ضيف جديد


نورت بيتك ونورت البلد ياعلي
يامرحبا عد من كبر وصلى وصام


بمولدك ياعلي يا ابن الرجال الكرام
استبشر الكل بقدومك وذا اليوم عيد


نورت بيتك ونورت البلد ياعلي
ابوك ونعم وجدك بوحسن والنعم


وجدك عزيز اسم ومسمى كريم وشهم
واعمام وأخوال حولك مثل عقد فريد


نورت بيتك ونورت البلد ياعلي
وكل أل كدوان وأل حسين نعم الرجال


ذكرت الأسمين لنها تستحق المقال
تاريخ الأجواد ما يحصيه مدح وقصيد


نورت بيتك ونورت البلدياعلي
الله يمتعك بالصحه وعمرك يطول


في طاعة الله سبحانه ونهج الرسول
وتحقق أهداف أبوك وفوق ظنه تزيد


نورت بيتك ونورت البلد ياعلي
يارب تمهل لنا بالعمر حتى نشوف


علي مع ابوه وأعمامه وجده وقوف
يقلون هذا علي دكتور والاعميد


نورت بيتك ونورت البلد ياعلي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ليت فلان نام

https://poetsgate.com/img/divider_1.png
السكوت أحسن من القول العقيم


صمت بعض الناس خير من الكلام
أشهد إن ماكل من يهرج حكيم


وإن بعض الهرج مافيه إحترام
وأشهدإن ماكل من يسكت غشيم


غير يحسب للمقال وللمقام
اتركوا بعض السوالف للحريم


واعتبر لا قيل ليت فلان نام
من صفات المسلم القول السليم


والوفاء والعفو من طبع الكرام
ومن صفات المطلق الشهم الكريم


يبتعد عن مجلس الناس الليئام
والحكيم اللي كلامه فالصميم


يرفع الفاضه عن القول الملام
والحذرمن غضبة الشهم الحليم


لوفقد صبره على الدنيا السلام

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة زواج محمد عبدالرحمن حزام الشهري

https://poetsgate.com/img/divider_1.png
ذكرالله قبل بدع الكلام

والصلاه ع النبي والسلام

ياسلامي على اهل الجمايل

ماضي وحاضر ومقبلي

أل سقمه رجالن عظام

نفتخر لاذكرنا حزام

اسم معروف بين القبايل

شيخ وإلى وقف يجملي

الكريم اللي انجب كرام

عبدالرحمن رجلن همام

ومحمد يشيل الثقايل

والنعم والنعم يا علي

ألف مبروك ياهل المقام

دامت افراحكم كل عام

يامحمد نظمنت المثايل

والقصايد بكم تكملي

تستحق امدحك باهتمام

مدحنا فيك فخرووسام

والمدايح عليهادلايل

بمدح الكفو ويحق لي

وقفتك في نهارالصدام

ترفع الراس تجلى الظلام

قسمك المجد ماله بدايل

دائماصفك الاولي

خولتك ينجزون المهام

من تعزوى بهم مايظام

الشنيفي رجال الفعايل

اسمهم فوق ماينزلي

وانت ناسبت قومن حشام

أل يحمد بيوم الزحام

يفعلون العجب والهوايل

يردعون الذي يجهلي

والقبيله لهم لحترام

المحبي رفيع المقام

مايصف فعلناقول قائل

فعلنا واسمنا معتلي

وان حصل نقص والا ملام

فاقبلوا عذرنا فالختام

وانتم أهل الكرم والفضايل

ياعسى عذرنا يقبلي


عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مانت ذيب

https://poetsgate.com/img/divider_1.png
لاتقلد عوية الذيب تعقب مانت ذيب


لايغرك قولهم بينك وبينه شبه
صح تشبه له في الشكل ماهو شي غريب


الوجيه مشابهه واذنبك حول اذنبه
المهم الفعل مانته من أفعاله قريب


الذيابه والطناخه تراها متعبه
الذيابه خلها لاهلها مالك نصيب


وانتبه تغلط وتظهر خفاياك انتبه
أنت فعلك ما يجمل وتاريخك معيب


وأنت حتى سيدك يحقرك ما تعجبه
تحسب انك يوم يرمي لك اللقمه حبيب


تافه اللي ماتجي لقمته من مخلبه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة زواج فهد عبدالله أل مسلمه الشهري

https://poetsgate.com/img/divider_1.png
بسم الله اول مانقول


ثم الصلاة على الرسول
ونطلب الله القبول


سلام وأثني السلام
ياولا دعبدالله حسن


ونعم بكم طول الزمن
رجال في جيش الوطن


والفعل خير من الكلام
كلام مثبوتن واكيد


يشهد لكم فعل الشهيد
بوباسل الشهم الفقيد


فعله لنا فخر ووسام
سطر بفعله ملحمه


وابوكم الله يرحمه
وعزوتكم ال المسلمه


رجال عالين المقام
ومبروك فرحك يافهد


ياشبل من ذاك الاسد
والله يتمم بالسعد


فرحك على دوم الدوام
ولا مدحت الا الكفو


رجال إلى قالوا وفوا
وان كنت قصرت العفو


والعفو من طبع الكرام
وانسابكم خير النسب


نعم العنوه والحسب
سمعتهم أغلى م الذهب


دعوى ال سلام العظام
وربعي محبه والنعم


هذا رفيق وذا ابن عم
عاداتنا طيب وكرم


ومن نصانا مايظام
سلمان قايدنا البطل


وولي عهده بالعمل
افعالهم مضرب مثل


فالحرب والا فالسلام
والله يعز المملكه


ومن عداها يهلكه
وجيشنا فالمعركه


قدحطم الحوثي حطام

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

شيلة زواج الدكتور محمد علي الشهري

https://poetsgate.com/img/divider_1.png
ذكرالله قدام نظمي ومانقول


والصلاة على النبي الهادي الرسول
ياسلامي يارجال الشرف والقاله


عزوتي وقت الشدايد ولينها
يامحمد بن علي فرحكم مبروك


الثناء والمدح تستاهله وابوك
عشت يادكتور حاز النجاح وناله


دامت افراحك شهور وسنينها
ياعريب الجد والخال يالهمام


والنعم جدك والاخوان والعمام
كل واحد مطلق وينعرف بافعاله


والنعم وافعالهم خابرينها
وأل سالم عزوتك كلهم شموخ


والقبيله كلها اعيان والشيوخ
المحبي رافع الراس راعي طاله


والقبايل بالمدح جامعينها
والنسيب نقول به والنعم نعمين


عاش من كل الشدايد معه تلين
من قبيله جارهم مايكدر باله


حاجته تنجز وتقضى بحينها
يالله ديم الامن وتعزبن سعود


وانصر الجيش المرابط على الحدود
الوطن غالي ودونه تذود رجاله


ماتخلى عن وطنها ودينها
والله يجمعنا على الخير والرشاد


واهدنا يالله إلى الحق والسداد
مابيبقى لابني ادم يكون اعماله


يالله في حسن الخواتم وزينها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

العيد الوطني88

https://poetsgate.com/img/divider_1.png
دام عزك ياوطنا وعيدك كل عام


بالرخاء والمجد ياموطني عيدك يعود
رفرفي ياراية العز يارمز السلام


راية التوحيد فيها عن الرايات زود
في وطنا مهبط الوحي والبيت الحرام


قبلة الاسلام واطهر مكان في الوجود
من وطنا شعشع النور وانزاح الظلام


وتم دين الحق رغم النصارى واليهود
اشهد انك ياوطن مايوفيك الكلام


لك علينا حق نسقيك من دم الكبود
أعظم الأوطان واللي يقودونك عظام


ضيفنا نستقبله بالبخور وبالورود
والعدو نستقبله بالسيوف وبالسهام


ثابتين على قيمنا وعادات الجدود
وجيشنا الباسل مسيطر على كل المهام


من قرب من حدنا نقبره قبل الحدود
فالربوعه جيشنا حطم الحوثي حطام


نفتخر ياجيشنا فيك ضباط وجنود
كل يوم لك على الخصم هجمه واقتحام


بالصواريخ التي صوتها مثل الرعود
تحرسون الحد واحنا بامان الله نيام


يعلم الله مانسينا لكم ذيك الجهود
فعلكم يوصل إلى ايران ويهز النظام


قلتها صادق وعندي على قولي شهود
الله ينصركم على أذناب طهران اللئام


والذي نال الشهاده لجنات الخلود
وأدعي الله يحفظك ياوطنا فالختام


في ذرا سنة محمد ودولة بن سعود

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

سوق التداول كلما ينتفض طاح

https://poetsgate.com/img/divider_1.png
سوق التداول كلما ينتفض طاح


وصارت الأوضاع جداً خطيره
شوف الخسائر جاوزت كل الأرباح


وعجز ينقذ سوق الأسهم مديره
نعم تحول سوقنا هرج وصياح


نمسي ونصبح ما تقرر مصيره
مابقي فيه إلاكوابيس وأشباح


والا غراب البين ينعق نذيره
واللي يحسّب وأش بقي معه وأش راح؟


ويذرف على حلمه دموعٍ غزيره
اللون الأحمر نعرفه دم وجراح


وأول ضحايا السوق ناسٍ فقيره

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ردعلى مرثية الشاعرمصلح بن بطحان السحيمي

https://poetsgate.com/img/divider_1.png
مرحبا يامن يوفي الموجبات


عشت يامصلح بخيروطيب فال
النشاما في وقوت النايبات


مثل شرواكم شواربهم طوال
يالسحيمي والنعم وانتم ثقات


يالرجال اللي يشيلون الثقال
والشهيدالله عطاه أجمل حياة


قالها الله مابعد قوله مقال
وجيشنا مثل الجبال الراسيات


لوتهب الريح ما هزت جبال
دكوا الحوثي بقصف الطائرات


عاقبة عفاش واتباعه وبال
والمدافع فالجبل والراجمات


والمعادي في طريقه للزوال
العدوا مهزوم من كل الجهات


بس محتاجين صبر وطول بال
وأدعوا الله من قلوب مخلصات


ان ينصرناعلى قوم الظلال
وإن لقينا فالحياة منغصات


نطلبك فالعون يارب الجلال

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

قلت للدنيا عسى بكره تزين

https://poetsgate.com/img/divider_1.png
قلت للدنيا عسى بكره تزين


قالت ايه ابشر وجنب الزين قاف
بس ماهو لاشمال ولايمين


فالوسط بالضبط مافيها خلاف
قلت يكفي ماحصل لاتكملين


يكفي العنوان ذا فوق الغلاف
قالت اصبر واحتسب والله يعين


بوك واجدادك مشوا مني خفاف
وانتبه من نزغة ابليس اللعين


الحذريغويك في تالي المطاف
قلت ماابغى شي دخيلك تسكتين


وايش عندك لي سوى السبع العجاف
ماعطيتي بوي واجدادي سمين


ثم قدمتي دليل واعتراف
بس ودي انشدك يادنيا ل مين


خضرتك مادام بستانك جفاف؟

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ليت بعض الأوادم باصمه

https://poetsgate.com/img/divider_1.png
عزنفسك عن أشباه الرجال


لاتطاوع قليل الخاتمه
ولاتتابع كلام القيل قال


أثمه نفس راعيه أثمه
ولاتجادل مع اصحاب الجدال


خل كلمتك كلمه حاسمه
ولاتكلم بوقت الإنفعال


صن لسانك وخلك حاكمه
والخطاء لو كبر حجمه وطال


أخره ينتهي في داعمه
مثلما قيل في ضرب المثال


ليت بعض الأوادم باصمه
والله أعلم ولله الكمال


مافي الصدر ربي عالمه

عيسى المحبي