رد: اخترنا لكم
 

‏ياناكر العشره ترا الوقت دوار
‏واعلمك مع الوفا والامانه

‏رحتي وخليتي للايام مقدار
‏في ذمتي يم الحسد والخيانه

‏روحي بدربك ماترجعك الاعذار
‏الحر مايقبل عليه الاهانه

.....

رد: اخترنا لكم
 

‏اغربي ياشمس واطفي قناديل النهار
‏مع ظلام الليل معنى السكينه يبتدي

‏ودّنا نستكشـف الكون ونرود المدار
‏من منازل عمّنا سهيل لنجوع الجدي

‏في فضا من كوّن الكون وابدع باقتدار
‏مُتّسع لـ احلامنا والسلام السرمدي

‏تبصِـره وايمان باللي خلقنا وافتكار
‏وانعتاقة روح من بوتق النفس الردي

.....

رد: اخترنا لكم
 

‏محبتي لك نقاها مثل بيض القلوب
‏ماهي محبة ابي سنابك وصور وألو

‏وبكره لاطال الطريق وظلمنّ الدروب
‏تدرين بإن المحبه واهلها ماخلو

‏قالت كلامك حلو لكن شكلك كذوب
‏وانا ماحب الكذوب اللي كلامه حلو

.....

رد: اخترنا لكم
 

‏تمر فالبال عادي من يرد الشروق
‏تسيل للخد طيب من يحب الضمى

‏بتروح عادي ولكن إحذر تروح فوق
‏انا اقدر لكل درب الا طريق السما

.....

رد: اخترنا لكم
 

‏الحب خلّانا مجانين واغراب
‏لين اكثر اللي مايحسّون حسّو

‏طعم الفراق اللي يجي بين الأحباب
‏ما يفرق بواجد عن الأسبريسو

.....

رد: اخترنا لكم
 

‏أعذريني لا طلبت العذر وارضي يا مليحه
‏واستغلي فرصة أحلامي قبل يمكن صوابي

‏كيف قلبك يخفي المشروه وعيونك صريحه
‏المعاتب بالعيون أقسى من طعون الجنابي

‏أقلطي بأسلوبك الطاغي على صدر القريحه
‏واستقري لين تجنين العذوبة من عذابي

.....

رد: اخترنا لكم
 

‏يومها بين إيديني والغلا عادي
‏ويوم قفت تفجر حبها فيني

‏كنها حطت التوقيت بفؤادي
‏لا مشت حبها يفجر شراينيي

‏قبل تقفي وأنا متماسك هادي
‏وعقبهآ ضاق كل الكون فينني

‏غلطتي كنت مترآهي ومتمآدي
‏وكنت أحسب الزمن والوقت يمديني

‏وأثر من لا تغانم فرصته غادي
‏اه يا فرصةٍ ضآعت من سنيني

.....

رد: اخترنا لكم
 

يارب والحاجة اللي بخاطر أحبابي
‏لا تغرب الشمس إلا وأنت قاضيها

.....

رد: اخترنا لكم
 

ما يخفّف ضغط الأيام وظروف الحياة
‏غير قرب اللي تحبّه وتستانس معه

.....

رد: اخترنا لكم
 

‏الجمايل باقية إلى الأبد
والوفاء لأهل الوفاء طول السنين

والنقاء والطيب ما هو ملك حـد
غير أصحاب النقــاء والطيبين

.....

رد: اخترنا لكم
 

حبك عتيبه وقلبي نجد وهضابه
ومتربعن فيه من حدك ليا حدك

.....

رد: اخترنا لكم
 

لاعسعس الليل زادت وحشتي وينك
الصوت ما يوصلك والشوق ما جابك

شكراً بحجم الغلا اللي بيني وبينك
والّا بحجم الجروح اللي من أسبابك

.....

رد: اخترنا لكم
 

سلام وصباح الخير واهلاً وحييت
سلام شرع الله من الروح والعنق

ماعندنا الا سلمنا كل ماجيت
خلك من اللي صباحهم قودمورننق

.....

رد: اخترنا لكم
 

أثبت لك اكبر دليل إن الزمن جاحد
‏وإن المفاهيم عند الناس مختلطه

‏أفعالنا الصح يلغيها غلط واحد
‏وأفعالنا الصح ماتلغي ولا غلطه

.....

رد: اخترنا لكم
 

تمرك العابرين وما تسلم عليك
إلا غريب طوته الأرض بسنينها

قال أنت جالس لحالك تنتظر من يجيك
قلت أنتظر نفسي اللي ماعرف وينها

.....

رد: اخترنا لكم
 

لاتستهين بشوق الاحباب وتروح
وتقول جرح ودمعتين وعبرا

الشوق وحشة روح من غيبة الروح
ماهو بجرح ايدين يدمي ويبرى

.....

رد: اخترنا لكم
 

‏صاحبي لو كان للناس والدنيا أمان
ما تموت زهور الأحلام قبل نشمَّها

.....

رد: اخترنا لكم
 

كل غالي من غلاته ما نخيّب ظنه
‏وأنت عاد الغالي اللي ماوراك ودونك

.....

رد: اخترنا لكم
 

الحب غفوه نوم في جفن سهران
سحابه الاشواق والوصل ديمه

والبعد جرح انسان ف داخل انسان
تبطي وسومه بالحنايا مقيمه

.....

رد: اخترنا لكم
 

الكلمه الطيبه لو هي مجرد سلام
يبقى لها في قلوب الناس قيمه واثر

.....

رد: اخترنا لكم
 

حسن النوايا في زمنّا ولا شيء
‏مذموم لو تعطي الخلايق عيونك

.....

رد: اخترنا لكم
 

ماجيت احبك حب مثل المحبين
جيتك غلا بحساس قلبي يوده

اهديك روحي بالغلا ومحجر العين
أبني غلاك بقصر ماحد يهده

وافرش لك بالصدر ورد ورياحيين
واسقيك من نبع الحنان الموده

واكتب قصيد الحب فيك بقوانين
دستور ما غيرك بشر يستمده

‏يبرق غلاك وسط قلبي مثل الماس
ويشـع نوره فوق الارض وفضاها

ميزتك في وسط قلبي بالإحساس
وبعض المشاعر صعب يوصف مداها

.....

رد: اخترنا لكم
 

‏يا صباح الخير والدنيا عوافي
‏ابتسم وابدا صباحك وأنت رايق
‏
دامها تشرق ودام الجو صافي
‏أذكر الله واشكره لو كنت ضايق

.....

رد: اخترنا لكم
 

‏سـلام مثل الغيث تحيا بـه القاع
‏يحيي قلوبن مـا تـحـب القطيعه

‏قـلـوب تربطها الاخـوه بالاجماع
‏تتبادل المعروف فـوق الوسيعه

.....

رد: اخترنا لكم
 

يا الله بفضلٍ منك يغني على خير
‏ما يحني الهامه ولا يرخص الوجه

.....

رد: اخترنا لكم
 

مساء الامل بالله والخير والتوفيق
مساء الظنون الطيبه بالقدر كله

ترا الابتسامه والبشاشه تفك الضيق
تبسم وقل هالابتسامه لوجه الله

.....

رد: اخترنا لكم
 

الصداقه والمعزه وقرب الطيبين
والوفاء والجيره وغيرها حب الخوي

والكرم والبر وحب الوالدين
مكسبي ما دام قلبي على الدنيا قوي

.....

رد: اخترنا لكم
 

‏بيني وبين الحب رمـــــز وإشارات
افهم حروفه قبـــــل يفهم حروفي

يكتب لي الكلمه ويتـــــرك فراغات
واترجم المقصود فـي وسط جوفي

وإن غاب عن عيني تجيني علامات
ويزيد نبض القلب من كثر خــــوفي

.....

رد: اخترنا لكم
 

‏خلك بسـيط وحب للعـالـم الخـير
‏حبك لفعل الخير يعكس تواضعك
‏
‏وعلى كثر منت متواضع مع الغير
‏على كثر ما الله مع الناس يرفعك

.....

رد: اخترنا لكم
 

خذها كذا من شخص يتقن البوح
عندالعرب حيل الوفا حيل شايب

لاصار بين الناس مايكسر اللوح
إياك تمشي في دروب المعايب

واحرص على ماطاب ياطيب الفوح
خلك كما الأزهار بين العشايب

ياليت نصحى والتهاديل بالدوح
في كل صبح والفكك للصعايب

وانعيش يوم قبل الروح ما اتروح
فيه السعد يترك مشد الركايب

.....

رد: اخترنا لكم
 

يازمن العجائب وش بقـا ماظهـر
كـل ماقلت هانت جد علم جديد

ان حكينا ندمنا وان سكتنا قهـر
بين قلب عطيب وبين خـل عنيد

.....

رد: اخترنا لكم
 

‏لاتوعد بشي واحسـاسك مهو قده
‏تـرى المشـاعر ثمـينـه والـوفا نـادر

‏لاتجـازي اللي عطاك الود بالصـده
‏ماكل قـلب على حفـظ الغـلا قـادر

.....

رد: اخترنا لكم
 

‏ما كل مستشفى علاجه يداويك
‏ولا كل دكتورٍ يداوي جروحك

‏جرحك علاجه يووم خلّك يناديك
‏هـذا علاج القلب وعلاج روحك

.....

رد: اخترنا لكم
 

بعض البشر لا غاب نفقد جنابه
لو ما سألنا عنه غـالي ومقبول

وبعض البشر لاغاب قلنا غيابه
أفضل وليته دايم الدوم مشغول

.....

رد: اخترنا لكم
 

عمر البحر مالتفت للي رماه بحصاة
يبقى هدوءه لنا عبرة وموجه خطر

لاتترك الهم يفقدك الفرح بالحياة
مابعد طول الجفاف الا هطول المطر

.....

رد: اخترنا لكم
 

‏احيان مالي مزاج اكتب ولا حاجه
‏وأحيان قبل اكتب الأبيات تكتبني

‏وأحيان ما اطيق كل الخلق وأزعاجه
‏وأحيان حتى ضجيج الناس يعجبني

.....

رد: اخترنا لكم
 

‏الشــك مـــايدخل قلــــوب الـــواثقين
اهل العقــل والعــرف وابعاد النــظر

والصبـــر خصله طيبــــه للصـــابرين
اللـــي لجيت اوصف معانيهم بحــر

لاصار هادي شفت فيه المــبحرين
وان هاج ما للـــي علــى موجه مفر

.....

رد: اخترنا لكم
 

كن صافـــي النيه وتوكل على الله
من كيد عدوانك يصونك ويحميك

ارفع مقامك عــن علوم المذله
وربك على طيبة نواياك يعطيك

واللي يثير الـــشك والكره خله
ارسم علــــى بيض النوايا مباديك

.....

رد: اخترنا لكم
 

‏خلك مثل نجم ٍ تعلى عن القاع
كلاً يشوفك بس ما ياصلونك

وخلك على كلمة نعم دوم طماع
افعل وغصب عنهم يمجدونك

عدوان عينك ترتخي لك وتنصاع
من زود طيبك فوق ما يلحقونك

تحرق بهم بالطيب ولكل لك طاع
من طيب راسك كلهم يسمعونك

واسلم وسلم وحفظ العلم بالساع
أن كان تبغي العز ثبت اركونك

.....

رد: اخترنا لكم
 

وفيك من وضحى يمارى بها بين الحلال
‏من غلاها راعي الابل ماهوب يسوقها

‏لابغوها اهل الملاين مرخين الريال
‏حبها في قلوب اهلها موقف سوقها

.....