رد: ديوان قصائد لشعراء المملكة العربية السعودية (متجدد)☘️☘️
 

إن رضيتوا وإن زعلتوا كسرناالإحتكار

https://poetsgate.com/img/divider_1.png
ابكوا ابكوا يالذليلين من قهر الحصار


وارتموا في حضن طهران والا ف انقره
كم نصحناكم في السر واحيانا جهار


ولد موزه مافهم يوم سلمان انذره
وكم حمينا الجار لكن جار السو جار


نعمل المعروف والهيس الاربد ينكره
انتهى وقت الحسايف ووقت الاعتذار


وانتهى وقت الوساطه ووقت الفرفره
الكبار كبار وانتم صغار يالصغار


ومن يكبر حاجته بالخرق ماتكبره
ياجزيرة شرق سلوى وطاكم كل عار


نفعل ان قلنا ولافيكم الا الثرثره
عاش بي اوت كيو يوم دمركم دمار


ثم راهنتوا على من رهانه يخسره
إن رضيتوا وإن زعلتوا كسرنا الإحتكار


ياجزيرة شرق سلوى تروكم مسخره

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

لاتجيبين سيره للوداع

https://poetsgate.com/img/divider_1.png
لاعزمتي وقررتي الرحيل


لاتجيبين سيره للوداع
شوفتك فالوداع تهدحيل


يأس واحباط شي لايستطاع
علقيني بأمل لومستحيل


الأمل والرجاء فقده ضياع
وأمسحي دمعة الطرف الكحيل


والبسي ساعة الرحله قناع
واخفي الوجه والجسم النحيل


وسرنا يالحبيبه لا يذاع

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

بيضة الديك

https://poetsgate.com/img/divider_1.png
بعض العرب شعره كما بيضة الديك


وكل أموره مثل بيض الدجاجه
إن سرت بعده للمزابل يوديك


وإن قلت تسمع له فهرجه سماجه
شوري من الأشكال ذي تغسل يديك


مالك إلى مثله وشرواه حاجه
أبعد عن الجربان قدام تعديك


ترى الهمج مافيهم الا الهماجه
لا فزعته تنفع ولاشور يهديك


أعوج ولا ياجي بغير العواجه
عسى ألف لحيه من شراويه تفديك


وعساه يزعل لين يخرج عجاجه
ومادام رجل الديك تاجيك بالديك


فالديك يخضع لامسكت الدجاجه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

سعيد وسعيده

https://poetsgate.com/img/divider_1.png
ماكل من يضحك سعيد أوسعيده


ولاكل تاجر يجمع المال مرزوق
ولا كل من يزحر يطلع قصيده


الشعر شعر الفتل والنقض والذوق
وبعض العرب لوغاب ماهو فقيده


وإن جاه شي ماقيل يسلم من العوق
وبعص العرب لويجلس على الحديده


والاعلى المسمار لاصار مزنوق
شكواه للشامت بجرحه يزيده


لو هو سكت مادري بالعلم مخلوق
لكن فضح به ولاهي جديده


اللي تعود نشر الاخبار فالسوق
من يحسب المعصوب مثل العصيده


ماهو بعيد يسمي القرص مرقوق

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

من قال ذي الحرمه رجل قيل الرجل هذا مره

https://poetsgate.com/img/divider_1.png
بقول لي كم بيت مادام إن للكلمه مجال


وأطلب من الله الهدايه والتقى والمغفره
إن جت على ما نمتني وألا فلله الكمال


وإن ضاق أحد من كلمتي يصبر تروها غشمره
بعض الكلام يقال لكن به كلام مايقال


وترى القليل من الكلام الزين خير من أكثره
وترى النقاش بعقل خير من التناقر والجدال


أقنع رفيقك وإن عجزت تقنعه لاتخسره
طرح المواضيع بهدو والرد من غير انفعال


البعض رايه صح لكن الطريقه منكره
خلك رجل والمرجله ماهي بثوب ولاعقال


المرجله تبقى بصفحات الرجال مسطره
المرجله فعل الرجال اللي يهدون الجبال


أفعالهم تشهد لهم سيبك من أهل الثرثره
ذولا الرجال الصدق ماهم من فيئة روح وتعال


ولا من اللي لاعرف سرك بسرعه ينشره
وتروه عيب على الرجل نقل الكلام وقيل قال


وأكبر خطاء يلحق كلامك ساكنين المقبره
والحقد والحقره وتقديم الحريم على الرجال


ومن قال ذي الحرمه رجل قيل الرجل هذا مره
بعض العرب ينسج من الكذبه قصائد وإحتفال


ويصنع من الهين بطل ومن الفضايح مفخره

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

واي فاي

https://poetsgate.com/img/divider_1.png
وأيش أخرتها يازمان كويك نت وواي فاي؟


ماأقول غير الله على ماتفعله فينا يعين
جبت المصايب يازمن والعالم الله وأيش جاي


ضيعتنا وأبلشتنا وأحنا بدونك ضايعين
وأظهرت ماتخفي بيوت الناس من زاد وماي


وبينت بعض أشياء خفيه مايجوز إنها تبين
حتى سلام المسلمين اصبح هلو وأحيان هاي


وإن ماعرفنا هاي قالوا هالبشر متخلفين
واليوم ناوي ترفع الأسعار وتزود شقاي


وموبايلي وعذيب ماراعوا مشاعرنا وزين
وأنا مع وفي لكن ماقدر وفاي


ماقدروا بيجر ولامودم ولاعشرة سنين
العالم الله كم دفعت لهم وهذا هوجزاي


الله يجازيهم قسوا وتغيروا في غمض عين
لو نقلب إسمك ياتصالات إلى مصاصة دماي


ياكم دفعنا لك وبعدك جايعه ماتشبعين
ماعندي الا أدعي عليك وربنا يقبل دعاي


حسبي عليك الله وجعلك خاسره ماتربحين
عسى يجي غيرك واقول بالانجليزي باي باي


والا بلهجتنا نقل لك فارقي لا ترجعين

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ياموطني

https://poetsgate.com/img/divider_1.png
ياموطني عشت يارمز السلام


يامهبط الوحي يا أغلى ثرى
يامنبع النور ذايمحى الظلام


وفيك طيبه وفيك أم القرى
وضيوف ربي تزورك كل عام


وعلى ترابك ربى خير البرى
وكتاب ربي لموطنا نظام


يدري بدستورنا اللي مادرى
وخير ماأقوله ومسك الختام


وخير ما يكتب وما ينقرى
على محمد صلاتي والسلام


عداد مالدم بعروقي جرى

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يقول عيسى وعيسى يرفع أقواله

https://poetsgate.com/img/divider_1.png
يقول عيسى وعيسى يرفع أقواله


ويقول من رأس ماهو ينسخ أشعاره
إن جاء على الكيف نظم الشعر وأمثاله


والا أطلب العذر والأجواد عذاره
غلطان من يحسب إن الوقت يصفى له


وإن صفي تاره يعكرها مية تاره
يمضي بنا الوقت من حاله إلى حاله


وتدور الأيام والأيام دواره
يموت الإ نسان ويحاسب على أعماله


ولا بياخذ معه ماله ولا داره
قارون وأيش إكتسب من كثره أمواله؟


وفرعون لم ينقذه جيشه من أقداره
وكلنا يعلم إن القبر منزاله


وأما إلى جنته والا إلى ناره
وكل واحد بيسكن قبره لحاله


وحده يحاسب ووحده يحمل أوزاره
نعوذ بالله من الشيطان وأفعاله


خسران من طاوع الشيطان وأشواره
وخسران من زاد سياته بجواله


وخسران من قال قول يقل مقداره
وخسران من قال ما يخطر على باله


وخسران من ضاق صدره يكتم أسراره
يكشف نواياه وأسراره من هباله


عند الذي في ثواني ينشر أخباره
ما يكسب القاله الا راعي القاله


والناس نوعين فعاله وثرثاره
واللي يحارب بسيف الغير وسلاله


مثل الذي يستعير الشي من جاره
والكيد لوكان يقتل ماتوا خلاله


والحر من يفهم التلميح بالشاره

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

الله يديم الأمن

https://poetsgate.com/img/divider_1.png
عبدالله بن يحيى:

الله يديم الأمن ويعز سلمان


اللي وضع للشعب بالشرع قيمه
طوع عصات الأمر بالسيف ملحان


وأخذ بحق الأبريا واليتيمه
أرسل رساله لزمرة الشر وايران


مضمونها مانرتكي للهزيمه
يعني هل العوجا طويلين الايمان


ضد التطرف والنفوس اللئيمه
........

ردعيسى المحبي:

هرجك صحيح ولك على القول برهان


والأمن والإيمان يالله تديمه
الحمد لله مملكتنا لها شأن


ودولة التوحيد دوله عظميه
نحكم بشرع الله وللعدل ميزان


ونواجه الظالم بحزم وعزيمه
وأيران واللي له جواسيس واعوان


نشبهم شب اللهب في هشيمه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

من يوصل علمي الشيخ ويقله

https://poetsgate.com/img/divider_1.png
من يوصل علمي الشيخ ويقله


صاحبك مرضان منهاره أعصابه
شف عيونه تذرف الدمع وتهله


ما ينا م الليل عقب الذي صابه
حالته ما تعجبك من فقد خله


معتزل في غرفته مافتح بابه
وأنت تقدر تنهي الوضع وتحله


شوف له حلن يريحه ويرضى به
وأنت خابر مبتداء العلم والعله


وأنت من قاده إلى الحب وأسبابه
كان لك مقصود تغويه وتظله


أجمعه باللي يريده ويهنابه
مثلما زينت له سكة الزله


تمم العلم الذي مثلك أدرى به
وأبشر إنه يخد مك لابرد غله


لاتضيع فرصتك وأكسب أعجابه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يدوم لك البقاء

https://poetsgate.com/img/divider_1.png
يدوم لك البقاء ياللي ترحب وأنت راعي الجود


نجاوبكم بعدطول أنتظاري وأسر ياساري
ونطلبك السموحه لو توخرنا في المردود


مشاغلنا كثيره وأنت داري وأسر ياساري
إلى منك قبلت العذر هذا قصدنا المقصود


عساكم ماتردون إعتذاري وأسر ياساري
قعدت آحرف المعنى كما تحريفة ألهالود


عجزت أعرف يميني من يساري وأسر ياساري
وراعي البندقيه قام يقنص فالليالي السود


وله ختلات في وضح النهاري وأسر ياساري
وبعض أوقات يطلقها ولاعنده هدف محدود


يعبرها بطلقات كباري وأسر ياساري
نصيحه وخر البندق عن الفساق ياجلود


ولا تعمل لها أعلان تجاري وأسر ياساري

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يامملكتنا

https://poetsgate.com/img/divider_1.png
يامملكتنا وصلتي كوكب المشتري


وأنتي على قمة الأمجاد متربعه
مادام سلمان قادك فأفرحي وأفخري


قائد مظفر وكل الطيب من منبعه
والأمن في يد أمينه يابلدنا ابشري


وغير صوت الهدي والحق مانسمعه
ماهمنا من يخالفنا ومن يفتري


الضربة اللي ضربها بوفهد موجعه
لاولد صالح ولاالحوثي ولاالمسعري


الشعب واعي وماقال الملك نتبعه
ولانتابع سفاهة غانم الدوسري


أيران وأذنابها تكثر من الطرطعه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ياوقت ماودك ترده؟

https://poetsgate.com/img/divider_1.png
ياوقت ماودك ترده


ياوقت ياللي خذا خلي
ياوقت ماقوى على بعده


هذا حبيبي وهو كلي
ويلاه لو كنت في جده


لاأحج وأصوم وأصلي
ليته يجي لو بعد مده


ياليته يحن ويطلي
أنا أعرفه مانوى الصده


ولاهو انسان متغلي
لكن شوقي وصل حده


ياعين من دمعتك هلي
واللي دموعه على خده


لاتنشده ليش يبتلي
واللي زمانه وقف ضده


إن ماصبر مامعه حلي
ماجت ظروفه على وده


الحظ طايح ومتخلي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

وأول حروف اسمي على صدرك ونبضك تكتبه

https://poetsgate.com/img/divider_1.png
عطني يدينك مدلي كفك أحب أنظرإليه


وأتمتم إني عاشقة عيسى وغيره مارغبه
بكل أنانيه تعلق قلب قلبي بس فيه


يبغاك له وحده وهو ماغير عيسى حل به
أعشق تفاصيلك وحاï»»تك وهمسك أشتهيه


وأبغى حنانك يحتضن عيني فهي به معجبه
سعادتي حضنك وصدرك يحتويني وأحتويه


هولي خصوصي وأنتبه لاغيري أنا يقربه
لوأستطيع أخفيه ماغيري بشر ينظرإليه


وأول حروف إسمي على صدرك ونبضك تكتبه
حبيبي المجنون كم تذبحني الغيره عليه


يحبني بجنون وأحبه بعد وأجن به
حنانك أفسدني وجاريته بحنيه وتيه


وأبغى حضوره كل وقتي بس ماحب أتعبه
شعرالغزل والوصف والقول الجميل أموت فيه


ومن جنونه صارلي فالشعركم من تجربه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

العام الأول قلت باروح للصيد

https://poetsgate.com/img/divider_1.png
العام الأول قلت باروح للصيد


ومطارد الغزلان عندي هوايه
وشفت ريمن بالفلا يقطع البيد


وقلت ذاقصدي وغاية منايه
قالوالي أهل المعرفة مامعك فيد


الأرض محميه عليها حمايه
والصيد يبداء موسمه لاأنتهى العيد


والريم بهذل ماهرين الرمايه
أحذر على نفسك هل الغدر والكيد


صيد المها في غير وقته جنايه
حماية البئية تراهم مراصيد


ماشغلهم غير الحرش والوشايه
قلت اسمعوني يالرجال الأجاويد


اللي سمعت من النصائح كفايه
ولا يرجعني عن القنص تهديد


هذا قراري لوتكون النهايه
نويت مشي الدرب لوفيه تعقيد


ان كان مشيه صح والاغوايه
ماآحيد عن ذاالرأي ماأحيد ماأحيد


وأنا الذي مايقنع إلا برايه
لا شك قنص الصيد محتاج تمهيد


ورتبت أموري وأبتديت الحكاية
حددت مايحتاجه القنص تحديد


وخططت للموقف بكل العناية
وأعددت عدة تكفي الصيد وتزيد


ثم أبتديت السير حاسب خطايه
جندت طاقاتي لذا العلم تجنيد


يوم الله أشقاني وزود عنايه
وبديت قنصي من بعيدن إلى بعيد


ورسمت شكل المنطقة فالبداية
ثم أبتديت أراقبه فالمواريد


وآقول يالله لا تخيب رجايه
بذلت في قنص المها جهدن جهيد


ومرت سنين ولاوصلنا لغايه
وبعدما بددت الأمال تبديد


وهونت من قنص المهاء والغزايه
جاني المها من غيررمي وتسديد


يمشي على رجليه قاصد لقايه
أثره وليف ولايحب المشاريد


متعود أحضان البشر والرعايه
ولاهو بمحميه ولافيه تشديد


وقولهم ما أحدن يصيده دعايه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

لاصباحي جميل ولا نهاري سعيد
لاصباحي جميل ولا نهاري سعيد


وأين بالقا الفرح والخير من دونها
‏والله إن الفرح والخير عني بعيد


وإنه أبعد من عيوني عن عيونها
‏أذرفي ياعيوني دمعتك من جديد


وأذكري سالفة ليلى ومجنونها
كل حزنك رجع لك وأبشري بالمزيد


بس داري دموعك لا يشوفونها
عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

لاصباحي جميل ولا نهاري سعيد

https://poetsgate.com/img/divider_1.png
لاصباحي جميل ولا نهاري سعيد


وأين بالقا الفرح والخير من دونها
‏والله إن الفرح والخير عني بعيد


وإنه أبعد من عيوني عن عيونها
‏أذرفي ياعيوني دمعتك من جديد


وأذكري سالفة ليلى ومجنونها
كل حزنك رجع لك وأبشري بالمزيد


بس داري دموعك لا يشوفونها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

قولوله

https://poetsgate.com/img/divider_1.png
قولو له إنه سرق قلبي ونبضاته


وقولوا له إنه قريب أقرب من أنفاسي
وقولوا له إن غاب لا يبطي بغيباته


ما أقدر على غيبته لا يجرح إحساسي
وقولوا له إن ضاق أنا أشعر به وضيقاته


وأضيق من ضيقته حتى شعر راسي
وقولوا ترى غيرته والصمت وسكاته


تجرح ضميري وتشعل كل هوجاسي
وقولوا له إنه يلمح في كتاباته


وأنا أفهمه وأتعذب بس لاباسي
وقولوله أحب حرصه وإهتمامته


وأحب حضنه ومجلاسه ومجلاسي
وقولوا له أحب شعره وأعشق آهاته


كلامه الحلو أحبه وأكره القاسي
وقولو له أفز حين اقراء حكاياته


وانسى معه كل من حولي من الناسي
وقولوله أموت في نغمة رسالاته


النغمة اللي صداها كنه الماسي
وقولوله أحب تكليجه وشطحاته


وأكيد عن بعض شطحاته مهو ناسي
وقولوا له أجن في حكيه وهمساته


وبالذات في حضرة انعاسه مع انعاسي
لالاتقولون له يقراءهو بذاته


ما أحتاجكم لأنه أقرب لي من أنفاسي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

تعال ارسم البسمه

https://poetsgate.com/img/divider_1.png
أنا ودي الرجعه ولا طاعت الأيام


وأريد أعترف لك كيف هي بعدك أوضاعي
ترى لاطرت لي ذكرياتي معاك العام


تحرك حنين القلب وتجدد أوجاعي
حبيبي ترى في غيبتك ضاعت الاحلام


وحاجه تفرق بيننا مالها داعي
أنا وأنت بعد الحب صرنا كما الأيتام


نعاني من الفرقا ولكن ماناعي
تعال إرسم البسمه ونعلن في الأعلام


حكاية هوانا اليوم تنشر وتنذاعي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

لوتسلى قلب عيسى مهو سالي

https://poetsgate.com/img/divider_1.png
حبنا عهد من الله ما خونه


وإن يبقى طول عمري على بالي
ياحياة القلب والروح وعيونه


الغلا لك وأنتي أغلى من الغالي
يا ... أنتي زينة الشعر وفنونه


وأدعي الله ربنا العالي الوالي
يسعدك ويبلغك ما تمنونه


فرحتك هي مطلبي يابعد حالي
شاعرك مجنون ويحب مجنونه


يبتسم والقلب والله مهو خالي
نفترق بالحب وأسرار مصيونه


مايعكر حبنا أنجاس وأنذالي
صنت حبك وأرخص الروح من دونه


قلتها والشاهد الله على أقوالي
خاتمة قولي وشعري ومضمونه


لو تسلى قلب عيسى مهو سالي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مرحبا بالمراسيل

https://poetsgate.com/img/divider_1.png
أهلا وسهلا مرحبا بالمراسيل


ترحيبنا مقرون بالورد والفل
من عند أبوعبدالله أغلى الرجاجيل


جتني رساله بالبريد المسجل
مجار ياللي تشكي الهم والويل


سلامتك من كثر مابك وماقل
العلم مايحتاج شرح وتفصيل


مثلك ذهين ويعرف الحل الأمثل
حل القضية في يدك مثل ماقيل


خذ صاحبك من ديرة الهم وأرحل
وأن كان مافي الجيب يحتاج تكميل


أبشر بنا ماغير قل حاجتك قل
وأشكي على الله همي اللي برى الحيل


أحس نفسي ياأبن الأجواد مختل
ودموع عيني غرقن المناديل


حتى فراشي صار بالدمع مبتل
أسهر طوال الليل وأراقب سهيل


عزاه ياقلبي من القهر والغل
أنا زرعت ولا جنيت المحاصيل


وأن قلت بانسى قام قلبي تدخل
بيني وبينه ذكريات وتهاويل


حلوالكلام وصاحبي تلها تل

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يصير والا مايصير

https://poetsgate.com/img/divider_1.png
جت وقالت هويصير أومايصير


أشتكي شوقي وأبين لك غلاك
هويصير أقول لك جرحي خطير


والدواء مايعرفه واحد سواك
هويصير إن كنت نائم فالسرير


أزعجك وأقول قم روحي معاك
هويصير أذوق حلوك والمرير


هو يصير أزعلك وأطلب رضاك
هويصير أقفز على كتفك وأطير


وأنت تحضني بلهفه وإرتباك
قلت علمي جاك بالخط القصير


والله ماواحد كما عيسى شراك
ياحياة الروح ياورد وعبير


أمري وأنهي وأنا روحي فداك
كلما قلتيه من سهل وعسير


أبشري به لو يكن فيه الهلاك
أبشري وأنا المصرح والبشير


كل شيء يرخص لعينك ياملاك
شكليني وأعصري قلبي عصير


أطلبي عمري وأقول العمرجاك

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مرحبا يالغالي

https://poetsgate.com/img/divider_1.png
مرحبا يالغالي اللي من غلا الغالين غالي


أغلي اللي يغلي الغالي ويازين الغلا له
مرحبا والشعر ياراعيه حلو وفن عالي


مكتمل واللي يعرف الشعر ماينكر جماله
قلت وأش رائك وجاوبتك على قد السؤالي


من سألني يأصله ردي على معنى سؤاله
يا عريب الخال مية نعم في خالك وخالي


ياسعد ياعازمي يا رجل من منبع رجاله
العوازم خابرين انهم رقوا روس العوالي


مامشوا درب الضياع ولا مشوا درب النذاله
ضيفهم يلقى الشحم واللحم وعلوم الرجالي


ومن نوى بالنية القشرى يجيبون العمى له
جاك ردي يالفطين وربنا راعي الكمالي


الله الكامل ولا نعرف كمال الا كماله

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

النظام

https://poetsgate.com/img/divider_1.png
البدع: حسن عامر ألرعيسى:

اشهد ان العاقل الفاهم يحب النظام


والفهيم ادرى بحقه وويش اللى عليه
والحياة اذا انتظم سيرها تبقى تمام


والحكيم يشير ويقدم الراي النزيه
يامدير قروبنا لك تحيه واحترام


والرفاقه كل واحد تحيتنا تجيه
واتركوا بعض التشدد تروا ماله لزام


خلوا الاخوان كل يقول اللى يبيه
والسوالف واجده والادب ملح الكلام


ومن تعدا عن حدود الادب تكتف يديه
لايصير قروبنا معلن شهر الصيام


ولا كنه عسكري ماعرف لبس البريه
..............

الرد: عيسى المحبي:

اسلم اسلم والسواليف من بعد السلام


السلام ابدى من النصح والرأي الوجيه
وأنت صادق كلمتك حق مافيها ظلام


وانتبه لا تلتفت للغشيم وللسفيه
القزم يقفز على أكتاف عالين المقام


وان سمح له قال للناس شوفوني هنيه
والله اني غبت في حشمة الناس الحشام


لاجل ماودي مع زلة التايه نتيه
واني لو دقيت بيبان ما يبقى لحام


واني ما ابقي قناع ن علي بعض الوجيه
غير خلينا الملثم ورا ستر اللثام


والذي يضحك مغفل ويفهمها النبيه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

الليالي تكشف الزيف وتبين الوجيه

https://poetsgate.com/img/divider_1.png
الليالي تكشف الزيف وتبين الوجيه


والعلوم الهينه ماربح من تبعها
والذي يخرس لسانه ولا انمدت يديه


ماشبيهه غير ذي تنعقر من ضبعها
واعلم ان النذل ترجع تدابيره عليه


الخساسه مالها مصدر إلانبعها
مااقبح الشايب إلى جاك بالفعل السفيه


واحتمل شرهه يطيح الجبل من ربعها
الذي من شب والبايره والعيب فيه


مثلما قال المثل ماتغير طبعها
طول عمره مامشى غير فالدرب الشبيه


واخذ من كل الفضايح ولاقد شبعها
لين صار الناس من شين طبعه ماتبيه


ماترد على هروجه يكون بصبعها
وان ذكر عند الرجاجيل قالوا طز فيه


قد دروا ماعمر نعجه تخوف سبعها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

سؤال وجواب

https://poetsgate.com/img/divider_1.png
بدع حسن عامر أل عيسى

.........................

ابنشد رجال العرف وانشد رجال الدين


وابالي جواب واضح يبري العله
عن اللى تعهد في غروس العنب والتين


الين اصبح البستان راوي وماشاء الله
وجاء واحد زود في السعر والتثمين


شراء الزرع والبستان ماابقى ولا قله
هو يحق للى قد تعب فيه قبل سنين


ولو يوم واحد يقضي الوقت في ضله
.............................

رد عيسى المحبي:

انا ما أحكم إلين أستمع حجة الأثنين


ونكشف خفى سر القضيه ونوصل له
وفي كل حال الظلم ياقع على المسكين


وياكم ضعيف ن يذرف الدمع ويهله
وياكم حقوق ن تنتهب تو شوف العين


وتعرف قضايا النهب ماهيب منحله
وذا ضيع الفرصه وجاء يشتكي ذلحين


يفتح عيونه ويتعلم من الزله

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يالله ياعالم بما تخفي السريره

https://poetsgate.com/img/divider_1.png
يالله ياعالم بماتخفي السريره


يالذي ماغيرك أحدن نشتكي له
يا من أغرق جيش فرعون ووزيره


وأبرهة ربي هزم جيشه وفيله
مرحباترحيبةن عطره كبيره


يارجال الدين واصحاب الفضيله
يا وجيه الخير ياشيوخ العشيره


أسمحوا لي يامراويس القبيلة
أدري إن أشعاركم جزله وفيره


والمعاني ماتفوت عن الجديله
أما أنا ماعاد فالمحزم ذخيره


من ثلاث سنين طفيت الذبيله
كلمة الشاعر معانيها كثيره


وأدري انها مزح لكنها ثقيله
الذي سولف بها ريح ضميره


لكن المغلول غله في غليله
ودي إن السر يبقى وسط بيره


وأش نبي في قاعة البير ونثيله؟
والله ماودي نخليها نثيره


والخوا في بعضها ماهي جميله
والسوالف في بدايتها قصيره


لكن إلى طولت صارت طويله

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ماياجيك باس

https://poetsgate.com/img/divider_1.png
ياسلام الله على درع جنبي واللباس


كيف أبوتركي واش اللي جديد من الأمور
ماتشوف الشر ومجار ماياجيك باس


ياعساه أجر ومثوبه وتمحيص وطهور
هذي الدنيا كذا يوم لين ويوم قاس


شدة وتزول والقادم أفراح وسرور
مالنا غير الدعاء والرجاء والألتماس


نرفع يدينا ونطلب من الرب الغفور
يامشافي ايوب من بعد صبر وبعد يأس


شاف أبوتركي وسلمه من كل الشرور
المرض لويفتدى كان يفداك الف راس


لكن المسلم على ماكتب ربي صبور
عادته لاحل مايقصد الاخير ناس


ينتقي الونعم وكنه حريص على الحضور
يالمرض بالله إذاعندك احساس وقياس


لاتصيب الكفو وان كان صبته لاتجور

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

بنت القبيله

https://poetsgate.com/img/divider_1.png
حبيبي ملهمي كل فن ونظم الأشعار


ولا يوجد مثاله ولابلقى بديله
خصوصا حين ينظم هواجيسي والأفكار


يرتبها وتصبح تشابهني جميله
أحب أكتب لمجنوني إلى غاب تذكار


وأقول تنظيم ماقلت حاجه مستحيله
وإلى مني كتبت أنتظر رده على نار


أحب أكتب ل عيسى وأفضفض وأشتكي له
يشجعني ويجري شعوري جري الأنهار


وأشيل حمول ياما أعتبرت انها ثقيله
أحبه حب طفله بكل عناد وإصرار


وتعجبني براة الطفولة والفضيلة
وعيسى حبني حب لاصاير ولا صار


ولا بيصير في قادم الدنيا مثيله
رفعني حب عيسى وحلق فوق الأقمار


وأحب أجلس معه كل يوم وكل ليله
يغار علي وأناعليه أجن وأغار


لو أحكي عن سواليف غيرتنا طويله
يجنني إذا قال أحبك سر وجهار


وإلى قال أفتخر فيك يابنت القبيله

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يامفرج هم من زاد به همه

https://poetsgate.com/img/divider_1.png
يامفرج هم من زادبه همّه


يا جليل الملك ياربنا الباري
يا من أمره يكشف ا لكرب وا لغمّه


دلنا ياعا لم الجهر وأسراري
والله إن القلب والروح منسمّه


والمصيبه من ذ بحني مهو داري
ياحبيب القلب يا قمة القمّه


غبت وغيابك يشوش لي أفكاري
لاتعذبني تراني في الذمّه


قلب حبك ليش تكويه بالناري؟
الليالي فرقتنا بعد لمه


لاأعرف أخبارك ولاتعرف أخباري
قلت لي لو يكره الطفل صدر أمّه


ماتفارقني ولا يطري الطاري
ياحبيبي تم عهد الوفاء تمّه


لاتفرق شملنا غصب وإجباري
لاتطاوع نا قل الهرج والنمّه


الذي بين البشر بالفتن جاري
ا لخبر من فايت الفوت يشتمّه


في عيوب الناس ينظر بمنظاري
مايعرف الصدق يعرف ولد عمّه


في لحوم الناس قطاع جزاري

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

الثقه متبادله بين الثقات

https://poetsgate.com/img/divider_1.png
يارساله واصله من مرسليها


مرسله ل معيض من بعض الجهات
قال أبو عبدالله أبدي الرأي فيها


والثقه متبادله بين الثقات
قلت ناولني الرساله وأفتليها


أثر راعيها موصي توصيات
طالبه بالوصف تسحر ناظريها


وأزموا عني بنيت على الصفات
الله يحفظها وبسم الله عليها


من عيون الناظرات الحاسدات
مايجيها يامحمد مايجيها


غير كل الخير وعلوم الثبات
يامحمد كانك الحلوه تبيها


لا تهيبك الدروب الشايكات
لا تراجع لو بروحك تفتديها


يرخص الغالي من أجل الغاليات
أحزم أمرك قبل يكثر طالبيها


مايفيد الحزن لو فات الفوات
مثلها لابد يكثر عاشقيها


خذ كلام اللي مجرب تجربات
ماتجي الدنيا علي مانمتنيها


صايبه مره وعشر خايبات
كلما جاتك بحاجه تشتهيها


ماتخليها بدون منغصات
مثلما قالوا حصاها في يديها


كن أصابعها مدافع راجمات
تمت الكلمه ولالي قصد فيها


غير نبدي راينا ومداعبات
قلتها والمعذره ياسامعيها


والختام علي الرسول أفضل صلاة

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

اصبر لجور الحب

https://poetsgate.com/img/divider_1.png
حييت يا من نظم الشعر حييت


من بو محمد لك سلام وتحيه
رسالتك وصلت وفالحال رديت


وأنا عرفت الباينه والخفيه
أصبر لجور الحب مادمت حبيت


وأش في يديه يوم تشكي عليه
أنا بعد من جور الأحباب عانيت


وأحس وسط القلب مليون كيه
ياما كتبت من القصايد وغنيت


للصاحب اللي مابعد شفت زيه
شيبت في حبه وأنا ماتهنيت


وأين العداله والقلوب النقيه
ماظني أسلى صاحبي لو تسليت


فالقلب حبه لين يوم المنيه
ماعاد ينفع قولنا لو وياليت


هات القلم والحبر وأكتب وصيه

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

التباهي بالوقاحه

https://poetsgate.com/img/divider_1.png
التباهي بالوقاحه وتقليد الرخوم


ماتعودعليك بالخير يامن حبها
والردي لو يرفعونه إلى فوق النجوم


لازم يعود على دمنته يكتبها
طبعه ينافس عليها وأخذ منها قسوم


وإن رفع خشمه على لحيته يضرب بها
والعلاقه بين هين وخاين ماتدوم


بعضها يضحك على البعض والله ربها
والتمدح بالفضايح وتكثير الرقوم


والذي يمدح هلايم تروه يسبها
وابتسامات النذاله وبوسات الخشوم


خاين العشره على الأغبيا يلعب بها
كلهم قدعرفوا إن قايمتهم ماتقوم


لكن الفاشل على عادته ماكبها
كل شي مكشوف والناس ماعادوا غشوم


راعي العله بنفسه يدور طبها
والعلوم البايره حول راعيها تحوم


الخساسه من تسلح بها ينشب بها

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

هذي خلاصة حبناوالحصيدي

https://poetsgate.com/img/divider_1.png
يامرحبابك عد ماي المحيطات


يامن تكلم بالكلام المفيدي
واللي يراسلنا تجيه الجوابات


بالفاكس والاعن طريق البريدي
أنا تفرحني علومك إلى جات


أقولها من جد والله شهدي
ياللي شكى من بعد الأحباب بالذات


ربك يسويها على ماتريدي
وتشوفهم بعد التعب والمعانات


ويصير بعد الهم قلبك سعيدي
تقدر تصل للي تريده ولو فات


والعلم مايحتاج جهد جهيدي
أنا الذي لاعاش حبي ولامات


وحالي بعد فرقى وليفي زهيدي
شوفت حبايبنا من المستحيلات


وقلبي على النيران يوقد وقيدي
ماعاد شفناهم ولو فالمنامات


والحظ عاثر ماتجمل ولاايدي
بعد الصداقه بيننا والعلاقات


أقفوا وخلوني لحالي وحيدي
صرت أجنبي عنهم وكنا قرابات


وهذي خلاصة حبنا والحصيدي

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

مايستحق الحب مثلك وشرواك

https://poetsgate.com/img/divider_1.png
خدعتنا يازين حتى هويناك


وكنا على كل المخاليق نغليك
الله قسم لك عندنا الحب وأعطاك


ومفروض تشكر نعمته يوم يعطيك
ياما سهرت الليل ويطيب ممساك


وإن نمت ساعه جاك طيفي يناجيك
أنا الذي يوم أنت مهموم سلاك


واليوم تنسى اللي كلامه يسليك
ياليتنا ياصاحبي ماعرفناك


خيبت ظني يالغضي والرجاء فيك
كنت أتحرى يوم شوفك ولقياك


واليوم ما ودي بدربي نلاقيك
مايستحق الحب مثلك وشرواك


يهناك ما حصلت منا ويكفيك
قطعت مابيني وبينك بيمناك


الله بما سوت يدينك يجازيك
شارك عديم الرأي وأعماك وأصماك


الله يزيدك من ظلاله ويعميك
شور الردي هانك وجابك ووداك


والعالم الله واين رايح يوديك
ربي كشف سترك وبين نواياك


تلعب على الحبلين من دون تكتيك
من عذبه حبك مع الوقت ينساك


لكن ما ينسى علومك وماضيك
لو ننشر الأخبار ياكبر بلواك


تصبح كما السلعه نبيعك ونشريك
هذا كلام ياصلك ويتعداك


وتشوف بعيونك وتسمع بأذانيك
إن كان ودك نستر العلم ياذاك


أقصر كلامك قبل نهرج ونوذيك
أنا أعرف أسرارك وعارف خفاياك


وأمسك رجول الديك تاجيك بالديك
لكن مابمشي على نفس ممشاك


وخله يفيدك من برايه يمشك

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

جددي ياعين دمعك

https://poetsgate.com/img/divider_1.png
جددي ياعين دمعك جددي


وأنثري ياعين فوق الخدماك
وأحزني يانفس والاحددي


الله اللي زاد يا نفسي شقاك
رددي ذكرى الفجيعه رددي


يوم جاك العلم الأقشر يوم جاك
وأشجبي ماصار والا نددي


لين كل الناس تدري وأش بلاك
بددي كل الأماني بددي


وادري إن اللي تودينه نساك

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ليتني ماعرفتك

https://poetsgate.com/img/divider_1.png
ليتني ماعرفتك ليتني


وليتني لاعشقت ولا هويت
وليتني حينما ناديتني


ليتني لاسمعت ولادريت
وليت مابالكلام أغريتني


وليتني لا كتبت ولا قريت
وليتني بعدما جافيتني


ليتني من بعد صدك نسيت
وليت لي حظ طيب وأمتني


بس ماعادينفع لو وليت

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

ترى الزعل ممنوع يامودماني

https://poetsgate.com/img/divider_1.png
بسم الله أبدى قبل تلحين الألحان


وقدام نظم بيوتنا والمعاني
يامرحبا والقلب بالود مليان


ياللي بمكتوبه تعنى وجاني
ياعائض أدعي ربنا يصلح الشأن


تراني أعرف مقصدك ما خفاني
هذا جوابي وأنت عاقل وفهمان


وترى الزعل ممنوع يامودماني
إلى حكيت أوزن كلامي بميزان


ومحرزه عن كل قاصي وداني
وألا أنت مثل الطيف لك سبعة ألوان


لاقلت ذاعلمك بدى علم ثاني
عاشق ومتفلسف وشاعر وفنان


وياخوفي إن العشر ترجع ثماني
الشعر له صوله وجوله وميدان


وإن كنت شاعر شد ظهر الحصاني
أقدم على الميدان ينطحك فرسان


ولايفوز إلاطويل اللساني
والحب لاتطريه لي بعد ماكان


هونت من درب الهوى من زماني
ماعاد قلبي يحمل هموم وأحزان


جربت من جور الهوى ماكفاني

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

يامرحبا ترحيبة دايم الدوم

https://poetsgate.com/img/divider_1.png
يامرحبا ترحيبة دائم الدوم


ياللي بمكتوبك ل عيسى تعنيت
أرسل جوابي لك مظرف ومختوم


وأنا إلى جتني المراسيل رديت
والمعذره ياخوك كنت أمس معزوم


وقريت مكتوبك بعد ماتعشيت
بينت شيء وشيء مخبى ومكتوم


وأقول لك رائي لو أعلنت وأبديت
أما تقول الصدق وتبين علوم


والا إعتبرني لاسمعتك ولا ريت
لاشك في قلبك هواجيس وهموم


ماجت لك الدنياعلى ما تمنيت
راعي الهوى حزنه على الوجه مرسوم


والحب ماتخفى رسومه لو أخفيت
الحب فيه الحق والعدل معدوم


وإن كنت ماتدري عنه ليش حبيت
دربك خطير وقبلك أمطاروغيوم


وإلى تعطل موترك ما تعديت
وماقدر المولى على العبد محتوم


ولايفيد في القدر لو ويا ليت
راعي الهوى يحتاج له صبر وعزوم


ياماسهرت من الليالي وونيت
أرعى نجوم تغيب وتبين نجوم


ولاجيت أسلي خاطري ماتسليت
وراع البضاعه ينزل السوق ويسوم


ولا يربح الاتاجر ذايع الصيت
والرزق بيد الله مقدر ومقسوم


وترى نصيبك مايفوتك لو أبطبت
وتراك ياعائض مقدر ومحشوم


ولوكان عندي مطلبك ماتوانيت

عيسى المحبي

رد: ديوان قصائد لشعراء المملكة العربية السعودية (متجدد)☘️☘️
 

طارت طيور الرزق

https://poetsgate.com/img/divider_1.png
أهلا هلابك عد ماهلت أمطار


ياللي بعالي الصوت ودك تنادي
علمك وصل وأسمع علومي والأخبار


شيء قديم وشيء منها جدادي
الجو حر وفالسماء غيم وغبار


ومن دون ماترجيه خرط القتادي
ماغير لاتكثر هواجيس وأفكار


طارت طيور الرزق والحظ غادي
أصحابنا داروا مع الوقت ذادار


أقفوا ونسيوا حبنا والودادي
نسيوا علاقتنا بلاسابق إنذار


قالوا فمان الله والأمر عادي
وخلوني أقاسي همومي ومحتار


سهران عيني ماتذوق الرقادي
أنظم بيوت الشعر وأدق الأوتار


قدلي ثمان شهور معلن حدادي

عيسى المحبي