رد: فوق هام السحب ( الشعر الشعبي) على متن القوافي
 

‏في عالم الغربة صدى تسمع لصوته حسيس
‏خلف حدبٍ تهاوى في ستاره قصدره

‏صهوة جواد المروٌه حوٌلت بردوف عيس
‏بين جفوى الآنام ماعاد تلقى ندٌره

‏ان تهادت تنادي با الغلا ليلاه قيس
‏وان تمادى نياها ضمٌت عيونه جمهره

‏الوفاء مات حسره والوفي حضه تعيس
‏ياكم كم وكم ناس كدٌر خطٌره

.....

رد: فوق هام السحب ( الشعر الشعبي) على متن القوافي
 

‏جالس اخاطب وحدتي غير القلم مالي جليس
‏والبوك يضحك له طرب ياشاف دم المحبره

‏اترجم افكاري نقى والفكر بالمعنى انيس
‏احيان يطلع بي سما واحيان يلم البعثره

‏الحر يجوب الفضا والذيب ما ياكل فطيس
‏والذات يسما شموخه عن مجال الثرثره

.....

رد: فوق هام السحب ( الشعر الشعبي) على متن القوافي
 

‏أنثى ولا مثلك أنثى في نسا العالمين
‏لو تنجب الحور حور في كل مطلع شهر

‏إن قلت فيك القصيد الزين تستاهلين
‏حقّك وحق الجمال الباهر المزدهر

‏إن جاز لك غايتي وإن كان ماجاز شين
‏والناس ماهمّني من ذمّ ومن أنبهر

‏تمشين وتطيح خلق الله يسار و يمين
‏هذا يبايعك خل وذا يقدّم مهر

.....

رد: فوق هام السحب ( الشعر الشعبي) على متن القوافي
 

ساعتي والحلم باقي تحتريك
‏والصباح يقول لي يمكن يُمر

‏انكسرت اكثر من اللازم عليك
‏وانتظرتك عمر ثاني بـالعمر

.....

رد: فوق هام السحب ( الشعر الشعبي) على متن القوافي
 

‏خلاص ماهو شرط تشرح ظروفك
‏أبعد وانا بصبـر على جور الايام

‏واذا غلبني الشوق واحتجت شوفك
‏بسكر عيوني واشوفك بالاحلاام

.....

رد: فوق هام السحب ( الشعر الشعبي) على متن القوافي
 

‏تمرين واشوف الجمال الباذخ الجبّار
‏وقالوا تغاضى بس ماني بمتغاضي

‏تعالي وفجّي صدري بـ رمشك البتار
‏من يموت من سلهامتك قانع وراضي

‏تعالي ترى ما أخترت غيرك ولا بختار
‏انا واحدٍ ما عاد يغريني الماضي

‏انا الصادق اللي جابتك صوبه الاقدار
‏محبتك صدق وحب غيرك على الفاضي

.....

رد: فوق هام السحب ( الشعر الشعبي) على متن القوافي
 

‏لا عادها الله من جماله ولا يوم
‏فينا تجمّلت وترديت فينا

‏معك مشينا في تقاليد وسلوم
‏بس الصراحه ليتنا ما مشينا

‏تطيح كم مره ونرفعك وتقوم
‏المشكله لا قمت ترجع علينا

‏ياليت منت قريب منّا من القوم
‏ان كان يمدي فوق خدك وطينا

.....

رد: فوق هام السحب ( الشعر الشعبي) على متن القوافي
 

‏بشروني ياهوى البال بالردّه
‏وانشرح صدري وريحت لي بالي
‏
‏قالوا انطر ردته كانك تودّه
‏قلت ايوالله غيرها ما شغل بالي

.....

رد: فوق هام السحب ( الشعر الشعبي) على متن القوافي
 

‏ليه ما أليّن مشاريهي معك وأسلوبي
‏لا انثنى عودك وانا بينه وبين ظلاله

‏ماتركتك للزمان الصلف يامحبوبي
‏لو عذابك مستمر ونعمتك زوّاله

.....

رد: فوق هام السحب ( الشعر الشعبي) على متن القوافي
 

‏كثر ما احب الشعر ماني با احب الظهور
‏اشعر برغبه شديده للجفى السرمدي

‏ودي بدرب الغياب اللي يصون الشعور
‏ولا حضورٍ كسر نفسيتي وجْسدي

‏مشكلتي إني مزاجي وإنتقائي حضور
‏إذا انتهوا فوضويّين الظهور ابتدي

‏بيني وبين المقام السهل حالة نفوور
‏ادوّر الحاجه اللي تستحق جْهدي

.....

رد: فوق هام السحب ( الشعر الشعبي) على متن القوافي
 

‏انا دخيل الغلا والوصل وأشواقي
ودخيل حبٍ ماهو مبني على فرقا

خلك بحبك معي يا غايتي راقي
وعطني يدك خلنا في حبنا نرقى

.....

رد: فوق هام السحب ( الشعر الشعبي) على متن القوافي
 

‏خل في صدرك على الدنيا قبول
‏واعرف ان الشمس تشرق لو تغيب
‏
وعوّد لسانك ليا ضاقت يقوول
‏الأماني في رجى الله ما تخيب

سبحانه

رد: فوق هام السحب ( الشعر الشعبي) على متن القوافي
 

فتحت باب الليل واقول بيتين
طاب السهر يالليل والعمر قدام

هاتي عيونك للمعاني عناوين
فيها يطيب الشعر ويزين اللهام

والبوح فن وعزف تحت القوانين
وزينك تمرد فوق بوحي والاقلام

.....

رد: فوق هام السحب ( الشعر الشعبي) على متن القوافي
 

جيت افتّش في حنايا العمر عن لحظة حنان
وما لقيت الا الحياة تنوشني بانيابها

كنت طفله آتهجى الخوف في كلمة أمان
وافهم الاشيا قبل لاقرا خفايا كْتابها

طفلةٍ سهلة رضا عيّا يراضيها الزمان
ما لقت من يخفض جْناحه وينشد مابها

لا تزاحم جوفها بعتاب فايتهْ الأوان
تضحك فوجه المقادير وتدنّ عْتابها

والظروف ان بهذلتها واختنق فيها المكان
عانقت صدر الحياه واستوسدت ألعابها

.....

رد: فوق هام السحب ( الشعر الشعبي) على متن القوافي
 

‏الصاحب اللي يفضفض لي وافضفض له
جـارت عـلـيـه الـظـروف وصـار نـفسـيـة

.....

رد: فوق هام السحب ( الشعر الشعبي) على متن القوافي
 

‏لا مرني طيفك تقهويت وياه
طبعي كريم وطيفك اغلى ضيوفي

.....

رد: فوق هام السحب ( الشعر الشعبي) على متن القوافي
 

انا وقلبي مثل نوح وولد نوح
نصحته وعياء يطيع النصيحه

.....

رد: فوق هام السحب ( الشعر الشعبي) على متن القوافي
 

احلامي الواجد اللي ما تهيت لي
اودعتها عند رب الكون سبحانه

سبحانه

رد: فوق هام السحب ( الشعر الشعبي) على متن القوافي
 

‏الايام دوّاره ماتبقى على حال
‏يشيلك ولدك اللي من اول تشيله

.....

رد: فوق هام السحب ( الشعر الشعبي) على متن القوافي
 

العيون الي علينا تناضر
شلت البيرق واكبر صداره

صوبن يا ناس مثل المعابر
ومن تصيبه ما يحس الخساره

.....

رد: فوق هام السحب ( الشعر الشعبي) على متن القوافي
 

‏كبرت ماني بصاحبك الاولي ذاك
‏راح الحماس اللي تبي واندفاعه

.....

رد: فوق هام السحب ( الشعر الشعبي) على متن القوافي
 

تدري وش الي يذبح القلب يازين
ويجيب للفرقا ثلاثين سيره

الشك والغيره وذا تعشق اثنين
والله يقطع والدين الاخيره

.....

رد: فوق هام السحب ( الشعر الشعبي) على متن القوافي
 

الله يزيل الضيق عن شاكي الضيق
ويعوّض الضايق سرور وسعاده

آمين

رد: فوق هام السحب ( الشعر الشعبي) على متن القوافي
 

بعض العرب في كل مجلس مكوع
‏لاهوب لاساكت ولا مرخي الصوت

‏اليا جلس مع المشايخ مطوع
‏وليا جلس مع السرابيت سربوت

.....

رد: فوق هام السحب ( الشعر الشعبي) على متن القوافي
 

بعض البشر يعجبك حتى في احترامه
وتحب في اجمل صفاته وترتاح

إن غاب تشفق في لقاه وسلامه
وأليا حظر همك من القلب ينزاح

.....

رد: فوق هام السحب ( الشعر الشعبي) على متن القوافي
 

بين حلم الآدمي والعزيمة
‏حذفت عصا للي يروم الصِعيبات
‏
وإن كان بدّلت العزم بالهزيمة
‏قبر الفشل وإن طحت به قيل موّات
‏
عمرٍ بليا حلم ما فيه قيمة
‏كنه شبيه القاع ما يظْهِر نِبات
‏
وأحلام عمرك لا تعوّد عقيمة
‏والمجد كايد ما يجي بالسهالات
‏
واجعل مع أحلامك نوايا سليمة
‏وارقى بطموحك فوق رووس الطويلات

والحلم عندي قِد لفاني نسيمه
‏بعد الشقى بعد التعب والمعانات
‏
حاطت بي ظروف الزمان الأليمة
‏ضرَت ولكن زود بالمنفعة جات
‏
شِفني من ظروفي كسبت الغنيمة
‏والحلم ما بيني وبينه مسافات

.....

رد: فوق هام السحب ( الشعر الشعبي) على متن القوافي
 

‏سقى الله ليالٍ في خيالي تقول احلام
تغيب وتجيب الذاكره مامضى منها

وانا لو نسيت اللي مضى لي مع الايام
ياكيف القلوب تسج ياصاحبي عنها

.....

رد: فوق هام السحب ( الشعر الشعبي) على متن القوافي
 

أنا تدري اني شخص ماني سريع اعجاب
ولا كل حاجه عابره تكسب اعجابي

غلبت الهوى فتره لكن الهوى غلاب
تمادى ووقف في طريقي وانا مابي

دخلت فِحياتي عرض من اوسع الابواب
وانا لِلحبايب ماني مشرّع ابوابي

وعطاك الله من الود والحُب والاعجاب
مايجعلك سيد قلبي وسيد احباب

.....

رد: فوق هام السحب ( الشعر الشعبي) على متن القوافي
 

أنا مسالم ما أحب العداوات
العُمر فاني و الليالي قصيره

ترى السكوت أحيان مثل الإجابات
الصمت نعمه له معاني مثيره

ماهو ضروري تعيش عندك علاقات
العُزله أحياناً علاقه كبيره

.....

رد: فوق هام السحب ( الشعر الشعبي) على متن القوافي
 

اترك الليله تجر الخطاوي للشتات
لي على دربه مساري وفمراحه وسم

لو عطيت العمر جملة هقاوي وامنيات
ما عطيت الحزن من باقي ايامي قسم

من بديت اقسى على كل ضجه بالسكات
ما كبر للهم هامه ولا للحزن اسم

صاير امر المنازل واشوف الذكريات
وانفض يديني من اللي تبقى وابتسم

.....

رد: فوق هام السحب ( الشعر الشعبي) على متن القوافي
 

يالله انا طالبك ياسامع الصوت
يلي خلقت الخلق لأجل العباده

ترزقني التوبه قبل ساعة الموت
ومن قبل نزع الروح نطق الشهادة

آمين

رد: فوق هام السحب ( الشعر الشعبي) على متن القوافي
 

‏تولعت بك ولعة هل الطير للمقناص
‏ياعين العديم اللي على كف صقاره

.....

رد: فوق هام السحب ( الشعر الشعبي) على متن القوافي
 

وانا لو رقدت بظلمة القبر والتابوت
فلا زال حبك مشعلٍ شمع وجداني

تلعب بقلبي في يدك لعبة البيلوت
وانا يالحبيب مالي أشكل ولا ثاني

.....

رد: فوق هام السحب ( الشعر الشعبي) على متن القوافي
 

‏لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفا النفس يدري

سبحانه

رد: فوق هام السحب ( الشعر الشعبي) على متن القوافي
 

‏تغاضى قد ما تقـدر مادام إن العمـر محدود
‏ولاتحزن على الفايت رحاب الأرض ممدوده

.....

رد: فوق هام السحب ( الشعر الشعبي) على متن القوافي
 

ياربي إغفر لي ذنوبي وأنت غفّار الذنوب
النفس تغريها ملذات الحياة الفانيه

يسّر لي التوبه تراني كل ما قرّرت أتوب
وسوس لي الشيطان لين أذنبت مره ثانيه

آمين

رد: فوق هام السحب ( الشعر الشعبي) على متن القوافي
 

لا توصيني ولا احتاج في حُبـك وصاه
لو ظروف الوقت من دون وصلك حايله

الغلا لك والمحبه على كل اتجاه
لا يهمك دام حُـبك بقلبي شايله

لو تباعدنا وشانت مقادير الحياه
ما سكن غيرك في قلبي ولاحدٍ طايله

.....

رد: فوق هام السحب ( الشعر الشعبي) على متن القوافي
 

حبيبي طواري الشوق والهجر ما تنطاق
فراقك عذاب وذكريات الغلا مرّه

على كثر ما عانيت مع قلبي المشتاق
فقدت الامل في طاري الوصل بالمرّه

.....

رد: فوق هام السحب ( الشعر الشعبي) على متن القوافي
 

من طب بحر الهوى ماعاد عيّن خلاص
وقايع الحب فالعاشق طويلة أجل

تعال بالسيف والشلفا وبإم الرصاص
ولاتجي بالمعنق والعيون النجل

.....

رد: فوق هام السحب ( الشعر الشعبي) على متن القوافي
 

مرحبا يا أغلى من الشوف لعيون الضرير
المشاعر في حضورك تبدي لْك إعجابها

ما أنت عادي والذي حط لك رمشٍ غفير
أنت فرصة عمر يا سِعْد من يحظى بها

أخاف لا مريت، قلبي من ضلوعي يطير
وأقوم أفتّش في زواياها وأقفّل بابها

.....