|
رد: فوق هام السحب ( الشعر الشعبي) على متن القوافي
ناسن تعاملها بعز وكرامه
وناسن تجاهلها لنفسك معزه .... |
رد: فوق هام السحب ( الشعر الشعبي) على متن القوافي
والله لاعين الصقر ولا لعين الغزال
مايشبه لعينك الا عينك الثانيه .... |
رد: فوق هام السحب ( الشعر الشعبي) على متن القوافي
جامل العالم مادام ان به مجال تجامل
المجامل فـ الحياه يزيد عمر الخـوّه ان كسبنا ماكسبنا إلا الرفيق الصـامل وان خسرنا ما خسرنا إلا قلـيل مــروّه صالح النشيرا |
رد: فوق هام السحب ( الشعر الشعبي) على متن القوافي
الموت هيـن والبـلا وش ورا المـوت
عند الحسـاب يهـون سهـم المنايـا باكر نموت و تصبـح قبورنـا بيـوت وعقـب القصـور بضيقـات الزوايـا في جوف الارض وكل من حولك سكوت وتعاقبـن بالقـبـر عــوج الحنـايـا يارب يا منجـي نبيـك مـن الحـوت سترك وعفـوك يـوم كشـف الخفايـا آمين |
رد: فوق هام السحب ( الشعر الشعبي) على متن القوافي
أيه أحبك قبـل خطوه مـن حضورك
قبـل نبضه تطرق ابواب الشعور وأكتشفت أحساس حبك من شعورك قبل نبض الشوق وانفاس الحضور .... |
رد: فوق هام السحب ( الشعر الشعبي) على متن القوافي
محبة انسان واحد صادق وفيه خير
أبرك من ألفين شخص يحبك مجامله .... |
رد: فوق هام السحب ( الشعر الشعبي) على متن القوافي
الذاكـرة شابت وتمسح ملفات
شيٍ نبيه وشـــي مـنه إسترحنا لكنـــها ما تمسح إثنين بالذات اللي فرحـــنا معه واللي جرحنا .... |
رد: فوق هام السحب ( الشعر الشعبي) على متن القوافي
يارب سامحني على شوف عيني
عبدك ضعيف ودايم حدوده الشوف ماهي على كيفي ولا في يديني قلبي خضر والشعب ثلثينه خشوف .... |
رد: فوق هام السحب ( الشعر الشعبي) على متن القوافي
لا تجلدين الذات وتقولين عن نفسك قْمر
كان القمر آيه من الآيات فأنتِ البسّمله ترى القمر ما يكتمل زينه سوى نصف الشهر وأنتِ طول العمّر كله كامله ومكملْه .... |
رد: فوق هام السحب ( الشعر الشعبي) على متن القوافي
ياطالب الغفران سبّح وكبّر
وابليس عن درب النبي لايصدّك وأن شفت شدّه في زمانك تصبّرْ واطلب كريمٍ من عطائه يمدّك وخلّك طليق حجاج واحذر تكبّر وإياك تتبع واحدن مايودك والعبد في حكمة وليه مدبّرْ واصل طموحك والكسل لايردك .... |
رد: فوق هام السحب ( الشعر الشعبي) على متن القوافي
طبع الردي مايحسن الظن فالناس
لانه يحسب الناس مثلـه رديــه وليا سمع لـه كلمـةٍ جاه وسواس قـال انـت تقـصدني وهـرجتك فيه .... |
رد: فوق هام السحب ( الشعر الشعبي) على متن القوافي
نامـي على النيـه وقـولي على خـير
بكره تطل الشمس والحلم يظحك من علم غـيوم السما تحظن الطير قـادر يـزيح الحـزن ويـظم جـرحك .... |
رد: فوق هام السحب ( الشعر الشعبي) على متن القوافي
لاجـيت ابي ارتـاح واغـمض الـعين
يـطـري على قـلـبي طـواري كـثـيره تـاخـذني الذكـرا ولا أدري على وين شـطـر ذبـحـني والـمشاعـر كسـيره .... |
رد: فوق هام السحب ( الشعر الشعبي) على متن القوافي
أنا فجرك وأنا صبحك وأنا عصرك وأنا ممساك
وأنا اللي لا خذلك الوقت ما خليتك لحالك أنا كفك وأنا سيفك وأنا رمحك وأنا شلفاك وأنا اللي لا عدوك الناس أول شخص يطرا لك أنا وجدك وأنا شوقك وأنا قلبك وأنا مضناك وأنا اللي لا هزمك الشوق اجيك اوقف قبالك .... |
رد: فوق هام السحب ( الشعر الشعبي) على متن القوافي
الطموح الي سرت من نجد وامست بالحويه
ضيقت صدر الرياض وسافر الطايف وجاها وانثنى غيم الحجاز بخد نجد النرجسيه يوم جاتها من زعلها كنها تقصر خطاها سامح الله جروحها الغض بالخضر النديه والله يسامح خناجرها ويعفو عن خطاها عرضتني للهبايب والزعل والمهمهيه والله يسامح ظلمها ويعفو خطاها .... |
رد: فوق هام السحب ( الشعر الشعبي) على متن القوافي
قل للعيون اللي شكت بعد الأحباب
وقل للدموع اللي من الشوق هلت وقل للشعور اللي من الهم منصاب وقل للجروح اللي بالاحساس حلت وقل للخفوق اللي عجز عنه الأطباب ترى المشاعر من عنا البعد ملت .... |
رد: فوق هام السحب ( الشعر الشعبي) على متن القوافي
ظنّك إنّك يوم ضقتي رحت أدوّر لك بدايل
أنتي الشيء الوحيد اللي ما راح ألقى بديله و أنتي الشيء الوحيد اللي بقلبي ما تمايـل كل فجر، و كل صبح و كل عصر و كل ليلة و أنتي الشيء الكثير و كل من حولك قلايل و الكثير إليا حصل لي طاب نفسي من قليلة .... |
رد: فوق هام السحب ( الشعر الشعبي) على متن القوافي
المحبه غاليه بس المشاعر ماتثمّن
والتهور في دروب الحب يبغيله جراوه ياحبيبي ودي اسأل لاتخاف ابغى اتطمّن هو غلا والا كلامك بس من باب الفضاوه خايفٍ اسخي شعوري في دروب الحب ثمّن يطلع الناتج من الاحداث خذلان وقساوه كلمة احبك كذا من غير فعلٍ ماتسمّن كنها ارحب من بخيلٍ ما يلحقها حفاوه .... |
رد: فوق هام السحب ( الشعر الشعبي) على متن القوافي
ما تنمحي ذكريات البدو لو شدّو
تبقى حياة البداوه شوق راعيها .... |
رد: فوق هام السحب ( الشعر الشعبي) على متن القوافي
رجعت من الزعل تايب وتاب الله على من تاب
وسمحت من الزمان اللي تكسّر فيه مجدافي حبيبي جعل مايقفى مواصيلي معاك غياب أنا مالي بعد غيمك سحاب يبلل أطرافي .... |
رد: فوق هام السحب ( الشعر الشعبي) على متن القوافي
يا جاهل الدنيا تماثيل وضحوك
تخلص معك فترة وفترة تخونك ناسٍ ترقدهم ليالي على الشوك وناسٍ على اللذات ما يذكرونك وناسٍ عليهم باب الارزاق مصكوك وناسٍ وراك وناسٍ لا شك دونك هذي حياة الناس انسات وصكوك وتشرح لهم لكن ما يفهمونك اليا كثر مالك تعنوا وزاروك ويحكون عنك بخير ويعظمونك بسم الفخر والجود سموك وتقطر عرق من كثر ما يمدحونك شالوك بالمدح المزيف وحطوك مدح الثناء والقصد يستعطفونك وإن قل مالك لا تعنوا ولا جوك وإن جيتهم ما كنهم يعرفونك الذويبي |
رد: فوق هام السحب ( الشعر الشعبي) على متن القوافي
الله اكبر يا زماني انا وش بيدي
كلما عدلت واحد يميل الثاني قيدوني يا الله انك تحل القيدي من يحل القيد ويرضي الزعلاني قلت بالله قلنا بالسعر ياسيدي كم تبيع الورد يا صاحب البستاني علي القحطاني |
رد: فوق هام السحب ( الشعر الشعبي) على متن القوافي
ودي افضفـض لكن البوح قتّال
لو كان بعض الـبوح للنفس راحـه في داخلي صبحِ فقد شمس الآمال وفي ظـاهري ليلٍ تبسّم صباحه ليت الشعور اللي ملى الجوف ينقال لكسر قيود البوح واطلق سراحه .... |
رد: فوق هام السحب ( الشعر الشعبي) على متن القوافي
يا عشير تردى مع عشيره
كان يطلب مصالح وانتهت عشرة المصلحة دايم قصيرة وان مشت يوم ثاني وقفت قلت يا الله عسى في الامر خيره حارت الرجل والنفس أكتفت شوفي الدرب يا العين البصيرة قالت ان الدروب اتبذلت وان بذلت ذا المسلم بغيره لوتمد العلاقة ما صفت والمواثيق عندالله كبيرة لكن ان القلوب تغيرت ودي انك تسافر كل ديره تدري ان البشر ما توالفت واحسن الناس من ريح ضميره لويشوف العجايب ما ألتفت كل ذا الناس في هم وحيره تاهت أفكارهم وتخالفت علي القحطاني |
رد: فوق هام السحب ( الشعر الشعبي) على متن القوافي
أبدأ باسم الله واكتب بالقلم
ومن بدا بالله يامن لا يخاف ربك اللي يخلق الشي من عدم عالم سر الخفا اللي ما ينشاف بعد ذا يا من على خده رقم ابتدينا الصلح وانهينا الخلاف خلنا ناخد من الدنيا حكم والعمر مره ونصف العمر طاف يا خفيف الدم يا ترى القدم خلنا من هم ذا الدنيا اخفاف وش يفيد اللي قضى عمره بهم والنتيجة واحدة باخر المطاف علي القحطاني |
رد: فوق هام السحب ( الشعر الشعبي) على متن القوافي
وعند الكرامه ابيعك وأنت خابرني
ماعمر احد راح من كيفه وناديته .... |
رد: فوق هام السحب ( الشعر الشعبي) على متن القوافي
ياصاحبي وإن زاد ظلم المخاليق
فلا تحسب إن الله عن الخلق سالي والطيب يمحى العيب عرف ومواثيق والا الخطا ماله على الطيب والي .... |
رد: فوق هام السحب ( الشعر الشعبي) على متن القوافي
على عيدك مبارك تاقف آمال إنتظاري سيد
هي اللي كانها ما جات منّك مالها شاغر .... |
رد: فوق هام السحب ( الشعر الشعبي) على متن القوافي
شيطان حبك في البدايه غـواني
قلبي ضعيف ايمان صدّق وعوده يـاذنب آدم كيف عـاده زمـاني حتى اقترفت الحب واعلن جحوده .... |
رد: فوق هام السحب ( الشعر الشعبي) على متن القوافي
ما گل صدفه للبشر تجمع احبآب
ولا گل فرصه في حياتـگ سعيـده يمگن يگون احيان اغلاق الگتـاب أفضل ترى من فتح صفحه جديده .... |
رد: فوق هام السحب ( الشعر الشعبي) على متن القوافي
من شاف ابوه وحب راسه وقهواه
عيده سعيد ولا تكدر مبيته انا تصافحني ضحى العيد ذكراه وتخنقني العبرة ليا جيت بيته في كل عيد اشفق لشوفه ولقياه وان جيت لجل اعايده مالقيته .... |
رد: فوق هام السحب ( الشعر الشعبي) على متن القوافي
صدورنا صافيه والجود فالموجود
يالله عسى هالليالي كلها صافيه جعله يجي العيد لا فاقد ولا مفقود والله يعوده علينا بصحه وعافيه آمين |
رد: فوق هام السحب ( الشعر الشعبي) على متن القوافي
يا ردة الغيَّاب يا شوف الأقراب
يا أجمل مقاديري ويا أغلى هديَّة مر الديار وحيّها حيّها غاب من شانك الميّت يرد التحيَّة غاب الفرح دونك وكل التعب خاب وميل السهر كحّل عيونٍ شقيَّة طاف الهواوي لله بمكة وتاب عن حبك الخالد مع أكبر خطيَّة .... |
رد: فوق هام السحب ( الشعر الشعبي) على متن القوافي
الناس ما هي عارفه وش خوافيك
زيّن لها الظاهر وحسن العباره وإليا هرجت إحذر تكثر حكاويك قل الحكي للرجل يحفظ وقاره ونور الامل عن منة الناس يغنيك حتى لو إن جوّك تطاير غباره .... |
رد: فوق هام السحب ( الشعر الشعبي) على متن القوافي
الوقت يجري والزمان يدور
الهرجه اللي ماتناصيك زِلها ولاتلتفت لمجادل العور والصور وعيال عمك لاتقصر في حقهم اتحدك الايام تقلط على السور والمشكله لاجات مابين ربعك لاعظم مكسورٍ ولا دم منثور حاول تدمدمها وتطفي لهيبها وشاور عليها من يجيد الشور |
رد: فوق هام السحب ( الشعر الشعبي) على متن القوافي
ياللي على دفتر ايامي كتبت ورسمت
ابشرك راحت ايام السهر والشموع البارحه مرّ طيفك بالغلط وابتسمت ما عادت الذكريات تجيب راس الدموع سالم حمد |
رد: فوق هام السحب ( الشعر الشعبي) على متن القوافي
ابتديتك وانتهيتك وأنقفل موضوعك
لا تجي وإن طال بعدي عنك لا تمنّاني الخطا ما ينمحي لو تغسله بدموعك والله إن تبطي تدوّرني ولا عاد تلقاني .... |
رد: فوق هام السحب ( الشعر الشعبي) على متن القوافي
تربينا على العز وكلن على مرباه
عشقنا المبادي ماعشقنا مصالحنا .... |
رد: فوق هام السحب ( الشعر الشعبي) على متن القوافي
قعدنا نداري خاطر الناس لين الناس
تعدت حدودٍ مالها حق تاصلها .... |
رد: فوق هام السحب ( الشعر الشعبي) على متن القوافي
تبخّرت كل الأماني وأنتهت كل الحلول
يا روضة أحلامي تعدّاك السحاب المنهمر .... |
| الساعة الآن 10:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية