رد: اخترنا لكم
 

ما عاد لي خاطر ولا عاد لي نفس
ولا صرت أدوّر وصل من لا يبيني

من قرّب بخطوة أقرب له بخمس
ومن هو تغيّر عمد لا يحتريني

.....

رد: اخترنا لكم
 

صبور أي والله اني ما ثنيت العزم قبل ادوج
بريضان الجفا واظما لوصلك لين تسقيني

شجاع اي والله اني ما عرفت الذل قبل اسوج
قدم رجلي على درب لبيت اهلك يوديني

كريم اي والله اني ما عرفت الشح قبل تروج
دموعي في عيوني ثم اشح بحسرتي فيني

احبك حسبي الله ليت مالك في سماي بروج
ولا لك في البسيطة كود شي بينك وبيني

دخيلك لا تلفت رح بفالك واترك المرجوج
تغانم ما بقى لك ولا انا ما عاد يمديني

فمان الله سق ركبك على درب السنين العوج
ولكن طالبك لا اقفيت عني لا تخليني

.....

رد: اخترنا لكم
 

‏ياهل الصدور الضائقة عينو خير
لجروحكم عندي علاجن يضمد

لاشانت ظروف الزمن والمقادير
صلو على خير البريه محمد

صل الله عليه وسلم

رد: اخترنا لكم
 

مزيونه وفيها من الزين ماقيل
في كل شعر وكل مدح وقصيده

تاخذ من اهل الارض حلا وتعاليل
وتاخذ من الجنه جمال وعقيده

لحضـورها هيبـه ولغيابها شـوق
فـي وصفھا دآيـم شمـوخ ومھابه

.....

رد: اخترنا لكم
 

في كل لبسٍ تلبسينه فتنتي
يا شيخة الاذواق بالطول والعرض

ما انتي مثل باقي الجميلات انتي
آخر ملامح يوسفيه على الارض

.....

رد: اخترنا لكم
 

‏قـل للـمصاايب والعنا والغرابيل
‏تـرى شـربنـا مـرهـا وارتـووينا

‏وقـل للضلوع العــوج تبقى مقافيل
‏بنموت ولغيـر الولي مـا شكينا

.....

رد: اخترنا لكم
 

حنا بسيطين وادنى مايفرّحنا
رشة مطر ممكن تبيّح خوافينا

مع المطر كنها تزهر ملامحنا
وكانه مايسقي عروق النبت يسقينا

.....

رد: اخترنا لكم
 

ياطيبها لا زادت الزين بالدين
ثم جلست فِ الصدر مثل الحكومة

الله فرقها عن جمميع المزايين
شيهانة ما بين عشرين بومة

.....

رد: اخترنا لكم
 

غرورك تمتع به على الاش والمسكين
اما انا نظام الغطرسه ما يناسبنيي

.....

رد: اخترنا لكم
 

النفوس اليا استعزّت تعلمها الغناه
مكسب الانسان فالوقت ستر وعافيه

.....