رد: فوق هام السحب ( الشعر الشعبي) على متن القوافي
 

لا تزعل من اللي يخيب هقاويك
بعض الاوادم تكتشفها المواقف

.....

رد: فوق هام السحب ( الشعر الشعبي) على متن القوافي
 

خــوفي من الله وإتكالي على الله
‏لا خــايــفٍ هــذا ولا راجيـــاً ذاك

‏يا خـــالقــي يرجعلك الامــر كـله
‏المــد مــدك والعــطايا عــطاياك

سبحانه

رد: فوق هام السحب ( الشعر الشعبي) على متن القوافي
 

وتـ‌مـ‌ر فــي بالـي مثـ‌ل الغـالـي اﻟمـيـت ‏
لا اﻟمــ‌وت نـقـ‌ص غـلاه و لا الغــلا رده

.....

رد: فوق هام السحب ( الشعر الشعبي) على متن القوافي
 

صمت الغلا في داخلي يكتب أبيات
عيت قوافي الشعر تعرف بحرها

أصدق كلام الحب لاصار دمعات
واصدق دموع الحب لحظة سهرها

.....

رد: فوق هام السحب ( الشعر الشعبي) على متن القوافي
 

‏غفلت عن عمري وسايرت الأيام
‏والعمر مثل العصر والعصر فوات

‏وكسبت من كثرالاماني والأحلام
‏حلمٍ تعلق لا تحقق ولا مات

.....

رد: فوق هام السحب ( الشعر الشعبي) على متن القوافي
 

على الراحلين اللي بقى ذكرهم ماراح
سلام الفؤاد اللي يسلم وهو صآدق

.....

رد: فوق هام السحب ( الشعر الشعبي) على متن القوافي
 

يابوي بشرني عسى القبر ممطور
جانا المطر بشر عسى خيره اسقاك

وعسى البرد حبه على القبر منثور
بشر عسى جنة هل الخلد مثواك

رحمه الله

رد: فوق هام السحب ( الشعر الشعبي) على متن القوافي
 

ذنبك على جنبك ولا لي شغل فيك
ما دام مأنت بتستمع للنصيحه

كل ما نصحتك تحسب اني معاديك
وانا اشوف انياب حولك كليحه

قال المثل خلك مع من يبكيك
من يضحكك دوّر عليك الفضيحه

.....

رد: فوق هام السحب ( الشعر الشعبي) على متن القوافي
 

تركت وجيه خلاني وراي وجيتك من أقصاي
‏وأنا بعض الوجيه اليا شريته ماقدر أبيعه
‏ٰ
‏أدس اسمك عن أطراف الحديث وتفضحه دعواي
‏ وتهتف له عروق القلب وتجدّد له البيعة

.....

رد: فوق هام السحب ( الشعر الشعبي) على متن القوافي
 

ياعديل الروح وش لك بالظلايم
‏ليه تفتح للجفى بابٍ مسكر

‏كبروا راسك مناديب النمايم
‏غييروك وجوك الصافي تعكر

‏غرك اني ماتسمع فيك لايم
‏من مجاميع المؤنث والمذكر

‏وتحسب ان قلبي ملكته ملك دايم
‏يوم شفته لا يخوون ولا تنكر

‏انتبه من سجة القلب المهايم
‏لا نسى ينسى ولا عاد يتذكر

.....

رد: فوق هام السحب ( الشعر الشعبي) على متن القوافي
 

سوالفه من حرير وضحكته ونسه
‏رقراق نهرٍ على طول السنه يجري

مساعد الرشيدي

رد: فوق هام السحب ( الشعر الشعبي) على متن القوافي
 

‏انا ويّاك رحنا والزمن اللي جمعنا راح
‏ولكن ذكرياتك من خيالي وش يروّحها

‏صورك استوطنت ذاكرتي وعاشت بسبع ارواح
‏لو يطول الزمن مايقدر يشوّه ملامحها

.....

رد: فوق هام السحب ( الشعر الشعبي) على متن القوافي
 

أنا بين التجاهل والضجيج ودوشة الإدراك
‏ أفتّش عن مفاتيح الطريق وألقاك قدامي

.....

رد: فوق هام السحب ( الشعر الشعبي) على متن القوافي
 

ابي طريق بدون نقطه ورادار
‏بابعد عن الازعاج واروح سيده

‏من ضجّة العالم ومن زحمة الدار
‏زاد الملل والصبر على الحديده

‏خلوني اطلع يا طويلين الاعمار
‏لين الخيال الواسع افك قيده

‏واليا سريت مع الطواري والافكار
‏اما رجعت بجرح ولا قصيده

.....

رد: فوق هام السحب ( الشعر الشعبي) على متن القوافي
 

تسلفت الحقايق مابكيت ولا ضحك لي ناب
‏أشوف أنك كلامٍ ما معي قوة على قوله

‏ماهو من طبعي أمل المدينة وأتبع الغيّاب
‏أنا يوم إني أتبع ضحكتك لي عام وشهوله

.....

رد: فوق هام السحب ( الشعر الشعبي) على متن القوافي
 

يا عيد من فيض المشاعر والإحساس
زف الـتـهـانـي بــالـحـروف الـجـزيـلـه

لـ اهـل الـشهامه والوفاء خيرة الناس
الأصــدقــاء طـــب الـقـلـوب الـعـلـيله

سـلم عـليهم مـني اخـماس واسـداس
واجــمـل تـحـية للـرجـال الأصـيـلة

ذي قـدرهـم يعلى على العيـن والراس
ولـــهــم بــوجـــدانـي مــآثــــر جمـيلـه

.....

رد: فوق هام السحب ( الشعر الشعبي) على متن القوافي
 

لا تنتظِرْ مِن غيرِ نفسِكَ داعمًا
فالنَّفسُ أوفَى مَن أعانَ وحرَّضَا

.....

رد: فوق هام السحب ( الشعر الشعبي) على متن القوافي
 

شعر ليبي...

عندى عقل زعال حواس تاعبنى امعاه بخياله

مالبخت قاسى الراس وعنيد راى ما ينفتاله

ينشد على كل شى قصقاص حتى الوطن عاتب اطلاله

عليش ساكتات وخلاص مايحكن عللى ماجراله

نهار فيك ثاب الرصاص من سيبه ومن مشاله

على رقدوا نوم البساس وعاد ياكلو من الزباله

نين هلبوا أوقات الحساس واليوم وطنا هم أبطاله

هم فعلهم فعل الانجاس سرق وكذب وتناله

حلال دفنهم تحت ترباس عليهم اتسكر أقفاله

يقضوا عمارهم جوا حباس جزاهم اصحاب الرزاله

الحق حق والحق لا باس والحق ينحكابه قباله

عالحمد كثر العطاس والباطل طغا عالعداله

وراه المركب بكثر رياس راح بالبناخى وخاله

صالح بوعياد الله يرحمه

رد: فوق هام السحب ( الشعر الشعبي) على متن القوافي
 

يالله عساني مع نبيك والأبرار
في ساعة كلٍ يعدد ذنوبه

مخطين واجد و انتعوذ من النار
يارب عفوك والهدى والمتوبه

آمين

رد: فوق هام السحب ( الشعر الشعبي) على متن القوافي
 

من يزرع العزة يحوش المحاصيل
‏ومن يرخي الهامه وطته الحسايف

‏ماعادت الأمداح نار ومعاميل
‏وسوالف جدودٍ حطبها طرايف

‏صناعة التاريخ في ذاكرة جيل
‏فعل وطموح وبعد فكر وكلايف

.....

رد: فوق هام السحب ( الشعر الشعبي) على متن القوافي
 

لاترهق افكارك ولا تسرح بعيد
‏الشمس تفضح ماخفا بشروقها

‏ازرع بوقتك طيب وأنت المستفيد
‏الطيب شجره ماتموت اعروقها

.....

رد: فوق هام السحب ( الشعر الشعبي) على متن القوافي
 

هلا بالكال اجيك وراح مايه
نطرته وما وصل للريج مايه

هلا بالعندي يسوى اعدال ميه
بجفن واتنطره يسلم عليه

شعر عراقي

رد: فوق هام السحب ( الشعر الشعبي) على متن القوافي
 

عقب الغياب اللي تبرره الليالي والظروف
سلام تسليمة وفا من غايب عذره معه

.....

رد: فوق هام السحب ( الشعر الشعبي) على متن القوافي
 

‏عسى ايامي في نواصيها الفرح معقود
‏عسى حظَّي ليا كبرت يجمِّلني بمواقيفه

.....

رد: فوق هام السحب ( الشعر الشعبي) على متن القوافي
 

طال عمر الجرح ياعمّر الزهور
والربيع أن مات مافيد المطر

ذبـلت اغصاني ولابه اي نور
يضوي ايامي اذا غاب القمر

واقفه والأرض من حولي تدور
ترجف ايديني اذا طيفه حضر

اتثاقل خطوتي بكل الأمور
خايفه لا اشوف وجهه بالبشر

كان لي حلم وعلاقات وحضور
وكان لي قلبٍ عشى فيه الدهر

عاتبوني يحسبونه من غرور
انـعزالي كان من طعنة غدر

قلت اجبر ماتبقى من كسور
وأنقضى عمري ولاشي انجبر

نجد

رد: فوق هام السحب ( الشعر الشعبي) على متن القوافي
 

مانت اول اللي غاب عني بشدّه
انت اول اللي ما توقعت فِرقاك

سبحان من شَيّد غلانا وهدّه
وسبحان من قوا عزومي وقواك

بعض الشعور اكبر من الشعر عدّه
تركته بصدري يجاور خطاياك

واليا طرالك وصلنا بعد مدّه
خل المواصِل دعوة في مصلاك

.....

رد: فوق هام السحب ( الشعر الشعبي) على متن القوافي
 

‏ليه اشغل التفكير بالربح والربح
‏عند اللي لوجهه اصلي صلاتي

‏يارب ترزقني معَ طلعة الصبح
‏رزقٍ تغيّر فيه مجرى حياتي

آمين

رد: فوق هام السحب ( الشعر الشعبي) على متن القوافي
 

كبرت ومامعك غير القلم والفكر والقرطاس
وبيتٍ مابقى من روحه إلا هالة سراجه

تعبت وقلبك المؤمن يناجي جرحك الخنّاس
لا يكشف عورة أوجاعك مادام الناس هراجه

تعبت تشوف وجهك في عيون الحزن والجلاس
تعبت تصارع المجد التليد وعاتي أمواجه

تعبت وريح همّك في ضلوعك تقرع الأجراس
تعبت وحلمك المنفي بجوفك تلمح إحراجه

تمرك سالف الذكرى ويجرح خاطرك لا باس
وتركض في مسافات السنين وتلعن الحاجه

وتاصل لآخر حدود المواجع ناحلٍ حسّاس
تهزّك نسمة الماضي وحلمك يسحب أدراجه

.....

رد: فوق هام السحب ( الشعر الشعبي) على متن القوافي
 

‏يضيق البال من جرح الزمان وخاطري مكسور
‏تقول الضيق كله لا زبن يزبن على صدري

.....

رد: فوق هام السحب ( الشعر الشعبي) على متن القوافي
 

‏استغفر الله من طيشي وتقصيري
‏الطيش بالذنب والتقصير بالطاعة

‏يا عالم بـِ بكل ما لا يعلمه غيري
‏رحمتك قبل القبر والحشر والساعة

آمين

رد: فوق هام السحب ( الشعر الشعبي) على متن القوافي
 

‏ياعاشق الدنيا تراها محطات
‏تعيش في ديره وتفنى بديره

‏لا ياخذك طرد الهوىٰ والملذات
‏اذكر محطات الحياه الاخيره

.....

رد: فوق هام السحب ( الشعر الشعبي) على متن القوافي
 

نمشي ولا ندري متى الوقت بيزين
ونصبر ولو جور الـــــدهر ما رحمنا

.....

رد: فوق هام السحب ( الشعر الشعبي) على متن القوافي
 

أنا اشوف المفارق خير من وصلٍ بلا ودّ
‏علاقات المحبه ودّها أكبر من مواصلها

.....

رد: فوق هام السحب ( الشعر الشعبي) على متن القوافي
 

على الله يزين الحال وان كان مازان
مقاسيم ربي كلها عندنا خير‌ه

.....

رد: فوق هام السحب ( الشعر الشعبي) على متن القوافي
 

تعال حل المساء دام المساء حل
تحلا بك الجلسه ويحلا بك الجو

غيابك اللي طال مالك معه حل
غيرك يجوني بس ما كنهم جو

.....

رد: فوق هام السحب ( الشعر الشعبي) على متن القوافي
 

يـاظلام الليل ماعـنـدك جـواب
عـن ولـيف راح والـخــافـــق معه

.....

رد: فوق هام السحب ( الشعر الشعبي) على متن القوافي
 

عزاي إني على قيد الأمل لو السنين تميل
مثل شمسٍ تعدّاها المغيب وتنتظر بكره

.....

رد: فوق هام السحب ( الشعر الشعبي) على متن القوافي
 

عيش الحياه وعيشها كيف ما جات
تكسب رضـا نفـسـك ويرتاح بـالك

لاصـار ما هـي دايـمـه لك سهالات
اخـسـر ولا تخسـر رفيـقٍ صفـالك

.....

رد: فوق هام السحب ( الشعر الشعبي) على متن القوافي
 

بعض الوجيه جميله نفس وأطباع
ما يشبه إحساسها إلا جمال الطبيعة

وبعض الووجيه جماد لها بس بقناع
لو تكشفه تشوف لك شوفه فضيعه

.....

رد: فوق هام السحب ( الشعر الشعبي) على متن القوافي
 

خلك مثل ماقيل للعزم تبّاع
مافيه صعب الا وربك يحلّه

.....