رد: فوق هام السحب ( الشعر الشعبي) على متن القوافي
 

لو القمر يقدر يوكل محامين
‏ويرفع على زينك ملف وقضيّه

‏مايغلبك بالزين ياكامل الزين
‏وفيك الحلا والذوق والجاذبيّه

.....

رد: فوق هام السحب ( الشعر الشعبي) على متن القوافي
 

أشهد إن القلب يجهل والحياه تعلّم
والضروف تقيّم الأصحاب واحد واحد

.....

رد: فوق هام السحب ( الشعر الشعبي) على متن القوافي
 

أوّل أيامي معك جامعه كل الشتات
‏ أذكري كيف آتمنى وصالك واللقى

‏يا حبيبي عاشقك باقيٍ ليين الممات
‏ لا تروح وتتركه بين همّه والشقى

.....

رد: فوق هام السحب ( الشعر الشعبي) على متن القوافي
 

‏قالـو غـلاتـه قـلت يـانـاس صعبه
‏أُوصِّف غلاه اللي على الروح مغليه

‏ سـعادتي لـوهـي دقايـق بـقـربـه
‏تسوى العـمـر كـله مع كـل ماضيه

.....

رد: فوق هام السحب ( الشعر الشعبي) على متن القوافي
 

يابنت ياللي تعرفين المشاكيل
‏لا تعشقين الامعه والهلامه

‏والشاعر اللي بين ضول الرياجيل
‏يسوقه لدرب الملامه كلامه

‏اما ذكر وصفك بادق التفاصيل
‏ولا تكلم عن خصايص غرامه

‏شومي لذربين الكلام الحلاحيل
‏اهل الكرم والمعرفه والشهامه

.....

رد: فوق هام السحب ( الشعر الشعبي) على متن القوافي
 

‏ماعليك من البرود وما عليك من المكابر
‏والله انك غاليٍ جدّا وفي قلبي لحالك
‏
‏انت في قلبي مقيم وغيرك من الناس عابر
‏وانت تامر ياحبيبي كل ماعندي حلالك
‏
‏وماعليك من الكلام وما عليك من المخابر
‏قلبي اعلن واعترف بان الغلا وان الولا لك

.....

رد: فوق هام السحب ( الشعر الشعبي) على متن القوافي
 

عليك الغرآم يحدني حدة المحتاج
‏ذبحه الحيا والناس شحت بمدتها
‏
‏أنا ابغيك بس خايف من الإحراج
‏وانا مادمرني غير نفسي وعزتها

.....

رد: فوق هام السحب ( الشعر الشعبي) على متن القوافي
 

على نور الصباح وهب ذعذاعه وصوت الطير
‏ثلاث أشياء كفيله تنعش أشواقي وتحييها

‏صباح الطيب ولا الفل ولا الحب ولا الخير
‏تخيّر في الصباحات الجميله وأنت راعيها

.....

رد: فوق هام السحب ( الشعر الشعبي) على متن القوافي
 

‏انطق بقول الحق والحق راحة
مافاد في العالم فنون التعامـل

جاملتهم قالوا وين الصراحة
صارحتهم قالو ماتعرف تجامل

.....

رد: فوق هام السحب ( الشعر الشعبي) على متن القوافي
 

‏كانك تبي تامن الطيحه
‏ لا تكسب العالم اخسرها

‏ الـقلب بالصدر مرجيحه
‏ كثر المحبين تكسرهـا

.....

رد: فوق هام السحب ( الشعر الشعبي) على متن القوافي
 

ياللي خطفت بكل مافيك الأضواء
أنت البلاد وباقي الناس غربه

البيت هذا ماهو بحاجة إهداء
مجرد إني أكتبه دل دربه

.....

رد: فوق هام السحب ( الشعر الشعبي) على متن القوافي
 

الوقـــت لا بده ليا شـان واعياك
‏يسقيك من حلوه وتنسى هماجه

‏اصبر على الشدات مهما تحداك
‏كـــم مزنةٍ يسبق مطرها عجاجه

.....

رد: فوق هام السحب ( الشعر الشعبي) على متن القوافي
 

‏على كوب قهوه والبحـر عانه اقبالك
‏تجي لك طـيـوفٍ قبل مانت بتمناها

‏ولـكـن بـعـض احيان الافكار تحلالك
‏لامنك وضعت ايمينك بوسط يمناها

.....

رد: فوق هام السحب ( الشعر الشعبي) على متن القوافي
 

على تفاصيلك وعطرك عظيم السلام
‏وعيونك اللي تجيب العيد من غير عيد

‏انتي كريمة ومريتي مرور الكرام
‏ولا تركتي خلافك غير قبر وشهيد

‏يا فاتنه من الى حتى بلوغ المرام
‏لا زال عودك طري لا زال طلعك نضيد

‏لو ضمت كفوفي كفوفك علي الحرام
‏ماحط في ذمتي غيرك من الغيد غيد

.....

رد: فوق هام السحب ( الشعر الشعبي) على متن القوافي
 

‏يا مالـك قلبـي و عينـي تراعيـك
‏لبيت قلبي يوم هـاض بغرامـك

‏أحترت مـن زود الغلا ويـن اوديك
‏حتي عيونـي ماتليـق بــمقامـك

‏والله لو صدري يضمـك ويحويك
‏لجعلك فوق القلب تبني خيامـك

.....

رد: فوق هام السحب ( الشعر الشعبي) على متن القوافي
 

زين حياتك بالدعاء والعبادات
وامشى بها واطلع نقي السريره

لا تخاف من قرب الوعد للنهايات
الله غفور ولو ذنوبك كثيره

.....

رد: فوق هام السحب ( الشعر الشعبي) على متن القوافي
 

‏ياللي مسـاك اسعــد خلايـق يمسّون
و ياللي صباحك به نسايم واحاسيس

و ياللي مكانك داخل القلب مضمون
والحسْـن عندك ما تقيسـه مقاييس

.....

رد: فوق هام السحب ( الشعر الشعبي) على متن القوافي
 

أشوفك بالدروب وفالملامح كل يوم تبين
‏وأحس إن الخطاوي كلها صوبك توديني

.....

رد: فوق هام السحب ( الشعر الشعبي) على متن القوافي
 

يا غصن الغرام الي سقاه القصيد ومال
‏ما مرك سحاب الوصل في يوم عصريه

.....

رد: فوق هام السحب ( الشعر الشعبي) على متن القوافي
 

‏قلبـــي سجيـــــن الحيأ وطيبته زاده
لو شان وجه الزمـن ما شانت أخلاقي

وانا تربيــــــت والطيبــــه لنـا عاده
واخلاقـــــي العاليه واسلوبي الراقي

قصــر المكارم مشيـد فيني امجاده
وقصر الوفا والشهامه ساكن اعماقي

والطيب في داخلي مغروسه اوتاده
ماحيل وابقـى على عهدي وميثاقي

.....

رد: فوق هام السحب ( الشعر الشعبي) على متن القوافي
 

مانسيتك والقلم حبره جمد
في معاريض الخلايق للغرام

انت قلبك ينكتب له يعتمد
وينكتب لقلوبهم حسب النظام

.....

رد: فوق هام السحب ( الشعر الشعبي) على متن القوافي
 

‏واليوم بنسى مثل ماالناس ينسون
‏والنار في قلبي مع الوقت تطفي

‏بعلمك وشلون الاحرار يقفون
‏واعلمك وشلون الاشواق تقفي

.....

رد: فوق هام السحب ( الشعر الشعبي) على متن القوافي
 

‏ترا رفقت اهل الطيب تبقى فخر ووسام
‏ثمرها يجي بين المطاليق متعدد

‏سلامي على اللي رفقته للرفيق حزام
‏يسابق علوم الطيب ماهو بمتردد

.....

رد: فوق هام السحب ( الشعر الشعبي) على متن القوافي
 

تعدّى الظروف بلين جانب وقوّة باس
‏وتوكّل على اللي بيده العجز والقدره

‏من يحطّ قـدره سلعةٍ في يدين الناس
‏لا يزعل لا حطّوه الاوادم تحت قـدره

.....

رد: فوق هام السحب ( الشعر الشعبي) على متن القوافي
 

‏الظروف تعلّم اللي ماتعلّم
‏كلمتٍ كِتِبَت على باب الليالي

‏صاحبي كانك لفرقاي مْتولم
‏ليه اكبّر شرهتي واطرح سؤالي

.....

رد: فوق هام السحب ( الشعر الشعبي) على متن القوافي
 

الـعلم ميراث الـنّبيِّ كـذا أتى
في النّصّ، والعلماء هم وُرَّاثُهُ

مـا وَرَّثَ الـمختار غير حديثه
فـيـنا، فــذاك مـتـاعه وأَثـاثُـهُ

فـلـنا الـحـديثُ وراثــةً نـبـويّةً
ولـكلّ مُـحدِثِ بِـدعةٍ إِحـداثُهُ

.....

رد: فوق هام السحب ( الشعر الشعبي) على متن القوافي
 

‏يا نحلة أقـراص العســـل وين مرساك
يبست زهــــور الحـب داخل ضلوعي

ماترحمــي ياطـول هجرك ومقساك
ضامـي غزاه الشوق وايبس جذوعي

أمسي أناجي الليل عن حال ممساك
وأسال نجـــوم الليل ليـــه القطوعي

والقلــب هايـم ماقــــدر يوم ينساك
تشهد سطـوري والقلــم والشموعي

.....

رد: فوق هام السحب ( الشعر الشعبي) على متن القوافي
 

‏الطيب الطيب لو إن مامعه شي
‏حتى لـو أيـام الرخــى ما تهــيت

‏كم ميتٍ ذكره مع اهل الوفا حي
‏وكم حي لاكنه مع الــناس مـيت

.....

رد: فوق هام السحب ( الشعر الشعبي) على متن القوافي
 

ماني عليهم في حياتي عابي
وان باعدوا لا نلوم لا نحاسبهم

وبالعيب ما نعاود العيب انزابي
ساعة اللوم بطيبتي غالبهم

نضحك ونلعب والجميع احبابي
لا يعاتبوني لا انريد نا انعاتبهم

شعر ليبي

رد: فوق هام السحب ( الشعر الشعبي) على متن القوافي
 

ياما حلا المسيار في وقت حله
يم الرفيق اللي يعزك اليا جيت

يفرح ليا منك دخلت بمحله
ويكره اليا منك تغربت وابطيت

.....

رد: فوق هام السحب ( الشعر الشعبي) على متن القوافي
 

‏لاتعتبر صدك عن الناقصه عيب
العيب والله زلة فوق. زله

اهل المكارم تجزي الطيب بالطيب
والناقصه ردك عليها مذله

.....

رد: فوق هام السحب ( الشعر الشعبي) على متن القوافي
 

‏احذر تعاتب من تعمد يجافيك
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

رد: فوق هام السحب ( الشعر الشعبي) على متن القوافي
 

‏وش المحبه دون وصل المحبين
و وش المواصل دون شوق الحبايب

ترى المحبه تقسم القلب نصفين
وعزي لمن نصفه غدا اليوم غايب

.....

رد: فوق هام السحب ( الشعر الشعبي) على متن القوافي
 

‏ودي بقـربك واحـــلم اني احاكيك
و يشدني لك شــوق صمته ذبحني

دايم بعـيني ويـن مَ رحـت الاقيك
حبك ترى عن حب غيرك سـرقني

ياساكــن أعماقــي أنا ميتـن فيك
وعشقــك تملكني وحبـك اسرني

وعقلي بكل الوقت يسرح بطاريك
والشوق لك ياحـب روحي حرقني

.....

رد: فوق هام السحب ( الشعر الشعبي) على متن القوافي
 

‏يارب يارحمـــــن ياعالــــي الشان
ادعيـك تجعـل دعوتــي مستجابه

تبعـد على قلبي همومـي والاحزان
وتزيــــــح عنـــي ضيقتي والكآبه

ويارب تـرزقني السكينه والايمـان
وتملى حياتــي بالفــرح والطرابه

وتحفظ بحق اليوم اهلي والاخوان
وتحفـظ لقلبي رفقتــه والصحابه

.....

رد: فوق هام السحب ( الشعر الشعبي) على متن القوافي
 

‏لو يتيح العمـــــر فرصــه في حياتي
كـان ماحبيـــــت فــي الايـام غيرك

انت غايــة مطلبـــي وانـت امنياتي
وانت قصـري في الهوى وانا اميرك

اعشقك عشق الهواء مـن كل ذاتي
واعشقـك كلك مـع شـرك وخيرك

واوعــدك مادام باقـي فــي حياتي
والقسم طول العمر ما ارضا بغيرك

.....

رد: فوق هام السحب ( الشعر الشعبي) على متن القوافي
 

‏جيتــك اصبــح يامنــى الروح بالنور
وأقـول يا الغالي هـلا كيـــف حـالك

يالله عساك بخـير طيـــب ومسرور
ويالله عساني مانحـرم من وصالك

وعساك طول العمر بالخير مغمور
وعسى السعاده دايـم الدوم فالك

.....

رد: فوق هام السحب ( الشعر الشعبي) على متن القوافي
 

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
مااحـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

رد: فوق هام السحب ( الشعر الشعبي) على متن القوافي
 

‏بعض البشر مثـــل العســل والجواهر
مهمـا وصفته بالحـــلا مالـه أوصـاف

وبعض البشر طيبـه على الناس ظاهر
ما يختفــي مثـل القمر دوم ينـشـاف

وبعض البشر غايــب وإن كان حاضر
من ثقـل دمـــه شوفتـه دوم تنعـاف

وبعض البشر اقسم قسم جبر خاطر
ويسعد قلوب الناس بطيبه والالطاف

.....

رد: فوق هام السحب ( الشعر الشعبي) على متن القوافي
 

منت عابر سبيل أنت عابر عمر
‏ليتك العادي اللي مر عابر سبيل

.....