رد: فوق هام السحب ( الشعر الشعبي) على متن القوافي
 

تعال اضمك دفه الروح بروح
طفه عنا قلبي ولهفة حنيني

أنا بدونك كنني طير مذبوح
يامنتهى أحلامي ويا نور عيني

طيفك ببالي اين ماجيت واروح
الله يلم الشمل بينك وبيني

.....

رد: فوق هام السحب ( الشعر الشعبي) على متن القوافي
 

كل شخصٍ له مزاج وميزةٍ تحسب له
‏الذوايق تختلف والحكم حكم القاضي

‏كل شيٍ في الزمان اللي مضى نطرب له
‏والعيون اليا بكت ما تبكي الا الماضي

‏السوالف فالخلا مع شايبٍ عند ابله
‏افضل من السينما ومن الكلام الفاضي

.....

رد: فوق هام السحب ( الشعر الشعبي) على متن القوافي
 

لـك فــي عيوني دار عز ومھـابه
‏وفـي وسط قـلبـي للغلا كل تقدير

‏ولك فــــي الحنايا شي مـا ينحكا به
‏حتى أحـاسيسي معه دايمٍ غير

.....

رد: فوق هام السحب ( الشعر الشعبي) على متن القوافي
 

‏لاتعاند شوفنـــي عايـــــش وحيد
مامعي في الكـون معشوقً سواك

انت ساكـــن يا الغـلا بيـن الوريد
ما احـد قبلك وصـل في مستواك

يا رقيــق الطبـع يا الذوق الفريد
ليت تعـرف داخلـي معنى غلاك

انت عشق وانت حب وانت عيد
وانت نـــور الكون وانـواره معاك

.....

رد: فوق هام السحب ( الشعر الشعبي) على متن القوافي
 

‏ياصاحبي كنت أمس محشوم
واليوم صد بجيتك وأختصرها

خلك بعيد أبعد من العام لليوم
وأدنى من أحلام النجوم وقمرها

بعض الكلام الي تحليه مسموم
وما كل كف صافحتك تغدرها

كم طيبٍ سأقته الأقدار لرخوم
ويا كثر ناس ننخدع في صورها

.....

رد: فوق هام السحب ( الشعر الشعبي) على متن القوافي
 

‏الناس نامــت مابقــي حد صاحي
ماغير انا واحساس قلبـي والافكار

نمسي نقضـي الليل بين النواحي
ونترجم اشواق المشاعر بالاشعار

هذا شعور اللي في الهجـر طاحي
واللي غدا قلبه من العشق منهار

يمسي يناجي الليل لين الصباحي
والرووح مشتاقـه وقلبـه على نار

.....

رد: فوق هام السحب ( الشعر الشعبي) على متن القوافي
 

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

رد: فوق هام السحب ( الشعر الشعبي) على متن القوافي
 

‏ياليـت لو للجســــــم ورشــة صيانه
للبرمجـه قابـــل على الفــك والربط

من شان افرمــت بالجسد كل خانه
واعالــج أوضاعـــــي بإعادة الضبط

اما كــذا حالــــي تدهـــــور امانه
فيرس نظامي خابطن داخلي خبط

كثر السهر هــد الجســد من كيانه
وكثر القلق والهم رافع لي الضغط

.....

رد: فوق هام السحب ( الشعر الشعبي) على متن القوافي
 

‏القلب مغـرم في سمينات الارداف
ياجنس حوى ما احــب الرشاقه

روحي تحـب اللي بدينه بالاطراف
واللي بهــا سمنــه وخفــة لياقه

هذا انا المغــرم ولاعندي إخلاف
موافق بهـا اتزوج وادفـع سياقه

زين البدينه داخلي مالها اوصاف
والقلــب يعشقها لاخــر نطاقه

.....

رد: فوق هام السحب ( الشعر الشعبي) على متن القوافي
 

‏اوقــات اتمنى مــــن النـــاس واحد
يستوعب احساسي اذا جيت احاكيه

يحس بي فــي ضيقتــي والشدايد
ويداوي اوجاعــــي برقــة حكاويه

يا اهل الشعور النفس صارت بدايد
والصدر ضايــق ما لقي من يداويه

والروح محتاجــــه رفــاق وسنايد
والقلب يبغا في العمر من يواسيه

.....

رد: فوق هام السحب ( الشعر الشعبي) على متن القوافي
 

‏ليتك معـــي تسمع كلام اخر الليل
وتحس بي واشلون وضعي بدونك

حالي ترى من غيبتك هده الحيل
والعيـــن تتمنـى تناظـــر عيونك

اسهـر على ذكـراك ويجيني الويل
والنار في صــدري تــردد لحونك

وضعي صراحـه مايبي اي تأجيل
ارجوك ما تسـوى حياتي بدونك

.....

رد: فوق هام السحب ( الشعر الشعبي) على متن القوافي
 

جاري الكتابه ونبضي بالغلا جاري
يتبع عيون الوفاء في ليل جواله

لا من تأخرت قلبي شتت افكاري
وش له تاخر علي وحالتي حاله

.....

رد: فوق هام السحب ( الشعر الشعبي) على متن القوافي
 

بنـت البدو في كـل محفــل أميــره
فيـهــا الحـــلاء كـلـه وفيهـا الحنــاني

حشمــه أدب وأخــلاق هيبـه وغيــره
سبحـــان مـن ســواك سـت الحسـاني

.....

رد: فوق هام السحب ( الشعر الشعبي) على متن القوافي
 

‏على جسر الأماني فوق شط الحرب والاحـزان
نقضيهــا عنــاد ونكتــب الفـرحـة ونمحيهـا

وعلى أوتار الامل نعزف ندندن كن ماشـي كان
ونرسـم من معــاناة الوطــن لـوحة ونشريـها

جــديد أيامنــا مثل القديــم وصــبرنا عنـوان
طبــاع البــدو ما نركن على الدولة ونحميهـا

تجي ننصح ولانجرح تجي نكتب على الجدران
ســلام الله عــلى اللـي ما يكحلهــا ويعميهــا

علوي الباشا

رد: فوق هام السحب ( الشعر الشعبي) على متن القوافي
 

بعض البشر تلقاه صدفه وتغليه
حتى القلم يمه يحب الكتابه

أفرح وأهلي فيه يوم التقي فيه
وشكرت حظ ساقني له وجابه

.....

رد: فوق هام السحب ( الشعر الشعبي) على متن القوافي
 

‏تواصل مع اللي في وصاله مطر وغيوم
‏ومن صد جعله للتساهيل في صده

‏وتركّد على قلبك ولاتثقله بهموم
‏كثير الزعل يتعب لك القلب ويهده

.....

رد: فوق هام السحب ( الشعر الشعبي) على متن القوافي
 

قالوا طريق الحب كله مجانين
قلت الطريق الصعب يبغى مجنون

.....

رد: فوق هام السحب ( الشعر الشعبي) على متن القوافي
 

اااجلس وجالس معى من يجلس المجلس
واجلس وجالس معــى من جلسته جلسه

بعض المجالس قـــســــــم بالله مايجلس
غير الذي قد غضب ربـــــــــي على نفسه

عبدالله عامر

رد: فوق هام السحب ( الشعر الشعبي) على متن القوافي
 

قالوا ولا زال مسكيناً وفي تعبٍ
من ليس يعرف يوماً لهجة العجمِ

فليس يفهم ما قالوا وما نطقوا
وليس يعرف معنى القول والكلمِ

فقلت والله بل ما زال منحرماً
من السعادة والأفراح والنعمِ

من ليس يفهم فصحانا ويدركها
وظل في الجهل بالآيات والحِكَمِ

فليس ينفع فهم الخلق كلهمُ
مَن ليس يفهم رب الخلق والأممِ

عبدالله الجعيدي

رد: فوق هام السحب ( الشعر الشعبي) على متن القوافي
 

‏الحاجة اللي دونها كل منان
‏عرضت على النفس العزيزه وعيّت

‏منتب على مدح اكثر الناس شفقان
‏ولا على مسّاحة الجوخ ميّت

‏كم مرةٍ جاتك معزه وسفطان
‏تركتها مثل الطعام المبيّت

.....

رد: فوق هام السحب ( الشعر الشعبي) على متن القوافي
 

‏اشوف القلوب اللي تنافق ماهيب صحاح
‏واشوف النفوس اللي تودد ماهيب اللي

‏على كثر مالي فالخزينه من الارباح
‏احب الفقير اللي على المال ما ولّي

‏عسا اللي يدينه فاللوازم ندية راح
‏بعد من يدينه تحسب المتر والملي

‏تدور الليالي فالعشيه وفالإصباح
‏وانا كل ماجيت ابرد من الزعل غلي

‏عصت نفسي التبرير والشرح والإيضاح
‏لو ان الضمير أكثر من اقول له قل لي

‏ياكم غاليٍ كنت اتوّجد عقب ماراح
‏على جيته ماعاد ارحب ولا اهلّي

‏سلامي على وجه المعزه سلام سلاح
‏وعلى قلبي اللي بآخر الصبر متحلي

‏الى عشت ماني من صدوف الدهر مرتاح
‏والى مت ماني والله بميتٍ كلي

.....

رد: فوق هام السحب ( الشعر الشعبي) على متن القوافي
 

‏يامجمول ما للحب بدٍ من التنويه
‏وانا اللي عجز لا يوصف احساسه لسانه

‏الى قلت احبك لا تجاوب علي بليه
‏احبك ولا ادري ويش أحبك على شانه

.....

رد: فوق هام السحب ( الشعر الشعبي) على متن القوافي
 

‏بشروك بما تحبين يا الحب الوحيد
‏انتي اللي عن جميع البنات مْغايره

‏قفلي باب السوالف بقفلٍ من حديد
‏وقولي احبك وحطي عليها دايره

‏ورافقيني موقفي صعب واحلامي بعيد
‏جعلني ما احلم بحاجات ماهي صايره

.....

رد: فوق هام السحب ( الشعر الشعبي) على متن القوافي
 

من نحرها المنتعم اليا خصرها الملتوي
‏تقول ماليه ابن سعود ماليه

‏في جيدها فوضويه شاعر فوضوي
‏وفي عينها قسوه الفارس وحنيته

‏يهزها الشوق لين تخضر وتستوي
‏وتعيش من حسنه المؤمن ومن سيئته

أثارها بنت حواء فااتنه وتغوي
‏جات تاخذ الثار من ادم وذريته

.....

رد: فوق هام السحب ( الشعر الشعبي) على متن القوافي
 

يالله عسى كل كدّ في رجاك مخلوف
واعوذ بك م الحسايف والزّرى والنّدم

الله يا ما قصَرت النفْس دون الشفوف
واليا بغيت انتهج عيّت تزوع القدم

الله يصيب العدم والله يصيب الظروف
الله يصيب الظروف اللي تجيب العدم

.....

رد: فوق هام السحب ( الشعر الشعبي) على متن القوافي
 

الفسل تسمع لهجته مثل الهنود
اذا سمع فزعه ترابش مجبره

.....

رد: فوق هام السحب ( الشعر الشعبي) على متن القوافي
 

‏لا ضاقت الدنيا قل الحمد لله
حتى ولو انك من الوقت هايم

ماخاب من هو يحسن الظن بالله
وماضاق صدرن يذكر الله دايم

.....

رد: فوق هام السحب ( الشعر الشعبي) على متن القوافي
 

من عنفوان الحرف هذا استمديت
إلهام واحكام المعاني الفريده

لملمت احاسيسي وحطيت شليت
نقبت عنها من مناقب عديده

وابحرت في عمق الجزالة ورسيت
في شط هذه المفردات الوليده

مسكت في طرفة شباكي ومديت
حَبلي لصيدالشارده والطريده

وغُصت في بحر الغزل ثم لويّت
حول الحسان المِقربه والبعيده

من بين كل الحسنوات قدتنقيت
اجمل غزال ذات الصفات المجيده

سلام يا بدر السماء حين ضويت
أضأتهامن حضرموت للحديده

يامن بطلعة حاجبيك استلذيت
كأنني حصلت ماكنت اريده

بل كنت انت الإمنية ذي تمنيت
وكنت لي فرحة زماني الوحيده

يا من بجلباب المحاسن تغطيت
لبست ثوب الحسن لِبس الكَشيده

عليّت فوق اهل الجمال ثم عليت
وصرت فوق الكل حُلة جديده

مُحنّاة اطرافك بلا ما تحنيت
والورد بخدودك يداعب جليده

ما شفت مثلك في جمالك ولا رريت
لا في القرى ولا القصور المشيده

الحور لاخليت منها ولا ابقيت
أخشىَ عليك أن توقعك في مكيده

وقفت بابياتي امامك ترن زيت
واخذت من قيفانها كل جيده

كتبت عَنّك نحو سته عشر بيت
والا انت تستاهل ثلاثين قصيده

عبدالله البحم

رد: فوق هام السحب ( الشعر الشعبي) على متن القوافي
 

يا من يسلم لي على الغالي
ويجيب لي منه مراسيله

راحت ليالي منشغل بالي
ما غمضت عيني ولا ليله

يا طول صبري آه يا عزالي
قلبي من الهجران يا ويله

من كثر صده خلي صد حالي
مدري شاسوي ضاعت الحيله

.....

رد: فوق هام السحب ( الشعر الشعبي) على متن القوافي
 

ظبي العيون ومبسمه مرتع التوت
والليل بخصال الشعر يستر الغيم

مزيون ومدلل و في طبعه كيوت
يكسر شموخ الذيب ويلاعب الريم

.....

رد: فوق هام السحب ( الشعر الشعبي) على متن القوافي
 

‏وين أتوجه والليالي ماتطاق
‏وأنت الوحيد اللي دموعي تألفه

‏ما عاد لي عقبك اصحاب ولا رفاق
‏لا ولا لقى قلبي قلوب موالفه

‏ملّ الجفن يذرف دموعي الرقاق
‏خذني بصدرك ما بقى وجـه آلفه

‏وعلم شعوري لانزف جرحي وفاق
‏ إن الندوب اللي بصدري تـالفه
ِ
.....

رد: فوق هام السحب ( الشعر الشعبي) على متن القوافي
 

‏انا الحزين الحزين اللي عليه الكلام
‏وأنا الغريب الغريب المغترب بوطنه

‏وأنا الي أقصى طموحاته يعيش بسلام
‏فاقد شعور السلام الداخلي كم سنه

‏بعض الليالي مامرتني مرور الكرام
‏احداثها مُحزنه وامراضها مُزمنه

‏ياصاحبي صاحبك ماهو على مايرام
‏الحزن مثّر على نفسّيته وبدنه
ِ
.....

رد: فوق هام السحب ( الشعر الشعبي) على متن القوافي
 

‏البارحة مابين ذكرى وتذكار
‏عيا يطب النوم سود الجفوني

‏ياغايبي والشوق مخلوق من نار
‏ماهنت لو غيرك عليا يهوني

‏وشلون تتركني على عتبة الدار
‏وانت الوحيد اللي بكت له عيوني

‏اسألك في وجه الولي رب الابرار
‏رازق ضعيف الطير فوق الغصوني

‏ان كان باقي لي معزة ومقدار
‏عوود ترا شوفتك تشفي طعوني
ِ
.....

رد: فوق هام السحب ( الشعر الشعبي) على متن القوافي
 

‏يفز الحنين من آخر الصمت والفقدان
‏وتهيج الجروح اللي عن الشِعر حابسها

‏فقدتك وفقدانك على وجه عمري بان
‏وانا اخترتك بمعشب سنيني ويابسها

‏عيون ٍ روَت وجهك عمر ماملاها انسان
‏يغني لها الملح وترفرف نوارسها

‏ياكثرك بذاكرتي تمر وتسيل أشجان
‏وتفاصيلك بكل الوجيه اتلمسها

‏تمر الحياه وليت الاقدار بالامكان
‏واعرف الليالي وش تخفي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها

.....

رد: فوق هام السحب ( الشعر الشعبي) على متن القوافي
 

‏أغلب رفوف الكتب ما حرَّكت ساكن
‏كثر ما حرَّك شعور القلب مسودّة

‏مثل الهوامش وأمان شْعوري الراكن
‏يدرى إختلاس العيون العابرة ودّه

‏وش أنتظر له لطيف أن مرَّ الأماكن
‏صدري يجرّ النسم كنّ النسم نِدّه

‏قرَّبت منّه قميصي ليلة ولكن
‏لا من دُبر قدَّه ولا من قُدم قدَّه

.....

رد: فوق هام السحب ( الشعر الشعبي) على متن القوافي
 

يا ذا القمر.. قامت تغيِّر مساريك
يا بطي مطلاعك.. ويا سرع مسراك

طفت النجوم اللي من أول تباريك
ما شفت نجم بان قبلك وخاواك

قبل أمس.. أعدّ لك الليالي وراعيك
واليوم عني نازح البعد.. خفاك

يا نجد.. جعل مروّح الغيث يسقيك
يعل ريانك.. ويسقي ظماياك

يا نجد حبيناك.. من حب راعيك
اللي بنى مجدك وصانك وسواك

يا نجد.. قلبي ينفعه يوم يطريك
الله يلوم اللي يلومه إلى أطراك

الأمن.. والإيمان متوطن فيك
فضل المليك اللي ربا فيك.. وارباك

العين في سود الليالي.. تناجيك
لو هي (بلندن) كانها اليوم بحماك

كلام مشتاق يبي شوف أراضيك
جنسيته تحمل فصيلة.. رعاياك

ماهو كلام إمخادعي.. يسميك
باسم تنافا مع حلاياك.. واسماك

بالشر يدعي لك.. وبالخير ناسيك
ما يدري أن أهلك تسلو.. بذكراك

لبيك يا داري من البعد لبيك
صرخة غريب ما يصدق بلاماك


شعر: خلف بن هذال العتيبي

رد: فوق هام السحب ( الشعر الشعبي) على متن القوافي
 

‏يا أهل الصدور الضايقه عيّنو خيـر
لجروحـكم عـندي عـلاجن يضمّـد

لآ شـانت ظروف الزمن والمقآدير
صلوّ على خير البريّه محمد

عليه أفضل الصلاة وأتم التسليم

رد: فوق هام السحب ( الشعر الشعبي) على متن القوافي
 

‏كسّرني الوقت وظنون الهُوى خـابت
‏ياغـاية الـرُوح روحـي من يواسّيهـا

.....

رد: فوق هام السحب ( الشعر الشعبي) على متن القوافي
 

ماني مبشر بالعوض وأنتَ موجود
‏أنتَ الأصل جعل الأصل مايبدل

.....

رد: فوق هام السحب ( الشعر الشعبي) على متن القوافي
 

عسى كل عيـنٍ دمعها بالوفاء رقراق
‏تزين الليالي لو على شان خاطرها

‏الا ياعيونٍ سبّلت دمعها الحـرّاق
‏ونامت حزينة مالقت من يعبرها

.....