رد: فوق هام السحب ( الشعر الشعبي) على متن القوافي
 

خل الغياب لغيرنا حنا تعودنا الوصال
انا انتظر وصلك عمرَ واردد ان شفتك هلا

مكانك بقلبي هنا ماياخذه غيرك تعال
يفز قلبي لو تمر وان غبت قلبي ماسلا

.....

رد: فوق هام السحب ( الشعر الشعبي) على متن القوافي
 

‏تطري علي واشتاق لك واتمناك
‏والقاك حلمٍ من بعض ذكرياتي

انا ادري اني صرت ماني بوياك
‏لكنك احلى حلم مر بحياتي

من عاشرك ماظنتي بيوم ينساك
‏مهما تغيب تكون لي مثل ذاتي

واصعب مواقف دنيتي يوم فرقاك
‏فيها عرفت انك تساوي حياتي

.....

رد: فوق هام السحب ( الشعر الشعبي) على متن القوافي
 

عسى وجهك يسامحني على التقصير
‏يابو وجهٍ يغربني عن افكاري

‏احبك والسفر نوعٍ من التغيير
‏اسافر لك وأنا في زحمة اعذاري

‏اقول اسف وأنا الأسف على التأخير
‏انا المشتاق للغربه عن دياري

‏واذا تسأل عن اخباري بكون بخير
‏مدامك أنت تسألني عن اخباري

.....

رد: فوق هام السحب ( الشعر الشعبي) على متن القوافي
 

افعل المعروف وتشوف العجايب
كل حاجه ممكنه تقدر عليها

يمكن تنجّيك من بعض المصايب
حاجةٍ في وقتها وفقت فيها

قمت معّ محتاج والا اسعدت شايب
انت ناسيها وربك مانسيها

.....

رد: فوق هام السحب ( الشعر الشعبي) على متن القوافي
 

ياما قطعناها من الميل للميل
تبي تجمركنا ولا جمركتنا

تلعب بنا الدنيا وحنا رياجيل
لا غيّرت فينا ولا حركتنا

.....

رد: فوق هام السحب ( الشعر الشعبي) على متن القوافي
 

قالت من انت وقلت مجموعة انسان
من كل ضد و ضد تلقين فيني

فيني نهار وليل وافراح و احزان
اضحك ودمعي حاير وسط عيني

وفيني بداية وقت ونهاية أزمان
اشتاق باكر واعطي امسي حنيني

واسقي قلوب الناس عشقٍ وظميان
واهدي حيارى الدرب واحتار ويني

واحاوم صقور الهوا حوم نشوان
واسيل الوديان دمع حزينِ

في عيني اليمنى من الورد بستان
وفي عيني اليسرا عجاج السنينِ

تهزمني النجلا وانا ند فرسان
واخفي طعوني والمحبه تبين

ِإن ما عرفتيني فلا ني بزعلان
حتى انا تراني احترت فيني


خالد الفيصل

رد: فوق هام السحب ( الشعر الشعبي) على متن القوافي
 

اياً الذي من قاعة البير يظهرك
اياه وايا الذي تركى على الجال

قدرك وتقديرك لمن لا يقدرك
غبن ولا يصبر على الغبن رجال

عبدالرحمن الوهيبي

رد: فوق هام السحب ( الشعر الشعبي) على متن القوافي
 

في اتصال هاتفي سألني الشاعر الكبير
بدر الحويفي عن قائل هذين البيتين:



أي الذي من قاعة البير يظهرك
أياه وأيا اللي تراكى على الجال

قدرك وتقديرك لمن لا يقدرك
غبنٍ ولا يصبر على الغبن رجال

قلت له إنني لا أعرف القائل ولم أسمع الأبيات
من غيرك فقال لقد أثاراني بجمال معناهما
فكتبت هذه الأبيات على نفس المعنى والبحر والقافية:


لا تصاحب اللي بالقسا ما يشاطرك
عند النوايب لا تحطه على البال

لا صار باوضاع القسا ما يباصرك
طبيعته ما له على الطيب مدخال

العفن لو هو في رضاعك مخاشرك
عليه لا تسند ولا تشكى الحال

اسند على اللي صحبته ما تحدّرك
وان جا مجاله قالوا الناس رجال

والراي لا تعطيه من لا يشاورك
مالك وماله لا شكى لك ولا سال

رد: فوق هام السحب ( الشعر الشعبي) على متن القوافي
 

‏عن البال ما راحت طواريك لجل تعود
‏مثل كـل ليـلة طيش مرَّت على تايب

‏طبيعي بأن الناس تستشعر الموجود
‏وأنا أستشعرك موجود وأستشعرك غايب

.....

رد: فوق هام السحب ( الشعر الشعبي) على متن القوافي
 

‏لو ترد السيل في بطن السحابه
‏ما ترجع قيمتك في قلب عايف

.....

رد: فوق هام السحب ( الشعر الشعبي) على متن القوافي
 

ليتها الأميالَ نحوكَ يا صفيّ الروحِ تُطوى
‏ ثمّ عين الشّوقِ منّي قرّةً تهنـا وتُروى

.....

رد: فوق هام السحب ( الشعر الشعبي) على متن القوافي
 

لولا الحياء والملام وهرج عذّالي
لاقول بيتٍ يراودني وخبّيته

فلاَن كل الوجيِه اللّي على بالي
وفلاَن كل القصيد اللّي تغنّيته

.....

رد: فوق هام السحب ( الشعر الشعبي) على متن القوافي
 

‏أبتسم لي ضاقت بوجهي جميع اربع جهاتي
‏واقترب لي لا شعرت إني فهالدنيا وحيدة

‏مالي إلّا وجهك اللي به زهابي وامنياتي
‏وصوتك اللي لا سمعته صارت سْنيني سعيدة

‏عادك اوّل من عرفت و عادك أحلى ذكرياتي
‏يا هواي اللي لو يعود العمر بارجع اعيدة

.....

رد: فوق هام السحب ( الشعر الشعبي) على متن القوافي
 

‏يامبعدٍ عني ترا الروح تهواك
‏ارحم قتيل الهوى وارجع لخلك

‏يذرف دموعه دم من زود فرقاك
‏يشتاق لك قلبه ولا يوم ملّك

.....

رد: فوق هام السحب ( الشعر الشعبي) على متن القوافي
 

‏السعة كانك تبي صدق السعة
‏لاتظلل في ظلالًا ما يبيك

‏مشاعرك لو الضلوع موجعه
‏لا تسوقه غير للي مشتريك

.....

رد: فوق هام السحب ( الشعر الشعبي) على متن القوافي
 

‏عمر الشعور الصدق ماكان زايف
‏ودربٍ يودي لك أعرفه ومخبور

‏بين الحنين وعزة النفس خايف
‏أجيك وأرجع منك عايف ومقهور

.....

رد: فوق هام السحب ( الشعر الشعبي) على متن القوافي
 

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق لذات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه

سعد بن جدلان رحمه الله

رد: فوق هام السحب ( الشعر الشعبي) على متن القوافي
 

أحلامنا كانت على ريشة الطير
‏والطير طار وريشة الطير طاحت

‏وأيامنا صلفة وفيها معاصير
‏شوفـوا بقايا احلامنا وين راحت

.....

رد: فوق هام السحب ( الشعر الشعبي) على متن القوافي
 

ودنا بالطيب بس الدهر جحـاد طيـب
كل ما تخلص مع الناس كنـك تغشهـا

يدك لامدت وفاء لاتحرى وش تجيـب
كان جاتك سالمه حب يـدك وخشهـا

كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا

وكل ما واجهت لك فالزمن وجه غريب
مثل ماقال المثـل دام تمشـي مشهـا

وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

سعد بن جدلان رحمه الله

رد: فوق هام السحب ( الشعر الشعبي) على متن القوافي
 

‏أنت يامسك البدايه ويامسك الختام
‏ما طرا لك تسقي اللي من الصده ذبل

‏كل حاجه تنتهي بعد فقد الاهتمام
‏الجفا مثل الدهر والوصل مثل الوبل

‏عطني من الحب بالصاع والا بالچرام
‏وأعتبر مكسبك مضمون لو قالو خبل

‏الربا فالحب ماهوب عيب ولا حرام
‏لا عطيتك حب وأحساس رجعها دبل

.....

رد: فوق هام السحب ( الشعر الشعبي) على متن القوافي
 

حي هالوجه يا وجه السعد
‏ريحة الغيم تشبه ريحتك

‏جيتني البارحه على الوعد
‏والمطر هل مع تلويحتك

‏ومثل ما يسبق البرق الرعد
‏إبتسامَتك تسبق صيحتك

.....

رد: فوق هام السحب ( الشعر الشعبي) على متن القوافي
 

‏أنت الصديق اللي له القلب يرتاح
وأنت العشير اللي يساوي عشيرة

وأنت الرفيق اللي من العين ما طاح
وأنت الشقيق اللي مسيري مسيره

.....

رد: فوق هام السحب ( الشعر الشعبي) على متن القوافي
 

أساير زماني وأتماشى على ممشاه
لو أن النفوس أحيان ماهيب مقتنعة

.....

رد: فوق هام السحب ( الشعر الشعبي) على متن القوافي
 

ذخرتك للشقى صدرٍ يكفّيني عن الباقين
وذخرتك للمدى هقوة تشتّت كل ضيقاتي

.....

رد: فوق هام السحب ( الشعر الشعبي) على متن القوافي
 

‏اتركوني لين أسجّ الرجل بالقاع البياح
خاطري من دورة الأيام جاه اللي كفى

ودي آخذ عن ضجيج الناس جرعة ارتياح
وأختلي وأسلى عن اللي في محاديبي خفى

كافَحت نفسي ظروف الوقت بأنواع الكفاح
وانتهضت وما انثنى عزمي ولا وجهي هفى

لو يخون الصاحب اللي كنت أظنّه لي سلاح
ولو يصد اللي عروق القلب تنبض له وفى

ريان العياضي

رد: فوق هام السحب ( الشعر الشعبي) على متن القوافي
 

يلقاني أگبر من تواصيف حرفہ
والقاه اگبر من شعوري ونبضي

لا لامست گفي من الشوق گفہ
نطقت بدون شعور يا گبر حظي

.....

رد: فوق هام السحب ( الشعر الشعبي) على متن القوافي
 

‏احذر تعاتب من تعمد يجافيك
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

رد: فوق هام السحب ( الشعر الشعبي) على متن القوافي
 

اشتقت لك يا راحــــة القلب والروح
واشتقت اسولف لك عن الحب وينك

الشوق لاجلك داخــل العين مفضوح
ليتك تشوفي شوق عينـــي بعينـــك

.....

رد: فوق هام السحب ( الشعر الشعبي) على متن القوافي
 

خذني مثل طفـل ٍلقا راحـته فيك
‏طفـلٍ يتيـم ولايع الوقت لاعـه

‏حتى ليا شفته من الشوق يدعيك
‏تفرد له أحضانك وترحم ضياعه

‏خله يذوب من الفرح بيـن اياديك
‏وينسى معك ضـيم الزمن والّتياعه

.....

رد: فوق هام السحب ( الشعر الشعبي) على متن القوافي
 

‏جـابك الله يوم قالو معوض خير
‏أشهد إن الخير وجهك وترحابك

.....

رد: فوق هام السحب ( الشعر الشعبي) على متن القوافي
 

دكتور قوللي وش علاج المحبه
وين العلاج اللي يداوي المحبين

لافادني المرهم ولا الف حبه
ولا المهدي والابره والبروفيين

القلب شاغلني ومغرم بحبه
واخاف نصبح بعد فتره مجانين

.....


جواب رد من ابوشاجع

عندي عـــــلاجك يالـمتيم وطبـه
لك ياكحيل الـعين يالحالي الزين

دكتـور مـــختص للمحبين طبـه
خبيــر و اعــالج جميــع المحبين

رقم العــياده هو عالوتس ذي بـه
دق الرقم ورسل شكاويك ذلحين

كـل الفــحوصـات والتحليل كبـه
دام والعلاج عندي لكل المصابين

رد: فوق هام السحب ( الشعر الشعبي) على متن القوافي
 

يامساء الـشوق وإحـساس الغياب
ويا مساء إللـي ذكـــر خلّه بخير

مــن ذكـرته انـفـتـح للمساء بـاب
ھـمـّي المعتاد والـشـوق الـكثير

.....

رد: فوق هام السحب ( الشعر الشعبي) على متن القوافي
 

مِتولعَـه بـالشِعـر واحسَاسهِا غير
وكل ماعَجبهآ بِيت قَالت عَلى الجرْح

محدن يِشـابـهآ بكل الـغنِاديـر
في زينَهآ واحساسها يصعب الشرح

.....

رد: فوق هام السحب ( الشعر الشعبي) على متن القوافي
 

‏القـلب بيتـــك والغـــــلا ورد وزهـور
يفـوح عـطر الشــوق لحظة مـرورك

جـاوزت لعـيـونك مـحطات وبحـور
من قبل أصافــح بالمعاني سطورك

ياخل غرامــك صار فالروح منثور
في الدم يجــري به غلاك وشعورك

وانت نبض القلب والشمس والنور
ولو غاب كل الكـون يبقى حضورك

.....

رد: فوق هام السحب ( الشعر الشعبي) على متن القوافي
 

اعشق حروفك واعشق اسمك والهدف
.واعشق دلالك والدلع واعشق غلاك

اعشق عيونك ذا بها كل الشغف
واعشق عنادك والعتاب واعشق غواك

اعشق حماسك في الهوى لاقد عصف
واعشق زعل قلبك وحين اطلب رضاك

.....

رد: فوق هام السحب ( الشعر الشعبي) على متن القوافي
 

‏غالـــي وتبــطي داخل الـقلب غالـي
‏تعال عــندي وأفــتح القلب وتشوف

‏لامرنــي طيــفك وداعـب خيـــالـي
‏أسكت وأقول بخاطري حيّ ذا الشُوف

.....

رد: فوق هام السحب ( الشعر الشعبي) على متن القوافي
 

‏أعاتبها ويلمع دمعها واغير الموضوع
أنا الغلطان دام السالفه تاصل مدامعها

.....

رد: فوق هام السحب ( الشعر الشعبي) على متن القوافي
 

اقـنـع بحـالك والظروف المحيطه
دام السـعاده والـرضا بالـمـقـادير

بسيط وتحب الحياة البسيطـــه
خلك على هالقاعده وابشر بخير

.....

رد: فوق هام السحب ( الشعر الشعبي) على متن القوافي
 

كافحت بالدنيا وخضت التجاريب
وعِرفت منتـوج العمر من كفاحـه

أكبر سبب يجلب عدوات ويجيب
للناجـح المـوهـوب قـوة نجاحـه

.....

رد: فوق هام السحب ( الشعر الشعبي) على متن القوافي
 

يارب زدني تمسك بالشيم والمبادي
بدون بعض المبادي ما للانسان قيمه

سفر الدغيلبي