رد: اخترنا لكم
 

درب الهوى مافيه كاسب وخسران
دام الحبايب بين بايع وشاري

يجلط خفوقي كلّ حاسد وخوان
اللي يحاول يبعدك عن مساري

.....

رد: اخترنا لكم
 

شوفك ينسيني شقى كل الايام
ادخل على الله لاتفارق عيوني

وان كان غيبتك مقادير الايام
صورتك والله باقيه في عيوني

.....

رد: اخترنا لكم
 

أقدارنا نجهل تودينا لوين
الله عطا والله خذا والله كتب

نعوذ بك ياربنا من حاجتين
كآبة المنظر وسوء آلمنقلب

.....

رد: اخترنا لكم
 

على الله على الله سيرها والرجا ماخاب
على الواحد اللي فيه الامال معقوده

كريمٍ ليامني دعيته فتح لي باب
حليمٍ ليا زليت ما ايّست من جوده

.....

رد: اخترنا لكم
 

يا جماعة كان لي حقٍ عليكم
أدعوا أنّ اللي على البال يتحقّق

ضايقٍ صدري وأنا منكم وفيكم
كن قلبي بين الأضلاع يتشقق

.....

رد: اخترنا لكم
 

اسمحوا لي لين أطيّب خاطري وأخفي حضوري
ودّي أبعد عن جميع الناس دون أدناة سبّه

الحضور أشبع غروري والغياب أصبح ضروري
والعرب ما عندهم غير المحبّه والمسبّه

.....

رد: اخترنا لكم
 

لا تسخر من المبلي وتضحك على بلواه
يقولون من يضحك على شي يبلابه

إذا الله بستره ما شمل عبده وغطّاه
الإنسان ما تستر عذرايبه ثيابه

.....

رد: اخترنا لكم
 

الضيقه أحيان من لا شي تبلاني
وأنا بلا شي فيني ما يكفيني

أسألك ربي تخفف جملة أحزاني
وتدخل على قلبي الفرحه وتهديني

.....

رد: اخترنا لكم
 

البارحه ماني من الهم خالي
لو كان عيني بالسهر مالها ذنب

ياشين سكين الرفيق الموالي
اللي توغل بك من الجنب للجنب

.....

رد: اخترنا لكم
 

نهارٍ غثيره يرضي الخاطر الزعلان
لك الله كن الشمس بالغيم محجوبه

تخفّى بعضها فالغثير وبعضها بان
مثل بنت عودٍ يوم شافوه هلو به

عطوه النشاما منحر المجلس المليان
وهي تتقي من زحمة الناس في ثوبه

.....

رد: اخترنا لكم
 

ياربّ هذا زمن فتنة ووقت إنقسام
ما أدوّر إلا الثبات وما أطلب إلا اليقين

أدعي مثل ما دعا يوسف عليه السلام
توفني مسلماً وألحقني بالصالحين

.....

رد: اخترنا لكم
 

يقولون كيف الحال واقول ماش الحال
وانا والله ان قدلي شهر ماني بطيب

تحت رحمت الرحمن فالحل والترحال
لكن اعذررني كاني ابطيت متغيب

....

رد: اخترنا لكم
 

والنوم لي وقت لاجيته ولاجاني
يرسل علي والسهر يذبح مراسيله

.....

رد: اخترنا لكم
 

ماعاد حنا أثنين يامساء الأثنين
جارت علينا ظروف الزمن وافترقنا

.....

رد: اخترنا لكم
 

هنيّاً ...لمن يستغفر الله بالاسحار
وينفض غبارالصدر ويصحح اعماله

طقوس العبادة تنعش المخ والافكار
وتعطي الجسم طاقة مثل طاقة الآله

.....

رد: اخترنا لكم
 

ماني بمصخي به ولاني بناسيه
صدري مداهليه وقلبي محله

بعيش لآخر يوم في عمري ارجيه
رجوى المريض اللي تحت رحمة الله

.....

رد: اخترنا لكم
 

تصبح الدنيا وأهلها على شمس الصباح
وأنتِ شوفك صبح ثاني وشمسً ثانيه

.....

رد: اخترنا لكم
 

يسعد مساء من داعب الشوق طاريه
اللي سكن بالقلب مع صادق الشوق

ويسعد حياته واسعد الله لياليه
اللي غلاه يفوق عن كل مخلوق

.....

رد: اخترنا لكم
 

الله عطا للرياض من الحظ حظين
زودٍ على نسمة هواهـا وجودك

.....

رد: اخترنا لكم
 

‏لاتكابر شوف لك نظره وعدي
ماعلى النظره على اشعاري حساب

ادخل اقراء شعور قلبي وماكتبت يدي
من قصايد شــوق واشعــار العـتاب

كلـها لك وانت مقصــودي وقصـدي
وانت تدري بــس ما تعطـي جــواب

طبعك القاسـي حـرق قلـبي وكـبدي
وذقت منه الويل واصناف العذاب

.....

رد: اخترنا لكم
 

لا هزتك ذكراي في يوم واشتقت
والشوق لا مرك مع الوقت قلي

لا تحسب اني في غيابك تضايقت
حتى خيالك في غيابك يسلي

.....

رد: اخترنا لكم
 

انا اشهد ان كلمة احبك لها دور
لكن ما يشعر بها قلب خالي

يشعر بهاقلب له احساس وشعور
قلب يعاني الشوق من بعد غالي

بين الحنايا داخل الصدر ماسور
في كف من هو صار للقلب والي

قلبن وفي مايعرف اللف والدور
ولايصدق هرج قولة وقالو

يصبرمن اجل الحب للظلم والجور
ثابت على حبه ثبوت الجبالـي

.....

رد: اخترنا لكم
 

حسايف الحزن يغشى وجهك الطاهر
والورد في وجنتك حرام تغريقه

يفداك قلب على ما تشتهي حاضر
يفداك باللي بقى لي من معاليقه

.....

رد: اخترنا لكم
 

مِن بحر جدَّه إلى شرق الخُبر
في الحضر والبدو ما تلقى حَلاه

شوفِة المحبوب والروضَ الخضر
تِنعش القلب المِشقَّي واتغذّاه

.....

رد: اخترنا لكم
 

‏عاتبني عتاب غالي لا حصل زله
وقبل المعاتب ضروري تعرف أحوالي

ظلم إنك تقول ناسيني وأنا والله
ما فيه لحظة تمر وما أنت في بالي

.....

رد: اخترنا لكم
 

‏يارب لاجاني من الوقت ضيقه
مالي سواك انت الذي تبعد الضيق

ضيقي مسوي في شعوري حريقه
والحال اغرقني في الهم تغريق

يارب شف لي مـن فروجك طريقه
همي كثر وانا على الضيق ماطيق

فيك الرجاء يا اللي حبالك وثيقه
وفيك الامل يافارج الهم والضيق

.....

رد: اخترنا لكم
 

جيت فرصة عمر وسط الضمير معموره
ڪل طاري يجيبڪ لي فرصه سعيده

أتـذڪرڪ لامن القمـر شــع نــوره
والنجوم إبتدت بالڪون رحله جديده

في مرابع غلاڪ اللي ما يرضي غروره
غير حب فقدتہ وأشهد إنـه فقيـده


.....

رد: اخترنا لكم
 

‏من غلاه وحشمتي له وخوفي لايضيع
‏ناقلً هم المفارق وهو عاده معي

‏جعل رب حط حبه ورى صدري وديع
‏مايخلي صوته العذب يجفى مسمعي

.....

رد: اخترنا لكم
 

كل المشاعر على دربك تودّيني
ولغيرك الصدر مَا رحّب ولا هلا

.....

رد: اخترنا لكم
 

صاحب حافظ غلاه وصاحب عني محيته
واكثر الاصحاب تتغير ولا ادري وش بلاها

من يقفي خله يقفي ويبطي مارجيته
ماتعودت اطرد المقفين والا ابحث وراها

.....

رد: اخترنا لكم
 

مع الشوق للماضي تفوح الطواري فوح
مثل قوة التيار قوة مشاعرها

.....

رد: اخترنا لكم
 

يارسول المحبه بين قلبي وقلبه
لو جرحني حبيبي زاد في القلب حبه

بلغه بالسلام وذكره بالغرام
قله ارحم حبيبك وين يلقاك وينك

.....

رد: اخترنا لكم
 

‏طول علي الوقت والقلب شره جاه
وضيعت انا وقتي والايام محسوبه

وانا حالف مدله ولا اتوب من هواه
ماني بورعً دلهو له بلعبوبه

ياحرق قلبي فوق جمر الغضا حرقاه
لما حل طاريهم دنا القلب لاهوبه

.....

رد: اخترنا لكم
 

أنتي فقط لاتزعلين وترحلين
أحبك الزعلانه المتغاضيه

جيتي وخليتيني أحب السنين
وانقد على بعض السنين الماضيه

والليلة اللي في مجيها تضحكين
ياحلوها حلواه وأنتي راضيه

.....

رد: اخترنا لكم
 

ياشوق روحي وقلبي وقطعة مني
عتابك ألطف من النسمة على فؤادي

مايجرح القلب إلا غيبتك عني
ولا عتابك يشابه طبعك الهادي

أنا أهتني يوم أشوفك أنت متهني
وأشوف نور الهنا في طلتك بادي

ما يختلف فيك ظني ياحسن ظني
دايم وفيه معي ياغاية مرادي

.....

رد: اخترنا لكم
 

الله خلقها حشيمه من سلالة حشام
تاخذ من الصمت عزّ ومن الحيا فالها

كريمة شعور وما بعض الأوادم كرام
لو طالو الغيم محدٍ منهم طالها

مرّت عليها ليالي ما تمر بسلام
تقدر بوجه الليالي توقف لحالها

.....

رد: اخترنا لكم
 

‏طرالي غزالٍ مع هل الصنف ماقد سيق
لغيره من الخفرات ما عاد لي طمعه

يقهونه غسال الفناجيل فك الريق
وتقرأ عليه الناس والفتح والجمعه

.....

رد: اخترنا لكم
 

الصمت اجمل احاسيس الغلا ذوق
واحلا كلام الحب شعر وخواطر

وان مارتوينا من غمام المطر شوق
لا بد من وقت به الشوق ماطر

.....

رد: اخترنا لكم
 

أصد عن بعض الخطأ والتفاهات
اللي تضيع وقت من خاض فيها

ودك ترتب قائمة للعلاقات
وتحط مجموعةٍ ما يشره عليها

.....

رد: اخترنا لكم
 

ياسعود ماعندك سلف نوم ساعه
للي عيونه تسهر الليل ما تنام

ياسعود وش حيلة من الهم لاعه
ماعاد به صبر ً على سود الأيام

أسهر لياما الصبح يضوي شعاعه
ياسعود كن عيون صاحبك صيام

اسهر سهر منهو يشوف القطاعه
فيه الرحم والناس قطاعة ارحام

.....