رد: فوق هام السحب ( الشعر الشعبي) على متن القوافي
 

‏لا تكتم شعورك وانا شابع سكات
‏لا أشتقت لي قلّي وباقول لا اشتقت

‏وصوّر لي عيونك على مر الأوقات
‏مردّها بْتقفِي عيونك مع الوقت

.....

رد: فوق هام السحب ( الشعر الشعبي) على متن القوافي
 

‏ياللي عن أنـظـار المضافين خافي
‏مالي على التغريد بـغـيابكم شف

‏والنـاظر المـحـزون للنـوم عــافي
‏لا تطول الغـيـبات في حـالتي رف

.....

رد: فوق هام السحب ( الشعر الشعبي) على متن القوافي
 

طرف الليل وانقاد النسيم وتنبه
‏خاطرٍ من صواديف الزمن فيه حرّه

‏ليت قلبي ذعاذيع الغلا ما تهبه
‏وليت عيني تجود بدمعها ما تثره

‏كيف ابسلا وانا اطا كل ليله مربه
‏وتعترض صورته واقول لله دره

‏تهت مابين عنق وبين منحر و لبه
‏وعين حر وجديلٍ ضافي وخصر حرّه

‏قد طلبته وانا المطلوب مانيب احبه
‏وقد تبعته وانا مانيب تباع جرّه

‏يوم شفته نوا الهجران من دون سبه
‏وقام يكثْر علي من العتب و يتشرّه

‏قلت درب الفراق اللي تطريه ذبه
‏واخذ معك الغلا الباقي بخيره وشره

‏قال قلبك قسى بعد الوفاء ؟ قلت صبه
‏ما بقى في مداهيله للاشواق جرّه

‏من طروق الغرام ومن دروب المحبه
‏سامحٍ خاطري ماعاد لي شف مره

.....

رد: فوق هام السحب ( الشعر الشعبي) على متن القوافي
 

‏ذقنا ملذات الهوى حب وفراق
‏وشفنا من صدوف الزمن واكتفينا

‏وعشنا ثلاث سنين بالضبط عشاق
‏احلى ثلاث سنين مرت علينا

.....

رد: فوق هام السحب ( الشعر الشعبي) على متن القوافي
 

‏ماتركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فـ انا اوّل من يشيله
‏وان تمادى بالسهر ليله فـ انا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

رد: فوق هام السحب ( الشعر الشعبي) على متن القوافي
 

‏لعنبو من ذل نفسه لغــير امه وابوه
‏لو تــروح الـروح نفس الفتى ما ذلها

‏علموا من هان نفسه لمطمع علموه
‏شيمة الرجـــال تســوى حياته كلھا

.....

رد: فوق هام السحب ( الشعر الشعبي) على متن القوافي
 

‏أصل البكا يا صاحبي من كذا نوع
‏مره وله ومره حزن ومره إخلاص

‏إحدٍ إليا منه بكا طـــاحت دموع
‏وإحدٍ إليا منه بكا طاحوا آشخاص

.....

رد: فوق هام السحب ( الشعر الشعبي) على متن القوافي
 

‏عذرك تحبين القصايد وعذري
‏انك طموحات القلوب النبيله

‏أنا اختصرت الناس بإبداع شعري
‏وانتي اختصرتي كل أنثى جميله

.....

رد: فوق هام السحب ( الشعر الشعبي) على متن القوافي
 

‏عطوني اللي مرّها ماهو مثل مرّ الحياة
‏ما كنّها الّا ترفةٍ يستر زعلها زِينها

.....

رد: فوق هام السحب ( الشعر الشعبي) على متن القوافي
 

‏وقفة الطيّب اكبر من حدود الكلام
‏الذهب مايصدّي والمواقف محك

‏عـادة الوافي اللـــي يدفعك للامام
‏كل ماضــاقت الدنيا بعينك ضحك

.....

رد: فوق هام السحب ( الشعر الشعبي) على متن القوافي
 

‏منطق لسانك يكشف السر للناس
‏عن تربيتك وساس جدك ومعدنك

‏لو كـان للطيب علامــه على الراس
‏مـا قـيـل مـن لا يعرفك مـا يثمنك

.....

رد: فوق هام السحب ( الشعر الشعبي) على متن القوافي
 

‏يا خليل القلب ماعاد يصلح له خليل
‏ غيرك الله يلعن اللي ليا عاهد يخون

‏ لاتجاملني ترا قلبي أحساسه ثقيل
‏ لو تقول أهلاً وسهلاً يحس انه يمون

‏أنت لوتدري بحبك طلبت المستحيل
‏مستحيل عندك وعندي أهون ما يكونّ

.....

رد: فوق هام السحب ( الشعر الشعبي) على متن القوافي
 

إليكم مع التحيه...

أهلاً بكلِّ مُتابعٍ ومتابِعَةْ
بقناتِنَا الشعريةِ المُتَوَاضِعَةْ

موسوعةٌ جمعت قصائد جمة
فكأنها بحرٌ عميقٌ في السِّعَةْ

أبياتها كلآليءٍ قد أُفْرِغَتْ
فيها كأمثالِ النجوم اللامِعَةْ

طوبى لمن قد بات فيها متابعاً
يقتصُّ من هذي الثمارِ اليانِعَةْ

رد: فوق هام السحب ( الشعر الشعبي) على متن القوافي
 

العز له ساسه وراعي الطيب معروف
والـصبر فـي بـعض الـمواقف رجـوله

الـلي يـجامل تـالي الـوقت مـكشوف
والـمـجـد مــاهـو أي واحـــد يـطـوله

.....

رد: فوق هام السحب ( الشعر الشعبي) على متن القوافي
 

‏حظ من حطك بجوفه وسكرّ غطاه
‏حتى صوتك ما وده بالعرب تسمعه
‏
‏من يحبك وربي من غرامك عطاه
‏وش يبي من حياته غير شوفك معه

.....

رد: فوق هام السحب ( الشعر الشعبي) على متن القوافي
 

كان عندك عيوب وكان عندي عيوب
عيبك انك سكتّ وعيبي اني مشيت

.....

رد: فوق هام السحب ( الشعر الشعبي) على متن القوافي
 

‏حُبك عطاني درس ماني بناسيه
درس هدم أحلام عمري بـ ثواني

مهمّا تحب وتخلص لشخص تغليه
تلقى النهاية يحب له شخص ثاني

.....

رد: فوق هام السحب ( الشعر الشعبي) على متن القوافي
 

السنافي ليت راسه مايشيّب
وليت عمره يندبل تسعين مره

والردي ليته من الدنيا يغيّب
دام خيره مايعادل ربع شره

.....

رد: فوق هام السحب ( الشعر الشعبي) على متن القوافي
 

ارفق ترا النفس العزيزة عيوفه
‏ماكل عذر ٍبأقبله منك لا أخطيت

.....

رد: فوق هام السحب ( الشعر الشعبي) على متن القوافي
 

اخوي لا ضاق الفضا والدهر شان
يبقي علي سود الليالي عضيدي

اضرب بسيفه هيبة الانس والجان
واسقيه لامنه ظما من وريدي

.....

رد: فوق هام السحب ( الشعر الشعبي) على متن القوافي
 

انا الكبير بعين من يعرف الناس
وانا الصغير بعين من يحتقرهم

تدري وش الافلاس لا قِيل الافلاس
اللي عرف له طيبين وخسرهم

الأمير خالدالفيصل

رد: فوق هام السحب ( الشعر الشعبي) على متن القوافي
 

والنوم لي وقت لاجيته ولاجاني
يرسل علي والسهر يذبح مراسيله

ماعندي الا القصيد يترجم احزاني
اصرف شعر واعتصم بالله واشكي له

سفر الدغيلبي

رد: فوق هام السحب ( الشعر الشعبي) على متن القوافي
 

‏يالعفاف المهذّب والحيا والحشيمة
‏والجمال الحقيقي والوقار المهيّب

‏كل عينٍ ماتشبع من عيونك كريمة
‏ما لحسنك شبيه ولا لزينك معيّب

‏ماتهون المصايب والجروح الأليمة
‏لين شعرك من العود المعتّق يطيّب

‏وكل فكرة تغنّى فيك فكرة عظيمة
‏لين راسي يشيب ولين قافي يشيّب

.....

رد: فوق هام السحب ( الشعر الشعبي) على متن القوافي
 

‏عزي لحال اللي من الفقد مفجوع
‏مــن كثـر مامر بحيــاته وواجه

‏صار الحزن في داخله نبت مزروع
‏تسقيه ذكرى وسمها في حجاجه

‏لاحول لا قوه ولا صوت مسموع
‏ من كل حاجه ناقصه الف حاجه

.....

رد: فوق هام السحب ( الشعر الشعبي) على متن القوافي
 

‏يـالله ياللي نطلبـك حزة الضيـق
‏وللضيـق عنـدك ياكريم انفراجه

‏تفرج لمن همه عن الضحكه يعيق
‏فاقد شعاع الشمس طافي سراجه

‏همه ثقيل ٍ وان حكى ييبس الريق
‏بعض المواقف زودت بانـحراجه

‏عليك يشكي الحمل ما يقدر يطيق
‏فيك التجى وحدك وعندك عـلاجه

.....

رد: فوق هام السحب ( الشعر الشعبي) على متن القوافي
 

‏ياصفحة الخذلان ماعاد نبغيك
‏قصة حياتي ماتحمل هزيمه

‏وان كانها لابد شوفي مراميك
‏في داخلي باقي علامه قديمه

.....

رد: فوق هام السحب ( الشعر الشعبي) على متن القوافي
 

‏أحبّك و أنا اللي لو جميلك علي شوي
‏قدرت أتناسى ليلةٍ ما أنت ناسيها

....

رد: فوق هام السحب ( الشعر الشعبي) على متن القوافي
 

‏ملامح عفيف النفس ما تقبل التاويل
‏عن اللي حياه العفٌ يمنعني أقوله

‏ما بين أرتكازة معتدل وأنحدارة ميل
‏وخصرً هذا ضيقه وعنقً هذا طوله

‏سحاويً يروح الشفق لا انولج فالليل
‏مثل وجنته لا دسهّاا تحت مجدوله

‏نحيل القوام اللي قطاته قطاة الخيل
‏يا حظ اشقرً يقتضّ ويلف من حوله

.....

رد: فوق هام السحب ( الشعر الشعبي) على متن القوافي
 

‏ودّي أسلي شوقي إللي كل ما تركد غصونه
‏هبّت الذكرى من الماضي القديم وحركتها

‏وإنْ بغيت أنسى غرامك وقّفت ذكراك دونه
‏وردت أركاب المحَبه فالخفوق وبرّكتها

.....

رد: فوق هام السحب ( الشعر الشعبي) على متن القوافي
 

‏لولا الحياء والملام وهرج عذّالي
‏لاقول بيتٍ يراودني وخبّيته
‏
‏فلان كل الوجيه اللي على بالي
‏وفلان كل القصيد اللي تغنّيته

.....

رد: فوق هام السحب ( الشعر الشعبي) على متن القوافي
 

‏لاعاد تنشدني عن فلان وفلان
‏حيين لاكن عندي انهم توفو

‏علمي بهم نمشيى سوا مثل الاخوان
‏لكنهم يوم استوى الدرب لفو

‏معاد بالدنيا لا خوه ولا امان
‏لاصار مابه مصلحه منك قفو

.....

رد: فوق هام السحب ( الشعر الشعبي) على متن القوافي
 

‏اعتذر من صاحبي حتى لو أنه مخطي
‏والخطا لاجا من الغالين تحت أقدامي

‏بس تدري وش يجنني ويرفع ضغطي
‏واحد يحكي وراي ويبتسم قدامي

.....

رد: فوق هام السحب ( الشعر الشعبي) على متن القوافي
 

‏البارحــة مـرني طيفك بنص الكلام
‏واشتقت لك لين قالوا كمل السالفة

.....

رد: فوق هام السحب ( الشعر الشعبي) على متن القوافي
 

‏لا تدقق في الامـــور ولا تبرق
‏بارك الله فالبساطه والسهوله

‏الكـــلام الـزين يجمع ما يفرق
‏والكلام الشين ودك ما تقوله

.....

رد: فوق هام السحب ( الشعر الشعبي) على متن القوافي
 

كن مـثل ما ودّك تكـــون لكن لاتصير
‏مثل من يجهــل مكانه ولاّ ينشــد عنه

‏وانتبه لا تحقــر صغـــير وتجادل كبير
‏الصغير اضحك معه والكبير استح منه

.....

رد: فوق هام السحب ( الشعر الشعبي) على متن القوافي
 

‏اليوم ما عاد به صكات ومواجه
‏في ساير الناس لا اشكك ولا ارّيب

‏لاشفت من غيرت الايام منهاجه
‏جزعت منه جزوع امجري الهيّب

‏مالي ورى الناس لا مطلب ولا حاجه
‏ما دام رايي وجيه ومنهجي طيّب

.....

رد: فوق هام السحب ( الشعر الشعبي) على متن القوافي
 

ريحت شمــاغ ابــوي لاجاء من الذود
‏وريح الجـــلال اللـــي تصلـــي به امي

‏اطيب من اغلى نوع في المسك والعود
‏وعـــلاج صـــدري كـــل مــا زاد همي

.....

رد: فوق هام السحب ( الشعر الشعبي) على متن القوافي
 

‏الأم موطن حب وإحساس وأمان
‏يـدري بها اللي في حـياته فـقدها

‏تجمع شتات البيت مابين الأخوان
‏وفـي عينهـا أغلى الـخلايق و لدها

‏عد وتخــير في البشر كـل من كان
‏كم خـرجـت إنســـان ناجح بيدها

‏الناس تلهى عنك في بعض الأحيان
‏وأمك مـدار الوقت تسخي جهدها

.....

رد: فوق هام السحب ( الشعر الشعبي) على متن القوافي
 

‏تمر الشعور وتسكن الصوت حين دْعاه
‏وتستوحش دْروب أنتظاري مشاويرك

‏يا ذنب الشعور اللي متى ما تتوب خْطاه
‏تعثِّر له الذكرى على درب تكفيرك

‏يمرّون غيرك فوق موق العيون أشباه
‏فتنت الليالي لين عافت عوض غيرك

.....

رد: فوق هام السحب ( الشعر الشعبي) على متن القوافي
 

‏اهم حاجه ما قال الله وقال الرسول
‏يا راجي الناس عند الناس وش ترتجي

‏الزود زود الثقه والنقص نقص العقول
‏مهوب نقص الفلوس اللي تروح وتجي

.....