رد: فوق هام السحب ( الشعر الشعبي) على متن القوافي
 

‏حزن كبدي لا طرت ذكريات الراحلين
‏حزن عودن هل دمعه على قبر ولده

.....

رد: فوق هام السحب ( الشعر الشعبي) على متن القوافي
 

‏لاتحسبني حـريصً عند حب الظهور
‏يا صاحبن فـي نهار المعضله ذاخره

‏اجامل الناس وامـثل مع الضحك دور
‏ودي تـسافر هـمومي في ظهر باخره

‏احيان تلهيـني الدنيا واحس بقصور
‏وشلون ارد الزمان من اوّله لآخره

‏يارب طاعتك الاولى عن جميع الامور
‏عساي ما انسى الكفن والقبر والآخره

.....

رد: فوق هام السحب ( الشعر الشعبي) على متن القوافي
 

‏شرايد المدخول ننطح بها ضيف
‏والّا نسلّفها رفيقٍ سنافي
‏ْ
‏ما نقدر نخطط على سفرة الصيف
‏الراتب يجينا له الفين قافي
‏ْ
‏خلك تمشّى بين باريس وجنيف
‏والمجلس الرسمي من العام طافي

.....

رد: فوق هام السحب ( الشعر الشعبي) على متن القوافي
 

‏الحمدلله صرت متعوّد على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فواجدها ولا فشويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

رد: فوق هام السحب ( الشعر الشعبي) على متن القوافي
 

يالله لا تجعل المعروف لي سيه
ولا تشمت بحالي تو عدواني

من العدم مالقيت حواية الدله
الا بعودن سلف من عند جيراني

.....

رد: فوق هام السحب ( الشعر الشعبي) على متن القوافي
 

‏صار التعامل صعب جداً مع الناس
ماعاد تعرف صاحبك من عدوّك

حاول تصير انسان ماعندك احساس
يمكن يزين الوضع وتعيش جوّك

سعيد العلياني

رد: فوق هام السحب ( الشعر الشعبي) على متن القوافي
 

ساس الرجوله كلها دين وافعال
ومن غير هالثنتين ماهي رجوله

ماهي تراها بالمهايط ولا المال
ولا هي بكبر المرتبه والحموله

المال كل يملكه حتى الانذال
والمرجله ماكل رجلّ يطوله

لان المراجل ماتجي بأي رجال
الا الذي تشهد لهرجه فعوله

.....

رد: فوق هام السحب ( الشعر الشعبي) على متن القوافي
 

ياكثر كرهي للعفون اللي مثل شغل النمل
اللي تجمع للـــوريث ولا تـــــسر نفوســها

وياكثر حبي للرجال اللي يلــــمون الشمل
اللي يصادمها الزمان ولا يلـــــــين روسها

الراي يبغاله رجل والحـــمل يبغاله جمل
والطيب يبغاله رجال ماتــــــصر فلوسها

مفلح الرقابي

رد: فوق هام السحب ( الشعر الشعبي) على متن القوافي
 

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

رد: فوق هام السحب ( الشعر الشعبي) على متن القوافي
 

‏قلبي سنافي ماهوب أدناة ما جابه
‏ما جابه الا قرامة قلبك النشمي

‏ يوم أنفرد به على جنب وتلوّى به
‏وبغى المحبه وقال أبشر على خشمي

.....

رد: فوق هام السحب ( الشعر الشعبي) على متن القوافي
 

زينة الدنيا القلوب اللي وفاها عاده
‏والعيون اللي ليا أخطينا تغاضت عنّا

....

رد: فوق هام السحب ( الشعر الشعبي) على متن القوافي
 

‏خواطر العالم تبي شخص فاضي
‏تزعل و ترضى دون سـبّه وبرهان

‏نمشي عن الزعـــلان نلقاه راضي
‏ونرجع على الراضي ونلقاه زعلان

.....

رد: فوق هام السحب ( الشعر الشعبي) على متن القوافي
 

‏تمكّنت في عوج المحاديب وأستوطنت
‏وبان الغلا وأشوف بعض العرب فاطن

‏وخليت صدري موطن ماسكنه إلا أنت
‏ولا فيه غير القلب في حكمك مواطن

.....

رد: فوق هام السحب ( الشعر الشعبي) على متن القوافي
 

وش جاب طاريّه مع وقت المغيب
‏ياحي ذا الطاري وحـي الله نباه

‏يالعنبا اللي يحسبون الحب عيب
‏وهـو تنـاقله الـرواه من الرواه

‏وشلون احب بلا رقيب ولا حسيب
‏وقلبي لامنه حب يسرف في عطاه

‏غير الرقيب الذاتي ابغى لي رقيب
‏خـايف رقيبي لا يـضيّع الاتجـاه

‏احترت بين القلب والعقل اللبيب
‏في حب من حيرني بحبه جفاه

‏احرمني من الوصل والعذر النصيب
‏واكرمني من الهجر يامال الغناه

‏عقلي يقول ابعد عن الحب المريب
‏وقلبي يقول ايحبك وهذا جزاه

‏تـرا الجفا مـايعتبر منه غريب
‏عوايده دايم يسوي ذا السواه (؛

‏زعلان والزعلان لويخطي مصيب
‏حقه مهوب تجفاه حقه في رضاه

‏الهجر مايرضي حبيبً من حبيب
‏لكن حبيبك والله ان عذره معاه

‏انا المجرب فالمحبه والطبيب
‏عندي شهاده من وفاك ومن وفاه

‏كـلش يـهـون الا غـيابه لايغيب
‏وان صمم انه يغيب ياخذني معاه

‏نعيش وظـنون المحبه مـاتخيب
‏ويجرح على كيفه عسى جرحي فداه

‏كل الجروح اتطيب والجرح العطيب
‏من واحدن غلا جروحه من غلاه

‏مابي الجروح اللي تجي منه تطيب
‏ابي جروحه باقيه مدى الحياه

.....

رد: فوق هام السحب ( الشعر الشعبي) على متن القوافي
 

‏كنها إللي كل ما أقفيت قالت لي تعال
‏وإكشفت ذرو اللّثامه وبيّن خدّها

‏مبسمً ما بين غمّازتين ودق خال
‏إذبحتني لعنبوها على أبو جدّها

.....

رد: فوق هام السحب ( الشعر الشعبي) على متن القوافي
 

‏يا بعيد الدار و أقرب من ضلوعي
‏أسقني حبك ومن صافي حنانك

‏لو تجي دنياي في كيفي وطوعي
‏ كان ما يبعد مكاني عن مكانك

.....

رد: فوق هام السحب ( الشعر الشعبي) على متن القوافي
 

تخيّر وخاو من الرياجيل نادر نوع
‏يعزّ الخويّ من المناقيد ويحنّه

‏ولا تخاوي اللي كنّه التاير المرقوع
‏يمشيك لكن ما أنت متطمّنٍ منه

.....

رد: فوق هام السحب ( الشعر الشعبي) على متن القوافي
 

خطاياك واجد والعذر ماقدرت القاه
‏جروحك يحس بضيقها من مجربها

‏ولو الغلا يدمح خطايّاك في مأواه
‏ترى النفّس في حفظ الكرامه مدربها

‏تحمّلتك الين الصبر طاح من مركاه
‏واخاف انفجر من شي تافه واخربها

.....

رد: فوق هام السحب ( الشعر الشعبي) على متن القوافي
 

بعترف لك بالحقيقه كامله وانت وضميرك
‏بعد ماخضت الحياة بسكة الصبر الطويله

‏يوم مرتني حياتي كلها ما شفت غيرك
‏انت صورة كل مشهد وانت قصة كل ليله

.....

رد: فوق هام السحب ( الشعر الشعبي) على متن القوافي
 

رمى ورد الحبايب خلفه وقال الجفى قدام
‏تركني لأمري الواقع مابين الجرح وضماده

‏بدون أسباب معروفة تناسى سالف الأيام
‏تصاغرني وأنا أكبر من حفظ له ملحه وزاده

‏دريت أن القطيعه رغبته وأن الغرام أوهام
‏وأنا اللي كنت أظن الحب حنا سادة أسياده

.....

رد: فوق هام السحب ( الشعر الشعبي) على متن القوافي
 

مرهقني الشوق واجد والسهر والبعاد
‏ياعمري اللي بقناعاتي غصب عشتك

‏ خل الزعل لا نطوّل بالزعل والعناد
‏ للحين أحبك لو اتعب من مناقشتك

.....

رد: فوق هام السحب ( الشعر الشعبي) على متن القوافي
 

ليه نضعف كل ما مرّ الحنين
وليه نتعب كل ما نذكر احد

وليه ماضينا حكايا راحلين
وليه نوفي والزمن فينا جحد

.....

رد: فوق هام السحب ( الشعر الشعبي) على متن القوافي
 

يـامنبع النور بنت الغيم لا تزعلين
‏علامي اشوف لمعت عينك الواسعه

‏محبوبك الطرب دايم صار جداً حزين
‏والكـون كله بعد ضيقتك مـا ياسعه

‏نحتاج مـوعد غرام الساعه اللي تبين
‏إما على الثامنه ولا على التاسعه

.....

رد: فوق هام السحب ( الشعر الشعبي) على متن القوافي
 

يالله ياحامل مفاتيح الارزاق
المعتني في رزق نفس خلقها

عن الخفايا ما على عينك رواق
واذنك عن الاسرار ماهي بصقها

تجعل نفسي من غضب وجهك اعتاق
وبيديك علق الامور ووفقها

اغسل قلوب اهل التباغض والاشقاق
وهون مسالبها وريح شفقها

سعد بن جدلان

رد: فوق هام السحب ( الشعر الشعبي) على متن القوافي
 

أمنت بن الله ربي مرسل محمد نبي
جل وتعالى قل هو الله احد والله الصمد

وأمنت بالقرآن والسنه وحمبل مذهبي
وبايعت وانا من رجالآ ما يخونون العهد

سعد بن جدلان رحمه الله

رد: فوق هام السحب ( الشعر الشعبي) على متن القوافي
 

طبعك هو اللّي على الفرقى مقدّرني
‏واحس نفسك على التجريح مجبولة

‏تعرف تقول الكلام اللّي يكدّرني
‏بسّ الكلام الحلو ما تعرف تقوله

.....

رد: فوق هام السحب ( الشعر الشعبي) على متن القوافي
 

بالله عليكم انصحوه يتراجع
ليش الجفاء ياناس وانا حبه

خلاني اغرق في هواه وتجرع
ماباقي الاموت انا من سبه

خليت قلبي في هواه يتمتع
يرتح قلبي دايمن في قربه

يازين احبك بس كون اتواضع
خلك يحبك صدق وانته طبه

تترك فوادي في الحياه يتوجع
وانا الذي موجعت مره قلبه

يازين لحضه ذي بها نتوادع
مابعدها كلين يمشي دربه

.....

رد: فوق هام السحب ( الشعر الشعبي) على متن القوافي
 

كثر البرود احيان يقتل علاقات
لن البرود احيان مثل التجاهل

وانا أنصحك ياصاحبي أنت بالذات
أنا تراني في العتابات فاشل

تتجاهل إحساسي حبيبي سلامات
ماني على طرد المقفين صامل

لاشفتني اهتم بك بعض الاوقات
اهتم بك من دون اية مقابل

لا تحط في راسك علوم وحكايات
ولا تحسب إنك صرت إنسان كامل

ماني من الي يعشقون البدايات
يهمني الاسلوب عند التعامل

.....

رد: فوق هام السحب ( الشعر الشعبي) على متن القوافي
 

لك بـالغلا قمة ولك بـالحشى بيـت
ما يسكـنه غيـرك ولـو كـان غـالي

انت الوحـيد اللي بحبـه تمـاديت
وغيـرك بـوسـط القلب ماله مجـالي

.....

رد: فوق هام السحب ( الشعر الشعبي) على متن القوافي
 

من كثرت اشواقي نويت احكي بمافي خافقي
وارتب اوراقي ودون كل شي واوثقه

اشتاقت احداقي لشوفك يالأمير الرونقي
نضره لمشتاقي تخلدها القلوب العاشقه

ذكرى وتنساقي تدون عند مولع عاشقي
ذكرى الهواء الراقي جميله للقلوب الصادقه

.....

رد: فوق هام السحب ( الشعر الشعبي) على متن القوافي
 

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره آسمعها

.....

رد: فوق هام السحب ( الشعر الشعبي) على متن القوافي
 

‏أبتسم ترى العمر تحصيل حاصل
كُن سعيد اكثـر تكون اكثر وسامه

السلام أسهل أساليب التواصل
واجمل أنواع السلام الإبتسامه

.....

رد: فوق هام السحب ( الشعر الشعبي) على متن القوافي
 

‏ماكل شخصٍ يملي الطيب عينه
‏بعض البشر لو زاد طيبك تمرد

.....

رد: فوق هام السحب ( الشعر الشعبي) على متن القوافي
 

‏قلوبنا ما تعرف الحقد والصد
‏ونطيب فـاللي ما يطيبون فينا

‏ونحبّ لكن فـالمحبه لنا حد
‏لا وصلت لحد الكرامة مشينا

‏وان ضاقت الأيام نوقف لها ند
‏نضحك لها من قبل تضحك علينا

.....

رد: فوق هام السحب ( الشعر الشعبي) على متن القوافي
 

‏ياللي غيابك حطني في مصيبه
‏اختار من بين الحلول ابسطها ؟

‏تبغى جفى ، ولا وصل ، او غيبه
‏فكر ترا خير الامور اوسطها

.....

رد: فوق هام السحب ( الشعر الشعبي) على متن القوافي
 

‏أنا جناحي عز يا وجه الأيام
كيف ألتفت للي يجيني بوجهين

.....

رد: فوق هام السحب ( الشعر الشعبي) على متن القوافي
 

في خيالي وجهك المألوف ساطع
عفت كل الناس من زحمه طيوفك

كـــن وجهك لافته في كـل شارع
وين ما اتوجهت فعيوني اشوفك

.....

رد: فوق هام السحب ( الشعر الشعبي) على متن القوافي
 

تقاويت سلمي احسبني عليك امون
‏اثرني غلطت وغلطتي مالها داعي

.....

رد: فوق هام السحب ( الشعر الشعبي) على متن القوافي
 

المواقف ما تجامل و الفرص دواره
‏والليالي تكشف اللي بالحكى متزيّن

.....

رد: فوق هام السحب ( الشعر الشعبي) على متن القوافي
 

‏ بشروا راعي الصبر حلمه قريب
‏ لو يطول الوقت لا يفقد رجاه

.....