رد: فوق هام السحب ( الشعر الشعبي) على متن القوافي
 

ياذيب لاتبدي على الناس خافيك
من دون سدك جوّد القفل والباب

كم من رفيقٍ تحسب إنه مصافيك
يغلب عليه الوقت والوقت غلاب

والناس لو تضحك لك الله يعافيك
إعلم ترى الضحكة لها عدة اسباب

كم منك متعجب وكم معجبٍ فيك
وشـتان مابين التعجب والإعجاب

عبدالله الطلحي

رد: فوق هام السحب ( الشعر الشعبي) على متن القوافي
 

اشتقت اسولف معه لا صابني ضيق
ويطيب مافي خاطري من كلاامه

.....

رد: فوق هام السحب ( الشعر الشعبي) على متن القوافي
 

‏يا مصورين صحونكم ما تخافون
حوبات نظرات البطون الجياعي

تصورون الحشو والضان بصحون
وضعوف غزه في طواها تراعي

خافوا من الله ياعرب وش تخبرون
خافوا ترى الدنيا غرور المتاعي

.....

رد: فوق هام السحب ( الشعر الشعبي) على متن القوافي
 

ياحي صوتك لاعدمته وأنا حيَّ
يامرحبا بالصوت وياحي راعيه

.....

رد: فوق هام السحب ( الشعر الشعبي) على متن القوافي
 

وأجيك مغمّض اللهفه أجيك واجهل الأسباب
‏اقول اني كثر مَ أغليك يجوز انك بتغليني

‏فؤادي ماعرف الا ملامح بسمتك أحباب
‏ودروبي ماتبي الا صوب دربك توديني

‏اضم الليل في حضني سهيرٍ ماعليه عتاب
‏اراقب في السماء ضيّك عساك بيوم تضويني

.....

رد: فوق هام السحب ( الشعر الشعبي) على متن القوافي
 

جيتك مجيَّ الكرام اللي تحب الكرام
‏واخترت دربٍ توقف عندك ، نهايته

‏أن كان جيتي مجيَّك فوق صدري وسام
‏وان كان رحتي فمان الله ورعايته

.....

رد: فوق هام السحب ( الشعر الشعبي) على متن القوافي
 

‏أنا ما عاد تغريني الوجيه ووجهك البرّاق!
‏ملاذي لا قوى حيل الزمان وشانت أخلاقه

‏يحبّك قلب في درب المحبة ساهي ومنساق
‏يشوف بخافقك عالمه وبضحكتك إشراقه

‏كتب حتى نزف كل الشُعور وملّته الأوراق
‏وكنّه مافصح مرّة عن اللي داخل أعماقه

.....

رد: فوق هام السحب ( الشعر الشعبي) على متن القوافي
 

إذا ضاقت بك الدنيا وأنا حي من الحيّين
‏لا تاخذك الظنون اللي رديّات هقاويها

‏حرام اني ماخليه يتولّاك الزمان الشين
‏لو اتلى العهد بك وجعةٍ مانيب ناسيها

.....

رد: فوق هام السحب ( الشعر الشعبي) على متن القوافي
 

يدور الوقت و الواقع يغنّي لي على ليلاه
‏سراب الحلم يتعبني وصمت الليل يشقيني

‏تسرّيني الظنون إللي تحد الواحد لين أقصاه
‏على بابه وأنا ما كل سجّاتي تسرِّيني

.....

رد: فوق هام السحب ( الشعر الشعبي) على متن القوافي
 

أبوي ينطح كايدات المواجيب
وماله لغير الطيب مقصد ووجهة

ماهي غريبة لا امتلا عارضه شيب
والناس تدعي بيض الله وجهه

.....

رد: فوق هام السحب ( الشعر الشعبي) على متن القوافي
 

اللي يجي من عقب قوة ومجهود
ألذ من مجناه كسرة عناده

.....

رد: فوق هام السحب ( الشعر الشعبي) على متن القوافي
 

في زحمة الإعجاب وود الحضور
وش مطمعي بغيرك وأنا كلّي معك

أحيان تاكلك المظنّة بلا شعور
وأنت الذي تحكم فؤادي باصبعك

ما اخترتك من الناس ياوجه السرور
لأجل أزعزع من ثباتك وأفزعك

لوك تشوف آثار حبك بالصدور
كان اقتنعت إني مُحال أستشبعك

.....

رد: فوق هام السحب ( الشعر الشعبي) على متن القوافي
 

تعال ونِلم النسّايم في وعدك
ونحنّي الريضان ونكحّل هلا

ونسمي الحزّات تبشر في سعدك
وندنى لأدنى نبض فينا ونْعلا

ويبدأ حديث الماء يسلسل مِن بردك
قصة حياة الماء من أولها إلى

مساعد الرشيدي

رد: فوق هام السحب ( الشعر الشعبي) على متن القوافي
 

ياسعود كان الناس يدرون عن شيّ
أشياء ترى ما تدري الناس عنها

يدري بها اللي يازن الشمس والفيّ
مكفّن أسرار القلوب بكفنها

أنا بشر، وشتّى هموم البشر فيّ
وإن شفتني مانيب جزعان منها

ترا ما غير أضحك وأجاملكم شوي
"وأدمدم" جروحٍ نبشها زمنها

سفر الدغيلبي

رد: فوق هام السحب ( الشعر الشعبي) على متن القوافي
 

خل في صدرك على الدنيا قبول
واعرف إن الشمس تشرق لو تغيب

وعوّد لسانك ليا ضاقت يقول
الأماني في رجاء الله ما تخيب

.....

رد: فوق هام السحب ( الشعر الشعبي) على متن القوافي
 

القلــب دولــه والمشاعـــــر عساكر
والحـــــب غـازي كل دولــه ومحتل

لاقـد غـــزاء للقلــــب حاذق وماكر
يتمــلك السلطــه بقــــــوه ويحتل

القلب تحت امــره يطيـــع الاوامر
والجيــش مايملي له الحب يفعل

والعقل مثل الشعب بالحب ساكر
يفقد نظامـه فـي المحبـه ويختل

.....

رد: فوق هام السحب ( الشعر الشعبي) على متن القوافي
 

أعطيه من وقتي يسولف وأسمعه
‏وأرخي له فؤادي وأرخي مسمعي

‏من كثر ما قلبي وتفكيري معه
‏أشتاق له حتى وهو يتكلم معي

.....

رد: فوق هام السحب ( الشعر الشعبي) على متن القوافي
 

رحل حلو المنام وما طرَق باب الجفون نعاس
نسيت النوم بعدك والسهر يستوطنُ أجفانِي

.....

رد: فوق هام السحب ( الشعر الشعبي) على متن القوافي
 

على زاهي غرامك ما على وجه الممات قصور
‏لك الوقت الثمين من الوصل ولغيرك الغيبة

.....

رد: فوق هام السحب ( الشعر الشعبي) على متن القوافي
 

‏لا تستفزّك ذكريات الراحلين
‏مافيه أحد يبقى معك إلى الأبد

‏تظاهر بضحكتك لو قلبك حزين
‏ملامحك فيها من الغربة بلد

‏حاول تعيش العمْر بإحساس السنين
‏عابر وإذا مرّيت ما ترجع لأحد

‏وإذا ذبحك الشوق وأوجعك الحنين
‏تذكّر إنك ما انت وحدك من فقد

.....

رد: فوق هام السحب ( الشعر الشعبي) على متن القوافي
 

ودي أسمع صوتك اللي لاسمعته
من عميق الحزن للفرحة خذاني

ودي أسمع صوتك اللي من فقدته
صرت فاقد كل حاجة في زماني

.....

رد: فوق هام السحب ( الشعر الشعبي) على متن القوافي
 

‏من سنين وحبيبي كل يوم في دبور
اعقد امال عمري ويعقد حاجبه

عشت الايام في ضيقه وعشت بسرور
مثل من عاش في وضعً مهو عاجبه

ما ترديت معه ولا لحقني قصور
قبل يقفي خذا حقه واخذ واجبه

.....

رد: فوق هام السحب ( الشعر الشعبي) على متن القوافي
 

رسمت حلمي في الخـيال الـواسـع
ومــالـي الـقـدره عـــلا تـحـقـيـقه

ضاعـت سنيني والسفر متـقـاطـع
والـوقـت حملني وجـع مـاطـيـقه

مــا بـيـن آهـات الـزمــان الخـادع
ذا يبـتـسـم والـسـم الارقم ريـقه

لازلـت اواصـل حلمي المتـواضـع
وأرسـم طريـقه وأبتـدي توسـيقه

عسـى مــع الايـام يـصـبـح واقـع
مــا دام ربــي مـا قـطـع تـوفـيـقه

.....

رد: فوق هام السحب ( الشعر الشعبي) على متن القوافي
 

قالوا تمنى قلت ماعاد أبي شي
غير السلامه كان فيها سلامه

طويت حلماً كان في خاطري حي
وصديت عن دنيا الشقا والندامه

.....

رد: فوق هام السحب ( الشعر الشعبي) على متن القوافي
 

من تركني ساعة الضيق ماعاد ارتجيه
لـو يوقـف في العـوافي على طاقـيته

الكريم الصح من يعطي اللي في يديه
والبخيل الصح من يبخل بجاهيته

.....

رد: فوق هام السحب ( الشعر الشعبي) على متن القوافي
 

‏بعض البشر ياتي على جروحنا شاش
‏وبـعـض الـبشـر يـخفي علينا دواها

‏لـكن على ما قـيل عـيـني لك فـراش
‏والـعـين الأخرى للرفاقه غـطـاهـا

.....

رد: فوق هام السحب ( الشعر الشعبي) على متن القوافي
 

صف النوايا واذكر الله وترتاح
واللي تشوفه قابله بابتسامه

خلك وسيع البال طيب ومزاح
ترى الزمن ما يستحق الملامه

.....

رد: فوق هام السحب ( الشعر الشعبي) على متن القوافي
 

ياليتني ماطبت في بعض الاشكـال
اللي استغلّو طيبتي واتعبــوني

ارخصـت لاجل رضـاهم الحال والمال
وان جيت اذكــّرهم بطيبي نســوني

وان جيت اجادلهـم تراجعت فالحال
بس الوكاد ان الرخوم جحــدوني

تعبت اجـامل والثمـن راحة البـال
وصداع راسـي والسهـر في عيونـي

.....

رد: فوق هام السحب ( الشعر الشعبي) على متن القوافي
 

جعل القلوب اللى له القلب يشتاق
‏تصبح وتمسي بالهنا والسعاده

‏وجعل النفوس اللى تحلت بالاخلاق
‏تصبح وتمسي ماتشوف النكاده

.....

رد: فوق هام السحب ( الشعر الشعبي) على متن القوافي
 

مستحيل ترجع الدنيا مكانة شخص غالي
ساعة انه طاح من عيني مثل ساعة وفاته

.....

رد: فوق هام السحب ( الشعر الشعبي) على متن القوافي
 

كل القصيد اللي على حسنك قليل
عمدًا بعد سلهامة عيونك سقط

اذا كتبته في سنا ضوحك جزيل
لو أترك حروفه حروف بلا نقط

هذا فقط من باب مردود الجميل
اللي يجي من عينك النجلا فقط

.....

رد: فوق هام السحب ( الشعر الشعبي) على متن القوافي
 

غيرك تطمن بالحشا مابعد داج
وضعي و وضعك للبشر ما شرحته

للقلب باب ودون الأضلاع مزلاج
عن حب غيرك قافلة مافتحته

.....

رد: فوق هام السحب ( الشعر الشعبي) على متن القوافي
 

الا ياغزالٍ في عيونك سهوم الموت
وفي مبسمك جنه وفي شوفتك راحة

تغار البني من طلتك والقمر والتوت
يا مياسة الحسن الطبيعي ومصباحه

.....

رد: فوق هام السحب ( الشعر الشعبي) على متن القوافي
 

مايلوي ذراع الصبر غير الاقدار
أو دعوةٍ نامت بمتن السحابه

شيٍ نبيه ويمشي العمر ماصار
وشيٍ يصير و ما حسبنا حسابه

.....

رد: فوق هام السحب ( الشعر الشعبي) على متن القوافي
 

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

رد: فوق هام السحب ( الشعر الشعبي) على متن القوافي
 

تدري وش اللي تعتبرها غريبه
اذا فقدت انسان غالي وهو حي

وتدري وش اللي تعتبرها مصيبه
انـك تـضـحي والـمقابـل ولا شي

.....

رد: فوق هام السحب ( الشعر الشعبي) على متن القوافي
 

فقدتك ما دريت إني بصير الفاقد المفقود
‏اشوف اشباهك توّزع في وجهي وين ما افرّه

.....

رد: فوق هام السحب ( الشعر الشعبي) على متن القوافي
 

لـو هـو على كيفـي عزلتـك عن النـاس
ومـا فيـه عيـن غيـر عينـي تشوفـك

وحطيـت لـك بين الشراييـن مجـلاس
راعـي محـل وقلبـي آغلـى ضيوفـك

.....

رد: فوق هام السحب ( الشعر الشعبي) على متن القوافي
 

ناسٍ تخوفها اقنعه وناسٍ يخوفها الوضوّح
وناسٍ على وضح النقى تبني شجاعتها صروح

.....

رد: فوق هام السحب ( الشعر الشعبي) على متن القوافي
 

هزتني الذكرى وانا بين الاجواد
ساعة عرفت اللي لفاني ولدها

طمنت احبه والغلا فيني يزداد
شميت ريحه حبها في سندها

ضميته بصدري على جروح جداد
من غير ما اشعر احسب اني بيدها

رديت للماضي وهو بين الاياد
نفسي من الموقف اكابد جهدها

سألته ودمع الوله فاض وقاد
أسمك وشنهو رد لي من بعدها

مسمى على اسمي ما نست حب الامجاد
الله حسيب اللي حسدني وحسدها

مرت سنين كلها شوق تنعاد
بعيوني اللي عارفه وش عددها

صدفه وفيها الخير من الف ميعاد
لي ضاق صدري رحت اطالع ولدها

.....