رد: فوق هام السحب ( الشعر الشعبي) على متن القوافي
 

كن شوق الأماكن يوم غنّى ابو نوره
ايقظ الجرح في قلبي وينزف وريده

جيت فرصة عمر وسط الضمير معموره
كل طاري يجيبك لي فرصة سعيده

.....

رد: فوق هام السحب ( الشعر الشعبي) على متن القوافي
 

ياليل خبرني عن اللي انا اغليه
عن واحد روحي بحبه شغووفه

يطلب عيوني يطلب القلب اعطيه
وارهن حياتي بين ضمة كفوفه

.....

رد: فوق هام السحب ( الشعر الشعبي) على متن القوافي
 

لاجفاك اللي من الناس له عندك مقام
نعمـة النسيان نعمه وفالدنيا سعه

لا جفاك ابلا سبب لا تلحقه الملام
إن رجع يامرحبا وإن رحل عذره معه

.....

رد: فوق هام السحب ( الشعر الشعبي) على متن القوافي
 

عسى مراتع ضحكة شفاك للسيل
من ساحل ضلوعي إلى قمة أبهـا

مساعد الرشيدي

رد: فوق هام السحب ( الشعر الشعبي) على متن القوافي
 

سلم على اطيب راس واكبر منزله واطول يمين
الصامل اللي تركد الدنيا ليا دق نحره

......

رد: فوق هام السحب ( الشعر الشعبي) على متن القوافي
 

-‏من يزرع المعروف في غير قاعه
يحصّد محاصيل الحسايف والاوجاع

.....

رد: فوق هام السحب ( الشعر الشعبي) على متن القوافي
 

‏الكبد مجروحه والأحساس ملّهود
‏والصدر ضايق والعذاب متواصل

‏والقلب يبغى شي ماهوب موجود
‏والعين تبغي شي ماهوب حاصل

.....

رد: فوق هام السحب ( الشعر الشعبي) على متن القوافي
 

‏الناس مثل الناس والكل من طين
والفضل بين الناس حسب العباده

العز والنوماس والطيب بالدين
ما هو بيـاض الجـلـد وإلا سواده

.....

رد: فوق هام السحب ( الشعر الشعبي) على متن القوافي
 

دايم مواقفنا على الدرب النزيه
‏عند اللوازم ما نغيب وما نصد

‏ولا يزعّـلنا حكي سود الوجيه
‏ما نلـتفت لأهل الردى واهل الحسد

.....

رد: فوق هام السحب ( الشعر الشعبي) على متن القوافي
 

‏جيتك غلا يوم الغلا وسط قلبي
أسس مدينة عاصمتها وجودك

اي والله انك طب لاقلت طبي
ياطب روحي لاتطول صدودك

.....

رد: فوق هام السحب ( الشعر الشعبي) على متن القوافي
 

‏خلّ عنك اللي لو يلجّ العرب بصياحه
‏وكلّم اللي ما تغيضه عثرة المتكلّم

‏صمته أبلغ من مديح العالم المدّاحه
‏واحد ٍيقضي لزوم ولا يحب يعلّم

.....

رد: فوق هام السحب ( الشعر الشعبي) على متن القوافي
 

ويتكدر خاطري يوم آتذكّر
‏جادلٍ قادت مقاديم العفارى

‏باب قلبه عن هوى غيري مسكّر
‏مثل قلبي عن هوى باق العذارى

‏يا عيون اللي على الداعي تنكر
‏بايتٍ بالرجم ما صاد الحبارى

‏يجدعون الشلو قدمه ويتفكر
‏ضيّقوا صدره مداوير السدارى

.....

رد: فوق هام السحب ( الشعر الشعبي) على متن القوافي
 

‏من اللي يقول العين ماتكشف المستور
‏كلام العيون اصدق من الموت في حيّنه

‏صحيح الصدور قبور بس العيون تبور
‏خصوصاً ليا سن الجفا راس سكينه

‏هذا اكبر دليل اللي تغافل وعاش الدور
‏بغا ينكر الموضوع واستسلمت عينه

.....

رد: فوق هام السحب ( الشعر الشعبي) على متن القوافي
 

‏حمامة سلام ساقك الله لقلبي لين
‏ربيتي ورى عوج الضلوع وتمكنتي

‏عليك السلام الصادق ايلين يوم الدين
‏سلام يحفك بالرضى وين ما كنتي

‏ياكثر الوله من يوم غبتي اللى هالحين
‏وياكبر الفراغ اللي ما يملاه غير انتي

‏لاعل العوض فالليله اللي تضم ثنين
‏اللى امنّت بعد الفاتحه وانتي امنتي

.....

رد: فوق هام السحب ( الشعر الشعبي) على متن القوافي
 

‏القلب بيت شيوخ ماهو بفندق
‏ما كل من زاره حبيبي سكن فيه
‏
‏ودك تصدق ما تبي لاتصدق
‏قلبي تربى ما يبي من يربيه

.....

رد: فوق هام السحب ( الشعر الشعبي) على متن القوافي
 

‏افتح شبابيك الامـــل واطــرد الياس
وعيش عمــرك دون غصه وضيقه

مهما يضيق الوقـت وتزيد الاتعاس
لابـــد يفتــــح لك إلهـــي طريقه

ياخوك لاتجرح شعورك والاحساس
ولا تحتمـــل من فوق مالاتطيقه

خل السعاده داخلك دون مقياس
وعيش عمـرك كن عمرك دقيقه

.....

رد: فوق هام السحب ( الشعر الشعبي) على متن القوافي
 

‏يا ساكنــــين القلــب يسعد مساكم
بالعووود والعنبـــر ونفحــة عطوره

والله ورب البيـــت ماقــــد نساكم
واشلون ينسى من سكن في قصوره

في داخلـي ماحد وصـل مستواكم
زايــد غلاكم صعب نوصف شعوره

لو تعرفــــوا مقــدار زايـــد غلاكم
مايوصفه شاعـــر بكامــل سطوره

.....

رد: فوق هام السحب ( الشعر الشعبي) على متن القوافي
 

‏اخفي غلاك وفاضــح الشوق يبديك
واشتـاق لـك في كــل لحظـه شويه

لمسة كفوفي ترتجــي ضمة إيديك
وإحساس روحـــي لهفته لك قويه

هذا شعور انسان من قلـب يغليك
ويهيـم بك من قلــب صادق ونيه

ياللي في اعماقـي تملكـت تمليك
ومحبتــك بيــن الضلــوع الحنيه

.....

رد: فوق هام السحب ( الشعر الشعبي) على متن القوافي
 

‏اشتاق لك با لثانيه والدقيقه
وافرح بشوفه كنها ليلة العيد

هذي مشاعر قلتها والحقيقه
اهواك ياكل الحلا سيد الغيد

.....

رد: فوق هام السحب ( الشعر الشعبي) على متن القوافي
 

‏تدري من اللي يمون ومسكنه عيني
‏تعال واقرب وناظر زين بعيوني
‏
‏إن شفت غيرك تراك مضيّع فيني
‏وإن شفت نفسك تسمّع زين بلحوني
‏
‏الحرف لاجلك تخطه رعشة يديني
‏واليوم دونك أعده يوم من دوني
‏
‏يانور ليلي ولقيا غربة سنيني
‏ياصادق الود يامشكاي واشجوني

.....

رد: فوق هام السحب ( الشعر الشعبي) على متن القوافي
 

‏خلك معي وأبشر بقلب يداريك
يصون حبك في زمان المجامل

يغليك يعني في عيونه يخليك
واعرف ترى ما بالمخاليق كامل

.....

رد: فوق هام السحب ( الشعر الشعبي) على متن القوافي
 

يوم إنك رحت رحت برغبتك مارحت بالتلميح
وراك الحين يوم إنك تبي ترجع تلمّح لي

.....

رد: فوق هام السحب ( الشعر الشعبي) على متن القوافي
 

‏حتى ولو دونك مسافه لا تشك إنك بعيد
‏مافيه روحٍ جسمها ماهو يباري ظلها

.....

رد: فوق هام السحب ( الشعر الشعبي) على متن القوافي
 

‏ودي ابـوح بخافــي القلــب وابديه
‏واترجــم احساسي بحـرف القوافي

‏من اجل تعرف داخل القلب مافيه
‏وتعــرف اللي بيـــن الاعماق خافي

‏ايه اعشقك والعشق طالت مبانيه
‏والحب لك بيــن الضلوع الرهافي

‏من خافقي حبيــت تعرف خوافيه
‏هــذه احاسيسي وهــــذا اعترافي

.....

رد: فوق هام السحب ( الشعر الشعبي) على متن القوافي
 

‏اللي يسلّم على مسلم عليه السـلام
‏ما أعـدّه الا عزيز و واحدٍ من هلي

الزبده النوم ما جاني وعـيّيت انـام
‏اللي معه سالفه حلوه يسولف عليّ

.....

رد: فوق هام السحب ( الشعر الشعبي) على متن القوافي
 

‏نفرح لو ان الضيق منا وفينا
‏بعيوننا تصغر كبار الاسامي

‏ولو ترفع الدنيا قضايا علينا
‏نوكل الله ما نوكـــل محامي

.....

رد: فوق هام السحب ( الشعر الشعبي) على متن القوافي
 

‏شـمس العصر ميلت واليل ياقربه
‏وانـا من الليـل يـا وجـدي وياضيقي

‏كنه على حدب جـوفي ينكسرحربه
‏والا يـنـاثر فــؤادي من مـعـالـيقي

.....

رد: فوق هام السحب ( الشعر الشعبي) على متن القوافي
 

‏بيـن الـصبر والصمت والخاطر الـشين
‏مـاقـلـت يـالـيـل العـنـا وش جــرالي

‏مـن كـثر صـدمـاتي بـناسٍ عــزيـزيـن
‏قـمـت اتـحـرى صـدمـتي مـن ضـلالي

.....

رد: فوق هام السحب ( الشعر الشعبي) على متن القوافي
 

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يابعد حالـي ومالي

.....

رد: فوق هام السحب ( الشعر الشعبي) على متن القوافي
 

‏المعذره شوقي في القلب قد مات
وداخل ضلوعـي كل شوقـي قبرته

ماينفعـك ترجع ومافات قد فات
وشـــوق قلبي فـي بـرودك قتلته

خليك لاهي في السهر والملذات
وامـرح بجــوك دام قلبي كسرته

واناعسا تجبر جروحي في الذات
ويعيـــن ربـــي قلبي اللي قهرته

.....

رد: فوق هام السحب ( الشعر الشعبي) على متن القوافي
 

‏قلبي بلانــي في هــوى شخص دلوع
فيـه الدلـع من ساق ساســه لراسه

غنــوج فيــه الغنـج ثابـت ومطبوع
وعناد دايـــم ووسـط راسـه يباسه

لاكن احبــه واعشقـه عشق ممنوع
واعشـق غــروره والدلـع والغلاسه

وعشقةتمكن وسط قلبي والاضلوع
عشقـن مـن الاعمـاق لاخـر قياسه

.....

رد: فوق هام السحب ( الشعر الشعبي) على متن القوافي
 

‏أرهقـت نفسي بإنتظـارك ولا جيت
والناس حولي شافت الشوق فيني

لا مرني بيتن عــن الحـب صديت
شعــرن جـرحني وزاد فيني حنيني

يا غايبــــن عني تـــرا عني ابطيت
بُعــــدك علينـا ايـام كِنهـا سنيني

كل ما تذكرتك من الشـوق حنيت
ودموع شوقي واضحة وسط عيني

.....

رد: فوق هام السحب ( الشعر الشعبي) على متن القوافي
 

هي نبض عمري وبهجته وكل ما فيه
وهي زينها اللي بالمحاسن يجي به

لها العمر لو تطلبه حاضر أهديه
ولها القلب من دون البشر أحتري به

.....

رد: فوق هام السحب ( الشعر الشعبي) على متن القوافي
 

صحيح قد ضاقت بنا كل الاحوال
لكني اوسع من شواطي تهامة

وصح ماتت داخلي كل الآمال
لكن ما مات الوفا والشهامة

وصح أنا من افقر الناس في المال
لكني اغنى آدمي في الكرامة

ابكي لحالي قهر من ضيقة الحال
واضحك أمام اعداي والناس عامة

أمسح بدمع العين آنات الأبطال
واقتل عدو الله بالابتسامة

أنا رجل يسوى ثمانين رجال
ماينحني لاما تقوم القيامة

مجيب غنيم

رد: فوق هام السحب ( الشعر الشعبي) على متن القوافي
 

ياسـامـع الـصـوت قـالت ام غــزاويه
من يشتري مني الاقصى بكيلو طحين

اثنين مليون محصورين في زاويه
واثنين مليار في غفله ومتخاذلين

.....

رد: فوق هام السحب ( الشعر الشعبي) على متن القوافي
 

ما تنسّي جرح الاحساس السنـين
أو يجـبِّـر كـسرة الـخـاطـر رقـــاع

ولا يـوصّـل لـلأمـان الـمـبـحــريـن
لو غشاهـم موج في الدنـيا شــراع

.....

رد: فوق هام السحب ( الشعر الشعبي) على متن القوافي
 

‏يا الله عونــك على الدنيــا ومن فيهــا
واجعل صحائف عملنا صالحة الاعمال

انــت الــذي كلــما ضـاقت تجليـهــا
ما شي لها غير جهـدك يا وسيع البــال

يا مــركب الميل خفــف من علاويهـا
عـاد المـراحل طـويلة والحبـال طـوال

علوي الباشا

رد: فوق هام السحب ( الشعر الشعبي) على متن القوافي
 

مالك من ايامك الا صالح اعمالك
والا انت جثّه واعز الناس يدفنها

.....

رد: فوق هام السحب ( الشعر الشعبي) على متن القوافي
 

‏يا سهيــل اليمـاني قــل لنجم الثـريـا
المـراحـل طويلــه اركـدي يا النجـوم

وارحـبي يا الغصايب لو ضويتي وهـيّـا
ما يخــاف المسـاري إلا ردي العـــزوم

وامـرحـي يا السنافـيه جميل المحـيا
في حمـاية بني عمـش دفـاع وهجــوم

من بني عمه الجـدعـان شوق الطنيـا
ما يــوطي جبينــه لو القيامــه تقــوم

كــن ربـي خلقنــا للــوفــا والـحميــا
ما خذلنا الصديق ولا شتمنا الخصوم

إن يبوا السلم نبغى السلم واهلا وحيّا
وإن يبـوا الحرب في وقتـه نسد اللزوم

علوي الباشا

رد: فوق هام السحب ( الشعر الشعبي) على متن القوافي
 

‏عفى الله عنك يا حلم ٍ رسمته بالطريق وتـاه
‏وأنا في داخلي فوضى حزن وأوجاع مختلطه

.....