رد: فوق هام السحب ( الشعر الشعبي) على متن القوافي
 

حنا نحب الصدق ونقول الصحيح
وقلـــوبنا ما كـــل مـــن جاها قلط

مو مشكله لا صــار منطقنا صريـــح
المشكــله فـــي الناس تفهـمنا غلط

بقلمي

رد: فوق هام السحب ( الشعر الشعبي) على متن القوافي
 

‏أسهر وأراقب طلعة الشمس بشرووق
وأحارب الهـآجوس وأرجـع و أطـيـعـه


أمشي مع آلعـآلم ولي قلب مسرووق
يالله عـسـى اللـي سـآرقـه مـآيـبـيعـه

......

رد: فوق هام السحب ( الشعر الشعبي) على متن القوافي
 

‏أعز نفسي عن غثى الناس و اصد
‏ورفعت راسي عن مذلات الأهانه

‏ماهو انا الي يخلط المزح بالجد
‏ولاني من اللي يستغلون الميانه

بقلمي

رد: فوق هام السحب ( الشعر الشعبي) على متن القوافي
 

‏ما عادت الأيام هي نفس الأيام
‏ولا عادت الناس الحبيبه حبيبه
‏ٰ
‏احتار فكري قبل تحتار الأقدام
‏الدرب موحش والمشاعر غريبه

......

رد: فوق هام السحب ( الشعر الشعبي) على متن القوافي
 

عاملتني بأسـلـوب ما يعجبني
كن انت سجاني وانا مسجونك

ماكنت اظن الحب با يتـعبنـي
قد كنت في نعمه وراحه دونك

لا هكذا طـبـعك فلا تحـسبني
محبـوبك الغالي ولا مـجـنونك

لا عـاد تسـألـني ولا تطـلـــبني
عهد الوفى يامـن نفذ مخزونك

لو ما الحلا اللي فيك ماتجذبني
ولولا اليميـن السابقه ماصونك

طبـعك تغــير كيـف بي تكسبـني
من غيـّر احـساسك وبدل لونك

ان كان قصدك بالـجفا تسلـبني
ماقول غير الله يكون في عونك

......

رد: فوق هام السحب ( الشعر الشعبي) على متن القوافي
 

‏أذكر انك كنت جنبي واستخير
يوم ابيك ويختنق عندي النفس

حتى يوم اتعبني غيابك كثير
قلت جعله مايحس اللي احس

......

رد: فوق هام السحب ( الشعر الشعبي) على متن القوافي
 

ما كل طاري يثيرالصمت فـ آعماقي
‏إلا انت طاريك لامن مر آوقف له
‏
‏تدري شسوي ليا من زادت آشواقي
‏آرسم خيالك على بالي وآسولف له

.....
‏

رد: فوق هام السحب ( الشعر الشعبي) على متن القوافي
 

‏عرش الهوى اللي تولى فيه وأحتله
‏لا طاح منه وش اللي عاد يبقالي

‏بتعم في صدري الفوضى وتحتله
‏وأعيش باحزاني وخيبة آمالي

......

رد: فوق هام السحب ( الشعر الشعبي) على متن القوافي
 

يارب وان ضاقت عليّ الوسيعه
‏انت الذي لا ضاق صدري اناجيه

‏وعبدك لو ان الوقت عيّا يطيعه
‏ما ينحني راسه لغيرك ويرجيه

......

رد: فوق هام السحب ( الشعر الشعبي) على متن القوافي
 

قلبي عطـاك مـــن المحبـــه كفاتك
يامغرمي راعي شعـوري والاحساس

زينك اســـر قلبي بكامــــل صفاتك
وحبـــك ملكني يا غلايا من الساس

اصبحت عاشق لك وعاشق حياتك
واقرب بشـر مني لروحي والانفاس

......