رد: فوق هام السحب ( الشعر الشعبي) على متن القوافي
 

‏الصوم صوم النفس عن لـذة الذنب
في نظرتك في مسمعك في كلامك

لاتقصر صيامك على الأكل والشرب
نفسك لهاحــــقٍ مع كفي صيامك

.....

رد: فوق هام السحب ( الشعر الشعبي) على متن القوافي
 

‏ما يموت الودّ لا مات الكلام
‏لك مكان وذكريات ولِك شعور

‏ ما انت عَابر في حياتي والسلام
‏انت حتى في غيابك لك حضُور

.....

رد: فوق هام السحب ( الشعر الشعبي) على متن القوافي
 

‏البارحه في غبّة الوصـل سبّاح
‏واليوم من عرش المواصيل مخلوع

‏يا صاحبي صرح الهوى والوفا طاح
‏والقلب كنه من عراويه مقشوع

.....

رد: فوق هام السحب ( الشعر الشعبي) على متن القوافي
 

‏ما ذكرت إنّي نسيتك من دعاي
‏والدعاء فالغيب حبّ الصادقين

.....

رد: فوق هام السحب ( الشعر الشعبي) على متن القوافي
 

‏لا عادها ظروف تاخذك ولا عاده فراق
‏الفرحه تشح والضيقه تجي تدّهر

‏والله من رحت والروتين ماله مذاق
‏الصبح ما ينقعد والليل ما ينسهر

.....

رد: فوق هام السحب ( الشعر الشعبي) على متن القوافي
 

يا حبيب اخوك تكفى لا تضيّق صدري
اكره اشوفك حزين وبوهتك منصابه

كان لي عندك قدر واذا يهمٌك قدري
كفْ دمعك واطلب اللي ما يسكّر بابه

واضحك وخل الأمل بالله قوي ما تدري
يرزقك بكره برزقٍ ما حسبت حسابه

.....

رد: فوق هام السحب ( الشعر الشعبي) على متن القوافي
 

ليا جهلت الـراي حـاول تستشير
ماحل عقد الحبل رجال استحى

ومع اول الريجيل خـلك يابصير
حتى ولـو انـه عـلى زلـق اللـحى

وليا مشيت الدرب لو انه خطير
لاتقول مابه حب تطحنه الرحى

وسطرك لاتستنزفه قـدم البعير
ولاتبني بيوتك قدم سيل النحى

.....

رد: فوق هام السحب ( الشعر الشعبي) على متن القوافي
 

مايوجع ظميري كون شوف الرفيق بضيق
وهو وقفته للي شكى الضيق فرّاجه

لو ان حاجته عندي نذر مايجيه الضيق
لكن حاجته عند الولي معطي الحاجه

فهد حسن

رد: فوق هام السحب ( الشعر الشعبي) على متن القوافي
 

أحب التواضع واكره الكبر واهل الزود
واحب الكريم الصامل الصادق الوافي

الأول تقوده ضيعته مع هبوب النود
والاخر تقوده طنخته يومه سنافي

.....

رد: فوق هام السحب ( الشعر الشعبي) على متن القوافي
 

الصاحب اللـي يكن الحقد ويشلّه
لـه صفحـة عـندنـا لا بـد نـطويهـا

مـادام الأرزاق والآجـال عـنـد الله
الناس وش عندها عشان نرضيها

.....

رد: فوق هام السحب ( الشعر الشعبي) على متن القوافي
 

ياوجـودي ليت مالي على الدنيا وجـود
او وجودي ليتني عشت بالكون اوّحدي

وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي
ِ
اتقلب في فراشي وخلق الله رقـّود
وينه اللي يقسم النوم واقول بعدي

مرحباً ياقشر الاقدار لا جيتي وفود
فطرة الله في ضلوعي تحيّي موقدي

.....

رد: فوق هام السحب ( الشعر الشعبي) على متن القوافي
 

أمل الوجار وخلوا البـاب مفتـوح
خوف المسير يستحـي مـا ينـادي

نبغي الى جاء نازح الـدار ملفـوح
وشاف البيوت مصككة جاك بـادي

يقلط لديوان به الصـدر مشـروح
ورزقه على رازق ضعاف الجرادي

محمد بن شلاح رحمه الله

رد: فوق هام السحب ( الشعر الشعبي) على متن القوافي
 

اكـبـر عـلامـه في قـلـيـل التوافـيـق
لامـن نصـحـتـه قـام يشعب ذلوله

والنصح من طبع الرجال المطاليق
الي لـيـا طــاح الرفـيـق افـزعـو له

والا الـرخـوم تـوهـق الناس تـوهيق
ومـن جـاب نكـبـه كـلهم صفقوله

لاعـنـدهـم ذمـه ولافـيـه تـبـريـق
اهـم شــي ان الـهـدف ياصلوله

.....

رد: فوق هام السحب ( الشعر الشعبي) على متن القوافي
 

التفاؤل والثِقه بالله تصنَع مُعجزات
والتوكل والرجاء والصبر مفتاح الفرج

والتشأؤم يقتل الهمِه ويفسد مُنجزات
والبلاء من يستمع هرج المُثبط لاهرج

تجربه في مختصر بيتين مني موجزات
والنشر للفايده من باب حدّث لاحرج

.....

رد: فوق هام السحب ( الشعر الشعبي) على متن القوافي
 

ان ادبرت ولا أقبلت دنيا نهايتها حطام
سجده على وجه الثرى اخير منها كلها

.....

رد: فوق هام السحب ( الشعر الشعبي) على متن القوافي
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

رد: فوق هام السحب ( الشعر الشعبي) على متن القوافي
 

خلك على الدنيا صبور وقوي باس
وخلك على الشده قوي العزيمه

ولاترتجي رد الجمايل من الناس
الناس إذا افتكيت أذاهم غنيمه

.....

رد: فوق هام السحب ( الشعر الشعبي) على متن القوافي
 

مضى مامضى والله على المقبلات يعين
وعسى الله يهونها على القلب لاشآنت

نسوق القدم ونقول جعل الزمان يزين
والاجواد لاضاقت يقولون هي ھآنت

.....

رد: فوق هام السحب ( الشعر الشعبي) على متن القوافي
 

يميّز الانسان عقله وثقله
وانا بعمري ماتصنعت ثقلي

اخاطب الجاهل على قد عقله
واخاطب العاقل على قد عقلي

.....

رد: فوق هام السحب ( الشعر الشعبي) على متن القوافي
 

‏رزقك المكتوب ملزومٍ يجيك
ورزق غيرك لو بغيته. ماحصَلْ

مالك ألاّ كود ماحاشت يديك
ومن تعب للمجد لا هدافه وصَلْ

أطلب المعبود وأرفع له يديك
والدعاء بالدين له شان وأصل

أبذل الأسباب وأفعل ماعليك
ومن بذل للجهد للعليا يصَلْ

.....

رد: فوق هام السحب ( الشعر الشعبي) على متن القوافي
 

‏لو كنت آنا مع لمّة آلناس مرتاح
ماجيت آدوّر في عيونك ملاذي

يفدآك دمعٍ في مساء غيبتك طاح
وعيوني آلثنتين هذي وهذي

.....

رد: فوق هام السحب ( الشعر الشعبي) على متن القوافي
 

‏الشوق والاحساس والحب لك انت
ولا ترى غيرك من الناس عادي

لاهان قلبن شايلك وانت لاهنت
حبك وسط قلبي وداخل فؤادي

.....

رد: فوق هام السحب ( الشعر الشعبي) على متن القوافي
 

‏من يلتجأ اليك يارب ماخاب
‏الك الشكر والحمد دقه وجلّه
‏
‏اذا البشر تعفي على عتق الارقاب
‏يارب عفوك ياسع الكون كلّه

‏سياف السواط

رد: فوق هام السحب ( الشعر الشعبي) على متن القوافي
 

يارب تعرفني وتعرف نواياي
وتعرف جميع ظروفي المستبده

احيان اصيب الراي واضيع الراي
واحيان افتح باب واحيان اسده

.....

رد: فوق هام السحب ( الشعر الشعبي) على متن القوافي
 

الثلاث اللي من اسباب السعادة
الوفاء والخلق والنيه سليمه

والثلاث اللي من اسباب النكادة
الخطاء والظن الاقشر والظليمه

.....

رد: فوق هام السحب ( الشعر الشعبي) على متن القوافي
 

من عرف وش لذة الحسن ما يبغى الحياة
مايبا الا حسن وجهك وحسن الخاتمة

.....

رد: فوق هام السحب ( الشعر الشعبي) على متن القوافي
 

‏تلعب مع النود لا حرك غصون الجريّد
وما مس شامة نحرها كون سلسالها

.....

رد: فوق هام السحب ( الشعر الشعبي) على متن القوافي
 

الحر مايرضى على نفسه الميل
وإن كان شانت باعاها ماشراها

.....

رد: فوق هام السحب ( الشعر الشعبي) على متن القوافي
 

يالله يا قابـل صـلاة الخاشعين
‏ياعالمٍ كـل الامــور الخافية

يارب تشفي كل مرضى المسلمين
‏وتجمع لهم بين الاجر والعافية

آمين

رد: فوق هام السحب ( الشعر الشعبي) على متن القوافي
 

أمشي على طيب الفكر والنوايا
وان طابت النيه ترى سعيها طاب

لاصارت الحاجه بـايدين الردايا
اقفيت أردد منة الناس بتراب

.....

رد: فوق هام السحب ( الشعر الشعبي) على متن القوافي
 

ليت مالك بالعمر لحظه غياب
او فراق ديار او سكة سفر

اسوء الحالات واكثرها عذاب
غيبة اللي نظرتة تسوى عمر

.....

رد: فوق هام السحب ( الشعر الشعبي) على متن القوافي
 

لا تسهرين إلا على قلب مغليك
ولا تنعسين إلا على رمش عيني

متماسكين الود وايدي بيديك
ومتقاسمين الهم بينك وبيني

.....

رد: فوق هام السحب ( الشعر الشعبي) على متن القوافي
 

وان جفت عروق المواصل وصدّيت
ماني على الماضـي كثيـر الحسايف

.....

رد: فوق هام السحب ( الشعر الشعبي) على متن القوافي
 

سقى اللّه ليالي عشت فيها مع الأحباب
ليا جيتهم ضايق رجع خاطري سالي

.....

رد: فوق هام السحب ( الشعر الشعبي) على متن القوافي
 

من مد لي من طارف الورد وردة
‏أهديت له من غالي الورد بستان

.....

رد: فوق هام السحب ( الشعر الشعبي) على متن القوافي
 

‏لك الله يا غزه ولك منع منعنا
إذا ما انتقمنا لك من المجرم الوضيع

‏بذلنا على صون الشرف ما بوسعنا
وفي وسعنا نحمي شرفنا ونستطيع

دمانا الزكيه ثورت لجل ربعنا
ومهما صرفنا الدم ماشي لنا صنيع

بقلمي

رد: فوق هام السحب ( الشعر الشعبي) على متن القوافي
 

اكتم غرامك في ضلوعي عن الناس
حتى أنت ماتدري وش كثر احبك

.....

رد: فوق هام السحب ( الشعر الشعبي) على متن القوافي
 

عزيت نفسي عن بشر ظنهم شين
‏ مهما رفعت بقدرهم قل ادبهم

جحاولت اكسبهم على العسر واللين
‏واقفيت عنهم يوم ربي كشفهم

.....

رد: فوق هام السحب ( الشعر الشعبي) على متن القوافي
 

‏اشتاقلك شوقٍ يفوق التواصيف
‏اكـبر مـن اللي ناوين لك اقـــوله

‏اشتاقلك والحـب يكتب سواليف
‏ياغاية المشــتاق عــرضــه وطوله

.....