رد: اخترنا لكم
 

‏الكفو لا شال همه شال همّه بروحه
‏ولا من فرح وزع على اللي حواليه

.....

رد: اخترنا لكم
 

‏يقولون قاسي قلب واقول لا والله
‏ولكن علاج الصده ان طالت الصده

‏انا ويش اسوي ذا خفوقي وذا مبداه
‏اذا حب من جده واذا صد من جده

الحبابي

رد: اخترنا لكم
 

متفائل بشكل ما يوصف وعندي يقين
‏اني تجاوزت بامر الله تعالى الشقى

‏ايام واعانق الفرحه معانق ثنين
‏تعانقو فالوداع اللي مابعده لقى

.....

رد: اخترنا لكم
 

العمر يفنى والحياة أحلام والدنيا متاع
‏يا كمّ نفسٍ روّحت ما حقّقت مطْلوبها

.....

رد: اخترنا لكم
 

خلك مـع أهـل المكارم صافيين القلوب
وأبعد عن الـلّي يحاول بالزمن يجرحك

الوقت يظهر لك الصادق ومن هو كذوب
ووقت الـشدايد بتعرف من تجمّل معك

.....

رد: اخترنا لكم
 

كلمة شكر يابوي ماتوفي الشعور
واحساسي صوبك يابعدي أكبر كثير

مهما شكرتك لازم أشعر بقصور
بنتك يابوي دايم تشوفك كبير

.....

رد: اخترنا لكم
 

‏لوهي حقيقة كل مطرود ملحوق
‏ما فاتـــنا شيٍ من اللـــي طردناه

‏نطرد وتبعـــدنا مسافات وفروق
‏وللـــي نريــده فاتنـــا ما لحقناه

.....

رد: اخترنا لكم
 

‏ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

.....

رد: اخترنا لكم
 

‏ســلم على الوافي اللـــي نيته زرجه
‏اللي على الطيب و فعول الوفا دارب

‏ان غاب عـن صف ربعه بان له فرجه
‏له وقفــةٍ دون ربــعه كنـــه محارب

‏واليا حضر فالمجالس ما كثر هرجـه
‏واليا هرج هرجته تجمد على الشارب

.....

رد: اخترنا لكم
 

لك في عيوني يانظرها مكانه
ماطالها قبلك ولا بعدك إنسان

أنت الغلا كله ونبضه وشانه
تفداك عيني يابعد كل الاعيان

حمد السعيد