رد: فوق هام السحب ( الشعر الشعبي) على متن القوافي
 

الرابح اللي عدّته خير الاعمال
على هدي خير البشر والصحابه

يرفع يدينه بالخفا خوف واجلال
يطلب رضا ربه ويخشى عذابه

الواحد اللي يعلم السر والحال
اللي عن الداعين ما صك بابه

سبحانه

رد: فوق هام السحب ( الشعر الشعبي) على متن القوافي
 

خلك على النيه وخل النظر فوق
وفي معظم الحالات خلك حيادي

وتعاملك خله مع الناس بالذوق
وحاول تكون بكل الأحوال هادي

.....

رد: فوق هام السحب ( الشعر الشعبي) على متن القوافي
 

تغيب شمس الكون والله ماغاب
يدير اعمال خلقه وهو مايداري

والرزق مكتوبن والاقدار بسباب
تجري كما تجري هبوب الصحاري

ويا الله عسا لدعواتنا يفتح الباب
يا واحداً ندعوك ليل اونهاري

ولا علها في جاه من نزل اكتاب
يجيبنا ربن عن الغيب داري

.....

رد: فوق هام السحب ( الشعر الشعبي) على متن القوافي
 

يارب هونها على كل ضايق
وأشفي مواجيع ٍ خبير بمداها

يارب وإكشف للقلوب الحقايق
وإرحم نفوس ٍ غارقة في شقاها

لاني بمحتال ٍ ولاني ببايق
وأمي قبل لاتموت أدوّر رضاها

يارب ماني للمخاليق طايق
وأسرارهم ماني بكاشف خفاها

يارب أنا أحاول بكل الطرايق
ومحاولاتي ضايعات ٍ جداها

.....

رد: فوق هام السحب ( الشعر الشعبي) على متن القوافي
 

لاتشمّتْ بالزمن وأحذر تعيبه
الزمن مخلوق والخالق بصير

وكل شيٍ جاك من هم ومصيبه
قدّره مولاك والكاين يصير

ولا تقول أن البلا حاجه غريبه
خُل صبرك دوم للأمر العسير

والله اللي ماحدن يعلم بغيبه
وكل شخصٍ عاش له عمرٍ قصير

.....

رد: فوق هام السحب ( الشعر الشعبي) على متن القوافي
 

ماتضيق صدور والدنيا وسيعه
والله أرحمْ بالعباد اللي خلقها

فارج الشدات مداته سريعه
كل نفسٍ من عطى جوده رزقها

يربح اللي يعبده وامره يطيعه
ويخسر اللي صد والدنيا عشقها

كل شخصٍ له مزاج وله طبيعه
والله الخلاًق وعباده فرقها


.....

رد: فوق هام السحب ( الشعر الشعبي) على متن القوافي
 

‏جمّل الله حال من يبغى الجماله
لو ظروف الوقت عن طيبه تحده

.....

رد: فوق هام السحب ( الشعر الشعبي) على متن القوافي
 

قالوا تحبه قـلت والله احبه
قالوا يحبك قلت مدري وش أقول

بس أذكر إنه قد حلف لي بربه
إني عـلى باله ولو كان مشغول


.....

رد: فوق هام السحب ( الشعر الشعبي) على متن القوافي
 

‏ ياويل قلبي منه يا كثر ما اغليه
‏ ويا كثر ماله في خفوقي محبـہ

‏ الغالي اللي في قصيدي محليه
‏ يسسوى حياتي والغلا والمحبـہ

.....