رد: فوق هام السحب ( الشعر الشعبي) على متن القوافي
 

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

......

رد: فوق هام السحب ( الشعر الشعبي) على متن القوافي
 

لي صاحب ٍصامت وفي نظرته فنّ
يقرأ تغاريـدي ويعـرف مزاجــي

ما اقول كاهن ويتعامل مع الجـنّ
حسّاس والحسّاس ماله عـلاجـي

......

رد: فوق هام السحب ( الشعر الشعبي) على متن القوافي
 

‏فيني خليط اشواق مع لوعه فراق
‏اعيشها ما بين ضيق ورايق

‏فيني غلا مع صادق الود ينساق
‏وفيني غموض اللي يشب الحرايق

......

رد: فوق هام السحب ( الشعر الشعبي) على متن القوافي
 

سجّ الخلا يمكن التوفيق مرمي خلا
‏في خاليٍ قد ذرته الريح وأهله خلو
‏ٰ
‏ما نشغل عقولنا فيما يخص الملا
‏اللي كلوا مارضوا واللي رضوا ماكلوا

......

رد: فوق هام السحب ( الشعر الشعبي) على متن القوافي
 

‏يا سعود ياللي كل شاعر يناديك
‏يشكي عليك من الظروف العظيمه

‏هو انت شيخ ونعتزي كلنا فيك
‏او لك حكايه بالسنين القديمه

‏والا خوي دنيا ولك عين ترجيك
‏والا حروفك بالبحر مستقيمه

‏ياسعود رد الصوت ياسعود وشفيك
‏عبّر قصايدنا يا مال الغنيمه

......

رد: فوق هام السحب ( الشعر الشعبي) على متن القوافي
 

‏غلطان ياللي تنطوي كل ما ضقت
‏اضحك لو إن النفس فيها وفيها

‏تأكد إن المشكلة مسألة وقت
‏بتمر ذكراها وتضحك عليها

......

رد: فوق هام السحب ( الشعر الشعبي) على متن القوافي
 

‏علموا سود الليال وعلموا بيض السحايب
‏ابتدت فترة حضوري وانتهت فترة غيابي

‏ساحب مسباحي اللي له شهر ونص غايب
‏ومطلق عنان الشعور وفاتحٍ للشعر بابي

......

رد: فوق هام السحب ( الشعر الشعبي) على متن القوافي
 

قهوتي حبك وحبك لي الكيف
ومن دلتك كني بروس النوايف

احب معك الليل شعر وسواليف
قصايد توصف غلاتي وصايف

......

رد: فوق هام السحب ( الشعر الشعبي) على متن القوافي
 

‏لا تحسب إن النور يازين مني
‏وجهي ترى يعكس لك النور منك
‏
مثل القمر والشمس كنك وكني
‏أعكس شعاعك وأسهر الليل عنك

......

رد: فوق هام السحب ( الشعر الشعبي) على متن القوافي
 

‏حبه سكن في خافقي وشارك الروح
الشعر له في داخل القلب مقدار

عشقت نظم الحرف والقاف والبوح
ونسجت بحساسي لكم عذب الأشعار

......