رد: فوق هام السحب ( الشعر الشعبي) على متن القوافي
 

يامدور عن عيوبي منت لاقي في عيوبي
غير وقفه ماتوقفها انت واللي خلفوك

.....

رد: فوق هام السحب ( الشعر الشعبي) على متن القوافي
 

عظيمه كنها قصرٍ تعلّى نايفات السور
رقيقه كنها وردٍ تفتّح وسـط بستانه

.....

رد: فوق هام السحب ( الشعر الشعبي) على متن القوافي
 

ابتعدتي ولا حصّلت عقبك نديم
غير الابيات يوم اقف على بابها

آخر اللي بقى لي منك عطٍر قديم
اثر عمر الهدايا أطول من اصحابها

.....

رد: فوق هام السحب ( الشعر الشعبي) على متن القوافي
 

خلوه يزعل لين ترضيه الايام
وعقبني الفنجال لارحت اراضيه

اللي زعل باوهام ترضيه الاوهام
خله على الصده ولاني براجيه

تركي العريدي

رد: فوق هام السحب ( الشعر الشعبي) على متن القوافي
 

والله اني عارفن ما على الدنيا مقام
من رجاها مثل راجي سراب القايله

الحظيظ اللي توجه لربه واستقام
واشترى الدار الاخيره بدارن زايله

دهلان شداد السبيعي

رد: فوق هام السحب ( الشعر الشعبي) على متن القوافي
 

هو مات بس انا في داخلي حي
وشلون يموت وداخلي ذكرياته

يارب نوّر قبره بكامل الضي
اللي عجزت لليوم استوعب وفاته

رحمك الله يا سلطان

رد: فوق هام السحب ( الشعر الشعبي) على متن القوافي
 

احب المكان اللي يبعدني من اعداي
ومن عشرة اللي ما تحمل معاشرته

وان جيت بمكان وفيه من وده بفرقاي
اجنب مكانه واترك الداب وشجرته

.....

رد: فوق هام السحب ( الشعر الشعبي) على متن القوافي
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

رد: فوق هام السحب ( الشعر الشعبي) على متن القوافي
 

خِف نفسك للخوي والعواني والضيوف
وان لقيت اللي يَبا يزم نفسه ِزمّها

لا تراخى فالمواجيب وتطيع الضعوف
خَمّةٍ تمشي عروق الردا في دمّها

اقِف في موفقك لو كان ممنوع الوقوف
وان نصحك قليّل العِرف يا ويل أُمها

مطلق بن دعيج

رد: فوق هام السحب ( الشعر الشعبي) على متن القوافي
 

لا قل عرف آلعقول وطاح سعر آلكلام
سلم على آلصمت لا منه حفظ قيمته

متعب بن مرزوق

رد: فوق هام السحب ( الشعر الشعبي) على متن القوافي
 

عسى الحاجه الي تحطنا بموقف الاحراج
يجي ضرف طاري قبلهاونتجنبها

وعسى من يرد بخاطر الي يجي محتاج
تحده ضروف الوقت يمه ويطلبها

.....

رد: فوق هام السحب ( الشعر الشعبي) على متن القوافي
 

أرحبي يا قشر الأيام ترحيب القشر
واقلطي في حضرة القوم مقلاط الضيوف

العمر تاليه قبر و موازين و حشر
ان سعدنا و ان شقينا نهايتنا الحتوف

ان حضرتي بالبشاير فلا زلنا بشر
وان لفيتي بالخساير على الشده وقوف

.....

رد: فوق هام السحب ( الشعر الشعبي) على متن القوافي
 

المراجل ماتجي من ورث ابوك ومن فلوسه
المراجل ماتجي لك غير لا ذقت النوايب

لا تصير اكبر همومك بيت مملوك وعروسه
ولاتصير اكبر همومك بعد واهمال القرايب

الزمن يعطيك دايم من غثاه ومن دروسه
يا تجي رجال قادح يا تجي مذلول هايب

مسعود القحطاني

رد: فوق هام السحب ( الشعر الشعبي) على متن القوافي
 

تعايش مع العالم وطنّش كثير علوم
وبابٍ تحس إنه وراه الغثى سدّه

.....

رد: فوق هام السحب ( الشعر الشعبي) على متن القوافي
 

هون على قلبك ترى الوضع عادي
‏شفني من طعون الليالي تعلمت

.....

رد: فوق هام السحب ( الشعر الشعبي) على متن القوافي
 

يآ ليتنا نجـرح مثل باقـي الناس
ونكسر خواطر من كسرنا ونقسى

لكننا مــن كثر ما نملك احساس
نجبـر خواطر مــن كسرنا وننسى

.....

رد: فوق هام السحب ( الشعر الشعبي) على متن القوافي
 

لو كان الغلا يا زين بالكون محدود
‏ترى غلاك عندي تعدا حدوده

‏وإن كان عشق الناس ماهو بموجود
‏عِشقي لأجل عينك يفرض وجوده

.....

رد: فوق هام السحب ( الشعر الشعبي) على متن القوافي
 

عسى الكفو ما يشتكي ضيم الايام
ولا تمنعه عن طيب راسه ظروفه

آمين

رد: فوق هام السحب ( الشعر الشعبي) على متن القوافي
 

‏كان عندك لي غــلا لا يلمحونك
‏يا بعيد الــدار يالقلــب القــريب
‏
‏عاشقك ميت على طاري عيونك
‏كيف ينعَم في مناظَرهــا غريب

.....

رد: فوق هام السحب ( الشعر الشعبي) على متن القوافي
 

‏ياخذني الشوق لعيونك واجي گلّي
‏يدفعني الحب جعل الناس يفدونك
‏
‏لو گان طيفگ مخاويني مثل ظلّي
‏أشتاق لمصافحگ واشتاق لعيونك

.....

رد: فوق هام السحب ( الشعر الشعبي) على متن القوافي
 

‏أشتاق لحروفك وحسّك وطاريك
وأشره على نفسي واعدد خطاها

قلبي يصفق لك وعيني تراعيك
وكبدي على شوفك ذبحها ضماها

.....

رد: فوق هام السحب ( الشعر الشعبي) على متن القوافي
 

‏لا ني بلا ناكر ولاني بجاحد
‏ ذاك الغياب اللي جعل وجهك يتوه
‏
‏الحبّ دوم ايجيك في وجه واحد
‏ بس الغياب ايجيك في عدّة وجوه
‏
.....

رد: فوق هام السحب ( الشعر الشعبي) على متن القوافي
 

القلب عالقلب شاهد والمحبه دليل
والعشق لوحال عاشق ماعرف مستواه

ياغايبً في غيابه كل شي مستحيل
الحب جنه ونهر الحب عالي وفاه

بسماتك اشعال وغيابك وصدك جميل
ليت الجمالات تهدا من دمي لا دماه

دخيل قلبك وقلبي فيك وحده دخيل
ودخيل روحك من الفرقا وتالي نباه

كثر الصدود اشعلت قلبي وانت الوكيل
وحسبي الله على من راح ناظر وراه

بوصلك اتخيل الأحباب في كل ليل
وفي غيابك اشوف الحب يشكي مناه

روحي بروحك رهينه وانت مالك بديل
والحب ماله بدل والقلب قلبي فداه

مالي من الأرض في غيبتك لوهو قليل
وما ودي الكون ودي قربك اللي اباه

.....

رد: فوق هام السحب ( الشعر الشعبي) على متن القوافي
 

‏يامدعي بالعشق واالحب والشوق
‏اعطني دليلك بالغلا والموده

‏الحب وصل وشووق واخلاص وحقوق
‏ماهوب بشوق ولعب مده ومده

.....

رد: فوق هام السحب ( الشعر الشعبي) على متن القوافي
 

يا هلا بالنور واوراق الزهور
يا هلا بالغارقة وسط البحور

كل ما شفتك تذكّرت السرور
وانفجر في مهجتي كتلة شعور

.....

رد: فوق هام السحب ( الشعر الشعبي) على متن القوافي
 

‏فمان الله لا ترسل ولا تسأل
‏وانا بكمل الباقي مع طيوفك

‏فشلت اني اكون بدنيتك اجمل
‏وحالت بيننا الاقدار وظروفك

.....

رد: فوق هام السحب ( الشعر الشعبي) على متن القوافي
 

‏يعدل مزاجي كل ما خربوه الناس
‏انا وين ابلقى واحدٍ كـنه الشاهي

.....

رد: فوق هام السحب ( الشعر الشعبي) على متن القوافي
 

‏صباح المحبه والغلا والقبال الزين
‏على اللي ليا غردت دايم يتابعني

‏يأكد متابعته برتويت رتويتين
‏يثبت غلاه وله بالاحساس يدفعني

.....

رد: فوق هام السحب ( الشعر الشعبي) على متن القوافي
 

‏قلبي مثل جيري وطيفك مثل توم
‏ وياكثر ما ينحاش من توم جيري

‏لابوك ياطيفٍ يجي حزّة النوم
‏ يطري علي كل ماغفيت بسريري

.....

رد: فوق هام السحب ( الشعر الشعبي) على متن القوافي
 

يسعد مساك وصباحك كل ما اصبحتي
‏ويسعد عيون ٍ تحـرى شوفة اعيونك

‏وينك فديتك على الشاشات ما لحتي
‏من زعلك جعلهم في الناس يفدونك

.....

رد: فوق هام السحب ( الشعر الشعبي) على متن القوافي
 

‏بعض الرسايل مغير هموم ومعاتب
‏ودك قــبل تفتح الجــوال تمسحها

‏وبعض الرسايل تقول رسالة الراتب
‏اللـــي ترحب بهــا من قبل تفتحها

.....

رد: فوق هام السحب ( الشعر الشعبي) على متن القوافي
 

‏من الود مدري دافع الحب والاعجاب
‏معاه الكلام يطول وازريت لا اختصره

‏يقول انت تستعبط مثل غيرك وكذاب
‏وهو نخبة النخبه على جيله وعصره

‏انا طر جيبي من سبايبه وضني خاب
‏مثل حسني مبارك على شعبه ومصره

‏احبه وقلبي عاده من الهوى ما تاب
‏مو لازم مثل ماحبه يحبني بصره

.....

رد: فوق هام السحب ( الشعر الشعبي) على متن القوافي
 

‏يا دهر مالك ومال الكبرياء والطاعة
‏لا تلحقني زرايا بندقي وسعفتي

‏لفّني مثل الزقارة واقدح الولّاعة
‏ما معك رهبان قس ولا سماحة مفتي

‏لك عليّ الصبر وعزوم الشجاع وباعه
‏ولي عليك أن الغنايم منك ففتي ففتي

‏ياوجودي يالهنا والراحة اللمّاعة
‏يوم كنت أظلل أهل الطايلة بأكنفتي

.....

رد: فوق هام السحب ( الشعر الشعبي) على متن القوافي
 

‏لا صرت واحد من النخبة وشاعر عظيم
‏نادر تحصل من الشعّار قدر و غلا

‏بتشوف في معظم الشعار غيرة حريم
‏لا شافوا الشاعر المبدع يجيهم بلا

.....

رد: فوق هام السحب ( الشعر الشعبي) على متن القوافي
 

عوبا ومزيونه وللخاطر دوى
وإن روقت كتلة مشاعر مع حنان

وإليا زعلت صارت ملعونه ثوى
إبليس منها يشتكي زود الجنان

.....

رد: فوق هام السحب ( الشعر الشعبي) على متن القوافي
 

‏رميت الاحلام في وجه الزمان البخيل
‏وعزيت نفسي وعز النفس عصيانها

‏وعن الحضور المهمش مرحبا يالرحيل
‏ما دام تحفظ كرامة نفسي وشانها

.....

رد: فوق هام السحب ( الشعر الشعبي) على متن القوافي
 

‏طالت عناقيد الغلا وأينع الغرس
‏هبي بعطرك يارقاق الهبايب

‏من يوم خلانا الجفا نحفظ الدرس
‏وحنا مثل كل الحبايب حبايب

‏إن رحت راح الليل حبرٍ على طرس
‏وإن جيتني محدٍ من الناس غايب

‏من علم عيونك تسولف وهنّ خرس
‏علمني أرفى عن خطاك السبايب

.....

رد: فوق هام السحب ( الشعر الشعبي) على متن القوافي
 

‏الهوى دربه طويل وحرّ شمسك جايزٍ لي
‏كلما ازداد الشعور تقل لرضاك المسافة

‏لا تحاول يا بعد كل الأحبة خاطر اللي
‏ ما تلدّد في ديارك غير من كثر الحسافة

‏إن رضيت أجيك كلي وإن زعلت أجيك كلي
‏أنتِ ذنبٍ لو يُعاد الوقت بأعيد اقترافه

.....

رد: فوق هام السحب ( الشعر الشعبي) على متن القوافي
 

‏عاد لك فالبال ذكرى وفالخافق مكان
‏يابعد عمر السنين الشحاح الممحلة

‏ ماتنسيني لياليـك طيّات الزمان
‏وانت في يوم من الأيام سيّد مرحلة

.....

رد: فوق هام السحب ( الشعر الشعبي) على متن القوافي
 

المسا يا الغالية مع ضحكتك غير
تنعش مـساي ضحكتك وأهتنيها

أنتي المسا وضحكتك يالغلا خير
كلمة مساء الخير مقصودة فيها

.....