|
رد: فوق هام السحب ( الشعر الشعبي) على متن القوافي
كل ما حطيت راسي عالوساده
آتذكرّ من خطأ بحقي و أسامح و الله الإنسان لا طهرّ فؤاده يصبح لطهره على وجهه ملامح ....... |
رد: فوق هام السحب ( الشعر الشعبي) على متن القوافي
شجاعتك في وجه الانثى رخامه
وعطفك عليها شي مخلوف فيها اقصى حدود المرجله والشهامه لا صرت فيها اخير من والديها ....... |
رد: فوق هام السحب ( الشعر الشعبي) على متن القوافي
الله....من قلب...المفارق ليا اشتاق.
لاجاه نص....الليل في الشوق غارق. كم قد سمعنا في قصص ناس عشاق. هذا لقي.....خله..... وهاذا مفااارق. وانا على موج المحبه.......ولشوااق. قدصرت في حبه..... متيم... وعاشق. خلن له الميزاات... راقي......وذواق. حالي وبسماته.. كما البرق..باااارق. شوفته. تجلي ضيق قلبي..ليا ضاااق. لا قاال.. حبي.... يقلب...الجو راايق ....... |
رد: فوق هام السحب ( الشعر الشعبي) على متن القوافي
لا ترخص الروح للي ما عرف قدرك
لوكان حبه يســـــم القلــــــب ويعلة واللي يقدرك حطة في وسط صدرك وقلة مكانك هنـــا يا عـــــز خلق الله ....... |
رد: فوق هام السحب ( الشعر الشعبي) على متن القوافي
لا تتلف الروح لأجل الناس ترضيها
وهم ولا يوم سووها على شأنك والله م تندم على الدنيا وما فيها لو تعرف الوقت من موتك لنسيانك ....... |
رد: فوق هام السحب ( الشعر الشعبي) على متن القوافي
مكتفي باللي يجي منك من باب الوصال
إن عجزت تسوي الصعب ، سوّ المفترض أرسل إن عيّت عليك الظروف الإتصال الرسايل بعض الأحيان توفي بـ الغرض ....... |
رد: فوق هام السحب ( الشعر الشعبي) على متن القوافي
النفوس الوافيه رغم المصاعب ماتميل
والسماء كثر السحب ما يغطي نورها الوافي لأجل الوفاء ما يذله مستحيل والثقه بالنفس حصن القلوب وسورها ....... |
رد: فوق هام السحب ( الشعر الشعبي) على متن القوافي
مديد البال حبي لك مثل صبري طويل البال
احبك و المحبه ليتها ما فتحت عيني على قلبك و قلبك بيني و بينه كثير أزوال حَكم حكم الزمن لموالفك تسبق شراييني تشفق لك عيون وروح و ضلوع و شعر و أمال تموت منطق لساني و تحييّ ربكه يديني ولو قالوا احبك قلت في صوت العجب من قال ؟ ولا كنك خذيت اللي سكن ما بين ضلعيني ....... |
رد: فوق هام السحب ( الشعر الشعبي) على متن القوافي
لا تتلف الروح لأجل الناس ترضيها
وهم ولا يوم سووها على شأنك والله م تندم على الدنيا وما فيها لو تعرف الوقت من موتك لنسيانك ....... |
رد: فوق هام السحب ( الشعر الشعبي) على متن القوافي
ارفع ايديك وناج رب السماوات
واستمطر احلامك سحابة سحابة حتى ولو حلمك من المستحيلات بينك وبينه .. دعوةٍ مستجابة كثر المعاصي واتّباع الملذات من اعظم اسباب القلق والكآبة مدامنا حيين والوقت مافات باقي لنا فرصة رجوع وإنابة يمكن لو ان الروح ترجع للأموات عاشو مع الحيين مثل الصحابة ....... |
رد: فوق هام السحب ( الشعر الشعبي) على متن القوافي
لا تـنبش الماضي و لا تنشغل فيه
الدمع ما يـرقى من العـين لا طـاح لا تنـتظر من فاقـد الشي يعـطيك عمر العزا ما صار في صالة افرا ح ....... |
رد: فوق هام السحب ( الشعر الشعبي) على متن القوافي
لاتلتفت للـــناس مهما يقولـــون
خـل القـفا لأهـــل القفا لاتحـاكت أقهر عدوك خل قهرك على الهون تطحن كبود القوم لاصرت ساكت ........ |
رد: فوق هام السحب ( الشعر الشعبي) على متن القوافي
بعض المحبيـن لا يركد و لا يهجـد
مناهج الحـب عنـده مايثمنـها مـشـاعره كـنّـها بـرّادة الـمسـجـد سبيل مافيه واحد ماشرب منها ....... |
رد: فوق هام السحب ( الشعر الشعبي) على متن القوافي
يقول منهو على صوت الغناء غنا
على الذي درات الافكار من شانه ياشوق طبع الوفاء منكم وهو منا تبقى الاساليب مقبولة وفنــــــانه حنا على العهد لا خنتم ولا خنـــا ولا نطيع الذي فالحـب خـــــــوانه مادام حنا بصحبتكم تمـاكنـّــــا فالقلب يازين لا تكثربه اشجــانه يازين عنـا علـى درب الهــوى عنـأ لا تحرم النفس دام النفس شفقانه ترنا على عهـدكـم باقي كما كنـــا مازال شوق الهوى فينا وتحنــــانه ....... |
رد: فوق هام السحب ( الشعر الشعبي) على متن القوافي
ماعاد ندري من الضيقه وشـ انسوي جمعات الاجواد صرنا نبتعد عنها الجو ذا الوقت لاجوّك ولا جوي ضيقة لياليه ليته فكنا منها ان قلت له خف قال اصبر علي توي وشـ حيلتي فيه دامه يامر وينها اليا مته والشقى حاضر ومتقوي والنفس ، وين الصديق اللي يطمنها ....... |
رد: فوق هام السحب ( الشعر الشعبي) على متن القوافي
بوصف شعور وتاه حرفي دونه
بعض المشاعر صعب اعبّر عنها كل الكلام بروعته وفنونه مافيه جمله يمكن ابدا منها كبر الغلا لامن ثبت بركونه يامر على صدق الشعور وينها واللي خذى قلبي فديت عيونه فوق اجزل ابيات الشعر وازينها ....... |
رد: فوق هام السحب ( الشعر الشعبي) على متن القوافي
محدن يمشينا على رغبته غصب
ولا نزعل على غيرنا بليا سبايب وثنتين في الدنيا تري مالها طب خيانة الصحبه وظلم القرايب ....... |
رد: فوق هام السحب ( الشعر الشعبي) على متن القوافي
راس مالي نادر الجيل لا عد الحضور
صاحب(ن) وقت المواقف اعده محزمي لا لمحني ضايق الصدر لي فج النحور وقف بماقف يجمل ودوني يحتمي والله اني خابرك درع جنب(ن)ما يبور والله اني خابر الطيب لسمك ينتمي ....... |
رد: فوق هام السحب ( الشعر الشعبي) على متن القوافي
يازينها والله حياة .......القديمين
اللي مـا تعجبـهم علـوم الـرخـامـه عاشو على ظهر البسيطه عزيزين وضمتهم بـطـون الـقـبـور بكرامـه ....... |
رد: فوق هام السحب ( الشعر الشعبي) على متن القوافي
ياربي عساني ما توانا بفعل الخير
أعنّي على نفسي وأعنها على شكرك وأنا عبدك اللي ما عصمته عن التقصير يوقف على شرعك وينصاع تحت أمرك وأنا عبدك اللي من ذنوبه ماعيّن خير يا حلمك على زلات عبدك وياصبرك وأنا عبدك اللي مسرف في حياته غير تولّاني برحمتك وأسترني بسترك ....... |
رد: فوق هام السحب ( الشعر الشعبي) على متن القوافي
صحيح ماجتنا الليالي على الكيف
مره تجينا ثقال ومره خفافي الحال مايحتاج نشده وتوصيف ماكل يومٍ ينحسب لي عوافي ظروفنا تشبه سحابٍ من الصيف بعد المطر تهب صلف السوافي وليا نشدنا من يحب السواليف قلنا بخير ولا لحقنا خلافي ....... |
رد: فوق هام السحب ( الشعر الشعبي) على متن القوافي
يمكن أبشع صفة فيني الزعل والعناد
وأملك أسلوب قاسي بس ما اجرح أحد منطقية حياتي ماتعرف الحياد غصب عني أكابد بالعمر وأجتهد والمفارق مايعني بأن قلبي جماد العلاقات رزق إن ماصلحت ابتعد الحشيمه بتبقى لو يروح الوداد بحفظ العشره بقلبي وأصون العهد ....... |
رد: فوق هام السحب ( الشعر الشعبي) على متن القوافي
رضا البشر ما هو بـ آيه منزله
خل العقول الطايشه في طيشها أحيان تفكيرك يحل المشكله وأحيان حل المشكله تطنيشها ....... |
رد: فوق هام السحب ( الشعر الشعبي) على متن القوافي
ياليت طبع البشر مع بعضهم راقي
منهاجها الطيب ماتبحث خفاياها انا على نيتي وأعيش بأخلاقي والناس مدري ولااعرف وش نواياها ....... |
رد: فوق هام السحب ( الشعر الشعبي) على متن القوافي
لا تفتح أبوابْ ما تقدر تسكّرها
دامك على قدّ حالك.! خلك بحالك ولا تكسر قلوبْ منْت بكفو تجبرها في ما بها خلّها… وخلك على فالك المرجلة ما تبي من لا يقدرها مقصودها وقفتك ماهو كثر مالك ....... |
رد: فوق هام السحب ( الشعر الشعبي) على متن القوافي
حمدتك على خير وحمدتك على مكروه
وسبحانك اللي لا ألتجى عبدك، أنصفته أجي لك بوجهٍ ساير الناس ما شافوه على شان وجهٍ ساير الناس عارفته ....... |
رد: فوق هام السحب ( الشعر الشعبي) على متن القوافي
كل ما جاني من الغالي قصور
قلت عادي طيبه يغطي رداه التمس له عذر واقول أمعذور غالي و من حقه يجرب غلاه ....... |
رد: فوق هام السحب ( الشعر الشعبي) على متن القوافي
قد بكيته من عصر والبكا ماهوب عيب
عادة العشّاق يبكون . . حتى فالصلاه دايم اللي خاطره ضايق ودمعه قريب لا بدا في عالي . الرجم جاب اللي وراه ....... |
رد: فوق هام السحب ( الشعر الشعبي) على متن القوافي
نعيش الحياة ومانبي الإ سلامتنا
لنا بالظـواهـر مالنا في خـوافيها ولو الناس في بعض القناعات لامتنا ترى آهـم حاجـة فـ الاوادم مباديها على كلّ حاجـة نصبـر الإ كرامتنا هي الحاجـة اللي ما نساوم حدٍ فيها ....... |
رد: فوق هام السحب ( الشعر الشعبي) على متن القوافي
مخافة الخالق : معزه ونوماس
ومكارم اخلاق .. ونقاوه .. و مله ومخافة العالم : نقصه و وسواس و دناءة اخلاق .. و جهاله .. و ذله النار والجنه هي ادق .. مقياس على مراحل عمر الانسان .. كله احزن على فئة كثيره من .. الناس خافت من الناس وماخافت من الله ....... |
رد: فوق هام السحب ( الشعر الشعبي) على متن القوافي
اتعبتنا الحياة ودوختنا الظروف
واه يانفسي اللي وصلت حدها كانت تعالج العالم وكانت تروف قلت يانفسي هدي والحزن هدها معنويات منهاره وضيفه وخوف يوم بانت مواقف وانكشف سدها أثرت فيني لين أصبحت ماني شغوف بس جالس مع الصدمات واعدها ....... |
رد: فوق هام السحب ( الشعر الشعبي) على متن القوافي
يانظيف القلب ثلثين العرب شمّاته
وامثلتهم يوم افكـر في بعضها خلّه قالو انه ما يعيش اللي على نياته والحقيقه صـف نياتك ويـرزقك الله ....... |
رد: فوق هام السحب ( الشعر الشعبي) على متن القوافي
يارب تسعد ضايـق الصدر والبال
عجل فـرج مخلوق بالحيل ضايق بدل عسر دنياه في يسر الاحـوال وعسى مزاجه ويـن ماراح رايـق ....... |
رد: فوق هام السحب ( الشعر الشعبي) على متن القوافي
بعض الصداقه لو أهلها يغيبون
تبقي لو ظروف المواجه شحيحه والرفقه اللي حدها بالتلفووون تضيع لو ضاعت عليك الشريحه ....... |
رد: فوق هام السحب ( الشعر الشعبي) على متن القوافي
تمر الليالي بين يمكن ، لعل و ليت
و أنا أدري تبادلني الغلا و اتّمنـاني ياكم مرةٍ جيت أعترف لك لكنْ أزريت ذبحني شعوري و الحيـا يربط لساني بنيت بضميري لك مكانة و قدر و بيت ولك الله مافوقك بالغلا غير شيباني ....... |
رد: فوق هام السحب ( الشعر الشعبي) على متن القوافي
القلب ماهز ثقله كل مزيونه
الا الجمال المثير المغري الفارق كان الشهاده لغرقا الحب مضمونه فأنا شهيد الوساع النعّس الغارق ذهانة الوجه والحجان مقرونه وخد شعاعه كما شمس الضحى الشارق وليا انثعى الخمري المسدول من دونه ليلٍ تبدد ظلامه نجمة الطارق سعد بن جدلان |
رد: فوق هام السحب ( الشعر الشعبي) على متن القوافي
الأمور المغريه والعالم النصابه
والله انها تتعب الواحد وتبحث سدّه فيه شيٍ مثل فال ماحسبت حسابه وفي شي تذكره مده وتنسى مده وفيه شي يجبر العاقل تثور اعصابه لين ضغط السكري فيه يتعدى حده واخرتها كل واحد عند باب اصحابه افتحوا ولا قلبناها عليكم هدّه سعد بن جدلان |
رد: فوق هام السحب ( الشعر الشعبي) على متن القوافي
طلعتك ياشمس كلٍ ينتظرها في محله
المفتح ينتظرها والأكفا تنتظرها ياطلوع الشمس وهاج المصابيح المطلّه نورك الوهاج يشرق للأوادم في ديرها وخاطري مكسور من شيٍ بغاه ولاحصل له والخواطر مايجبرها يكود اللي كسرها والمصيبه كاسر الخاطر يريس العلم كله سالفه يقدر يشعبها ويقدر يختصرها سعد بن جدلان |
رد: فوق هام السحب ( الشعر الشعبي) على متن القوافي
يا عنا القناص يالصيد المدسّم
ياكتاب الشمس وكتاب الطلاسم امسك اعصابي واذا شفتك تبسم كنك تكويني على الكبد بمياسم كن بياضك مع حمارك لا تقسم عارضٍ في وجنتك موكب مراسم حبكم سيطر على قلبي ورسّم مثل ماسيطر على بغداد قاسم سعد بن جدلان |
رد: فوق هام السحب ( الشعر الشعبي) على متن القوافي
ظروف الشدايد سدها للمراجل فيد
ويقدرها راع الوجهات والنصب والبرقه الا حاجتينٍ تظهر اللي مداه بعيد لياطال المرض ولا لياطالت الطرقه هذي والله اللي يظهرن الردى والجيد ومن فاز بالثنتين ذولي ظهر فرقى نبات الفلا يابس وتسفي عليه البيد وعرق النوامي بالثرا سابحٍ عرقه سعد بن جدلان |
| الساعة الآن 04:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية