رد: اخترنا لكم
 

لاتزعلني وتحكم علي إني زعول
وأنت تدري مستحيل ازعل إلا من بلا

والعذر في بعض الاحيان مايلقى قبول
في وسع صدرٍ تحمل زعل لين امتلا

مشكلة غلطتك ماتقبل انصاف الحلول
والمصيبه لك معزة وتقدير وغلا

.....

رد: اخترنا لكم
 

‏ليت القدر أن جمع ناس في ناس
‏يجــمع قلوب الــناس كلاً وطـبعه

‏والكل يعرف معدن الخام والماس
‏ولا يروي الصافي سوى عذب نبعه

.....

رد: اخترنا لكم
 

‏عزالله إني دريت إنه الوداع الأخير
‏وإن هذا آخر عناق وهذا آخر لقا

‏حسيت في نبرتك وبنظرتك شي غير
‏فيها كلامٍ ورا حدب الضلوع إتقا

‏من أول إن جيت شفت بنظرتك كل خير
‏واليوم والله ماشفت بعينك ألا الشقا

‏الظاهر إنك مشاور نفسك ومستخير
‏جايً تبي تقول ماعقب الفراق إلتقا

‏عزمت تبعد وتتركني لبئس المصير
‏من بعد ذيك المحبة والغلا وش بقا

‏بتروح رح لكن الرجعة ترا ماتصير
‏لا يُمكن العاشقين يعوّدون أصدقا

‏ليتك وضعت إعتبار لما مضى يالعشير
‏على الأقل كان فأسلوب الفراق أرتقا

‏ليتك يوم إنك نويت إن ذا الوداع الأخير
‏علّمتني إن هذا هو آخر عناق ولقا

.....

رد: اخترنا لكم
 

‏محبة الناس خير وطاعة الله فرض
وعمر البنادم ماهو من ضمن ملكيّته

ان طال والا قصر يعرض له الموت عرض
ثم بعدها تنتهي مدّة صلاحيته

آشبه ما يمكن يكون فكل الاحوال قرض
ولا باقي الا الذكر كل ٍ وشخصيّته

كم واحد تحت الارض وسيرته فوق الارض
وكم واحد فوق الارض وسيرته ميّته

.....

رد: اخترنا لكم
 

فيه ساعه فالعمر لحظاتها مسترّه
بس لا عدّت دقايقها تصير احسوفه

تشبه الوجه الجميل اللي تشوفه مرّه
عقبها لو تقلب الدنيا ما عاد تشوفه

.....

رد: اخترنا لكم
 

‏يوم جيت ديار ابو سودٍ مظلّه
للقدم وقفة وللقلب إلتفاته

مختصرها بالسلام ورحمة الله
السلام ورحمة الله وبركاته

ودي آخذ عندهم فنجال دلّه
ونفسي أوّل من كلاني بالشماته

يرفع الرجال صبرٍ في محلّه
ويرخص الرجال كثر محاولاته

.....

رد: اخترنا لكم
 

الحُب تلميحه وتلميحته يا هي
ألذّ من كلمة أحبك مية مرّه

جاني من الحب ما يلفت تنبّاهي
وأخاف يطغى الشعور وينكشف سرّه

شيءٍ طرح قلبي وشيءٍ طرح جاهي
وغدرٍ ماهو يغدره جساس بن مُرّه

.....

رد: اخترنا لكم
 

صباحٍ بلا وصلك حصادٍ بلا مردود
‏وعينٍ بلا شوفك وش اللي يداويها

.....

رد: اخترنا لكم
 

من رقّ انوثتها بـلا الحسن غيره
هذا ياكيف وكل بنت غبنتها

في عينها سيف العقيد وشويره
ورموشها جند الخمول أكتستها

غيٍّ من الفستان يلمع حريره
فستانها الاسود يبرهن صفتها

غنجا لذيذه ريق عفّه صغيره
عزلا دقيقة خصر خفّ حركتها

الى وقفت كلن يعذرب قصيره
والى جلست ياطول رزّ ارقبتها

.....

رد: اخترنا لكم
 

أغصُ بالحرف شوقاً حين اذكرهُ
وأكتفي بلقاءٍ في خيالاتي

وما تمنيت شيئاً مثل رُؤيتهِ
حلماً أُحقق فيه كل غاياتي

أضمُ روحي لصدري بعد غربتهِ
واستلذُ بحضن الذات للذاتِ

لعل نبض فؤادي بين أضلعهِ
يبوح إنْ قصرتْ في البوح أبياتي

.....

رد: اخترنا لكم
 

إمتلكتي غايته لو كان ماله فيك غايه
وإنتصرتي في عيونه وإعترف لك بالهزيمه

أنتي فارعه بقد وجد وأسماء وكنايه
من عشق مثلك يجوز من الهوى وشداد ريمه

.....

رد: اخترنا لكم
 

عن البال ما راحت طواريك لجل تعود
مثل كل ليلة طيش مرَّت على تايب

طبيعي بأن الناس تستشعر الموجود
وأنا أستشعرك موجود وأستشعرك غايب

.....

رد: اخترنا لكم
 

مياسة العود عودك آخر آمالي
اللي لو اني على المحراب يحرفني

وشلون ابوصف حلاك الزايد لحالي
لا طاب جرح القصيد وقلتي اوصفني

اذا تضايقتي يضيق الخلا الخالي
واذا رضيتي رضت ريحي على سفني

واذا عرفني غلاك وقلبك السالي
ما عاد ابي الليل والبيداء تعرفني

....

رد: اخترنا لكم
 

لي مهرةٍ مركاضها بالصدر والقلب العفيف
في حبها ما أتوب واليا تبت رحت أعودها

ما تشبه إلا خيل جداني بمعركة الشريف
أصايـلٍ ترهِب صناديد العدا بطرودهـا

.....

رد: اخترنا لكم
 

روحها من خِفّها لاهبّت النسمة تطير
وفكرها علّق على متن الشموخ خصالها

واضحة تسكب رذاذ العطر بأنفاس العبير
غامضة من ثقلها يحتار فيها ظلالها

يغرق أجزل بحر شعر فـبحر عفّتها الغزير
كل ماينبض خجلها يرتعش سلسالها

بنت شعر وأم طهر وأخت للبدر المنير
فاتنة تجلس على عرش الكمال لحالها

.....

رد: اخترنا لكم
 

الجادل اللي عليها الحال مبريه
فالغيد والله مانلقى شبيهتها

من الدلع والتغنج والرومانسيه
معاد يفرق دلعها عن فهاوتها

.....

رد: اخترنا لكم
 

‏لا بد ماتصفي المقابيل وتزين
ونروح ونسج القدم في فلكها

.....

رد: اخترنا لكم
 

قالو من انت وقلت انا انسان عادي
مجهول عند اهل الرتب والسلاطين

عايش عن ثقال النفوس انحيادي
عندي غناة النفس تسوى ملايين

.....

رد: اخترنا لكم
 

تعال قبل الورد يذبل والسهر عينه تنام
قبل تجف المرحبا وتموت بلساني هلا

ترى عزيز النفس لامن عاف عاف بلا كلام
والله لو أنه وطن ماعاد له حب وولا

ماينتهي كثر الغلا إلا بقلّ الإهتمام
وإن جيتني بعدين مالك لا حضوَر ولا غلا

.....

رد: اخترنا لكم
 

تصد القلوب من الغلا والنفوس تملّ
يهون الجفا لا شافت العين ما تكره

.....

رد: اخترنا لكم
 

احيان نزعل على اشياء مالها معنى
ونسامح اللي يسامحنا ليا اخطينا

.....

رد: اخترنا لكم
 

نكتم شعور قلوبنا من حيا الروح
دام الأمـانـي بـالمحاني كثيره

احيان نطريها على البال وتروح
واحيان تطغى بالخفوق وتثيره

.....

رد: اخترنا لكم
 

على الوفا عشنا ولاملنا مع الايام
عسى الله مع الاجواد دايم يجملنا

نساير ضروف الوقت ونسوقها قدام
على العز مبدانا وحنا ما تمايلنا

.....

رد: اخترنا لكم
 

يكتمل نضج البنادم في شعُوره
لا شرى الخلوه وملَّ من التواجد

....

رد: اخترنا لكم
 

ودّي الأيام ترجع بي صغيّر
‏قبل أعرف ان الحياة أم المعارك

.....

رد: اخترنا لكم
 

‏إذا ضاقت بك الدنيا وأنا حي من الحيّين
‏لا تاخذك الظنون اللي رديّات هقاويها

‏حرام اني ماخليه يتولّاك الزمان الشين
‏لو اتلى العهد بك وجعةٍ مانيب ناسيها

.....

رد: اخترنا لكم
 

شرد بي الفكر يتبع ذهنك الشارد
سهيت وأدركت موتي ساعة ارمشتي
ㅤ
عن موجة البرد واحساس الجفا البارد
ادفي بالأشواق والا في طرف بشتي

.....

رد: اخترنا لكم
 

‏باب الغلا لأجلك محصّن ومقفول
‏حتى ولو غيرك طرقه وتسوّل

‏حبّك يحكم القَلب ويصول ويجول
‏فارض على العشّاق حظر التجوّل

‏أنا معك عن باقي الناس مشغول
‏وأحنّ لك وأحتاجك أكثر من أوّل

.....

رد: اخترنا لكم
 

‏مقاسيم الهوى ماتنصف المحروم مدري ليه
‏تماشي صادق النيه وهي ماعندها ذمه

‏سلام الله على فايت غرام خافقي مضنيه
‏بقى له في الحنايا مايعل الحال ويسمه

‏غرام اللي رهنت العمر لعيونه وبين يديه
‏مثل ما يرهن الطيب حلاله لجل ابن عمه

.....

رد: اخترنا لكم
 

جينا نبي منك الفوايد والأرباح
ورحنا نقول أثر السلامه غنيمه

.....

رد: اخترنا لكم
 

‏كيف قلبك يخفي المشروه وعيونك صريحه
‏المعاتب بالعيون أقسى من طعون الجنابي

.....

رد: اخترنا لكم
 

سقى الله على ذكراك يالغايب الموجود
قبل لا تعرف تغيب وتطول الصده

.....

رد: اخترنا لكم
 

كل حاجه باقيه مثل ماهيّه
ماسرا معها على درب مسراها

كود عضوٍ في جهتي الشماليّه
فاع من عوج الحنايا وخاواها

.....

رد: اخترنا لكم
 

شاعر الوصف عبدالله بن زويبن
الله يرحمة ربط بين الغروب ولون
المحبوبة وابدع فالتشبية :


أنت كلك نار تجمع بياضٍ مع حمار
تقلّ شمسٍ دوبها للمغيب محمّرة

والشعر يلمع على الضي من قو الشقار
بشت امير تو امير الرياض مومره

رد: اخترنا لكم
 

المرض المكتشف من قبل الشعار
حمى الاشتياق:

عزي لاقلبٍ فيه حمى الاشتياق
وده يرد الشوق لكن ما عرف
- خالد مبارك

زادت الحمّى ورحنا للمداوي
والمداوي زوّد الحمّى مليله

- سعد بن جدلان

رد: اخترنا لكم
 

يا مساء الخير والدنيا بخير
يا مساء مسكنه بيض القلوب

يا مساء الورد بأحساسً مثير
انتشى ريحة وعطر كلّ صوب

بقلمي

رد: اخترنا لكم
 

احيان بعض الغلا يحتاج له قسوه
‏شوف الدواء كيف طعمه مرّ ويساعد

.....

رد: اخترنا لكم
 

لدّي النظر يَم عيني يا بعد عيني
أنتِ عيونك عن الدّنيا ومن فيها

.....

رد: اخترنا لكم
 

‏عطيتك محبه صادقه مابها تشويه
‏وجعلتك بقلبي منفرد فيه وحداني

‏وغيرك بغاني بالمحبه وانا مابيه
‏دام انت عندي ويش ابي بواحدٍ ثاني

‏تراني ليا شفتك اسج الفكر وشقيه
‏واشوف القمر واقول عندي قمر ثاني

‏غلاتك بقلبي شي يطغى على التشبيه
‏كيف اوصفك والوصف يعجز به لساني

.....

رد: اخترنا لكم
 

‏دام المعاتب معك مامنه مفاد
‏مافيه حل الا الجفا والله يعين

‏معك المحبه من نكاد الى نكاد
‏ولا المفارق كلمتين ودمعتين

‏بحن لك واشتاق لك بس الوكاد
‏ان العمر غالي وانا عمري ثمين

.....