رد: فوق هام السحب ( الشعر الشعبي) على متن القوافي
 

‏مغترب عن ديرة احساسي وعن مربى شعوري
‏لي ثلاث سنين أدوّر لي على منفى و ديرة

‏لا تثاقلت الحضور اغوص في غبّة بحوري
‏لين أجيب الدّر من قاع الغياب المستنيرة

.....

رد: فوق هام السحب ( الشعر الشعبي) على متن القوافي
 

‏تعال دونك واترك الدنيا وراك
‏صدقني الفرقا ماهي من صالحك

‏انا الضمير اللي يردك من خطاك
‏وان قلت سامحني ترى بسامحك

.....

رد: فوق هام السحب ( الشعر الشعبي) على متن القوافي
 

أتمادى في حضورك وأتودَّد
‏يا بعد من يَنسج الغيمة قلايد

‏فيك أمدّ الصوت والليل يْتمدَّد
‏لين أحبَّ الوجنتين أمّ الرغايد

‏كيف أبى أتخيَّر سناك وليش أحدَّد
‏والسنين مسيَّرة والعمر بايد

‏آه يا ملح اللّيالي لا تصدَّد
‏أنت صدَّك ما تخفّفه القصايد

.....

رد: فوق هام السحب ( الشعر الشعبي) على متن القوافي
 

‏يانصف عمر الحياة ومبتغى نصفّ دين
‏من عاش بك حاضره ماخاف مستقبله

‏يادعوةٍ مستجابه من حدا الوالدين
‏يافرحة اللي ضحك حظه وطاب عمله

‏مايَكفي العمر لو عشته معك مرتين
‏والعمر مرّه ولا يعتاض وانت أجمله

.....

رد: فوق هام السحب ( الشعر الشعبي) على متن القوافي
 

‏شفت الوله مابين حرفك وعينك
‏من غير لاتحكي فضح بك غرامك

‏يا معاند أشواقك لعب بك حنينك
‏ليه المكابر دامي كل إهتمامك

.....

رد: فوق هام السحب ( الشعر الشعبي) على متن القوافي
 

‏ماتدري الشوق يامكثر عذاريبه
‏اقل مافيه ضيقه داخل انفاسك

‏واللي تعذر يقول الشوق ماليبه
‏هذاك يالحب مادنق على كاسك

.....

رد: فوق هام السحب ( الشعر الشعبي) على متن القوافي
 

‏الهوى غلاب والعذال مرضى
‏والتغافل شيمتي وأحلا صفاتي

‏يزعل اللي يزعل ويرضى اللي يرضى
‏إنت أجمل شي شفته في حياتي

.....

رد: فوق هام السحب ( الشعر الشعبي) على متن القوافي
 

‏مطارد الأحلام يبغى وسع بال
‏وشلون نحكي لك ومن وين نبدا
‏
‏صديقي الحالم ترى بعض الآمال
‏تحوّلك من كائنًا حرّ عبدا
‏
‏لا تصير حاجة فارقة صير رجّال
‏المرجله من كل رغباتك أبدى
‏
‏الركض خلف الصيت والمجد والمال
‏يخلّي الرجال من غير مبدا

.....

رد: فوق هام السحب ( الشعر الشعبي) على متن القوافي
 

‏عادتك ما تترك لغـيرك مجال
‏يختفون الكل اذا نـجمك لمع

‏يضربون بنـورك الطاغي مثال
‏منزلك عالي وشانك مرتفع

.....

رد: فوق هام السحب ( الشعر الشعبي) على متن القوافي
 

‏حاوطيني يا نسانيس الهواء وسط المدينه
‏يكفي إنّي بين لمّة هالعرب كنّي لحالي

‏من يبيع من السنين الماضيه ليله ثمينه
‏مستعده أشري اللي فات وَاعيد الليالي

.....

رد: فوق هام السحب ( الشعر الشعبي) على متن القوافي
 

‏تهب الهبوب وقصدها خاطري بالذات
‏تعكّر مزاج البال وتفرّح الشامت

‏اقوي عزومي واتناسى عن اللي فات
‏واشادي جروح القلب لا منّها قامت

‏شعوري مع الاحياء وقلبي مع الاموات
‏وعيوني عليهم لا تهنّت ولا نامت

‏يقولون ساكت ليه ماتسمع الاصوات
‏وانا لي حوالي عام اسولف على الصامت

.....

رد: فوق هام السحب ( الشعر الشعبي) على متن القوافي
 

‏دنا من عناقيد الطواري لضيق البال
‏مايملى عتيم الليل وقلوب سماره

‏تلاشى الكلام وهل غيث الشعور وسال
‏وتمادى الحنين و طلت عيون نواره

‏سمية قنا عذبة موارد عصيّة جال
‏تباشر على ميلادها الريف واشجاره

‏ربت مع بنات الريح والشعر والامثال
‏عنود الريم وبنت شرهه وقهاره

.....

رد: فوق هام السحب ( الشعر الشعبي) على متن القوافي
 

‏حتى لو تمثّل لي ان منت بحزين
‏انا ادري ان الحزن ياكل منك اكل

‏مثلك مايستاهل جروح ودمع عين
‏ضيّعتني منك وانا مالي شكل

.....

رد: فوق هام السحب ( الشعر الشعبي) على متن القوافي
 

السعي في الحاجات ومساعد الغير
‏هـذا الرصيد الباقي اللي يسرك

‏وان كان مالله قدّرك تفعل الخير
‏على الاقل امنع عن الناس شرك

.....

رد: فوق هام السحب ( الشعر الشعبي) على متن القوافي
 

‏إن شانت الدنيا ترا العمر مقسوم
محدٍ حياته جت على ما يريده

دايم تفائل بالأمل واترك اللوم
عش لحظتك واللي مضى لا تعيده

....

رد: فوق هام السحب ( الشعر الشعبي) على متن القوافي
 

‏طيبك مع آلطيب يزيده نقآوه
مثل آلذهب ينفعك دآمك حشمته

وطيبك مع آلخايب يزيده غبآوه
من ضعف عقله يحسبك ما فهمته

.....

رد: فوق هام السحب ( الشعر الشعبي) على متن القوافي
 

‏لا تفتش في الملفــــات القديمه
‏لا ذبحت الداب فأدفن معه سمه

‏الرجل لا يصبح لســــانه خصيمه
‏يهلك الرجـــــال من منطوق فمه

‏كلمة يمكـــن تفكــــه من جريمه
‏وكلمة يمكـــن تســـبب له مطمه

.....

رد: فوق هام السحب ( الشعر الشعبي) على متن القوافي
 

اقطف ثمر دنياك وابعد عن الياس
‏اضحك وعيش و تـــالي العمر بايد

‏مهما تسـوي طيب ما ترضي الناس
‏من خلقة الدنيـــا رضى الناس كايد

.....

رد: فوق هام السحب ( الشعر الشعبي) على متن القوافي
 

‏ليه أعاتب وأتضايق و أنقهر
‏وانت قلبك في غيابي مستريح

‏كنت أشوفك في ملذات العمر
‏شخص تفداه القصايد و المديح

‏و إنك واحد بس تكفي عن عشر
‏وأن غيرك لي خطا وانت الصحيح

‏جيت لك صادق بدربك مستمر
‏مندفع لك مهتوي واضح و صريح

‏ليت قلبي عن هوى قلبك نفر
‏مارجعت من الهوى ضايقٍ جريح

.....

رد: فوق هام السحب ( الشعر الشعبي) على متن القوافي
 

‏على النقا مانيب من تحت لي تحت
‏طلـيـق وجـهـه وعـني الـشـك زايـل

‏يشق سيف الوقت صدري ولاصحت
‏و تـمـايل حمولـي و انا مـاتـمايـل

‏كاتم و عـمري للمخـالـيق مابحت
‏و لو طالت الايـام مـاني بقايـل

‏ابـيـهم يـقولون بكرا ليا طحت
‏بلاه والله كثر ما كان شايل

.....

رد: فوق هام السحب ( الشعر الشعبي) على متن القوافي
 

‏الظمأ هذي مشاوِيْره على الغصن المدلَّي
‏كم مضى له في حنايا خاطري روحه وجيَّه

‏جِيت أشدَّد خطوة الأيَّام في دارك وأهلَّي
‏وأرتمي بَيْن الكثير من الغلا والقابليَّة

‏بس عيَّتْ عن ثمين أوْقاتنا لحظة تغلِّي
‏وعدت أشيل أغلى معاذيْر المحبَّة في يديَّه

.....

رد: فوق هام السحب ( الشعر الشعبي) على متن القوافي
 

‏يالله تجعل لي حضور مشرّف
‏واجعل حروفي بالقصايد جزيله

‏والهمني الحكمه وحسن التصرّف
‏وابعد خطايه عن دروب الفشيله

.....

رد: فوق هام السحب ( الشعر الشعبي) على متن القوافي
 

‏من باعني بالدين في سوق الاحباب
‏بأبيع قربه كاش للي يسومه

‏ومن حطني في وسط عينه والاهداب
‏عليت قدره بالسما مع نجومه

.....

رد: فوق هام السحب ( الشعر الشعبي) على متن القوافي
 

‏حسسيني بقربك قد ماتقدرين
‏واكبري في عيون ضنوني الخايبه

‏من برودك معي ما اخاف لو ترحلين
‏انتي اصلاً كذا ولا كذا غايبه

‏ما افترقنا ولكن شبه متفارقين
‏مدري اهمال ولا نفسونا طايبه

‏المهم ان خذاك الطيش لاترجعين
‏انا قد الفراق ولاني بهايبه

.....

رد: فوق هام السحب ( الشعر الشعبي) على متن القوافي
 

‏يقولون لاتدعي على الكافرين بخير
‏وانا اقول جعل مسوي الهاتف الجنه

‏ليّا صرت فى دارن وخلك بدارن غير
‏يسولف عليك وكنّك قريّبٍ منه

.....

رد: فوق هام السحب ( الشعر الشعبي) على متن القوافي
 

‏الغايب اللي غيابه زاد عن حده
‏ليته يرد لخفوقي بسمة ايامي

‏مايدري اني بعد فرقاه والصده
‏زايد عليه الحنين وزايد هيامي

.....

رد: فوق هام السحب ( الشعر الشعبي) على متن القوافي
 

‏يا قلبي اللي تحاول قد ما تقدر
‏تلحق على اللي بقى لك من بقايها

‏اعوذ بالله من كئابة المنظر
‏هذي سكاكينها ولا هداياها

‏يبدو لي ان ما لنا مسلك ولا معبر
‏كل الطرق صارت تودي لذكراها

‏احلامنا اللي كتبناها على الدفتر
‏تبكي على احلامنا اللي ما كتبناها

.....

رد: فوق هام السحب ( الشعر الشعبي) على متن القوافي
 

‏يارب دبرنـي علــى خيــر تدبيـر
‏وعاملني برحمتك واقبل صلاتي
‏
‏وانك توجهني على منهج الخيــر
‏وانك تحقـق لي جميـــع امنياتي

.....

رد: فوق هام السحب ( الشعر الشعبي) على متن القوافي
 

‏جيتك وتسبقني عيوني ل لقياك
من لهفتي تاهت بروحي معانيك

قريت شوق وهاجس الشعر لباك
لحظة حنين وفي حروفي تغنيك

.....

رد: فوق هام السحب ( الشعر الشعبي) على متن القوافي
 

الناس ماهم بالمظاهر والاشكال
الناس بالأفعال تحكم عليهم

ناسٍ كما غيثٍ به الوبل همّال
وناسٍ تحب الشر لاخير فيهم

واترك كلام اللي يغرك ليا قال
وابعد عن الانذال واحذر تجيهم

ياما تشوف بقربهم ضيقة البال
ماتقضي الحاجات مدة يديهم

.....

رد: فوق هام السحب ( الشعر الشعبي) على متن القوافي
 

‏اليا فعلت الطيب في غير راعيه
خلٌه لوجه الله جلا جلاله

لاتلتفت لاهل العتب والمشاريه
الطيب طيبك وانت راع الجماله

.....

رد: فوق هام السحب ( الشعر الشعبي) على متن القوافي
 

‏تجمّل مع العالم و خلك حسين أخلاق
جميلك هو اللي لامن اقفيت يبقى لك

.....

رد: فوق هام السحب ( الشعر الشعبي) على متن القوافي
 

‏من وقاري يحسبون إني بليد وما أتشرّه
وإلا أنا مبدا التغاضي والتعامي من وقاري

.....

رد: فوق هام السحب ( الشعر الشعبي) على متن القوافي
 

‏اللي من الدنيا يبي شيً كثير
إليا مرض ما يبغي إلا العافية

.....

رد: فوق هام السحب ( الشعر الشعبي) على متن القوافي
 

أنا لا لاح لي زولك نبت حول الطريق أشجار
لو إني أمشي بصحراء ربيع الوقت جافيها

.....

رد: فوق هام السحب ( الشعر الشعبي) على متن القوافي
 

عطاك ربي على زين المحيّا قبول
وأعطاك عذب الكلام وفارقه وأندره

.....

رد: فوق هام السحب ( الشعر الشعبي) على متن القوافي
 

‏غلبتني بالكلام وكثر بربرتك
وأنا غلبتك بفعلٍ يوجعك دايم

والناس في ذمتي تدري وخابرتك
‏لكّن تسفهك طِيب ومالها لايم

.....

رد: فوق هام السحب ( الشعر الشعبي) على متن القوافي
 

ما يموت الحب في قلب المحب
ولا يموت الشوق لو طال الغياب

.....

رد: فوق هام السحب ( الشعر الشعبي) على متن القوافي
 

متحسف ومستسلم وبين اياديك
ما للعتب داعٍ وانا جيت مهزوم

.....

رد: فوق هام السحب ( الشعر الشعبي) على متن القوافي
 

وادعيني واتركيني عسى دربك سماح
القناعه كنز عند الضمير المستريح

اتركيني ضايق البال مكسور الجناح
اتثاقل قومتي واتحالا للمطيح

.....