رد: فوق هام السحب ( الشعر الشعبي) على متن القوافي
 

سبحان من حط الحلا في عيونك
ووزّع على باقيك حلو التواصيف

كيف اقنع ابيات الشعر يوصفونك
وانت ابجمالك فوق كل التعاريف

.....

رد: فوق هام السحب ( الشعر الشعبي) على متن القوافي
 

ودك تحب إنسان مايعرف الكذب
مشاعــره لا قالها ما سـرقها

من قبل لا تسأل فؤاده عن الحب
تشوف أحبك في عيونه نطقها

.....

رد: فوق هام السحب ( الشعر الشعبي) على متن القوافي
 

لغةغلاك اللي طغت داخل البوح
ترسم لعشاق الهوى مفرداتي

دام الشعر يتنفسْك داخل الروُح
ارتاح يانبض الغلا وسط ذاتي

.....

رد: فوق هام السحب ( الشعر الشعبي) على متن القوافي
 

‏اللي يدور ورى المقفي رضا واهتمام
‏ كنه يدور كلام الحق عند الخبل

.....

رد: فوق هام السحب ( الشعر الشعبي) على متن القوافي
 

لو الغلا يـاخذ ويعطي على الكيف
تـرى الغــلا منـي لـك اول هـديه

هرجي معك صـادق ولا اظن به زيف
مقصد شرف مالي مقـاصـد رديـه

.....

رد: فوق هام السحب ( الشعر الشعبي) على متن القوافي
 

إبتسم حتى لو تقسى آلظروف
من سحآب آلكون مآ ضآقتْ سمآ

كم كفيف قلبه آلمبصر يشوف
وكم بصير قلبه آلميتْ عمآ

.....

رد: فوق هام السحب ( الشعر الشعبي) على متن القوافي
 

‏في قلبها معنى العفو والتسامح
‏وفي خدها لمحه من الشمس بدري

‏لها ثمان سنين نفس الملامح
‏وشلون ماتكبر مع الوقت مدري

.....

رد: فوق هام السحب ( الشعر الشعبي) على متن القوافي
 

‏ياعبيد وان غاب الشفق واقبل الليل
‏ ادن البريق وصب لي منه كاسه

‏ما عندنا ما نذخره للمقابيل
‏خذ ثار حزنك من ليال الوناسه

‏من يقبل العيله يبي يقبل الميل
‏ولا تنصدم بالناس كل ً وساسه

‏رجلً يدير الهرج بين الرياجيل
‏ورجل ً يديرون الرياجيل رأسه

.....

رد: فوق هام السحب ( الشعر الشعبي) على متن القوافي
 

من زينها ما هي تشبّه على الريم
الـريـم هـو اللي يشبّه عليها

فيها من الورده و فيها من الغيم
وفيها الحياه وسكرة الموت فيها

.....

رد: فوق هام السحب ( الشعر الشعبي) على متن القوافي
 

شعوري اللي بدونك بين وحشه وخوف
‏شعور شايب توحش في عزا آخر صديق

.....

رد: فوق هام السحب ( الشعر الشعبي) على متن القوافي
 

ثنتين تاخذهـــا بعـــين الاعتبار
‏في كـل حــالاتك ولو مالك جلد

‏وقت الغضب لاتغلط وتاخذ قرار
‏وبنشـــوة الافراح لا تعطي وعد

.....

رد: فوق هام السحب ( الشعر الشعبي) على متن القوافي
 

‏ما يصبر على الوقت غير رجّال
وما يسرج العنقا غير خيالها

ما كل من قال للمرجله فعّال
ولا كل من طلب المعالي نالها

.....

رد: فوق هام السحب ( الشعر الشعبي) على متن القوافي
 

‏جيتك وانا كلي بقايا طموحات
‏رغم العجاف المؤلمه جوف ذاتي

‏اسج بأفكاري عبر رحلة الذات
‏بين الحياة وبين موعد وفاتي

‏طوق الأمل عانق مسار المجرات
‏يرسم على اللوحه صفه من صفاتي

‏تلحفت في تربة البعد غايات
‏لفة بقايا ما بقى من شتاتي

.....

رد: فوق هام السحب ( الشعر الشعبي) على متن القوافي
 

‏ماطحت في غيابك لكن كل شي طاح
‏دمعي وصبري والطموح اللي أطمّح

‏أكلمك وأنا على باب الأفراح
‏واللمح والأفراح مدري وش ألّمح

‏قل لي كلام زين يمكني أرتاح
‏ولا كلام شين يمكني أسمّح

.....

رد: فوق هام السحب ( الشعر الشعبي) على متن القوافي
 

‏و أنا أموت فيك وصال و أموت فيك غياب
‏و هي موتـةٍ وحده مع فارق التشبيّه

‏أحبك ولا تسأل حبيبي عن الأسباب
‏أنا لو أعرف أسباب حُبك قدرت أنهيّه

‏ألا يا معـرّض رجل مغليك للمرقاب
‏أثر بالطوال تفرج الهم يا راعـيّه

‏أنا بسألك هو صحيح الهوى غلاب
‏أنا بنصح إلي مثل شرواي لا يمشيه

.....

رد: فوق هام السحب ( الشعر الشعبي) على متن القوافي
 

‏انا استودع الله فيك ياقلبي المخطوف
‏وداعة من مسلّم حياته من البارح

‏مع الفارع اللي تجعل السمع مثل الشوف
‏ووجهٍ يرد الجرح من نيّة الجارح

‏تلافح بروحي كنّها ماتعرف الخوف
‏وادوّر مماتي من يديها وانا فارح

‏ولا عاد عندي شي غير انّي الملهوف
‏خذتني سواة الانتباهه من السارح

.....

رد: فوق هام السحب ( الشعر الشعبي) على متن القوافي
 

معك من وين ما ودّك بلا مرسى ولا ميقاف
‏معك لو مالت اوراق الشعور المنهك الذاوي

‏معك حتى لو سنين الحنين الماضيات عجاف
‏معك حتى وانا مدري علينا الوقت وش ناوي

.....

رد: فوق هام السحب ( الشعر الشعبي) على متن القوافي
 

‏من يقول دعْ عنك السهر قول هات نْعاس
‏عمومًا بعيد من السهر ليه ما نسهر!

‏طموحاتنا شااابت و هقواتنا جلّاس
‏و قليل المهاره قام يضحك من الامْهر

‏و علاج الصداع النصفي اللي يمرّ الراس
‏على قوته! ما يقدر يعالج الأبهر

‏يحدّد مسيري فالطرقات شكل الناس
‏طُرقاتنا تبْهرّ إذا شكلنا ابْهر

.....

رد: فوق هام السحب ( الشعر الشعبي) على متن القوافي
 

‏أحبك وأتحفى طواريك و ذكراك
‏ويشيلك قلبٍ أبيض فيك متباهي

‏تحلويت السنين اللي قضت وياك
‏وتملكت الشعُور الفارق الراهي

‏ولا في عيني اللي مِثلك و شرواك
‏وعينك ما لقت من حولها أشباهي

.....

رد: فوق هام السحب ( الشعر الشعبي) على متن القوافي
 

‏ودي اهديك السنين اللي تسمى سرمدية
‏مرخصٍ لك عمري اللي من يدي قام يتطلّق

‏عقدي الثالث تراه لجيدك الفاتن هدية
‏وأعظم إنجازات عقدي أنه بجيدك تعلّق

.....

رد: فوق هام السحب ( الشعر الشعبي) على متن القوافي
 

‏تباهي وغني واضحكي لا يهمك شي
‏لا مالت ظروفك فيك لك من يعدلها

‏بتلقين لك في جوف قلبي براد وفي
‏هنا منزلك والناس تعرف منازلها

‏ماتقدر تزعلك الليالي وراسي حي
‏لو تزعلك سود الليالي بزعلها

.....

رد: فوق هام السحب ( الشعر الشعبي) على متن القوافي
 

‏من دورة الوقت والايام فيني ذهول
‏محتاج راسي من الثنتين سبعة رتب

‏اتسابق القلب دقاته مسابق خيول
‏شيٍ ما شفته على الواقع ولا فـي الكتب

‏العام تلقى لاجل قل المواصل حلول
‏واليوم مني تشوف ان التهاني عتب

‏عشان وصلك يطوّل جعل عمرك يطول
‏ضحيت باحلام عمري بس ما الله كتب

.....

رد: فوق هام السحب ( الشعر الشعبي) على متن القوافي
 

‏ِ
‏فيني الهدوء اللي سكن فيه الأزعاج
‏نرفز حدود الصـبر واجتاح حـدي

‏سجين فكر وغفوة عيوني ازعاج
‏واللي بودي ماهو بكيـف ودي

‏أنام وابني في سماء أحلامي أبراج
‏واصحى وتصحى عيون الأيام ضدي

‏محتاج اعيش العمر ماني بمحتاج
‏ولو باح سـد الناس ما باح سـدي

......

رد: فوق هام السحب ( الشعر الشعبي) على متن القوافي
 

‏عاد للذكرى القديمه محلٍ فـ الضمير
‏كل ماجا الليل جـات الطـواري ساريه

‏صورتك واسمك وطاريك فـ الثلث الاخير
‏كيف اواجهها بصـدرٍٍ ضلـوعه عـاريه

.....

رد: فوق هام السحب ( الشعر الشعبي) على متن القوافي
 

‏عروق قلبي لك دلالٍ مباهير
‏صفيتها دلّه و دلّه و دلّه

‏مدري صباح الخير وإلا مساء الخير
‏بس الوكاد بوجهك الخير كله

.....

رد: فوق هام السحب ( الشعر الشعبي) على متن القوافي
 

‏أسامر وجهك السحري وادم الماضي المقبور
‏أبيك احساس ياخذني على عمرٍ بدا ثاني

‏يا ويلي ليه ما احبك واحسك شي يبني قصور
‏تسيد ضلع وجداني وانا للحب ضمياني

.....

رد: فوق هام السحب ( الشعر الشعبي) على متن القوافي
 

‏باب السوالف يدخلونه ملايين
‏و باب الفعايل بس لأهل الفعايل

.....

رد: فوق هام السحب ( الشعر الشعبي) على متن القوافي
 

صباح المحبه نبتدي يا صباح الخير
‏صباح يفـرح كل غالـي بمضنونه

‏صباحٍ بدهن العود باللفظ والتعبير
‏يعم الكرام اللي مع الصبح يقرونه

.....

رد: فوق هام السحب ( الشعر الشعبي) على متن القوافي
 

‏انا البارحه سرّيت ليلي مع المسباح
‏ارتب كلام قد له سنين في بالي

‏الانسان مهما حقق الحلم ما يرتاح
‏ولا فيه شخص عاش وقته وهو سالي

‏انا لاطرا لي جيل كسابة الامداح
‏تصاغرت كل الناس في وقتنا الحالي

‏سقى الله زمان راح جيله وعزه راح
‏يسولف به الاول على جيله التالي

.....

رد: فوق هام السحب ( الشعر الشعبي) على متن القوافي
 

كـل من واصل على دربٍ وصل
‏وحـظ منو درب للجنة مشى به

‏كــل ما صـــدره تضــايق اتصل
‏بالذي ما صك عن طـــلاب بابه

‏ولا بغيت تخـاطب الرحمن صل
‏ولا بغيت يخــاطبك اقـــرأ كتابه

.....

رد: فوق هام السحب ( الشعر الشعبي) على متن القوافي
 

‏كُلُّ الصعابِ بلطفِ الله هيّنةٌ
‏طمّن فؤادكَ لا حزنٌ ولا قلقُ

‏كلُّ الأمور جوار اللهِ رائعةٌ
‏بشِّر عيونك لا دمعٌ ولا أرقُ

‏كلُّ الدروب بغير اللهِ موحشةٌ
‏تخيفُ من دونهِ الأيام والطرقُ

.....

رد: فوق هام السحب ( الشعر الشعبي) على متن القوافي
 

والله إن ماعاد فالوقت شيٍ نشتهيه
غير زخات السحايب ونسناس الهوا

.....

رد: فوق هام السحب ( الشعر الشعبي) على متن القوافي
 

ليت الطواري كلها طاريك يالوجه السموح
وليت الطريق اللي يودّي لك ما عاد يردّني

.....

رد: فوق هام السحب ( الشعر الشعبي) على متن القوافي
 

ياطير سلفني، جناحك، ولو يوم
تدري حياة، الارض هم، وكئابه

ياطير،والله نفسي اجرب الحوم
ونثر هموم القلب، فوق السحابه

.....

رد: فوق هام السحب ( الشعر الشعبي) على متن القوافي
 

وانا معي خاطرً يسمح وقلبً ثقيل
ماهـو بيرجع على الحاجه ليا عافهـا

.....

رد: فوق هام السحب ( الشعر الشعبي) على متن القوافي
 

ياوجودي لا اقبل الشوق بالشي القديم
واقبل الليل وظلامه بذگرى فايته

.....

رد: فوق هام السحب ( الشعر الشعبي) على متن القوافي
 

لك الشوق ياذنبٍ تركته لوجه الله
عسى سيئات الشوق ماهي بمحسوبه

.....

رد: فوق هام السحب ( الشعر الشعبي) على متن القوافي
 

ما للمشاريه الثقيله غير رحبات الصدور*
وما للحمول الكايده يا كود من يركي لها

.....

رد: فوق هام السحب ( الشعر الشعبي) على متن القوافي
 

ترى الفخر بالعقل والعِرف والدين
قبل الفخر باسمك وجيبك ولبسك

بتشوف نفسك حـاول تشوفها زين
لوشفت نفسك زين ماشفت نفسك

.....

رد: فوق هام السحب ( الشعر الشعبي) على متن القوافي
 

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....