رد: فوق هام السحب ( الشعر الشعبي) على متن القوافي
 

يا من جرح قلبي وخلاني عليل
أشتقت لك تكفى لوجه الله تعال

مالي غناعنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

رد: فوق هام السحب ( الشعر الشعبي) على متن القوافي
 

حي الغلا حي المحبه والأشواق
حياك ياقلبن بالأحساس وافي

أهلاً هلا ياللي له القلب يشتاق
ومهما أقول وقلت ماهو بكافي

غلاك مثل الصبح في لحظة إشراق
في داخلي يظهر جميع الخوافي

.....

رد: فوق هام السحب ( الشعر الشعبي) على متن القوافي
 

‏مدام انا وانتي علــى الارض حيين
ياسعـــد عينك لـــو بكيتـــي شويه

والله لانسيك الزعـــل لين ترضين
وامهـــد لك الدنيا فجـــوجٍ فضيه

واحماك مثل حماية الجفن للعين
وكلش فـــداك اليا بغيتـــي شريه

يفداك ماشافت عيونك من الزين
لو ان متر الثوب مـــن خمس ميه

لو اني اسجل علـــى ذمتـــي دين
زودٍ علــــــى مـــايمـــلكنـــه اديه

.....

رد: فوق هام السحب ( الشعر الشعبي) على متن القوافي
 

‏صرنا نراقب بعضنا من بعيد لبعيد
‏هو يحتري جيتي وانا احتري جيته

‏هذي حياة العنيد إليا عشق له عنيد
‏كلٍ ينتظر الثاني وحسب مزاجيته

.....

رد: فوق هام السحب ( الشعر الشعبي) على متن القوافي
 

‏يـا معاتب الناس لاتعتب ولا تشره
موارد الطيب بين الناس معروفه

والي تجاهل حقوق وواجب العشره
اجعل حقوقه من التفكير محذوفه

.....

رد: فوق هام السحب ( الشعر الشعبي) على متن القوافي
 

كنت بكلامك تاخذ الحزن عني
واليوم غبت وراح عني كلامك

ياصاحبي وشلون خيبت ضني
يا باخلاً بإحساس قلبك علامك

.....

رد: فوق هام السحب ( الشعر الشعبي) على متن القوافي
 

لو طلبت الروح خذ روحــي هديه
وان طلبت القلب خذ قلبي فداك

انت اغلا مـن معـــي بين البريه
مامعــي مخلوق يتساهل غلاك

قلتها لك والقسـم من طيب نيه
من شعور انسان ميت في هواك

ولو تحب اكتب على هذا وصيه
مستعد اوصـي لهم كلي فداك

.....

رد: فوق هام السحب ( الشعر الشعبي) على متن القوافي
 

‏ياللـه يلــي ما خفـى عنـك الحــال
يـاعـالــم مـافــي القـلــوب الخفيــه

تكتب لنا البسمـه وتشرح لنـا البــال
وتغفـر لنـا مـن كـل ذنب وخطيــه
‎
.....

رد: فوق هام السحب ( الشعر الشعبي) على متن القوافي
 

‏المـــرجلة ماهي بعلم وشـــهادة
والعلم يابن الناس له فضل معلوم

المرجلة لو صـرت راعــــي ارادة
والله عطـاك ايمان واخلاق وعزوم

والصـــدق والهـمة ملاك القيادة
ان ما وصلت اليوم توصل بها يوم

للناس في كل المجالات عـــادة
واحد جزاه الطيب واخر له القوم

احـــد يهــدم في المواقف عناده
واحــد عناده يجعل القاعد يقوم

دنيــاك يابن ادم عـــزوم وركـادة
ولا تقضيـــها ســواليف وهمــوم

علوي الباشا

رد: فوق هام السحب ( الشعر الشعبي) على متن القوافي
 

اغـليـه لـو إنـه بـعيــد عـن العـيـن
دام الـمـشاعـر فـي غـرامـه رهـينـه

الحب عـنـد الـنـاس كـلـمه و حرفـين
والحب عـنــدي لـه مـعـانــي ثـميــنه

.....

رد: فوق هام السحب ( الشعر الشعبي) على متن القوافي
 

الله يعطي ابوي من عمري عُمر
‏والله لا يجعل لي من دون امي حياة

آمين

رد: فوق هام السحب ( الشعر الشعبي) على متن القوافي
 

غلطان من قال البشر ما بهم فرق
أحـدٍ دوى للقلب وأحـدٍ يعله

.....

رد: فوق هام السحب ( الشعر الشعبي) على متن القوافي
 

ايام عاشت بنا وايام عشناها
وايام ما كنّها عاشت ولا عشنا

إمّا بدايات بآلـغـنـا بمعناها
وإلا نهايات لم يبقى لها معنى

.....

رد: فوق هام السحب ( الشعر الشعبي) على متن القوافي
 

‏لا تْغيب وأنت المصير اللي مامنَّه هروب
‏وإشراقتك تسلب النجمات من ليلها
‏
‏وشلون أضيق بحضورك وانت كل الدروب
‏اللي ليا ضاق صدري سقت رجلي لها

.....

رد: فوق هام السحب ( الشعر الشعبي) على متن القوافي
 

خذاك الغياب وماخذاني عليك الغل
‏عشان السنين اللي مضت ماقدرت اقوى

‏احبك ولا عندي لنسيان عينك حل
‏موادعك شي اكبر من الحزن والبلوى

.....

رد: فوق هام السحب ( الشعر الشعبي) على متن القوافي
 

تمر البال يا زهر الصباء معْ غاديات النود
‏ حديث أحلامنا يصعب على الملهوف نسيانه

‏معك ذقت الأمان ومعك أحس إني بدون قُيود
‏ أنا قلبي أمانة في يدك و يشوفك آمانه

‏يا كم عاشق تهاوى في بلاطك يالعيون السود
‏ يجاهد فيك نفسه والعيون السود فتانة

.....

رد: فوق هام السحب ( الشعر الشعبي) على متن القوافي
 

لقيتك امل من ضاع عمره ورى الحرمان
‏وبديتك و انا اشوفك عوض ماضي ايامي

‏جمعني معاك اليسر عقب العسر سبحان
‏من يضحّك الخافق بعد جرحه الدامي

‏تحضنت وصلك كني الضامي الهلكان
‏يالين ارتوى فـ مواصلك قلبي الضامي

‏عليك الغلا منساق والشوق شانه شان
‏وعليك الرضا يا واهس الشعر و الهامي

.....

رد: فوق هام السحب ( الشعر الشعبي) على متن القوافي
 

‏تروح مْن السنين أقسى السنين وينولد ترحاب
‏إذا شفتـك و حسّيت الليالي .. معك محفوفة

‏أضيق و معك تتيسر ظروف وينفتح لي باب
‏ورحاب الارض تاتيني على البيبان مصفوفة

‏وهبك الله إلى قلبٍ ماخاف من الزمان شجاب
‏مدام إنْك الحبيب اللي لغيرك العين معيوفة

.....

رد: فوق هام السحب ( الشعر الشعبي) على متن القوافي
 

شعوري يوم أحس إن النصيب أقوى من الاهداف
‏شعور اللّي تصيبه في ضلوعَه طلقة المحتلّ

‏أنا مهما نقلت من الحمول اللّي ماهي بخفاف
‏أشوفك حلم لا يُعلى عليه ولغز ما له حل

‏مع إن الناس من حولك كثير ولا عليك خلاف
‏يراودني شعور إنك حَبيبي يا حَبيب الكل

.....

رد: فوق هام السحب ( الشعر الشعبي) على متن القوافي
 

ياحرفي الي ضاع مابين الدفاتر والرفوف
‏اللي رسمته من تنهاتي ومن حبر قلمي

‏ضحيت لاجله في حروف وقمت لاجله في حروف
‏وصبرت لو النار من فوقي ومن تحت قدمي

‏يا صاحبي يالي على شانك تحديت الظروف
‏مهوب انا الي تتركه بين الخناجر والسيوف

.....

رد: فوق هام السحب ( الشعر الشعبي) على متن القوافي
 

‏على النسيان ما مرَّ الطريق ولا كساك إنصاف
‏مثل ما اواجه أقدار العمر ذكراك أواجهها

‏تبين بكل غيمة ما تضرّ وكل غصنٍ جاف
‏أشوفك فالوجيه اللي أحبّ وفاللي أكرهها

.....

رد: فوق هام السحب ( الشعر الشعبي) على متن القوافي
 

رجعت من الزعل تايب وتاب الله على من تاب
‏وسمحت من الزمان اللي تكسّر فيه مجدافي

‏حبيبي جعل مايقفى مواصيلي معاك غياب
‏أنا مالي بعد غيمك سحاب يبلل أطرافي

.....

رد: فوق هام السحب ( الشعر الشعبي) على متن القوافي
 

أبتسم لي ضاقت بـ وجهي جميع اربع جهاتي
‏واقترب لي لا شعرْت إني فـ هالدنيا وحيدة

‏مالي إلّا وجهك اللي به زهابي وامنياتي
‏وصوتك اللي لا سمعته صارت سْنيني سعيدة

‏عادك اوّل من عرفت و عادك أحْلى ذكرياتي
‏يا هواي اللي لو يْعود العمر بـ ارجع اعيدة

.....

رد: فوق هام السحب ( الشعر الشعبي) على متن القوافي
 

‏أستبحتي حرمة المجنون بإدراك وعنايه
‏وألتفتي له بعقلك وأرتكزتي في صميمه

‏أمتلكتي غايته لو كان ماله فيك غايه
‏وأنتصرتي في عيونه وأعترف لك بالهزيمه

‏من كثر ما يعشقك ما قالك بالحب رايه
‏خايف الأيام لا تطلع عواقبها وخيمه

.....

رد: فوق هام السحب ( الشعر الشعبي) على متن القوافي
 

‏ويــن الذي غايــب عن العـين يا ناس
اتفرمــــت احساسي معــه في غيابه

بُعده هدم بالعقل فكري والإحساس
والقلـــب يشكي يا رفاقـــــي عذابه

أمنتـك الله لو معـك قلــب حساس
ارفق بعاشـــــق ذاب ماحــد درابه

أمسـي أفكر فيــك وأحـس باليأس
واتخيـلك في وهــــم قاسي سرابه

.....

رد: فوق هام السحب ( الشعر الشعبي) على متن القوافي
 

‏فقدت من الليالي صوت ما غيّب صداه سنين
‏سكن بين القصايد نغمةٍ تطرب لها آفـاقي

‏فقدت أنسامك بصبحٍ هدوءه غاية المسكين
‏ووجهك كان عنوان الصباح وموعد إشراقي

‏اشـوفك في وجيه الناس من رحلت الين الحين
‏ملامـحٍ ترسم الذكرئ طريق يــزلزل اشـواقي

.....

رد: فوق هام السحب ( الشعر الشعبي) على متن القوافي
 

‏أشوف إن المفارق مشكلة وأنتَ تشوفه حلّ
‏مثل ما الحب أشوفه إنه غِنى وتشوفه آغاني
‏
‏تمر أحلى مواعيدي معك مثل العمر وتزل
‏واخاف انك تجي في موعد وما عاد تلقاني

.....

رد: فوق هام السحب ( الشعر الشعبي) على متن القوافي
 

يا قبلة غرام ٍ مبتداه الليالي ذيك
‏يوم الحب كل ٍ فيه قد خاض تجربته

‏لا تلعب عليك ظنونك أني ما عاد أغليك
‏لا والله غلاك يزيد من سبته لسبته

‏ترا قلبي اللي هام فيك وتعلق فيك
‏لو أنه يقلطني على الموت ما هبته

‏ اللي حب مثلك مستحيل أنه يخليك
‏لو أنه يحط السيف الأملح على رقبته

.....

رد: فوق هام السحب ( الشعر الشعبي) على متن القوافي
 

هني والله اللي فيك مايقبل التبديل
‏يبيع الحياة إن قيل له لأجلها بعها

‏يعرف إنك أجمل ماخلق بين هذا الجيل
‏جمالك مهوب الحاجة اللي يضيعها

‏ترى الحب مايقبل من العاشقين بخيل
‏ماخاض الهوى غير أكرم الناس وأشجعها
‏
.....

رد: فوق هام السحب ( الشعر الشعبي) على متن القوافي
 

‏أنا احبك بس ترى عيبي مع الغيره
‏ولا اقبل يشاركني احد من قبلك وبعدك

‏رسم وجه الفرح فيني بعد حبّك تعابيره
‏اشوف الحبّ في وجهي وكنه يقول من قدك

‏ابيك تمارس شعورك معاي بكل معاييره
‏ابي عطفك ابي لينك ابي هزلك وابي جدّك

.....

رد: فوق هام السحب ( الشعر الشعبي) على متن القوافي
 

على طاري الغلا ومعاتب الغالين لـ الغالين
‏إلى شفت الكلام بـ يجرحك ماعاد كملته

‏أداري خاطرك واقدرك من اول وذلحين
‏يا حلمٍ راح نص العمر في رجواه ما طلته

‏لاياخذك الغرور وقولتي لك كل شيٍ زين
‏لو ان اللي حصل ماهو بـ منك ماتحملته

.....

رد: فوق هام السحب ( الشعر الشعبي) على متن القوافي
 

ياضحكة حياتي لا تمرّ الفرص وتفوت
‏طريق الوصل مدري متى نقدر نعبْره

‏ياقوّ الغرام اللي حكمني حكم طاغوت
‏وياشين الغياب وطيحة الحظّ والثَبرة

‏حَدَتنا الظروف القاسية لينْ شفنا الموت
‏وجبرنا الزّمان اللي مانقدر على جبْره

.....

رد: فوق هام السحب ( الشعر الشعبي) على متن القوافي
 

‏أعذريني لا طلبت العذر وارضي يا مليحه
‏واستغلي فرصة أحلامي قبل يمكن صوابي

‏كيف قلبك يخفي المشروه وعيونك صريحه؟
‏المعاتب بالعيون أقسى من طعون الجنابي

‏أقلطي بأسلوبك الطاغي على صدر القريحه
‏واستقري لين تجنين العذوبة من عذابي

.....

رد: فوق هام السحب ( الشعر الشعبي) على متن القوافي
 

عليك سجّات الهوى ترسل مناديب العتاب
‏لين اتوحّى من ورى النسيان صوتك واذكره

‏الدار ما عادت بعدكْ الّا مضارب من خراب
‏هذي منازلها خلت واللي بقى مات اكثره

.....

رد: فوق هام السحب ( الشعر الشعبي) على متن القوافي
 

‏هلا يابسمة الوجه الحزين وخاطر الملتاع
‏هلا يانسمة الليل العليل وضحكة أيامي

‏عرفتك وانتهى عصر الحسافه والتوجد ضاع
‏ولقيتك واقعٍ أجمل مدى من سالف أحلامي

‏أنا وشلون لو أبعد وأقول إن الدروب وساع
‏وأنا مالي سوا دربك عظيم ومصدر إلهامي

.....

رد: فوق هام السحب ( الشعر الشعبي) على متن القوافي
 

بين الكثير مْن التساؤل والقليل مْن اليقين
‏المشكلة ماني بأعرف المشكلة وأحلّها

‏أنا تعبت مْن الوصل والبعد والناس أجمعين
‏وقلوب تبغيني وأنا ما عاد أبيها كـلها

.....

رد: فوق هام السحب ( الشعر الشعبي) على متن القوافي
 

رجف غصن الجريد وصارت ورود الربيع اشواك
‏وبان الفقد في وجه الصبور الثابت الكامي

‏ودريت إنك رحلت وغاب حسّك والقبر مثواك
‏وماتت بسمة الحي العتيق ببارد أنسامي

‏ثبتت بوقفه الشامخ وأنا منهار من فرقاك
‏وتسارع نبض قلبي لين صار النبض بعظامي

.....

رد: فوق هام السحب ( الشعر الشعبي) على متن القوافي
 

‏أصير لِك ناس واجد وأنت وزعهم
‏وأبقى على طول في بالك وفي قلبك

‏أنا أضعَف الناس وأقواهُم وأشجعهم
‏وأنا أكثَر اللي يخاف يحب واحَبك

.....

رد: فوق هام السحب ( الشعر الشعبي) على متن القوافي
 

اي والله اقدّره واقدّر ظروفه
لكنّ مدري متى الايام تجمعنا

الساعة اللي تمر بدون مااشوفه
كنها قصيده طويله مالها معنى

.....

رد: فوق هام السحب ( الشعر الشعبي) على متن القوافي
 

من يزرع المعروف في غير قاعه
يحصد محاصيل الحسايف والأوجاع

.....