رد: فوق هام السحب ( الشعر الشعبي) على متن القوافي
 

صغيـرٍ بسنّـه غير عندي ما هـو بصغيـر
يا مـغلاه في قلـبي ويا كبر مـنزلـتـه

أجمَع له سمان الهرج خوفٍ من التقصير
واذا جيـت ابـشـرح له كـلامي تهيـزلـْته

يجيني منّه هيبه معزه سحى تقدير
اقـابله عـندي علم واروح ما قـلـته

سعد بن جدلان رحمة الله

رد: فوق هام السحب ( الشعر الشعبي) على متن القوافي
 

سلام الله على أول من عزف جرحي من الأحباب
‏سلام فيه من عمق المحيط وعرضه وطوله

‏على إللي قبل أعرفه ما أنفتح للحب عندي باب
‏جميع أبواب قلبي عن جميع الناس مقفوله

‏أحبه وأعشقه وأغليه والدنيا جناح ذباب
‏ما تسوى في عيوني هندبة كابه ومريوله

.....

رد: فوق هام السحب ( الشعر الشعبي) على متن القوافي
 

‏ودي بقـربك واحـــلم اني احاكيك
ويشدني لك شــوق صمته ذبحني

دايم بعـيني ويـن مَا رحـت الاقيك
حبك ترى عن حب غيرك سـرقني

يا ساكــن أعماقــي أنا ميتـن فيك
وعشقــك تملكني وحبـك اسرني

وعقلي بكل الوقت يسرح بطاريك
والشوق لك ياحـب روحي حرقني

.....

رد: فوق هام السحب ( الشعر الشعبي) على متن القوافي
 

‏لا زلت اللي ورا قوس الحنايا باقي وموجود
‏على كثر الوجيه العابره ما حركت ساكن

.....

رد: فوق هام السحب ( الشعر الشعبي) على متن القوافي
 

على ما تشتهي خذني معك يا شوقي المعتاد
‏الا ياروح روحي وين ما ودك أنا راضي

‏ توسّدني وطن لو ما وسع صدرك فضاء وبلاد
‏أنا كل الدروب اللي تبيها حاضر وماضي

.....

رد: فوق هام السحب ( الشعر الشعبي) على متن القوافي
 

لي متى عمري موقف والسنين تفوته
‏ليت الايام اللي راحت ترجع وتاخذني

‏فاقد الي مستحيل ارقد ولا اسمع صوته
‏جعل يسقى يوم انام وتيلفوني باذني

.....

رد: فوق هام السحب ( الشعر الشعبي) على متن القوافي
 

‏لو يتيح العمـــــر فرصــه في حياتي
كـان ماحبيـــــت فــي الايـام غيرك

انت غايــة مطلبـــي وانـت امنياتي
وانت قصـري في الهوى وانا اميرك

اعشقك عشق الهواء مـن كل ذاتي
واعشقـك كلك مـع شـرك وخيرك

واوعــدك مادام باقـي فــي حياتي
والقسم طول العمر ماارضا بغيرك

.....

رد: فوق هام السحب ( الشعر الشعبي) على متن القوافي
 

ماعادك اليوم ياصبري الجميل بـ جميل
‏تناهشتك الظروف وشـوّهت صورتك

.....

رد: فوق هام السحب ( الشعر الشعبي) على متن القوافي
 

‏سامح الله من خذا مني هدوي وإرتياحي
‏لين حدني على بعض الأمور اللي مابيها

‏مرحلة مدري متى تعتقني وتطلق سراحي
‏ما قدرت أعيشها ولا أنتقل للي يليها

‏لو تساعدني خطاوي رجلي بحزة مراحي
‏من يساعدني على روحٍ يدب الشوق فيها

.....

رد: فوق هام السحب ( الشعر الشعبي) على متن القوافي
 

استر عيوب الناس وتعيش مستور
الله خلق والله عن الناس ادرى

.....

رد: فوق هام السحب ( الشعر الشعبي) على متن القوافي
 

انتي الفخامه والحلا وانتي الذوق
وانتي الغرام اللي بعشقه سحرني

ما جاز في عيني من الكون مخلوق
غيرك ولابه شخص قبلك فتني

.....

رد: فوق هام السحب ( الشعر الشعبي) على متن القوافي
 

‏ما نيب مجبور أخاطب على قد العقول
‏والله إن بعض القناعات عندي مُهمله

‏الكلام تشوفه الناس حل من الحلول
‏مثل ما أشوف التجاهل يحل المشكله

.....

رد: فوق هام السحب ( الشعر الشعبي) على متن القوافي
 

‏اقلط على عوج الضلوع و تفيا
واشرب فناجيل الغلا في محلك

.....

رد: فوق هام السحب ( الشعر الشعبي) على متن القوافي
 

‏فيك زين الماضي وزين الحداثه
‏كاسبتهم من جمال وجامعتهم

‏مغريات الكون فالدنيا ثلاثه
‏القمر والشمس وأنتي ثالثتهم

.....

رد: فوق هام السحب ( الشعر الشعبي) على متن القوافي
 

‏ماكل شخصٍ يملي الطيب عينه
‏بعض البشر لو زاد طيبك تمرد

.....

رد: فوق هام السحب ( الشعر الشعبي) على متن القوافي
 

خل الوفاء ياصاح دايم شعارك
حتى ولو محد معك كان وافي

ولا تساير شخس خالف مسارك
ذي ماتشوفه غير لاهي عوافي

واحفظ لسانك دوم ساعه حوارك
واحذر يكن قولك لفعلك منافي

اجعل كتاب الله افضل خيارك
وسنه المختار لك نهج كافي

تعيش طول العمر كاسب ضمارك
والاخره تشرب من انهار صافي

.....

رد: فوق هام السحب ( الشعر الشعبي) على متن القوافي
 

‏استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

.....

رد: فوق هام السحب ( الشعر الشعبي) على متن القوافي
 

‏نخطي ونستغفر عن الذنب ونتوب
ونرجع على نفس الخطا ما درينا

يارب يا من رد يوسف لـيعقوب
عفـوك وغفـرانك وحلمك علينا

.....

رد: فوق هام السحب ( الشعر الشعبي) على متن القوافي
 

‏كم ميت تحت الثرى يذكرونه
بالطيب كنه فالبشر بينهم حي

كم حي من فوق الثرى يجهلونه
ميت وهو حي ولا يذكر بشي

.....

رد: فوق هام السحب ( الشعر الشعبي) على متن القوافي
 

لا غبت عن عيني تغير احوالي
غالي و لا مخلوق عندي يساويك

تدري ويش اللي يشبهك يا غزالي
تدري ويش اللي يمكن اشبهه فيك

ما يشبهك بالكون يا راس مالي
إلا الحنين اللي سكن قلب مغليك

.....

رد: فوق هام السحب ( الشعر الشعبي) على متن القوافي
 

‏كيف ينساني وكيف اتناسى منه كيف
‏وحاجتي له حاجة الناس للماء والهواء

‏اشهد ان من حب من قلب لا يمكن يعيف
‏واشهد ان البعد عقب الغلا ماله دواء

.....

رد: فوق هام السحب ( الشعر الشعبي) على متن القوافي
 

‏تقلبنا الحـياة الفانية ضيق وتعب وأرهاق
‏ونضحك كنّ مافينا من الضيقه ولا حاجه

.....

رد: فوق هام السحب ( الشعر الشعبي) على متن القوافي
 

قالوا خويك منهو اللي تخاويه
قلت المخوه عارف وش مداها

اخاوي اللي ما تغيرّ مباديه
واسرارنا فالعمر بير وغطاها

يفهم مبادي نظرتي قبل احاكيه
يعني قبل لا اقولها له قراها

ترى الخوي الصدق من طاب طاريه
له وقفة جعل الخلايق فداها

وان كان تبغي زبدة الهرج يا هيه
هي كلمتين ومن بغاها لقاها

من يبكي لحزنك حذاري تبكيه
ما كل عين تبكي اللي بكاها

واللي تجمل فيك لا بد توفيه
لو به جمايل ما يوفى جزاها

.....

رد: فوق هام السحب ( الشعر الشعبي) على متن القوافي
 

يالله بدعوه من حدا والديني
القى اثرها في حياتي وانا حي

ويالله برزق لا طلبته يجيني
في ساعة الحاجه وانا مامعي شي

آمين

رد: فوق هام السحب ( الشعر الشعبي) على متن القوافي
 

ما نجبرك للحب ياللي تغليت
الله يسهل دربك اللي مشيته

ماجاك مني غير طيبي وياليت
تذكر مواقيف الوفا ما نسيته

يا ما علشانك من القلب لبيت
ويا ما علشانك قلوبٍ جفيته

ويا ما علشانك نويت وتمنيت
ويا ما على لقياك حلمٍ بنيته

.....

رد: فوق هام السحب ( الشعر الشعبي) على متن القوافي
 

‏جرحـتـنـي من غير طعنات وسلاح
الله حسيـبك منك أنـا ويـن أروحي

الـيـا بغـيـت اسـلا شـويـات وارتـاح
إيـهـب نسنـاسٍ بـعـطـرك يفوحي

ماظـنـتـي فـ غيابك القلب يـرتـاح
ودلال شوقك وسط صدري تفوحي

وليلـة مـجـيـك كـانـها ليلـة أفـراح
إتعالج جـروحٍ وتـنـقـض جـروحي

.....

رد: فوق هام السحب ( الشعر الشعبي) على متن القوافي
 

لا ما سكتنا ذل يا سـود الايام
بـس الحيا شيـمه عليها ربينا

.....

رد: فوق هام السحب ( الشعر الشعبي) على متن القوافي
 

‏يطري علّي معاتبه والمـشاريه
والمشكله لاضاق صدري طريته

مشاعري دايم على البال تطريه
مانـي فـقـيـر أحـبـاب لكـن عشقته

.....

رد: فوق هام السحب ( الشعر الشعبي) على متن القوافي
 

من يبلغّني عن الغآيب خبر
من يخلصّني من قيوُد الحديد

ذآك له طاري يشابه للمطَر
كلّ مآ يطري نبت فيني قصيدْ

.....

رد: فوق هام السحب ( الشعر الشعبي) على متن القوافي
 

‏عقب الغلا ومزارق الطيب بالطيب
‏صار الغلا والطيب ذكرى قديمه

‌‏الله يعين اللي جروحه معاطيب
‏وباقي على مبدأ وشيمه وقيمه

.....

رد: فوق هام السحب ( الشعر الشعبي) على متن القوافي
 

‏اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

.....

رد: فوق هام السحب ( الشعر الشعبي) على متن القوافي
 

‏ما غفيت اليــــــوم والبارح كذالك
حيـل انا تعبــان واشواقـــي ثقيله

حالة الاشـــواق ماترحـــم لحالك
دائماً تغـــزي القلوب المستحيله

ياخفـوق القلـــب بالله ما جرالك
جاوبيني الشـوق من اشعل فتيله

ادري ان البُعـد حطـم لك منالك
يا حبيـــب الروح ارحمنـي قليله

.....

رد: فوق هام السحب ( الشعر الشعبي) على متن القوافي
 

من علق آماله العظمى بربٍ عظيم
ما شال حمل الليالي السود مهما جرى

.....

رد: فوق هام السحب ( الشعر الشعبي) على متن القوافي
 

اعذب صباح الخير من قلب و لسان
لاعذب حبايب مثل غيث السحايب

صفوة بقلبي قدرهم عالي الشان
صباحكم خيرات يا اغلى الحبايب

.....

رد: فوق هام السحب ( الشعر الشعبي) على متن القوافي
 

بالخير يا زين البشــــر جيت امسيك
يا من فــؤادي مــن صميــمــه يحبك

واكتب حروف الشعر واهدي معاليك
ورود وافــرش محتــــواهــــا بدربك


.....

رد: فوق هام السحب ( الشعر الشعبي) على متن القوافي
 

الصدر ضايـق والعرب مـادرت بـه
‏وين الذي لا ضاق صدري فهمني

.....

رد: فوق هام السحب ( الشعر الشعبي) على متن القوافي
 

‏سكوتي عن الزلات ما هو سكوت الخوف
‏وانا اقدر على تلجيم الافواه وحكاها
‏
‏تشيمت والزله ليا جت على المكشوف
‏ليا وحيتها سويت ماني بوياها
‏
‏على سلمنا المتوارث الواضح المعروف
‏تعلمت اهمشها كذا واتناساها
‏
‏انا من كثر ما شوف كني ما عاد اشوف
‏تعرّض عليّ المخطيه واتعداها

.....

رد: فوق هام السحب ( الشعر الشعبي) على متن القوافي
 

‏انطق بقول الحق والحق راحة
ما فاد في العالم فنون التعامـل

جاملتهم يقلون وين الصراحة
صارحتهم قالو ما تعرف تجامل

.....

رد: فوق هام السحب ( الشعر الشعبي) على متن القوافي
 

‏كنت ابيك تكون شي وصرت شيٍ ثاني
‏والخطا ما هو خطاك انا الخطا بعيونه

‏يوم اهيم بصوتك الفيروزي الرحباني
‏وآتخيل كل كلمة من فمك موزونه

‏خاب ظني ليت ظني فيك ما خلاني
‏ابني احلامي على حاجه ماهي مضمونه

‏وليت ماجاني من احساس الندم ماجاني
‏شيٍ يحطم صميم القلب قبل ركونه

‏الجفا اللي عقب لذة وصلك الإنساني
‏والسلام البارد اللي عقب طول المونه

‏اعتذر لك عن خطاب اسلوبي الوجداني
‏الآدمي مهما حصل يبقى رهين ظنونه

.....

رد: فوق هام السحب ( الشعر الشعبي) على متن القوافي
 

‏لا تحط المشاعر بين كيف وليه
واضحه لو تركز فالشكل والذات

المحب الحقيقي لا تشكك فيه
اذبحه بس لا تطلب عليه اثبات

.....