رد: فوق هام السحب ( الشعر الشعبي) على متن القوافي
 

صبرنا على قل الدراهم وكثر الدين
وحفظنا كرامتنا من اللاش وازعاجه

نسلف وحنا متسلّفين ومحتاجين
ونفزع لراعي الحاجه وحنا على حاجه

.....

رد: فوق هام السحب ( الشعر الشعبي) على متن القوافي
 

‏دام ان رزقـي عـند رب المـخـاليـق
‏مالي ومـال النـاس واللـي وراها

‏يا رب تجـعـل كل عـمري توافـيق
‏ونفسي من الزلات تـغفر خـطاها

.....

رد: فوق هام السحب ( الشعر الشعبي) على متن القوافي
 

‏تسوق ألطف أنسام الغلا ضحكة محياك
‏على روح من طالت عقوده وهو ضامي

‏ياسبحان من خلاني أدورك .. وألقاك
‏وأشوف أبسط حقوقي معاك أكبر أحلامي

‏لا تستغرب إن بعت الوجيه وشريت رضاك
‏وأنا مرخص ليومٍ معك .. جملة أيامي

‏تمثنى فجوج القلب ، وأسلى وسجّ خطاك
‏على عين حاسد ضحكتي لك .. ولوّامي

.....

رد: فوق هام السحب ( الشعر الشعبي) على متن القوافي
 

‏يا غريبه يُخلق المَرء فالدنيا جَنين
‏ما يعرف ظروفها الصافيه والغابره

‏يطرد أيّامه وتطرده وتمرّ السنين
‏لين تلحقه المنيّه وتقطع دابره

‏إلحقيني قبل لا أسلك طريق الراحلين
‏العُمر ساعاته قصار ، وأنتي خابره

‏كل أبونا بين ساعه وساعه عابرين
‏وش يضر العابر ليا ضحكت له عابره

.....

رد: فوق هام السحب ( الشعر الشعبي) على متن القوافي
 

‏إي والله إني بخير وكل أموري بخير
‏لو كان دمعة عيوني ما تشوفونها

‏أنا أكثر إنسان في صمته كلامٍ كثيير
‏ويخبي أشياء كان الله في عونها

‏الحظ ماله خَوي والحزن ماله ضمير
‏وإن قلت يا هونها ما هوب يا هونها

.....

رد: فوق هام السحب ( الشعر الشعبي) على متن القوافي
 

‏أقسـى من الدمـع صوتٍ تقتله ونّـه
‏والونّــه اللي تجي من شـوق غلّابـه

‏لإنســان من كـثر ما تغليه وتحــنّه
‏تختار فرقـاه وانت تضيع في غـيابه

.....

رد: فوق هام السحب ( الشعر الشعبي) على متن القوافي
 

‏طوتك السنين الجرد يالشارع المهجور
‏حتيت الشجر ماحط لك بالخطى معبر

‏يعلمك عن طول إنتظاري ظلال السور
‏لامر الحنين بشارعك والضجيج أدبر

‏الأكبر من غيابك حضورك بدون شعور
‏تخيل يكون حضورك من الغياب أكبر

‏معك هقوتي مثل الصور في رفوف الدور
‏تمّر السنين بعمرها بس ما تكبر

.....

رد: فوق هام السحب ( الشعر الشعبي) على متن القوافي
 

‏الوجيه اللي تمر تمر ما تغريني
‏ماتحرك غافية صدري ولا سمّاره

‏غير وجهٍ ضحكته تلزمني وتعنيني
‏فاقده ومعلّق الضحكه على مسياره

‏يبتدي فيه الشعور وينتهي به فيني
‏كنه يمر الشعور فقلبي ويختاره

.....

رد: فوق هام السحب ( الشعر الشعبي) على متن القوافي
 

‏غفلت فالدنيا وسجيت فيها
‏وخذتك الايام التعيسه على جنب

‏ماتدري ان الراحه اللي تبيها
‏سجده بعد غفله وتوبه بعد ذنب

.....

رد: فوق هام السحب ( الشعر الشعبي) على متن القوافي
 

يا قوافي الشـعر غني من جـديـد
‏واطربيني اكســري صمت الزمن

‏وارسمي الاحلام في بيت القصيد
‏وابعــدي عن عــين خفاقي وسن

.....

رد: فوق هام السحب ( الشعر الشعبي) على متن القوافي
 

‏أشوفك وطن وتشوفني رحلة استجمام
‏وأشوفك عمر وسنين ما هي بمنعاده

‏معي قلب واحد لو تقسمه خمس أقسام
‏يحبّك بكل أقسامه الخمس وزياده

.....

رد: فوق هام السحب ( الشعر الشعبي) على متن القوافي
 

‏النّاس من بعدك هَلَا وانتَ لبّيه
‏الحاضر انتَ وماضي النّاس ماضي

‏لا تنشغل في غيرك الله يخَلّيه
‏وإليا انشغلت أَبنشغِل معك راضي

‏فاضي وبحَاتي معك من تحاتِيه
‏حتى لو إنّي كنت ماني بِفاضي

.....

رد: فوق هام السحب ( الشعر الشعبي) على متن القوافي
 

‏يا كثر حبك بقلبي والغرام أكثر
‏وتخيل وش كثر أحبك وأنت غربالي

‏يا خلطة المسك والريحان والعنبر
‏الريح تستاذنك يالطيب الغالي

‏روح وين ما تشتهي روح قد ما تقدر
‏أنا أول الناس في قلبك وأنا التالي

.....

رد: فوق هام السحب ( الشعر الشعبي) على متن القوافي
 

‏مسيك بالخير يا موضوعي الأول
‏انت السبايب ورى موضوعي الثاني

‏لولاك ما كان للشارع و لا ميزه
‏يا أحلى مواعيدي ووصلي وحّرماني

‏يا أوفى العلاقات مع زحمة علاقاتي
‏ جّعلك بعد كل من جاني وخلاني

‏جعلك بعد كل من جيته وخليته
‏يا آخر محطاتي و يا خير خلاني

.....

رد: فوق هام السحب ( الشعر الشعبي) على متن القوافي
 

‏لا تغيّرك الليالي ويغريك الغياب
‏وتحداني والجفا منك حاديني حدي

‏نبض قلبي يوم ودّا ونبضه يوم جاب
‏ما يقول الا عسى الله يسامح ويهدي

‏وين أيمم شوف عيني وأنا اخيلك سراب
‏كل ما ضميت زولك تلاشى من يدي

‏مذهبٍ حالي بطاريك يا مال الذهاب
‏مابقى فالقلب من سبّتك عرقٍ ندي

.....

رد: فوق هام السحب ( الشعر الشعبي) على متن القوافي
 

‏الطيبه الزايده تفتح على الشخص باب
‏ما ينكب الشخص غير الطيبه الزايده

‏سوّ الجمايل مع اللي كل ماطبت طاب
‏وأبعد عن اللي مزاجه لازم تصايده

‏و اتعب ورى المرجله والصبر خله زهاب
‏لا تصدق اللي يقول المرجله كايده

‏وان شفت مالك حضور اختار درب الغياب
‏أطيب لك من الحضور اللي بلا فايده

.....

رد: فوق هام السحب ( الشعر الشعبي) على متن القوافي
 

‏حتيش يا واهج القمرا على اول ظهور
‏عود تمالك شعورً كنت متمالكه

‏خل الليالي تجمل وابتعد ومعذور
‏لليالي العمر مثل العمر متهالكه

‏لليلً تصدع من غيابك تصداع سور
‏لو يكمل البدر تبقى ظلمته حالكه

.....

رد: فوق هام السحب ( الشعر الشعبي) على متن القوافي
 

توسّدي صدري المملي شموخ وْغرام
‏صكّات الاحزان في وجهي وفي شاربي

‏انا عرينك ليا صارت حياتك حطام
‏وانا سلاح انتصارك قومي وحار بي

‏عليك احس انّ قلبي مثلَ ريش النعام
‏رهيف لا هب نسناس الوَله طار بي

‏ابحرت في عاتي امواجك مع ان الملام
‏تجري رياحه بما لا يشتهي قاربي

رد: فوق هام السحب ( الشعر الشعبي) على متن القوافي
 

‏والمحبـه والـغـلا بينـي وبـيـنـه
‏أكـبر من الشـك وظنـونٍ تشابـه

‏من طهر قلبـه ومن طيبـه وليـنه
‏أغـلب الدعـوات منـه مستجابـه

‏فـي رضـا قلبـه وفي نظرات عينـه
‏كـل لـيـل يـمرنـي مـا عـاد آهابـه

‏لاضحك شفت المحبه و السكينـه
‏وان تكلـم شفـت لـه عـز ومهـابـه

.....

رد: فوق هام السحب ( الشعر الشعبي) على متن القوافي
 

‏يا رفيق الذكريات ويا شريك فؤادي
‏كل ظنٍ فيك ظنيته تجي من فوقه

‏يتسلل صوتك من الذاكره وينادي
‏لين يفتق جوفي اللي كنت أخيط فتوقه

‏ايه يا لبيه يا موتي ويا ميلادي
‏جعل حزنٍ مرني ما تونسه وتذوقه

‏يا وقودي وإندفاعي بالحياة وزادي
‏يا حشاشة جوفي وقلبي ودم عروقه

.....

رد: فوق هام السحب ( الشعر الشعبي) على متن القوافي
 

‏ودّي إني في المجره وأسولف للنجوم
‏لا أتكلم مع هل الأرض ولا أسمع كلام

.....

رد: فوق هام السحب ( الشعر الشعبي) على متن القوافي
 

‏واجبك عن هرج الردي تقفل الباب
‏ خله يثور بندقه في زهابه

‏الداب سمه في عروقه والإنياب
‏ لا تامنه والسم في وسط نابه

‏اما لدغك وصار من ضمن الاسباب
‏والا دخل في داركم وحتجابه

‏قدام لا تفتح على نفسك ابواب
‏ابعد عن اللي ما ينومس جنابه

.....

رد: فوق هام السحب ( الشعر الشعبي) على متن القوافي
 

‏راع الوفاء نفرح بشوفه ولقياه
‏طيبه رياجيل المعرفه تعده

‏وراع الرداء يا سعد عيني بفرقاه
‏لا صار فعله لرديه يحده

.....

رد: فوق هام السحب ( الشعر الشعبي) على متن القوافي
 

‏عشتك كتاب وتايهٍ في فصولك
‏تعبت افهرس في صفاتك واعدّك

‏لو كان لي حظٍ يجود وينولك
‏ما ماتت اشواقي على اسوار حدك

‏باقي على ذكراك وارقب وصولك
‏عسى الدروب تزلّ يوم وتردّك

.....

رد: فوق هام السحب ( الشعر الشعبي) على متن القوافي
 

‏الذنُوب اكثار والخاطر هزيل
‏والأجر مطلُوب والدنيا رحى

‏العمر يمشي مثل عابر سبيل
‏والقِدَر ما ميّز اكبار اللحى
‏
‏البخيل اللي نسى نفسه بخيل
‏ماتصدق عن مفاصله و وحى

‏ركعتينٍ قبل ما ظلك يميل
‏اطلب التوبه وقم صل الضحى

.....

رد: فوق هام السحب ( الشعر الشعبي) على متن القوافي
 

‏مافي يدي جنه ولا في يدي نار
‏وشلون ابغفر ذنبك اللي جنيته

‏تعبت ادور لك عذر بين الاعذار
‏لكنّ عذراً يقبلك ما لقيته

.....

رد: فوق هام السحب ( الشعر الشعبي) على متن القوافي
 

‏من لا يداري خاطرك لا تداريه
‏بعض المدارى للخواطر مذله

‏كم واحد تتعب على شان ترضيه
‏ويصير ظنك فيه ماهو محله

‏والصحبه اللي من وراها مشاريه
‏احظر تجامل صحبته رح وخله

‏عليك باللي كل ماحل طاريه
‏كلمة نعم تنساقله وتحصله

.....

رد: فوق هام السحب ( الشعر الشعبي) على متن القوافي
 

‏والله إني في المحبه مشتريك
‏خل قلبي يآخذ إلي ماخذا

‏أعشقك وأغليك وأحبك وأبيك
‏ايش تبي أقول أكثر من كذا

.....

رد: فوق هام السحب ( الشعر الشعبي) على متن القوافي
 

إن دعاك الحب في شوق وعناق
‏أرمي الماضي على ليلٍ شنيع

‏وإن تفارقنا قبل يوم الفراق
‏أبكي بشرهة على الحب الوديع

.....

رد: فوق هام السحب ( الشعر الشعبي) على متن القوافي
 

‏عليك الامان اظهر تراني من التفكير
‏تعبت اكتب الابيات وتروح دون اسمي

‏انا فاقدك بالحيل واتعبني التغيير
‏من حسابي الوهمي إلى حسابي الرسمي

.....

رد: فوق هام السحب ( الشعر الشعبي) على متن القوافي
 

‏لا تقارن مع قصير الشبر شبرك
‏ولا تنازل عن شيمك ولا تراجع

‏ولا تواضع للوضيع يضيع قدرك
‏منت مجبورٍ على بعض التواضع

.....

رد: فوق هام السحب ( الشعر الشعبي) على متن القوافي
 

‏ترى الجمايل في بطون المجانين
‏أخير منها في بطون الصحاحي

‏على الأقل لو أنكروا فعلك الزين
‏لك عذر ماتشره على غير صاحي

.....

رد: فوق هام السحب ( الشعر الشعبي) على متن القوافي
 

‏راعي الردى لا تجبرونه على الطيب
‏العبد ماله غير ما الله كتب له

‏أشهد شهادة حق مدح الردي عيب
‏مثل الصلاة اللي على غير قبله

.....

رد: فوق هام السحب ( الشعر الشعبي) على متن القوافي
 

‏اليوم كلَّ علينا يفلت لسانه
‏ومن الكلام العوج لا تآمن الأبلم

‏مبادي الناس والأخلاق خربانه
‏نمشي بجنب الجدار وليتنا نسلم

.....

رد: فوق هام السحب ( الشعر الشعبي) على متن القوافي
 

‏مقام الفتى في منصب العز ساعه
‏ولا ألف عامٍ يصحب الذل جانبه

‏ترى العز لو فالنار زينٍ على الفتى
‏والذل لو بالخلد مازان صاحبه

.....

رد: فوق هام السحب ( الشعر الشعبي) على متن القوافي
 

‏ما شبعنا غير من أكل القهر
‏ولا روينا غير من هل من مزيد

‏حسبي الله فيك يالوقت الغبر
‏تضرب الطيب بيدٍ من حديد

.....

رد: فوق هام السحب ( الشعر الشعبي) على متن القوافي
 

حي من يطري على البال ذكراه
حي من يملك بساتين الموده

عندي أمل والأمل دوم بالله
الحي يشوف الحي لو بعد مده

.....

رد: فوق هام السحب ( الشعر الشعبي) على متن القوافي
 

‏اللي زعل من دون سبه وانا اخوك
‏يضرب براسه لين يسمح ويرضى

‏لو ترضي مبارك زعل منك متروك
‏هذا زمن فيه اكثر الناس مرضى

.....

رد: فوق هام السحب ( الشعر الشعبي) على متن القوافي
 

‏يالله تجعل في نعيمك خلاصي
‏لاوقفو كل الخلايق على جنب
‏
‏انا صحيح اني فعلت المعاصي
‏لاكنّي افعلها وانا احس بالذنب

.....

رد: فوق هام السحب ( الشعر الشعبي) على متن القوافي
 

‏ياشين هرج الناس بالقال والقيل
‏اللي يخلون الصغيره كبيره

‏اللي يجيبون السوالف تهاويل
‏منافقه بين القصير وقصيره

.....